رجيم الدكتور أحمد منصور نظام عادي لوزن أعلى من 90 كيلو
تخسيس الجسم في أسبوع مع رجيم الدكتور أحمد منصور

الرجيم الجديد لوزن أعلى من 90 كيلو فرصة التغيير للأفضل

مرحباً بكم من جديد متابعينا الكرام، أتمنى أن تكونوا بخير، كالعادة نلتقي مساء كل يوم جمعة، مع نظامين جدد، النظام الأول بيكون “عادي” مناسب لوزنك في حالة إنه أعلى من 90 كيلو، أما في حالة إن وزنك أقل من كده، فهيكون مناسب ليك نظام الصيام المتقطع.

الأنظمة صحية وسهلة التطبيق، والنتائج أكثر من مرضية فقط في حالة إنك ملتزم بالمكتوب، هتحس بتغير وفرق كبير جداً جداً، أعطي لنفسك الفرصة تجرب الرجيم صح بمعنى الكلمة ولو لأسبوع واحد فقط، لو ملقتش فرق مرضي بالنسبة ليك في شكل الجسم، أمسح تطبيقنا فوراً.

لكن أنا واثق أن أي حد مش بيلاقي نتيجة تفرحه، كان عنده جوانب تقصير كتير خلال الأسبوع، أما في حالة إلتزامك، هتكون أكتر واحد مش مصدق النتيجة اللي بتوصل ليها معانا أسبوع بأسبوع.

الأسبوع اللي فات وعدتكم برجيم جديد مختلف، وطلبت منكم دعمنا على متجر جوجل بلاي، بتقييم خمس نجوم، ووصلت الرسالة لعدد كبير بفضل الله، لكن للأسف الشديد، لم يستجب إلا قليل جداً، وعدد التقييمات الجديدة للتطبيق معدلها كان أقل بكتير من المعتاد.

طب فين الدعم يا جماعة، بنقدم النظام بدون أي مقابل مادي، وهدفنا رضاكم، وبنقدم من وقت للتاني مواضيع تفيدكم خلال رحلة الرجيم والتخسيس، ولما أطلب دعم للتطبيق، مش هياخد من وقتك ثواني معدودة، للأسف مش بيستجيب حتى واحد على مائة، من المستفيدين بأنظمتنا.

فأرجوك لو حابب تدعمنا نستمر، ونطور من نفسنا علشانك، ساعدنا تكون مكانة التطبيق حلوة على متجر جوجل بلاي، روح دلوقتي للمتجر، وأبحث عن التطبيق وقيم بخمس نجوم، أو إضغط على كلمة (تطبيق دايت كلينيك)، هتروح مباشرة على المتجر، وسيب لينا تقييم حلو، فضلاً طبعاً وليس أمراً.

النظام العادي الجديد

هتشوفوا دلوقتي نظام لسبع أيام، من السبت 19 سبتمبر، وحتى الجمعة 25 سبتمبر، زي ما قولت وبكرر على طول، النظام من أكل البيت ومش مكلف أبداً أبداً، لازم تيجي على نفسك وتبعد عن أي عادات صحية خاطئة، الشكل اللي أنت مش راضي عنه “السمنة” مرض، والعلاج هو الرجيم، ياريت نمشي بقى على العلاج بالظبط، وهنشوف التغيرات الإيجابية قدام عينينا.

القاعدة الأساسية والهامة طول الوقت هي الحفاظ على ترطيب الجسم، نحاول نشرب المياه باستمرار كمية لا تقل عن 2 لتر، والنقطة اللي متقلش أهمية عن موضوع شرب المياه، هي السكر.

ممكن نطبق المكتوب في جدول الأكل، ونلاقي مفيش تغيرات حلوة، السبب هيبقى كمية السكر، لو وزنك أعلى من 90 كيلو، وهتطبق الرجيم لأول مرة، خد في اليوم 3 معالق سكر، لو معانا من فترة وتقدر تقلل الكمية، خليهم معلقتين فقط، مش أكثر من كده.

بجانب معلقة صغيرة من العسل الأبيض ممكن نبدأ بيها يومنا، مذابة في كوب من الماء “سواء دافئ أو من الحنفية”، كده اتكلمنا عن السكر والمياه، باقي حاجتين مهمين ناخد بالنا منهم، وهما (الزيت والملح)، الزيت الأفضل في الإستخدام خلال الرجيم، هو زيت الزيتون، منزودش في استهلاكنا في اليوم الواحد عن 2 معلقة كبيرة، وبالنسبة للملح، كفاية معلقة واحدة صغيرة.

هنقسم النظام كالآتي:-

  • أول 3 أيام خمس وجبات.
  • تاني 3 أيام 4 وجبات في اليوم.
  • اليوم السابع والأخير فري.

سواء كان عدد الوجبات أربعة أو خمس وجبات، هنقسمهم على مدار اليوم، وفقاً لطبيعة يومنا، نحاول بس نوقف أكل قبل النوم بحوالي 3 ساعات، ولو حسينا بجوع خلال اليوم في أي وقت ممكن ناخد حبة خيار.

 

جدول الأكل خلال الأسبوع

نحاول ننوع في طرق تحضير الكميات المسموحة لينا في الأكلات المختلفة.

نقدر نبدل ربع  رغيف عيش بلدي، بواحد توست بني أو نصف رغيف عيش سن.

 

اليوم الأول (السبت)، الثاني (الأحد)، والثالث (الاثنين)

 

الفطار

يمكنك الاختيار من بين:-

  • 5 معالق كبيرة فول + ربع رغيف عيش بلدي + ثمرة طماطم + خيار أو خس
  • 3 معالق قمح بليلة + كوب حليب
  • 3 معالق شوفان + كوب حليب
  • 2 بيضة مسلوقة + ربع رغيف عيش بلدي + ثمرة طماطم + خيار أو خس
  • حبة بطاطس مسلوقة + بيضة مسلوقة + خيار أو خس
  • قطعة جبنة قريش + بيضة مسلوقة + ربع رغيف عيش بلدي + خيار أو خس
  • 2 قطعة جبنة قريش + ربع رغيف عيش بلدي + خيار أو خس
  • ثمن كيلو (125 جرام) جبنة بيضاء لايت + خيار أو خس + ربع رغيف عيش بلدي
  • 2 علبة زبادي + نصف رغيف عيش سن أو واحد توست بني + خيار أو خس

 

سناك (1) الوجبة الخفيفة الأولى

2 ثمرة فاكهة

ممكن نقسمهم على فترتين، يعني مش شرط الاتنين مع بعض.

لو مش متوفر في البيت فاكهة، ممكن ناخد ثمرة خيار أو نشرب أي مشروب أعشاب لو حاسس أنك مش جعان.

 

الغداء

يمكنك الاختيار من بين:-

  • صدر فرخة مشوية أو مسلوقة
  • 2 بيضة مسلوقة
  • نصف كيلو سمك مشوي
  • ربع أرنب مشوي أو مسلوق
  • علبة تونة ونصفيها من الزيت
  • ربع كيلو كفتة مشوية
  • قطعة جبنة قريش + بيضة مسلوقة
  • ربع كيلو جمبري مشوي أو مسلوق
  • طبق عدس أو 6 معالق لوبيا بيضاء أو فاصوليا بيضاء خلال يوم واحد من أول تلات أيام

عندنا اللحمة والسمك والفراخ والبيض والجبنة والبروتين النباتي، نطبخ بقى بطرق صحية، وننوع علشان منملش، المهم نلتزم بالكميات في الوجبات، يومياً وعلى مدار الأسبوع.

 

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة

+ طبق خضار من أحد الخيارات الآتية:-

  • كوسة
  • بامية
  • ملوخية
  • بروكلي
  • باذنجان مشوي
  • لوبيا خضراء
  • فاصوليا خضراء

 

سناك (2) الوجبة الخفيفة الثانية

كوب حليب خالي الدسم

أو

نصف كوب حليب كامل الدسم

 

العشاء

2 بيضة مسلوقة + خيار أو خس

أو

2 علبة زبادي + خيار أو خس

أو

كوب لبن رائب.

 

نظام اليوم الرابع (الثلاثاء) والأربعاء والخميس

الفطار

يمكنك الإختيار من بين:-

  • 2 بيضة مسلوقة + خيار أو خس
  • كوب حليب + بيضة مسلوقة
  • 2 قطعة جبنة قريش + خيار أو خس وزن الجبنة القريش حوالي 250 جرام (ربع كيلو*
  • بيضة مسلوقة + قطعة جبنة قريش + خيار أو خس
  • 6 معالق كبيرة فول + ثمرة طماطم + خيار أو خس
  • 2 علبة زبادي + خيار أو خس

 

سناك (1) الوجبة الخفيفة الأولى

ثمرة فاكهة واحدة أو كوب حليب خالي الدسم أو نصف كوب حليب كامل الدسم.

 

الغداء

يمكنك الاختيار من بين:-

  • صدر فرخة مشوية أو مسلوقة
  • ربع كيلو لحمة مسلوقة
  • ربع كيلو كفتة مشوية
  • ربع كيلو جمبري مشوي أو مسلوق
  • 2 بيضة مسلوقة
  • علبة تونة بدون زيت
  • نصف كيلو سمك مشوي

+ طبق سلطة

+ طبق خضار من أحد الخيارات الآتية:-

  • كوسة
  • بامية
  • بروكلي
  • قرنبيط
  • ملوخية
  • باذنجان مشوي

 

العشاء

يمكنك الاختيار من بين:-

  • علبة تونة بدون زيت
  • 2 بيضة مسلوقة
  • قطعة جبنة قريش
  • 2 علبة زبادي
  • كوب حليب خالي الدسم
  • نصف كوب حليب كامل الدسم

 

نظام يوم الجمعة (اليوم السابع)

الفطار بيكون دايت وكذلك العشاء.

وجبة الغداء (وجبة مفتوحة)

مسموح بقطعة حلويات بحجم كف اليد، بعد وجبة الفطار أو الغداء.

 

زي ما اتفقنا لو حسيت بالجوع على مدار اليوم، ممكن تآكل خيار أو خس، ومتنساش شرب المياه باستمرار.

ان شاء الله هتقدري تطبقي نظام الأسبوع وتلتزمي بيه بسهولة، وهنفرح كلنا بنتيجة إلتزامك وتعبك وإرادتك القوية.

لو محتاجين تتفاعلوا معايا وتبعتولي أي سؤال، أو عندكم أي استفسار، إكتبوه في تعليق على أي فيديو على قناتي على اليوتيوب، بكون متواجد هناك كتير على أد ما أقدر، تقدر توصل للقناة بسهولة، من خلال الضغط على كلمة (قناة دكتور أحمد منصور) الموجودة بين القوسين.