الرئيسية / أنظمة غذائية / رجيم دكتور أحمد منصور ” جديد ” يبدأ السبت 6 يوليو وينتهي الجمعة 12 يوليو

رجيم دكتور أحمد منصور ” جديد ” يبدأ السبت 6 يوليو وينتهي الجمعة 12 يوليو

الرجيم السريع عمره ما هيكون صحي، الرجيم اللي فيه حرمان لفترة طويلة مقلق جداً علشان هيساعدك تخسي لكن بعد ما توصلي للوزن اللي نفسك فيه، مجرد ما ترجعي تأكلي من اللي كنتي محرومة منه، هتلاقي نفسك وزنك زاد وكأنك معملتيش رجيم وكل تعبك راح على الفاضي.

إحنا في دايت كلينيك بننظم أكلك فقط، كميات معتدلة وأنواع صحية موجودة في بيوتنا كلنا، لكن بنصيغها بالطريقة اللي تسمح لك وزنك ينزل بمعدل آمن وكمان في وقت قياسي.

لو أنتي جديدة معانا إبدأي من اليوم اللي حملتي فيه التطبيق، ولو شاركتي قبل كده في رجيم دايت كلينيك، كملي ومتستسلميش، الحياة بشكل عام مع الرجيم والأكل الصحي أفضل بكتير، بغض النظر عن الشكل المثالي اللي المفروض يكون حافز كبير ليكي إنك تلتزمي لحد ما توصلي ليه.

أفضل وقت تاكلي فيه العسل الأبيض على الريق، تبدأي يومك بحاجة فيها فيتامينات ومعادن وتعطيكي طاقة تبدأي بيها يومك، علشان كده معلقة عسل أبيض ” عسل النحل الطبيعي ” على كوب ماء دافئ أنصحك بيها بشدة يومياً.

شرب الماء طول اليوم أمر مهم جداً، علشان نضارة بشرتك ومعدل حرقك، وهيساعدك تتخلصي من السموم اللي في جسمك، ولو شربتي قبل الأكل مياه هيفرق معاكي جداً إنه يقلل شهيتك.

السكر المسموح ليكي هذا الأسبوع يومياً .. 

معلقة واحدة لو عاملة رجيم من زمان ..

3 معالق لو أول مرة تعملي رجيم ..

 

الملح يومياً ميزدش عن معلقة ممسوحة ” رشة ملح صغيرة ”

الدورة الشهرية تزود الوزن من 1 كيلو إلى 5 كيلو .. علشان كده مينفعش تتوزني طول ماهي موجودة

عند الشعور بالجوع في أي وقت من اليوم 

تقدري تأكلي خس أو خيار

أو

كوب حليب خالي الدسم

 

 

تقدري تبدلي ربع رغيف عيش بلدي بـ واحد توست بني أو نصف رغيف عيش سن.

الحليب في النظام ” خالي الدسم ” .. وتقدري تاخدي نصف كوب كامل الدسم بدل كوب ” خالي “.

كوب الزبادي يكون لايت .. ووزنه في حدود الـ 100 جرام.

 

 

أنواع الخضار المسموح بيه الأسبوع ده:-

 

  • بامية
  • بروكلي
  • خرشوف
  • كوسة
  • سبانخ
  • فاصوليا خضراء
  • ملوخية

 

يفضل طبق الخضار يتطبخ بمعلقة زيت زيتون واحدة مش أكتر من كده أو زيت ذرة.

 

طبق السلطة يكون فيه أنواع خضار مختلفة قدر الإمكان علشان صحتك .. 

  • طماطم
  • خس
  • خيار
  • قتة
  • جزر
  • فلفل
  • بصل
  • ليمون

 

ومعلقة زيت زيتون لو مش هتستخدميها في تحضير طبق الخضار .. ضيفيها على طبق السلطة.

 

 

العشاء الأسبوع ده طول السبع أيام

كوب زبادي لايت عليه نصف معلقة بذر كتان مطحونة ..

ممنوع على الحوامل واللي بيرضعوا طبيعي

 

وإختيارات العشاء الأخرى غير الزبادي وبذر الكتان .. هي:-

  • زبادي + ثمرة خيار
  • كوب لبن رائب
  • كوب حليب + معلقة قرفة
  • كوب زبادي معصور عليه ليمونة .. ” مسموح فقط خلال 3 أيام في الأسبوع “.
  • بيضة مسلوقة + خس

 

سناك 2 هذا الأسبوع 

الوجبة الخفيفة الأسبوع ده بين الغداء والعشاء .. هتكون خضار

ممكن تعملي طبق سلطة كبير في الغداء وتأكلي نصفه في الغداء والنص الباقي بين الغداء والعشاء

 

أو

تكون ثمرة خيار + ثمرة جزر + خس

 

 

الرجيم مناسب لوزن بين 60 كيلو وحتى 100 كيلو .. 

أعلى من 100 كيلو .. الفطار يكون بنصف رغيف عيش في حالة إن الفطار أصلاً مكتوب فيه عيش.

 

الرجيم غير مناسب لمرضى السكر والضغط والحوامل والمرضعات.

 

المرضعات فقط اللي أطفالهم أكبر من 4 شهور وبدأوا يأكلوا .. يقدروا يتبعوا الرجيم مع الحرص إن يومياً يكون في 3 أكواب حليب خالي الدسم أو كوب ونصف حليب كامل الدسم + يومياً 3 ثمرات فاكهة + 10 حبات فول سوداني أو 3 حبات مكسرات من أي نوع، أي فطار يكون بنصف رغيف.

 

نظام اليوم الأول والثاني

 

الفطار

 

8 قطع بسكوت سادة من أي نوع + كوب شاي

أو

2 قطعة بسكوت دايجستف سادة + كوب حليب

أو

3 معالق فول + ربع رغيف عيش + ثمرة طماطم

أو

2 بيضة مسلوقة + ربع رغيف عيش + ثمرة خيار

أو

كوب حليب + نصف كوب كورن فلكس أو شوفان

أو

ثمرة بطاطس مسلوقة + بيضة مسلوقة + بقدونس + ثمرة طماطم

أو

125 جرام جبنة قريش + ربع رغيف عيش + ثمرة طماطم + ثمرة خيار

 

 

سناك 1

بين الفطار والغداء

 

ثمرة فاكهة

 

الغداء

 

ربع فرخة مشوية أو مسلوقة

أو

ربع أرنب مشوي أو مسلوق

أو

ربع كيلو كبدة مشوي أو بأي طريقة دايت

أو

ربع كيلو سمك مشوي ” أي نوع ”

أو

علبة تونة بدون زيت

أو

علبة سردين بدون زيت

أو

ربع كيلو لحمة مشوية أو مسلوقة

أو

طبق لوبيا متوسط الحجم

أو

طبق عدس متوسط الحجم

أو

طبق فاصوليا بيضاء ” متوسط الحجم ”

 

+

3 معالق أرز أو 4 مكرونة أو ربع رغيف عيش

+ طبق سلطة

+ طبق خضار دايت ” كوسة – بامية – فاصوليا خضراء ”

 

تنويه .. طبق الخضار غير مسموح بيه في حالة إنك هتتغدى رز وعدس أو رز ولوبيا أو رز وفاصوليا بيضاء.

 

سناك 2 والعشاء .. قولنا فوق هنعمل فيهم إيه .. ودول ثابتين معانا طول الأسبوع، والمرضعات يقدروا في سناك 2 ياخدوا لبن عادي ومكسرات زي ما اتفقنا أو فاكهة.

 

 

 

نظام اليوم الثالث والرابع 

 

الفطار

 

بيضة مسلوقة + كوب حليب

أو

125 جرام جبنة قريش + بيضة مسلوقة

أو

2 بيضة مسلوقة + ثمرة خيار أو خس

أو

ربع كيلو جبنة قريش + ثمرة خيار أو خس

 

 

سناك 1

ثمرتين فاكهة

 

 

الغداء

 

ربع كيلو سمك مشوي

أو

علبة تونة بدون زيت

أو

ربع كيلو جمبري مشوي أو مسلوق

أو

ربع فرخة مسلوقة ” من الصدر ” بدون دهون الصدر ” الجلد يعني ”

أو

2 بيضة مسلوقة

أو

ربع كيلو جبنة قريش

أو

ربع كيلو لحمة مسلوقة

 

 

+ 3 معالق أرز أو 4 معالق مكرونة أو ربع رغيف عيش

+ كوب خضار مطبوخ دايت بمعلقة زيت واحدة على الأكثر ” بامية – كوسة – سبانخ ”

 

كوب مش طبق 

 

 

 

نظام اليوم الخامس 

 

الفطار

 

علبة زبادي + توست بني

أو

8 قطع بسكوت سادة من أي نوع + كوب شاي

أو

2 قطعة بسكوت دايجستف سادة + كوب حليب

أو

3 معالق فول + ربع رغيف عيش + ثمرة طماطم

أو

2 بيضة مسلوقة + ربع رغيف عيش + ثمرة خيار

أو

كوب حليب + نصف كوب كورن فلكس أو شوفان

أو

ثمرة بطاطس مسلوقة + بيضة مسلوقة + بقدونس + ثمرة طماطم

أو

125 جرام جبنة قريش + ربع رغيف عيش + ثمرة طماطم + ثمرة خيار

 

 

سناك 1

6 حبات لوز

أو

3 حبات مكسرات من أي نوع آخر

أو

10 حبات فول سوداني

أو

ثمرة فاكهة

 

 

الغداء

 

ربع فرخة مشوية أو مسلوقة

أو

ربع كيلو لحمة مسلوقة

أو

ربع كيلو سمك مشوي

أو

ربع كيلو كبدة مشوية أو إسكندراني ” دايت ”

أو

2 بيضة مسلوقة

أو

ربع كيلو جبنن قريش

أو

علبة تونة بدون زيت

أو

علبة سردين بدون زيت

 

 

 

+ طبق سلطة

+ كوب خضار دايت

 

 

نظام اليوم السادس

 

الفطار

3 ثمرات فاكهة

أو

ثمرة فاكهة + كوب زبادي

 

سناك 1

بيضة مسلوقة + ثمرة خيار

أو

كوب حليب

 

 

الغداء

 

ربع فرخة مشوية أو مسلوقة

أو

ربع كيلو سمك مشوي

أو

2 بيضة مسلوقة أو مقلية بنقطة زيت

أو

ربع كيلو جبنة قريش

أو

علبة تونة بدون زيت

أو

ربع كيلو جمبري مسلوق

أو

ربع كيلو لحمة مشوية أو مسلوقة

+

3 معالق أرز أو 4 مكرونة أو ربع رغيف عيش

+ طبق سلطة

+ كوب خضار مطبوخ دايت .. ” سبانخ – بامية – كوسة ”

 

أو

3 معالق أرز + طبق عدس متوسط الحجم + طبق سلطة

أو

3 معالق أرز + طبق لوبيا متوسط الحجم + طبق سلطة

أو

3 معالق أرز + طبق بسلطة متوسط الحجم + طبق سلطة

 

 

 

نظام اليوم السابع 

 

فري ..

نظام اليوم الفري هتلاقيه بالضفط على كلمة هنا الموجودة بين القوسين ( هنا ).

 

 

الميزان يكون في صباح اليوم السادس أو صباح اليوم الفري ..

مع الأخذ في الإعتبار إن معدل النزول لو كان كيلو واحد أسبوعياً أو 4 كيلو شهرياً .. كده معدل مثالي وآمن جداً.

 

يفضل ممارسة الرياضة لو حتى المشي في المنزل لمدة نصف ساعة يومياً ..

 

الشاي الأخضر مهم جداً نشرب منه يومياً ..

القهوة السادة ممتازة في رفع معدل الحرق ..

 

 

 

وزني ثابت مع إني ملتزمة .. تعرفي على التفاصيل من ( هنا )

 

لا تنسوني من صالح دعائكم 

عن د/ أحمد منصور

72 تعليق

  1. ربنا يجزيك خير

  2. يادكتور ربنايباركلك يارب اناكنت ١١١بقيت ٩٨الفضل ثم لحضرتك دايماحاسه بفرق كبير ف المقاسات وكمان بمشي ٣ايام ف الاسبوع ساعتين كل يوم

  3. ام فاطمه من العراق

    يادكتور اني ماشيه ع نظام الي من شهر رجب وبعد العيد انكسرت الاراده عندي لأسباب صحيه ونفسيه كنت نازله معاكم من ١١٣ إلى ٩٩ وهسه رجعت ١٠٣ اريد ارجع بس ماعرف نفسيتي محطمه لدرجه كبيره ساعدوني😓

    • مامة جنى👶🏻

      خسارة انك ترجعي تاني ما شاء الله حققتي انجاز حلو استجمعي قوتك وارادتك وعزيمتك وابدأي تاني كلنا بتجيلنا فترة زهق لكن ما تستسلميش واتشجعي غيري روتين يومك دوري على وصفات اكل جديدة غير اللي انتي متعوده عليها اشغلي نفسك بحاجه جديدة زي مثلا شغل كروشيه رسم او اعمال فنيه حفظ قرآن مع مجموعه ……..
      وبصي على نفسك في المرايه وخدي وعد على نفسك انك مش هترجعي تاني لوزنك سابق وتوكلي على الله وابدأي بالتوفيق يارب 🤗😊⚘

    • غير معروف

      انا كنت زيك 105 والحمد لله نزلت زيك وساعات باضعف لكن لما اشوف شكلي قد ايه اتغير بابقي عايزه اكون اقوي
      يالا نشجع بعض ومنزل اكتر واكتر واكتر
      يالا يالا 🤸🤸🤸🤸🙋🙋🙋🚴🚴🚴

  4. عبير الشام

    الله يقويك ويعطيك ليرضيك

  5. راح اتبع هل رجيم عجبني😅عمري ١٦ ووزني ٩٩ ردت اسوي عمليه تصغير معده طولي ١٥٢

  6. غير معروف

    شكرا دكتور

  7. غير معروف

    هو ده صيام متقطع يا دكتور يعني اخر وجبه تكون قبل النوم باد ايه

  8. فاديا البيطار

    تسلم ايدك وجزاك الله كل خير
    دكتور لو سمحت لو كان معدل النزول اسبوعيا من 500 g ال 700 g
    يبقى دا شيء طبيعي مع العلم اني ابتديت مع حضرتك 88.5 ودلوقتي 75 بقالي مدة بنزل غرامات فقط والؤال الثاني العمر هل له علاقة ببطء النزول

  9. غير معروف

    دكتور عمري 60 عام كيف لازم يكون دايت لعمري وزني 94 اذاممكن شو اعمل ولكم جزيل الشكر

  10. بقالي 4 اسابيع موقفه و معنديش عزيمه اكمل والنفسيه ف النازل و لقتني زايده 3ك للاسف
    بس ناويه ارجع تاني اكمل معاكم قدامي 20ك لازم ينزلوا 💪💪

  11. غير معروف

    مش قاسى اوى الرچيم ده

  12. محمود نبيل

    مش قاسى شوية الرچيم ده

  13. غير معروف

    ليش الزبادي ممنوع على المرضعات 🤔

  14. محمود نبيل

    يا دكتور انا بشرب قهوة تركى بمعلقتين سكر مرة واحدة غى اليوم ساعات بشرب قهوة على الريحة كمان فيه مشكلة فى كدة ؟؟ انا وزنى ٨٢ وطولى ١٧٦

  15. غير معروف

    انا جديده بل برنامج و انشالله اوصل للوزن الي بدي يا

  16. هاجر هاجر

    مرحبا اني وزني 65 اريد وزني ينزل 56 شلون مع العلم انه صارلي ثلاث ايام مسويه رجيم وانه توني جايبه بس ما ارضع طفلي ثلاث اشهر

  17. سلام دكتور انا بديت معاك النظام وبالاتزام التام من شهر 1 لحد رمضان نزلت من92 ل 68 وفي العيد لخبطت وراحت الارادة لحد اليوم رجعت 5 كيلو كل يوم ابدا رجيم وافشل الحقني يدكتور جاني الملل حتى رجماتك مبقيتشي اطلع عليها نفسيتي تعبانة 😢😢😢😢😢😢😢

  18. غير معروف

    ممكن اعمل صيام متقطع لهاد الاسبوع ؟ياريت اللي بيعرف يجاوبني الله يجزيكم الخير

  19. ام اهداء

    السلام عليكم دكتور ماشاء الله السبوع ده في دلع شديد الاكل مشبع لي اخر يوم جميل ربنا يجزاك خير يا رب انا وزني ف نازل بس بي معدل اقل من البداية بس مبسوطه لانو جد نزول من غير ترهلات من غير دوخه تسلم يا رب

  20. دكتور انا لسه بدئه الاسبوع دا بعد غيااب طويل عن الدايت
    بس انا كنت الاول باخد ادوية للتخسيس مع دكتور
    وكانت بتنزلني جامد بس لقيت الكلية تعبتني فوقفتها واخدت فيتامينات بتساعد علي الحرق وطبعا مش بنفس الطريقة وكنت عاملة دايت في الحالتين ورجعت زت في الوزن بقيت ٨٨ كيلو ان مكانش اكتر بعد ما كنت وصلت ل٧٤
    انا الحمد لله الاسبوع دا نزلت من ٨٨ل٨٣ وطولي ١٥٧

  21. شكرا يا دكتور

  22. غير معروف

    انا جديده وهبتدى من بكره بس سوأل لو خضار(زى السبانخ) مش موجود فى المنطقه الى انا موجده فيها اعمل ايه؟ وجزاك الله كل خير

  23. غير معروف

    ما الفرق بين البسكوبت السادة والديجستيف،؟؟؟؟؟

  24. غير معروف

    دكتور بجد ربنا يجزيك خير سؤال محيرني حضرتك تعبان معانا بدون مقابل ودي حاجه ندرة حقيقي وكل اسبوع نظام جديد لدرجه بقيت اخاف ان حضرتك تنسه تنزل تطبيق الاسبوع اللي بعده ربنا يخليك لينا يارب😍😍 احنا كنا بنروح ندفع مبالغ ع العيادات ومفيش مقابل لكن بفضل الله ثم حضرتك انا حقيقي وصلت لوزن الي بتمنه ولسه مكمله وحقيقي اقسم بالله وحيات ربنا مع حضرتك نزلت 10 كيلو كنت 70 ووصلت 59 بفضل ربنا وتشجيعك لينا هوا اللي وصلني للوزن ده ربنا يخليك يارب لينا 😍😍يارب ولسه مكامله💪❤

  25. فايزة عدنان

    بارك الله فيك ومد الله بعمرك وعافيتك وجزاك الله خيرا

  26. هل يناسب هذا نظام مرضى روماتويد ودهون الكبد نزلت ٥ كيلو وزت ٣ ثم نزلتهم تانى والوقتى ثابت ١٠٠ وقللت نشويات وسكر م صغيره وايام لا وسناك فاكهه لو نظام ده مناسب لى اشارك معكم

  27. غير معروف

    تت

  28. ربنا يجزيك كل خير عنا ريجيمك المتنوع هو الشي يلي رح يخلينا نكمل مع الدايت بكل راحة وكلامك وطريقة نصحك لينا محببانة اكتر في اننا نستمر كدى مش يوم ولا تنين لاء طول العمر على كدى شكرا ليك

  29. انا بدي ابلش بكره الرجييم ادعولي انحف ورزني ٧٣ وطويل ١٥٨

  30. غير معروف

    انا هبدا النهاردة وزنى٨٣ طول ١٦٥ يارب ابقى٧٠ وى انا رضية

  31. جزاك الله كل خير يا دكتور

  32. انا هبدء بكرة ان شاء الله وزني 70 وعاوزة اخس بتاع 12 كيلو ع الاقل ربنا يعيني بقا واقدر التزم واخس

  33. يادكتور بعد اذنك ممكن تعمل بوست يبقى فيه بعض النصايح للحوامل عشان بس الوزن ميزيدش زياده كبيره طالما كده كده مش هينفع نعمل معاكم دايت يبقى ادينا نصايح نتبعها اثناء الحمل عشان الوزن ميزيدش اوى وفى نفس الوقت نقدر ننزل بسهوله بعد الولاده ارجوك يادكتور تساعدنا بليييييز

  34. ربنا يجازيك خير يادكتور

  35. مامة جنى 👶🏻

    الله اكبر عليك ربنا يباركلك ويجعله في ميزان حسناتك
    تنوع في الاكل
    تغيير الانظمه
    تشجيع وصبر علينا
    وعارف نفسيتنا وبتحاول تقوينا
    والله على طول اقول الله يجعله في ميزان حسناتك

  36. غير معروف

    ربنا يبارك في حضرتك ويجعله يارب في ميزان حسناتك ويقويك علينا بس لو سمحت أنا عندي طلب انا عمري 64 سنه وكان وزني 107 واصبح 95 الحمد لله بس ده في 6 شهور بس الالتزام صراحه مش قوي المشكله الان ن الوزن ثابت علما اني مش بعرف امشي كتير عندي تزحزح الفقرات بلضهر افيدني افادك الله اسفه جدا علي الاطاله

  37. الله يبارك فيك يارب العالمين

  38. ربنا يجازيك خير يارب يباركلك

  39. شكرا جدا ممكن اعمل البيض مقلى بمعلقه زيت زيتون بدل المسلوق

  40. امانى شيهاب

    ربنا يخليك يا دكتور… الدكتور الفرفوش رزق 🙈😂😂

  41. انا جديده وده اول اسبوع ليا مع حضرتك انا وزني ١٢٢وطولي ١٦٧ وحاسه اني هاخس مع رجيم حضرتك شكرا ليك

  42. مريم مريم

    جزاك الله خير الجزاءيادكتور حقيقى النظام رائع وسهل جدا

  43. شكرا الك تطبق حلو كنير كامل شامل الله يجازك كل خير

  44. غير معروف

    يعطيك العافية دكتور ..بنفع ابدا فيه من بكرة للدايت ..
    ولو اتبعت على النظام الي انت بتنزله مش ضروري من اول اسبوع ..بس يعني منطقة الارداف بخسو فعلا لو اتبعنا النظام حتى لو ما بلعب رياضة اصلا بكسل بالرياضة كثير ..ياريت ترد علييا دكتور او تنصحني بشو اعمل ..وشكرا كثير الك🌹🌹

  45. شكرا يا دكتور انا كان وزني 105 ومشيت علي النظام الاسبوع اللي فات والحمد لله بوزن النهارده لقيتني 98.5
    يعني نزلت 6.5 كيلو
    وان شاء الله مكمل 🌹🌹🌹

  46. نفسى ابدى بجد لان كل محاولاتى تنتهى بالفشل انشاء الله هبتدى وكل اسبوع هبعت الوزن ارجو الرد

  47. غير معروف

    يادكتور بعد اذنك انا عندي ١٧ سنه ووزني ٨٥ الموضوع ده اذيني نفسيا بجد نفسي انزل لوزن صحابي انزل ل 60 كيلو بتمنا

  48. غير معروف

    شكرا

  49. محتاجه تحفيز

  50. يا دكتور ممكن وسال ملعقة أكل رز يعني ملعقة الطعام العادية

  51. بدأت مع دايت كلينيك من 25/3 كان وزني 85 kg وطولي
    165 cm والحمد لله الآن وزني 67 kg باقي شوية وأوصل المطلوب والمثالي
    النظام أكثر من رائع شفيت من أمراض مثل حرقة المعدة وخفة الوزن خفف آلام الظهر بسبب الديسك يعني خلوا الشكل والوزن على جنب يكفي أنك تخلص من آلام ما كانت تخليني أنام الليل جزاكم الله خيرا واتشجعوا الصحة تاج على رؤوس الأصحاء وشكرا.

  52. عاشقه النوتيلا

    لو سمحت يا دكتور في نظام اسمه الكيتو دايت هل هو صحي

  53. محمد ماهر

    لو سمحت يا دكتور انا عامل رجيم اسمه كيتو نظامه اني أعلى نسبه الدهون عن نسبة البروتين وقلل نسبة كربوهيدرات الاكل كله بالسمنه الحيواني أو زبده غير مملحة او بزيت زيتون ممنوع فيه اكل جبن بأنواعها وممنوع فيه منتجات الألبان الاكل معتمد على دهون وبوتين بس يعني الفطار بيكون بيض مسلوق بالسمنه حيواني الغدا بيكون اي حاجة بروتين بس عليها زيت زيتون والخضار بيتعمل بالسمنه حيواني فهل رجيم ده صحي

  54. غير معروف

    الحمدلله صار شهر من بديت بالرجيم وكان وزني ٩٦ والان ٩٠ يعني سته كيلو .احب اشكر الدكتور على تعاونه معناااا تسلم دكتور ربي يحفظك .وان شاء الله مكمله الرجيم وبأكثر اصرار الى الوصول الى الوزن الطبيعي علما انو طولي ١٧٥

  55. غير معروف

    نظام رائع

  56. اذا سمحت دكتور انا مرضع وطفلتي صار عمرها ٤ اشهر و٣ ايام وزني بعد الاربع شهور من الولادة زاد جدا ….طولي ١٦٠ ووزني صار ٧٩ في مشكلة من اتباع الدايت اللي حضرتك وصفتو وشو بتنصحني

  57. السمك الني في ني عادى ولا لا

  58. لو سمحت يا دكتور عندي إسهال حاد عايزة نظام غذائي لحالتي لإن نظام النهاردة و بكرة كله أكلات تزود الإسهال …. وشكرا

  59. الحمدالله بديت ب ٨٥ والان ٧٧ هل هذا طبيعي ب ٥ اشهر او قليل والالتزام موجود بس النزول بطئ جدا

  60. انا وزني ٥٤ و بدي انزل لل ٤٦ بس بطريقة صحية ازاي؟

  61. علما ان طولي ١٥٨ بس عايزة انزلهم بشهر

اترك تعليقاً

لن يتم نشر عنوان بريدك الإلكتروني.