نظام الصيام المتقطع للدكتور أحمد منصور
نظام الصيام المتقطع للدكتور أحمد منصور

تحدي جديد لمدة 100 يوم مع الدكتور أحمد منصور يبدأ السبت 27 يونيو

بسم الله نتوكل على الله في رحلة جديدة مع دايت كلينيك لمدة 100 يوم، والبداية يوم السبت الموافق 27 يونيو، أتمنى كل اللي بيقرأ النظام دلوقتي ميضيعش فرصة الإلتزام المرة دي، لأن عندنا نظام قوي جداً جداً وفعال هيساعدك سواء أول مرة تبدأ معانا في الرجيم أو متابع معانا بقالك مدة.

رجيم صحي

كل المطلوب منك علشان تشوف معدلات نزول على الميزان ترضيك جداً، وتغيرات مذهلة في شكل الجسم، تطبق الرجيم يوم بيوم من غير لغبطة على أد ما تقدر.

وصدقني بعد الـ 100 يوم، هتتفاجئ والناس يمكن متعرفكش بسبب التغير اللي هيحصل ليك بمشيئة الله، أو هتسمع كتير كلمة أنت عملت إيه علشان تخس، أكيد عملت عملية، مهو مش معقول تتغير كل التغير ده في مدة قليلة كده.

التحدي الجديد “رحلة الـ 100 يوم” هتبدأ من يوم السبت، 27 يونيو، طبعاً لو لغبطت في يوم أو اتنين ومتنمناش تعمل كده طبعاً، ركز في اليوم اللي عليه الدور، وكمل لحد آخر الـ 100 يوم، ولو وصلت للنظام في أي يوم إبدأ على طول من اليوم اللي حملت فيه التطبيق أو وصلت فيه للنظام، مش لازم تبدأ من الأول.

يعني لو إفترضنا، إنك بدأت معانا من اليوم الـ 40 مثلاً، خلاص مفيش مشكلة تابع 60 يوم وبعدين هنكون بدأنا رحلة جديدة وتحدي جديد، هتاخد منه 40 يوم كمان يبقى كده قفلت 100 يوم مع رجيم دايت كلينيك.

طب ليه رحلتنا 100 يوم ؟

على مدار أكثر من 30 شهر فاتوا، تابعت الرجيم مع آلاف المتابعين لينا، ومن قصص النجاح لاحظت إن مدة 100 يوم كانت كافية جداً لأنها تحدث تغير  ملحوظ ومبهر، علشان كده ثبتنا عدنا شعار “رحلة المائة يوم لنسف الدهون”.

كل أسبوع بينزل نظامين صيام متقطع ونظام عادي، النظام العادي لوزن أعلى من 90 كيلو وصيام متقطع لوزن أقل من 90 كيلو، طب ليه بنعمل كده.

ببساطة لما بتبدأ رجيم بوزن مرتفع، بيكون في معدل نزول عالي كل أسبوع، وفي نفس الوقت محتاج سعرات كتير يومياً وفي نفس الوقت هيكون صعب عليك تتابع صيام متقطع وتصوم 16 ساعة كل يوم، علشان كده بيكون مناسب ليك النظام العادي أكل كتير “صحي طبعاً” وبيسمح لك بناء على الاختيارات والسعرات بمعدل نزول محترم كل أسبوع، وكمان بدون صيام.

لكن لما بتخس وتوصل لوزن قليل، بتبدأ تلاحظ إن معدل نزولك قل شوية، علشان كده بننصح المتابعين إنهم يتبعوا نظام الصيام المتقطع، كوسيلة لرفع الحرق، وتعزيز عملية التخلص من الدهون، بجانب إنك هتكون قادر تصوم وتآكل كميات أكل قليلة، بناء على إحتياجك من السعرات.

وزني أقل من 90 ومش قادر أصوم ؟

لا تقلق، مفيش أي مشكلة، هتشوف جدول الأكل الموجود في نظام الصيام المتقطع وتقسمه على مدار اليوم بدون ساعات صيام، وطبعاً هتخس يا صديقي لا تقلق.

لو متعرفش

أنا قررت أبدأ رجيم معاكم من يوم السبت، بوزن 102 كيلو، أتمنى نتحدى بعض ونشوف كلنا وصلنا لإيه بعد 100 يوم، هتشوف بنفسكم تجربتي مع النظام اللي بكتبه، هتشوفوا فقدان للوزن بدون ترهلات، وتغير كبير بمشيئة الله، لإني في نهاية الرحلة هنزلكم صوري قبل وبعد.

النظام كمان شوية، هيوصلك إشعار بنظام الصيام المتقطع والنظام العادي، ولو خلاص مقرر تبدأ معانا رحلة التغيير، إضغط (هنا) وإكتب لينا وزنك الحالي، اللي هتبدأ بيه التحدي، دمتم بخير متابعينا الكرام.