رجيم جديد مع الدكتور أحمد منصور يبدأ من يوم السبت الموافق 26 سبتمبر
رجيم جديد صيام متقطع لتخسيس الوزن في أسبوع

نظام الدكتور أحمد منصور صيام متقطع رجيم جديد يبدأ من السبت

السلام عليكم ورحمة الله وبركاته، أهلاً بكم من جديد متابعينا الكرام الأعزاء، أتمنى من كل قلبي أن تكونوا بخير وفي أحسن حال، وفي تمام الصحة والعافية، نلتقي كالعادة مساء كل يوم جمعة، مع نظام جديد، ونظام اليوم، يبدأ بمشيئة الله تعالى من يوم السبت 26 سبتمبر، ويستمر لمدة أسبوع فينتهي يوم الجمعة الموافق 2 أكتوبر.

نقدم أسبوعياً نظامين، الأول صيام متقطع، وبيكون مناسب ليك في حالة إن وزنك أقل من 90 كيلو جرام، أما في حالة أن وزنك أعلى من كده، بالتالي هتمشي معانا على النظام العادي، المتوفر بموقع وتطبيق دايت كلينيك.

في الحالتين إن شاء الله هتشوف معدلات نزول مبهرة، وتغيرات في مقاسات جسمك، هتفاجئك وتفاجئ كل اللي حواليك، وكل اللي عليك إنك تلتزم بالمكتوب على أد ما تقدر، ولازم تكون مطمئن على الآخر، الرجيم صحي، ولو طبقته بشكل مظبوط، مش هتعاني من أي تأثيرات سلبية.

نظام الصيام المتقطع الذي نتبعه في دايت كلينيك هو نظام (16/8)، بمعنى إنك هتصوم 16 ساعة في اليوم، وهيكون مسموح ليك فقط بتناول الأكل خلال 8 ساعات في اليوم، في حالة إنك مش هتقدر تصوم ووزنك أقل من 90 كيلو، تقدر تطبق جدول الأكل المكتوب يوم بيوم بدون ساعات صيام عن الأكل.

الـ 16 ساعة صيام، بيكون مسموح فيهم بشرب الماء والشاي والقهوة والأعشاب بدون سكر، والـ 8 ساعات المسموح ليك فيهم بالأكل، هتشوف الوجبات اللي بنكتبها يوم بيوم، وهتقسم خلالهم أكلك.

الموضوع سهل وبسيط جداً، هتثبت 8 ساعات تآكل فيهم والباقي صيام، وليكن من 12 الظهر لـ 8 مساءاً، أو من 4 العصر لـ 12 منتصف الليل، أو من 8 صباحاً حتى 4 العصر، نفس نظامنا العادي في شهر رمضان الكريم، بنآكل تقريباً وبنصوم بنفس عدد الساعات دي.

أهم شئ تضمن لي أنك تحافظ على جسمك رطب، تشرب مياه باستمرار، على مدار اليوم، والنقطة الأهم هي إنك لو قدرت تمنع السكر خالص “السكر الأبيض” هيكون شئ كويس جداً، مقدرتش يبقى كفاية معلقة واحدة في اليوم أو معلقتين على الأكثر.

من أفضل الحاجات اللي ممكن تكسر عليها الصيام هي التمر، ولكن الكمية هامة جداً، حاول تكون 3 تمرات فقط في بداية الساعات المسموح ليك فيها بالأكل، 3 تمرات مع كوباية مياه كبيرة، وقبل أول وجبة تاخد كوباية مياه تانية.

من أفضل مشروبات الأعشاب

  • الزنجبيل
  • القرفة
  • الشاي الأخضر

 

نظام الأسبوع الحالي

7 أيام رجيم قوي جداً وفعال لإحداث تغيير كبير في حالة إنك هتلتزم بالمكتوب حرفياً، وده هتشوفه بنفسك، وهقول الكلمة اللي قولتها الأسبوع اللي فات، جرب وطبق الرجيم مظبوط، وكن صادق مع نفسك، ولو ملقتش النتيجة اللي تبهرك إمسح التطبيق فوراً.

وهفكركم لو وزنك أقل من 90 مش شرط تصوم، قسم الوجبات على مدار اليوم بدون صيام ولا تقلق.

قادر تصوم لكن 14 ساعة مش 16، برضو مفيش أي مشكلة يا صديقي، هتلاقي نتيجة هتعجبك جداً.

نظام الأسبوع الحالي بدون يوم فري. (أرجو الإلتزام بهذا البند).

الميزان صباح يوم السبت، بعد تطبيق الـ 7 أيام رجيم يا أبطـــــــــــــــــــــــــال.

 

نظام يوم السبت والأحد 

26 سبتمبر و27 سبتمبر

بداية اليوم (3 تمرات مع كوب من الماء).

الفطار

يمكنك الإختيار من بين:-

  • 2 علبة زبادي + ثمرة فاكهة وليكن برتقال أو موز أو جوافة
  • بيضة مسلوقة + قطعة جبنة قريش بوزن تقريبي 100 جرام أو أكثر قليلاً + خيار أو خس
  • 2 بيضة مسلوقة + خيار أو خس
  • ثمن كيلو (125) جرام جبنة بيضاء لايت + خيار أو خس
  • كوب حليب + بيضة مسلوقة
  • 2 علبة زبادي + خيار أو خس

 

سناك (1) الوجبة الخفيفة الأولى

ثمرتين خيار أو ثمرة خيار مع ثمرة جزر

 

الغداء

يمكنك الاختيار من بين:-

  • صدر فرخة مشوية أو مسلوقة
  • نصف كيلو سمك مشوي من أي نوع
  • لحمة مسلوقة بما يعادل كوب من اللحمة المقطعة، بسعرات حرارية تقريباً 390 سعر حراري ونسبة بروتين (35 جرام).
  • علبة تونة بدون زيت
  • 200 جرام سلمون بسعرات حرارية تساوي تقريباً 300 سعر حراري
  • 3 بيضات مسلوقة كخيار لبروتين صحي ورخيص في وجبة الغداء
  • كفتة مشوية بدون دهون بوزن (250 جرام) ربع كيلو

+ طبق سلطة (طماطم، خيار، جز، خس، فلفل) طبق السلطة هام جداً جداً يومياً، لا يمكن بأي حال من الأحوال تجاهله.

+ كوب خضار مطبوخ من أحد الخيارات الآتية:-

  • سبانخ
  • ملوخية
  • كوسة
  • قرنبيط (40 سعر حراري تقريباً)

وممكن كوب بسلة بالجزر مطبوخ أو ثمرة باذنجان مشوية

كوب الباذنجان المشوي تقريباً (35 سعر حراري).

 

سناك (2) 

الوجبة الخفيفة الثانية

 

كوب حليب خالي الدسم

أو

نصف كوب حليب كامل الدسم

 

العشاء

يمكنك الإختيار من بين:-

  • بيضة مسلوقة + خيار أو خس
  • علبة زبادي + خيار أو خس
  • قطعة جبنة قريش + خيار أو خس

 

نظام يوم الاثنين والثلاثاء

28 سبتمبر و29 سبتمبر

 

الفطار:-

  • 4 معالق فول كبيرة + ثمرة طماطم + خيار أو خس مع الفلفل الأخضر
  • 2 معلقة فول كبيرة + بيضة مسلوقة + خيار أو خس مع ثمرة طماطم
  • 2 بيضة مسلوقة + خيار أو خس
  • كوب حليب خالي الدسم أو نصف كوب حليب كامل الدسم مع ((2 بيضة مسلوقة))
  • 2 علبة زبادي + ثمرة فاكهة
  • 2 قرص طعمية بالفرن مع بيضة مسلوقة + ثمرة طماطم مع خيار أو خس

 

سناك (1)

الوجبة الخفيفة الأولى

كوب شاي أخضر

أو

ثمرة خيار

أو

ثمرة جزر

 

 

الغداء

يمكنك الإختيار من بين:-

  • نصف كوب فاصوليا بيضاء مطبوخة مع قطعة لحمة مسلوقة أو كوب كامل من الفاصوليا المطبوخة بدون لحوم (خيار للبروتين النباتي).
  • كوب حمص مطبوخ “سعرات حرارية 270” كيلو كالوري.
  • طبق متوسط (عدس دايت).
  • كوب بسلة بالجزر مطبوخة مع اللحمة المفرومة (150 جرام لحمة)
  • 2 بيضة مسلوقة
  • قطعة جبنة قريش + بيضة مسلوقة
  • 2 قطعة جبنة قريش
  • صدر فرخة مشوي أو مسلوق
  • لحمة مسلوقة أو مشوية بما يعادل كوب
  • نصف كيلو سمك مشوي
  • طبق مشروم دايت
  • علبة تونة بدون زيت
  • 200 جرام كفتة مشوية بدون دهون تساوي تقريباً 400 سعر حراري
  • علبة سردين “بدون زيت” تحتوي تقريباً على 200 سعر حراري، بنسبة بروتين 22 جرام، وصفر كربوهيدرات

 

+ 6 معالق أرز مســــــــــــــــلوق أو 8 معالق مكرونة مسلوقة أو نصف رغيف عيش بلدي أو رغيف كامل عيش سن.

+ طبق سلطة

+ كوب واحد من الخضار المطبوخ المحضر بطريقة صحية من أحد الخيارات الآتية:-

  • ملوخية
  • كوسة
  • بامية
  • سبانخ
  • بروكلي

 

سناك (2)

الوجبة الخفيفة الثانية

 

لا يوجد

 

 

العشاء 

يمكنك الاختيار من بين:-

  • كوب لبن رائب
  • علبة زبادي

 

نظام يوم الأربعاء والخميس 

30 سبتمبر و1 أكتوبر

 

الفطار

يمكنك الإختيار من بين:-

  • كوب حليب + 3 معالق شوفان
  • كوب حليب + 3 معالق بليلة
  • 2 علبة زبادي + 3 معالق شوفان + ثمرة فاكهة
  • 4 معالق فول + ربع رغيف عيش بلدي + ثمرة طماطم + ثمرة خيار أو خس
  • 2 بيضة مسلوقة + ربع رغيف عيش بلدي + خيار أو خس
  • 2 قطعة جبنة قريش + ربع رغيف عيش بلدي + خيار أو خس
  • قطعة جبنة قريش + 2 معلقة فول + ربع رغيف عيش بلدي + خيار أو خس
  • بيضة مسلوقة + 2 معلقة فول + ربع رغيف عيش بلدي + ثمرة طماطم + خيار أو خس

 

نقدر نبدل ربع رغيف عيش بلدي بواحد توست بني أو نصف رغيف عيش سن.

 

سناك (1)

الوجبة الخفيفة الأولى

 

ثمرة خيار

أو

ثمرة جزر

 

الغداء 

يمكنك الإختيار من بين:-

  • كبدة مشوية أو محضرة بأي طريقة صحية “دايت”، ربع كيلو بسعرات حرارية 333 كالوري.
  • ربع كيلو جمبري مشوي أو مسلوق
  • نصف كيلو سمك مشوي
  • صدر فرخة مشوية أو مسلوقة
  • 2 قطعة لحمة مسلوقة
  • 200 جرام كفتة مشوية بدون دهون
  • علبة تونة بدون زيت
  • 2 بيضة مسلوقة + قطعة جبنة قريش كخيار بروتين اقتصادي وصحي

 

+ طبق سلطة

+ كوب خضار محضر بطريقة صحية من أحد الخيارات الآتية:-

  • كوسة
  • فاصوليا خضراء
  • بامية
  • ملوخية

 

سناك (2) 

الوجبة الخفيفة الثانية

 

كوب حليب خالي الدسم

أو

نصف كوب حليب كامل الدسم

 

العشاء

 

بيضة مسلوقة + خيار أو خس

أو

علبة زبادي + خيار أو خس

أو

كوب لبن رائب

أو

كوب حليب خالي الدسم

أو

نصف كوب حليب كامل الدسم

 

نظام يوم الجمعة 

2 أكتــــــــــــــوبر

 

الفطار

يمكنك الإختيار من بين:-

  • 2 علبة زبادي + خيار أو خس
  • 2 بيضة مسلوقة + خيار أو خس
  • 2 قطعة جبنة قريش + طبق سلطة
  • 4 معالق فول + ثمرة طماطم + خيار أو خس
  • 125 جرام جبنة بيضاء لايت + خيار أو خس

 

سناك (1)

الوجبة الخفيفة الأولى

ثمرة فاكهة

 

الغداء

يمكنك الإختيار من بين:-

  • 200 جرام لحمة مسلوقة
  • 200 جرام كفتة مشوية بدون دهون
  • صدر فرخة مشوية أو مسلوقة
  • ربع أرنب مشوي أو مسلوق
  • 2 بيضة مسلوقة
  • علبة تونة بدون زيت
  • نصف كيلو سمك مشوي
  • ربع كيلو جمبري مشوي أو مسلوق

+ 6 معالق أرز مسلوق أو 8 معالق مكرونة مسلوقة

أو نصف رغيف عيش بلدي

+ طبق سلطة

+ طبق خضار محضر بطريقة صحية من أحد الخيارات الآتية:-

  • كوسة
  • بروكلي
  • قرنبيط
  • سبانخ
  • ملوخية
  • فاصوليا خضراء

 

سناك (2) 

الوجبة الخفيفة الثانية

ثمرة فاكهة

 

العشاء 

علبة زبادي

أو

كوب لبن رائب

 

وبكده يكون إنتهى نظام الأسبوع الحالي، دعواتكم لينا.

عندنا كتير جداً نقدمه ليكم، بدأنا علشان نساعدكم، وبنكمل مع بعض بإذن الله علشان نحقق هدف أي حد وثق في تطبيق وموقع دايت كلينيك والدكتور أحمد منصور.

منتظر تقييماتكم الإيجابية بخمس نجوم للتطبيق على متجر جوجل بلاي، مع ألف سلامة وأشوفكم بخير.