الرئيسية / أنظمة غذائية / تحدي “دايت كلينيك” لنسف الدهون .. الأسبوع الأول

تحدي “دايت كلينيك” لنسف الدهون .. الأسبوع الأول

السلام عليكم ورحمة الله وبركاته، مرحباً بكل المتابعين الأعزاء، ياريت قبل ما تقرأو نظام التحدي، تدخلوا قسم قصص النجاح في التطبيق لسبب بسيط، علشان تعرفوا إن في كتير بفضل الله ثم الأنظمة اللي بقولها على التطبيق، قدروا يتخصلوا من وزن كبير، بطريقة صحية وآمنة الحمد لله، وده شئ أكيد هيشجعكم ويأكد لكم إن وصولكم للوزن المثالي أمر سهل ومش محتاج سوى قليل من الإلتزام والإرادة.

أنا قررت إننا كلنا نكون ماشيين على نظام واحد، علشان منتلغبطش، ياريت بكره الصبح قبل الفطار، تاخدوا نفس عميق وتطعلوه للآخر وبعد كده تقيسوا محيط البطن من عند السُرة، بمازورة أو أو خيط أوي حاجة تقدروا تحددوا بيها محيط بطنكم، علشان كمان أسبوع تعملوا الموضوع ده تاني وتقارنوا ما بين أول الأسبوع وآخر الأسبوع وشوفوا محيط البطن نزل أد إيه.

أنا هكتب النهاردة نظام أول يومين .. يعني الأحد 30-9 والإثنين 1-10 ويوم الإثنين بالليل هكتب نظام اليوم اللي عليه الدور، أول يومين سهلين جداً وكلكم إن شاء الله هتقدروا تمشوا على النظام بالظبط بدون أي تقصير.

أول ما نصحى من النوم، هندوب ملعقة عسل أبيض (عسل النحل) في كوب ماء دافئ، ونشربها.

 

وجبة الفطار في اليومين:- يمكنك الإختيار بين  الآتي:-

  • 200 جرام جبنة قريش أو 100 جرام جبنة فيتا أو أي نوع جبنة خالية الدسم + نصف رغيف خبز
  • 2 بيضة مسلوقة + نصف رغيف عيش

بعد الفطار بساعتين تناولي ثمرة فاكهة.

وجبة الغداء .. يمكن تناول أياً من الآتي:-

  • نصف رغيف عيش + 2 بيضة مسلوقة
  • نصف رغيف عيش + علبة تونة بدون زيت
  • 5 ملاعق أرز أو مكرونة مسلوقة + ربع فرخة مسلوقة أو مشوية
  • 5 ملاعق أرز أو مكرونة مسلوقة + شريحتين لحمة مسلوقة أو مشوية
  • ربع كيلو كفتة دايت + نصف رغيف عيش
  • 2 سمكة مشوية + 5 ملاعق أرز

مع وجبة الغداء طبق السلطة عليه ملعقة زيت زيتون يحتوي على ( الطماطم والـبصل والخيار والجزر ) بالإضافة إلى طبق صغير من الخضروات المطبوخة بدون زيت أو سمن مثل (البامية والفاصوليا واللوبيا).

وجبة العشاء خلال اليومين:-


( كوب زبادي لايت ) + ( ثمرة فاكهة ) مثل الـ جوافة أو التفاح

  • إذا شعرت بالجوع على مدار اليوم تناولي الخيار أو الخس
  • لا تنسي شرب كمية كبيرة من الماء يومياً.

خطة اليوم الثالث

قبل الفطار:- تناولي كوب من الماء الدافئ مذاب فيه ملعقة واحدة من العسل الأبيض.

 

أما بالنسبة لوجبة الفطار يمكنك تناول:-

  • 2 كوب زبادي + ثمرة خيار
  • أو ربع كيلو جبنة قريش مضاف لها ملعقة زيت زيتون

بين الفطار والغداء:-

تناولي:- كوب من الحليب خالي الدسم

أما بالنسبة لوجبة الغداء، يمكنك الإختيار من الآتي:-

  • 2 بيضة مسلوقة
  • أو علبة تونة بدون زيت
  • أو ربع فرخة مسلوقة
  • أو ربع كيلو جبنة قليلة الدسم

مع وجبة الغداء:- طبق سلطة خضراء + طبق خضار مسلوقة

أما بالنسبة لوجبة العشاء:- كوب زبادي مضاف ليها عصير ليمونة كاملة.

خطة اليوم الرابع

قبل الفطار .. كوب ماء دافئ مضاف إليه ملعقة من عسل النحل (العسل الأبيض)

وجبة الفطار، يمكنك تناول أياً من الآتي:-

  • 2 كوب زبادي لايت + ثمرة خيار أو أي ثمرة خضار متوفرة
  • أو 150 جرام جبنة فيتا (جبنة قليلة الدسم) + ملعقة من زيت الزيتون.

بعد الفطار بساعتين:- تناولي كوب حليب خالي الدسم.

 

بالنسبة لوجبة الغداء، يمكنك الإختيار من الآتي:-

  • 2 بيضة مقلية بزيت الزيتون
  • أو ربع كيلو جبنة قريش أو أي جبنة قليلة الدسم
  • أو 2 بيضة مسلوقة
  • أو ربع فرخة مشوية أو مسلوقة
  • أو ربع كيلو كفتة مشوية (دايت)
  • أو 2 سمكة مشوية
  • أو علبة تونة بدون زيت 
  • أو شريحتين لحمة مسلوقة

مع وجبة الغداء .. تناولي طبق سلطة وطبق خضار مسلوقة

بالنسبة لوجبة العشاء:- ( 2 كوب زبادي + ثمرة خيار)

إذا شعرت بالجوع في أي وقت من اليوم .. تناولي الخيار.
إحرصي على شرب من 8 : 12 كوب من الماء يومياً.

خطة اليوم الخامس والسادس

اليوم الخامس والسادس هيكون النظام فيهم نفس نظام اليوم الرابع، معلش أنا عارف إن النظام صعب اليومين دول لكن إن شاء الله هتلاقوا نتيجة جميلة جداً، أهم شئ الإلتزام وعدم الإستسلام، مهما حصل.

  • يمكنك عند الشعور بالجوع في اليوم السادس من التحدي تناول ثمرة فاكهة.
  • الرجاء الحرص على تناول مشروب الماء الدافئ والعسل الأبيض.
  • لا تهملي تناول الخيار على مدار اليوم.
  • الماء بكثرة على مدار اليوم أمر ضروري جداً جداً.
  • بكره إن شاء الله هنزل لكم خطة اليوم السابع من التحدي، واللي هيكون اليوم الفري إن شاء الله.

خطة اليوم السابع “اليوم الفري”

إضغطوا على كلمة “هنا” الموجودة بين القوسين (هنا) هتلاقوا تسجيل صوتي فيه خطة اليوم الفري، وبكده يكون أول أسبوع إنتهى، تابعونا وبكره إن شاء الله هنزل تفاصيل التحدي الجديد، علشان لو مكنتيش إلتزمتي أول أسبوع تاخدي بالك في الأسبو التاني، ولو لسه مبدأتيش تبدأي.

عن د/ أحمد منصور

77 تعليق

  1. ان شاءالله مكملين وملتزمين معاك يا دكتور

  2. اسراء فلسطين💜

    انا مستعدة بكل ارادتي والتزامي لالتزام بهاد البرنامج
    واسال الله الثبات وانقصاص خلال اسبوع 4 كيلو
    اشكرك استاذ على الدعم والمجهود الكبير الذي تبذلة لاجلنا

  3. اسراء فلسطين💜

    دكتور هل يمكن ان تحدثنا على النشاطات الرياضية
    انا التزم بالتمارين الموجودة بالتطبيق هل هي كافية؟
    وما الفرق بين تمارين انقاص الوزن وبين تمرين شد الجسم
    الرجاء ان تجيبني
    واشكرك مرة اخرى

  4. عاوزة اعرف الريجيم دا ينفع للي عندهم سكر

    • د/ أحمد منصور

      لازم استشارة الطبيب المعالج لحضرتك أولاً

      هو الأجدر بتقييم حالتك وهل يناسبك هذا الرجيم أو لا

  5. ام التقيات

    يسلمو المجايب

  6. زينب من مصر

    ان شاء معاكم

  7. غير معروف

    ان شاء الله معكم في التحدي

  8. ام صلوحي

    دكتور انا باخذ حبوب الحديد عشان دمي 10 ينفع ادخل معاكم في التحدي

  9. غير معروف

    معاكم انشاء الله في التحدي

  10. غير معروف

    بدي اسالك دكتور بصير اكل مع السمك المشوي خبز بدل الرز يعني نص رغيف عيش
    و ممكن اكل جنب الجبنه القريش أو جنب البيض المسلوق والخبز خيار 🥒 وطماطم يعني شويه خضارعلى الاكل مشان مايصير معي امساك لأن انا كنت متابعة ريجيم 7 ايام وصابني امساك فياريت ترد عليه يادكتور كوبايه الشاي مسموح بيها ولا لأ ياريت التوضيح وشكرا لحضرتك

  11. غير معروف

    دكتور بأثر شي على الريجيم إذا الواحد تأخر في الوجبات لاني انا لا استطيع ان اكل الصبح بكير يعني ممكن الفطور الساعه 12ونص مثلا ولا مش ممكن ارجو منك التوضيح لاني بدي اشترك معك بالتحدي وابدأ ريجيم

    • د/ أحمد منصور

      لو مش متاح غير كده خلاص مفيش مشكلة

      توكلي على الله وابدأي معانا

  12. ربي يقدرنا ونكمل انشاء الله شكرا كثير دكتور

  13. سماح محمد

    حبدا معاكم بإذن الله بكرة

  14. ام عبد المجيد

    سلام دكتور انا مرئه مرضعه وحابه ريجيم سريع هل هذا ممكن

  15. ام منتصر

    ممکن الفطار فاکهه وحلیب خالد الدسم احنا بالجزایر ما نحب البیض عالفطور وانا شخصیا توجعنی المعده منهم

  16. شكرا لك لى مجهودك انا من الجزائر ومافي جبنة قريش بماذا استبدلها من فضلك؟

  17. اكيد اقبل التحدي يادكتور

  18. غير معروف

    دكتور ممكن الجبنه والحليب يكونوا قليل الدسم مش خالي الدسم لأن مش عم لاقي خالي الدسم عندي في مشكله بهالشي ياريت تقولي ازا هادا الشي مابصير مشان ما اكل منهن أثناء الريجيم

  19. غير معروف

    معاكم حتى نخس

  20. ام منتصر

    نحنا بالجزایر لفطور یکون من ٧ الی ٨ صباحاً والغدا یکون من ١٢ لی ١ ظهرا والعشا من ٧ الی ٩ لیلا المده بین العشا والغدا طویله ممکن تکون وجبه خفیفه بینهم وشو ممکن یکون فیها

  21. ام صلوحي

    دكتور انا متعودة نشرب كوبايتين ميا مع عصرة ليمون على الريق نستمر عليها مع التحدي ولا ما ينفعش …وممكن 3 حبات تمر بدل العسل ..وشكرا

    • د/ أحمد منصور

      استمري مفيش مشكلة

      لا غنى عن العسل الابيض في الصباح

  22. بسم لله توكلنا على الله 💪💪

  23. احنا مكملين

  24. اسراء فلسطين💜

    ابدات يومي بكاسة ماء ساخن
    وبعدة بعشر دقائق كأس زنجبيل مع العسل
    افطرت بيضتان مع ربع رغيف خبز
    الساعة 10 قمت بممارسة الرياضة لمدة 45 دقيقة
    تغذيت 5 معالق مجدرة مع شريحتن صدر الجاج وبجانبة سلطة مكونة من الخيار والبندورة والبصل والجزر .
    وفي المساء سوف اكل تفاحة
    اسال الله الثبات
    وشكرا

  25. غير معروف

    رجيم رائع ان شاء الله نلتازموا ونلقاو نتيجة مرضية

  26. اسراء فلسطين💜

    دكتور وين باقي النظام؟

  27. اسراء فلسطين💜

    ينفع وجبة الغذاء بكرا شقفتين صدر جاج وسلطة

  28. يعني اليوم الثالت يقل مستوى النشويات ؟؟!

  29. رحمه وليد

    شكرا ليك يا دكتور وجزاك الله خيرا ..
    بس ممكن اعرف حبوب منع الحمل تكون هرمونتها قليله ..لانها بتخني .في وجبه السناكس مش بحب الفاكهة ممكن فشار دايت ..

  30. تمام اليوم التانى باذن الله بس انا مقدرش استغنى عن النسكافيه الصبح بعمله بلبن خالى الدسم ومعلفه سكر دايت ممكن اخدها ازاى..وكمانلو عايزه ادخل البلح علشان انا عندى امساك مش السكر الكتير في البلح هيلخبط الدنيا فى الكالورىز وممكن التمر الجاف او الزبيب مكان البلح الطازه..

    • د/ أحمد منصور

      يكفي ثمرة أو اتنين من البلح .. أوقات الإمساك وليس يومياً

  31. انا معاك يا دكتور وانشاء الله نكمل وتكون نتيجة حلوة

  32. تم

  33. اول مرة اعمل رجيم ونفسيا مرتاحة مش على اعصابى شكرا دكتور

  34. سماح محمد

    إنشاء الله مكملين بس أنا مشكلتي في محيط الخصر وزن وكرش ونقص فيتامين D والحديد

  35. انشالله اقدر اكمل

  36. ممكن يادكتور مع الفطار اشرب كوب شاي عشان مافدر استغنى عنى

  37. سماح محمد

    فطرت علبتين زبادي وتغديت سلاطة خضرا وخضار مشوية وصدر دجاج مسلوق وخذت تفاحة كوب عصير مانجا فريش بدون سكر وملعقة كبدة دجاج

  38. غير معروف

    ينفع النظام ده في الصيام

  39. يادكتور الفطار معه نصف رغيف خبز لان انت مش كاتب حاجة

  40. السلام عليكم ورحمة الله وبركاته .انا ملتزمه الحمد لله.بس انا بعت لحضرتك امس معرفش شفت سؤالى ولا لا.اعمل ايه لو حسيت انى دايخه او مهبطه من قلة السكريات مع العلم انى معنديش مرض السكر..وبارك الله فى حضرتك

    • د/ أحمد منصور

      وعليكم السلام ورحمة الله وبركاته

      كلي فواكه وخضار على مدار اليوم

  41. طيب ينفع اكل رمان واحده

  42. ام منتصر

    دکتور انا نفطر ٢کوب زبادی مع شوفان واتغدی خضار مطبوخه ومرحیه مع شریحه اسکالوب او سمک واتعشی کوب زبادی مع ثمره تفاح واشرب شای بدون سکر لکن انا متاخره عنکم عندی یومین دایت

  43. ام منتصر

    السلام علیکم دکتور ممکن وجبه خفیفه بین الغدا والعشا لانو فرق الوقت بینهم طویل حوالی سبع ساعات ونصف وشو ممکن اکل جاوبنی من فضلک وعم یصیر معی هبوط فی السکر شو بعمل ممکن اکل شوکولاطه سودا

  44. سيف الدين

    انا برضع وبجوع جدا ووزني 88 كيلو

    • د/ أحمد منصور

      تابعي معانا في رجيم المرضعات الموجود على التطبيق في قسم الأنظمة الغذائية

  45. دكتور انا معك بالتحدي صارلي 6ايام بنفع اني اكل يخنة الفاصوليا بيضا بدون ارز مع صحن سلطه بدل الموجود في وجبة الغذاء

  46. اقدر استمر ع النظام ما في مشكله

  47. غير معروف

    ان شاء الله هبداء من انهاردة

  48. غير معروف

    انا ممكن واكيد اعمل الدايت ده بس انا بجوع بليل بشكل غبي انا بتعشي زبادي دايت علبه صغيره واثنين ثمرة فاكهه اوقات كثيره لا اشبع منهم فبزود ثمره كمان اوبطاطه مشويه اوقطعة جبنه قريش انا بسهر لوقت متأخرانا عرفه ان ده من اسباب الجوع ولكن ظروفي كده شكرا

  49. هاجر هاجر

    مرحبا دكتور انه مشتركه جديده كلش عجبني هذا البرنامج انه ورني 67اريد انزل 54بس ما اعرف شسوي ساعدني دكتور

  50. في احد نحف

  51. Sweet blog! I found it while browsing on Yahoo News. Do you have any suggestions on how
    to get listed in Yahoo News? I’ve been trying for a while but I never seem
    to get there! Cheers

اترك تعليقاً

لن يتم نشر عنوان بريدك الإلكتروني.