رجيم يوم الأحد 9 يونيو – المواعيد المثالية لتناول الـ 3 وجبات

كل يوم تحدي جديد، رجيم جديد عايزكم تتعاملوا مع اليوم إنه بمثابة إمتحان لازم تنجحوا فيه، متبصوش للرجيم إنه طريق شاق وطويل وهدفكم محتاج عمر علشان يتحقق.

قسموا هدفكم الكبير، علشان متحسوش بأي معاناه، تخيلي إن مفيش قدامك إلا اليوم ده والرجيم ده، وإتعاملي معاه كحياة أو موت، وهتلاقي في أقرب وقت هدفك بيتحقق في وقت أسرع بكتير من اللي كنتي مخططة ليه.

زي ما إتفقنا مع بعض إن هنزل لكم رجيم كل يوم مستقل ..

ولو أنتي جديدة إبدأي من اليوم اللي عليه الدور ..

ولو لغبطتي في يوم .. إنسيــــــــه تماماً، وفكري إن اللي بعده يعدي كما يجب.

 

الأكل الصحي والرجيم بتاعنا مش متعب، إنتي في البداية بتحسي بشئ من النعاناه، لكن بعد كده الأمر بيكون ممتع ليكي، مع إقتراب وصولك للوزن المثالي، وتحقيق هدفك وكمان لما تلاقي صحتك بتتحسن.

 

رجيم يوم الأحد .. الموافق 9 يونيو 

 

الفطار يمكنك الإختيار من بين

 

  • 2 بيضة مسلوقة + ثمرة خيار
  • أو
  • 125 جرام جبنة قريش + ثمرة خيار

 

سناك 1

 

كوب حليب خالي الدسم

 

 

الغداء

 

يمكنك الإختيار من بين:-

 

  • ربع كيلو كفتة مشوية
  • ربع كيلو كبدة مشوية أو دايت
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • نصف كيلو سمك مشوي
  • ربع فرخة مشوية أو مسلوقة ( يفضل من الصدر )
  • ربع كيلو لحمة مشوية أو مسلوقة
  • ربع كيلو جبنة قريش
  • 2 بيضة مسلوقة

+ طبق سلطة + طبق خضار

 

 

سناك 2

 

كوب حليب خالي الدسم

 

 

العشاء

 

علبة زبادي + ثمرة خيار

 

 


 

حساب السعرات الحرارية في نظام يوم الأحد 

 

قبل الفطار

 

3 تمرات = 60 سعر حراري

 

أو

 

معلقة عسل أبيض = 60 سعر حراري

 

 

الفطار ..

 

 

2 بيضة مسلوقة + ثمرة خيار

 

80 * 2 + 12 = 172 سعر حراري

أو

 

125 جرام جبنة قريش + ثمرة خيار

125 + 12 = 137

 

 

سناك 1

 

كوب حليب خالي الدسم = 80 سعر حراري

 

 

الغداء

 

كبدة مشوية ربع كيلو .. 500 سعر

 

علبة تونة معلبة في الزيت .. 169 سعر حراري

 

ربع كيلو جمبري مشوي .. 225 سعر حراري

 

ربع كيلو أرنب مشوي .. 482 سعر حراري

 

ربع كيلو أرنب مسلوق  .. 485 سعر حراري

 

ربع كيلو فراخ مشوية .. 325 سعر حراري

 

نصف كيلو سمك مشوي .. 700 سعر حراري

 

ربع كيلو جبنة قريش .. 250 سعر حراري

 

2 بيضة مسلوقة .. 160 سعر حراري

 

ربع كيلو لحمة مشوية ” بتلو ” .. 695 سعر حراري

 

 

 

طبق السلطة

 

ثمرة طماطم .. 33 سعر حراري

ثمرة خيار .. 10 سعر حراري

ثمرة جزر .. 41 سعر حراري

ثمرة بصل .. 40 سعر حراري

خس .. 14 سعر حراري

ليمونة .. 29 سعر حراري

 

 

طبق الخضار

 

السعرات الحرارية في 10 معالق بامية = 225 سعر حراري

السعرات الحرارية في 4 أكواب كوسة = 144 سعر حراري

السعرات الحرارية في 10 معالق سبانخ = 175 سعر حراري

السعرات الحرارية في الفاصوليا الخصراء 4 أكواب = 160 سعر حراري

السعرات الحرارية في الملوخية .. 2 كوب كبير .. 132 سعر حراري

 

 

سناك 2

 

كوب حليب خالي الدسم

 

80 سعر حراري

 

 

العشاء كوب زبادي صعير الحجم

70 سعر حراري

 

 

 


 

طيب لو هنصوم صيام مسلمين نعمل إيه ؟

 

اللي مكتوب في وجبة الغداء .. إفطري بيه

 

وإتسحري بالمكتوب في وجبة الفطار

 


لو وزنك فوق الـ 100 كيلو وجعان في أي وقت من اليوم مسموح ليك بتناول الخيار أو الخس في أي وقت.


 

مسموح بمعلقة سكر واحدة في اليوم


المرضعات

يطبقوا النظام في حالة إن الطفل كبير وبدأ ياكل مش إعتماده على الرضاعة فقط، والغداء هيكون بـ 3 معالق أرز أو 4 مكرونة أو ربع رغيف عيش ..


الحوامل ومرضى السكر والضغط .. مينفعش يعملوا رجيم أون لاين، لضرورة المتابعة أول بأول ورصد أي تغيرات صحية


 

مسموح بالشاي والقهوة .. 2 أو تلات أكواب

يعني مثلاً كوباية شاي و 2 قهوة أو العكس

أو

3 أكواب شاي


مسموح بالشاي بلبن ” خالي الدسم ”


مسموح بالنسكافية البلاك


 

شرب المياه 8 أكواب أقل شئ يومياً


 

الشاي الأخضر كويس لرفع الحرق

ونضارة وجهك وأنتي بتعملي رجيم


 

ناكل أمتى فطار وغداء وعشاء

 

براحتك .. قسمي الوجبات الأساسية والسناك على الـساعات اللي أنتي صاحية فيها أو متاح ليكي فيها أكل .. يعني خارج إطار الشغل والدراسة والجامعة

ولو حابة تعرفي المواعيد المثالية فهي كآلاتي ..

 

الفطار بعد نصف ساعة من الإستيقاظ

 

الفطار وقته المثالي 7 صباحاً وميتأخرش عن 10 الصبح

 

الغداء الوقت المثالي 1 إلا ربع الظهر

ميـتأخرش عن 4 العصر

 

العشاء الوقت المثالي 7 مساءً وميتأخرش عن 10 مساءً

 

ويفضل تكون آخر وجبة قبل النوم بــــ 3 ساعات

 


 

 

 

دمتم بخير .. لا تنسوني من صالح دعائكم 

عن د/ أحمد منصور

43 تعليق

  1. غير معروف

    السناك ال بين الوجبات يكون من امته لامته

  2. انا بعمل ريجيم بس حضرتك نزلت للمبتدئين وريجيم تانى اتبع انهى فيهم ولو اخدت وجبة الجبنة مع بطيخ ينفع

  3. د/ أحمد منصور

    بعد الوجبة بساعتين

  4. غير معروف

    الله يعطيك العافية دكتور

  5. د/ أحمد منصور

    رجيم المبتدئين للناس اللي أول مة يعملوا رجيم في حياتهم وصعب عليهم يطبقوا رجيم دايت كلينيك الحالي

  6. عبدو سيدأحمد

    كمية المكسرات المسموح بها يوميا وهل ترفع الكلسترول
    وهل عادي تكون مالحة

  7. غير معروف

    انا يا دكتور بخرج من البيت الساعة 7 مش برجع غير الساعه 5 يعني مش هتغدا قبل 5 وبجوع في الفترة دي الحل ايه

  8. روكا جمال

    لو سمحت يا دكتور ممكن آخد زبادي مكان الحليب وممكن أضيف ربع ملعقة سكر للقهوة وشكرا

  9. دكتور بعد اذن حضرتك انا عندي دهون ع الكبد والكوليسترول عندي عالي ووزني 111كيلو وطولي ١٦٧تقريبا وعمري ٣٠ سنه والضغط عندي بيعلا بس مش ع طول وفيتامين د عندي ٩ والغده الدرقيه كويسه انا كده ممكن امشي ع انهي نظام يتناسب مع حالتي

  10. غير معروف

    ضوضحات رائعه بس برده عوزين نظام للحوامل صحى ومفيد

  11. شكرا لكم 🌹🌹🌹

  12. ي دكتور أحمد انا مش عاوزة اطول ع حضرتك بس ممكن تسمعني بليز وترد عليا رجاءً. . انا متابعاك من زمان بس للاسف مبقدرش التزم بريجيم لان عندي توأم هما دلوقت عندهم8شهور بس قبل كده كنت بحس بالجوع عشان كده مبلتزمش بريجيم اكتر من يومين لان كان اعتمادهم عالرضاعه بس مع بعض نصايح حضرتك اللي بقرأهم دايما نزلت بس ببطئ من بعد الولاده حوالي 12كيلو بس مشكلتي حاليا مع شوكلاتات العيدوالسوداني والترمس مش عارفه امنع نفسي وخايفه ازيد كتير بسببهم .. ارجوك رد عليا

  13. نور الهدى

    السلام عليكم …يا دكتور انا وزني ١١٠ وطولي ١٧٠ وسني ٣٤ سنة وحابة ابلش معك بهذا النظام الروجيم اليومي بس حابة اغرف كم سعر حراري لازم يدخل جسمي عشان اقدر اخس وشكرا

  14. نور الهدى

    اريد رد على سؤالي لو سمحت

  15. شكراليك يادكتورعلي انك بتعرفناالسعرات اللي لازم ناخدهافي الوجبات

  16. كم كباية نسكافي مسموح باليوم

  17. دكتور انا بدات مع رجيم المبتدئين بس بلبط شويه. بعد ال٣ ايام اعمل ايه

  18. دكتور احمد انا لسه جديده. مع حضرتك. وزني ٨٦وطولي١٦٥وماشيه بقالي يومين٦علي رجيم المبتدئين بس بلغبط شويه. فضلي بكره بعد كدا اعمل ايه. وبالنسبه للسكر. لو زاد عن معلقتين في اليوم هيبقي فيه مشكله. ارجو الرد

  19. غير معروف

    مرحبا خفو شوي عالدكتور جد حرام يعني كثير أشياء واضحة أو بكون موضحها و بترجعو تسألو عنها يعني لازم نراعي انو كمان عندو مشاغل و يمكن نكون بنحملو فوق طاقتو … و بتمنى ما حدا ينزعج مني بس لانو كلنا مجربين و مشاغل الدنيا كثير و هو ما بقصر و بيرجع يفسر و يعطي توضيحات … مش تزعلو يا جماعة 🙈🙈

  20. دكتور كل شي بيجنن عاشت ايدك بالتوفيق والعطاء الدائم

  21. انا معاكي صح الكلامك.. كل كلام الدكتور واضح

  22. طيب مشكلتي اني مباكلش ولا بيض الا متفقش ومبغكلش جبن خالص الا كيرس ومبشربش لبن خالص اعمل اسه

  23. سلمى مجاهد

    دى تانى مره اعمل دايت بس الاولانى كان من سنتين…اكمل على المبتدئين ولا لأ
    و انا مش بشرب لبن لوحده خالص خالص طول حياتى ..ممكن استبدل سناك اللبن خالى الدسم ب إيه…؟

  24. غير معروف

    انا برضع والبيبي عنده ٣شهور ونص مش ينفع اعمل ريجيم

  25. شكرا يادكتور على التوضيح وربنا يوفقك

  26. السلام عليكم
    اولا كل عام وحضرتك بكل خير وجزاك الله الجنه على اللي حضرتك بتعمله
    عندي استفسار
    هو ايه حضرتك نظام الكيتو دايت وهل هو صحي او لا

  27. غير معروف

    من فضلك يا دكتور عاوزه اعرف العيش البلدى في سعرات اد ايه الربع رغيف
    و ياريت لو فيه تطبيق او اي حاجة نعرف منها السعرات للفاكهة

  28. أم عفراء

    السلام عليكم يا دكتور أحمد لو سمحت هو المقصود من حبة خيار خيارة كاملة ولا شوية خيار يعني؟

  29. غير معروف

    خيارة كاملة

  30. دكتور انا متعوده على نظام رمضان يعني اصحى الساعه ٥ العصر يعني حياتي ليليه.. يأثر ع النظام ولا ايه؟

  31. غير معروف

    انا وزنى 75 وبطولة 156
    انا بدأت النهاردة بس فطرت متاخر
    اكلت 2 بيضة
    والغدا علبة تونة بملعقة زيت زيتون
    وشربت شاى بنص معلقة سكر كدا ماشية صح ولا ايه

  32. هل لما يكون مكتوب ناكل ٢ ثمرة فاكهة او تلاتة و انا عندي مانجة اكل منها قد اية؟؟

  33. غير معروف

    انا ماشيه مظبوط على النظام ووشى خس اوى وعندى هالات سواء اتصرف ازاي

  34. أم عفراء

    شكرا جزيلا على ردك بارك الله فيك

  35. غير معروف

    السلام عليكم أنا فتاة مغربية وأريد أن أعرف هل المقصود بالزبادي ياغورت طبيعي أو ياغورت بنكهات أرجو أن تفيدوني في هدا الأمر بارك الله فيكم

  36. غير معروف

    نفس المشكله

  37. الشوكلاته الدارك ايه نظامها

  38. يادكتور هل اقدر استبدل شربة الخضار بشربة الشوفان

  39. غير معروف

    👍👍…
    آميين يا رب … الله يجزيك الخير و يجعلو في ميزان حسناتك دكتور

  40. عفوا دكتور لحد الان م نزل رجيم يوم الاثنين

  41. زينب محمود

    جزآك الله خيرا
    ربنايجعله في ميزان حسناتك

  42. غير معروف

    السعرات ف الملوخيه كتيره
    ومسموح اكل ف اليوم قد ايه بدل الخضار

  43. ممكن من حضرتك تعطينا نظام لمرضى السكري .. ولك جزيل الشكر

اترك رداً على اسراء إلغاء الرد

لن يتم نشر عنوان بريدك الإلكتروني.