الرئيسية / أنظمة غذائية / لو الدهون معنداكي .. رجيم لمدة (7) أيام لتنشيط الحرق وكسر ثبات الوزن👌

لو الدهون معنداكي .. رجيم لمدة (7) أيام لتنشيط الحرق وكسر ثبات الوزن👌

من المشاكل اللي بتواجه أي حد بيعمل دايت.. ثبات الوزن وقلة معدل حرق الدهون ..



وأنا النهاردة هقولكم على دايت إن شاء الله .. يساعدكم في تخطي العقبة دي .. أهم شئ الالتزام.

الرجيم لمدة (7) أيام فقط وبعد المدة دي ما تنتهي هتلاحظوا الاختلاف.

هنبدأ بوجبة العشاء لأنها ثابتة طول الـ 7 أيام وهتكون عبارة عن ( علبة زبادي لايت ) + (ثمرة خيار)

 

بالنسبة لوجبة الغذاء:- كلوا فيها اللي أنتوا عايزينه لكن بكمية معقولة .. ويفضل✅ التركيز في هذه الوجبة على السكريات والنشويات

النشويات تتواجد في الأغذية مثل:-

الخضروات النشوية مثل: البازلاء والذرة والبطاطس والبطاطا الحلوة.

البقوليات الجافة مثل: الفول والعدس واللوبيا.

الحبوب مثل: القمح والشوفان والشعير والأرز.

السكريات مثل:-

السكريات الطبيعية مثل: الموجودة في الحليب والفاكهة.

السكريات المضافة مثل: الموجودة في العصائر المعلبة ومربى الفواكه.

 

أما بالنسبة لوجبة الإفطار فهتكون بترتيب الأيام السبعة كالآتي:-

  1. 3 ملاعق كورن فلكس + كوب لبن (خالي الدسم)
  2. 4 ملاعق بليلة + كوب حليب (خالي الدسم)
  3. 4 ملاعق كبيرة من الشوفان + كوب حليب (خالي الدسم)
  4. 6 قطع بسكوت سادة + كوب حليب (خالي الدسم)
  5. نصف رغيف عيش + ثمن كيلو جبنة فيتا
  6. 4 ملاعق كبيرة بليلة + كوب حليب (خالي الدسم)
  7. 2 شريحة توست بنب + ثمن كيلو جبنة ملح

الـ 7 أيام لو ألتزمتوا فيهم باللي أنا قولته هتلاحظوا تغير ملحوظ في معدل حرق جسمكم للدهون الزائدة والمتراكمة فيه.
وعلشان تحققوا أقصى إستفادة من الدايت ده .. حاولوا تصوموا من بعد وجبة الغذاء “المفتوحة” لمدة 6 ساعات .. وطول الست ساعات دول مسموح فيهم بالمياه فقط .. وبعد كده تأكلي وجبة العشاء 

معلومة وتنبيه

الهدف الأساسي من الدايت ده تحديداً ليس إنقاص الوزن وإنما يهدف إلى رفع معدل حرق الدهون وكسر ثبات الوزن ..

لو حد قرر يمشي على الدايت ده ..  يعرفني بعد ما ينتهي منه .. علشان أقوله على دايت بعده لمدة أسبوع .. هيساعده جداً جداً في خفض الوزن بطريقة ملحوظة.

عن د/ أحمد منصور

110 تعليقات

  1. همشي على الدايت دا بإذن الله

    • د/ أحمد منصور

      ربنا يوفقك ويعينك..
      الدايت لكسر الثبات
      الغداء، ركزي فيه على النشويات

      بعد ما تخلصي الأسبوع ده
      عرفيني علشان ابدأ معاكي الأسبوع اللي بعده، في دايت نتيجته هتفرق معاكي

      وهنكون مع بعض لحد ما توصلي لوزنك المثالي بأمر الله

      بالتوفيق لحضرتك يا أستاذة مروة وياريت تكتبي هنا كل يوم عملتي ايه، وقدرتي تلتزمي ولا لأ

      • لوسمحت يادكتور امشي عليه عشان اكسر ثبات الوزن
        وبعد كدا اكمل داي

        • د/ أحمد منصور

          لو عندك ثبات في الوزن إبدأي بدا الأول وبعد كده إشتركي معانا في التحدي

          • انا وزنى ي دكتور 69
            و طولي 167
            بس عندى مشكلة جسمى من تحت مليان ف دايت يساعد انى انزل اكتر من الجزء ده

      • ام ابراهيم

        السلام عليكم دكتور، انا اتبعت اسبوع تنشيط الحرق، ايه افضل نظام اتبعو بعده

      • ابغا ابداء بس مش عارفه كيف وايه من دايت بليز رد علي

      • سلمى عبدالفتاخ

        وزنى ٩٣.٥ وطولى ١٦٣

      • دكتوري مرحبا اني عندي شويا السكر متدبدب مرة يرتفع ومرة ينزل وحابة اعمل نظام غدائي وغ
        عندي كرش نبي نقضي عليه شن الحل برايك ياريت ترد عليا باسرع وقت

    • همشي عليه بإذن الله

    • بجد حضرتك رائع جدا انا همشي علي دايت حضرتك انا وزني 67 وعايزه انزل 7 ك هعمله بس انا بدأت من يوم الخميس والوجبه الفري يوم الخميس الفينو يا دكتور لو مش هتغدي اكل بيتي ممكن اكل كام رغيف فينو ف الفري ع مدار اليوم 💙

  2. انا همشى علية بس انا مش فاهمة أزاى اصوم بعد الغداء 6ساعات وبعد كدة اتغدى يعنى اية

    • د/ أحمد منصور

      متاسف جدا يا أم محمد

      غلطة غير مقصودة

      الصوم 6 ساعات بعد الغداء ثم تتناولي وجبة العشاء

  3. وفاء زهير

    انا حبدأ الدايت هذا معاك يادكتور وحابة اكمل ممكن تنزل الاسبوع اللي بعده ايه هو الدايت

  4. حياة نجاح

    ساقوم بتطبيق هذا الدايت ان شاء الله

  5. شكرا يا دكتور على رد حضرتك والاهتمام بينا

  6. امل الشام

    دكتور شو معنى كورن فلكس

    • د/ أحمد منصور

      منتج مصنوع من رقائق الذرة

      متواجد في السوق بهذا الإسم

  7. ربنا يعينك وتساعدنا على إنقاص الوزن بجد مشكله حياتنا

    • د/ أحمد منصور

      اللهم آمين يارب

      إن شاء الله تتخلصوا منها
      وتفرحوا بنتيجة تعبكم 🌷

  8. مني عبدالله

    ان شاء الله معاكو في النظام دة لاني حاسة ان الحرق ضعف لاني جربت انظمة كتير بس مكنتش بكمل

  9. روضة حلواني

    شكرا الك دكتور رح التزم فيه ان شالله
    بس زبادي مافهمتا شويعني

  10. روضة حلواني

    شوهو الروب 😰 مابعرفو

  11. روضة حلواني

    دكتور فينا ناكل طول النهار فواكه
    بطيخ ….تفاح…..عنب

    • د/ أحمد منصور

      لأ مش للدرجة دي

      يعني من الفطار للغذاء كلي 3 ثمرات فاكهة كل ساعة ثمرة

      وبالنسبة للعنب، مسموح بكوب واحد يومياً

      • هل النوم ليه ثاثير علي زايدة الوزن لانه عندي مشكلة في النوم بنمام متاخر

  12. الحمدلله 😔😔😔 فشلت فشل ذريع كالعادة مابتحمل منظر الأكل 😭😭😭
    طبخت كبسة للعيلة وماقدرت مادوقها وسكبت صحن واكلت
    كسرت صيام ٦ ساعات 😞 انا عارفة اني حافشل

    • د/ أحمد منصور

      لأ متقوليش كده

      إن شاء الله مش هتفشلي تاني

      كويس انك بتواجهي نفسك ومعترفة بغلطك

      ارجعي تاني للنظام وطمنيني على التزامك

  13. انا راح امشي على دايت و ربنا معي

  14. غير معروف

    لو سمحت يا دكتور هو دايت تنشيط الحرق التركيز فيه على سكريات ونشويات وبدون بروتين حيوانى فى الغداء يعنى بدون لحمه أو فراخ اوسمك

  15. غدا بدايتي مع هذا الدايت

  16. ابتسام عبدالمجيد

    عجبني جدا . انا كنت منقصة ٣٦ كيلو من وزنى بس حاليا رديت ١٠ كيلو للاسف وانا تضاايقة جدا .. ربي يسهل ونتبع نظامك فعلا محتاجة اعيد التركيز في نظامى الغذائي

  17. غير معروف

    هل القهوة من مشربات التي تساعد على خفض الوزن

  18. محمد يعقوب

    اي رجيم يودي الي نتيجه ملحوظه في عامة الجسم بس منطقة مش عاوزه تخس خالص خالص

  19. سالي زاهر

    بعد اذن حضرتك يادكتور ممكن مثال ليوم غدا وهل البروتين الحيواني او الاسماك مسموح بيها في الاسبوع دا ولا لا اه والرز كمان

  20. دكتور احمد ممكن اتواصل مع حضرتك؟

    • د/ أحمد منصور

      تحت أمر حضرتك يا أستاذ نادر

      سيب اي استفسار عندك وانا هرد عليه

  21. دكتور اناهمشي ع النظام ده عشان عندي الحرق ضعيف جدددا وعندي ثبات في الوزن بقالي شهر وزني 60وعندي ورم ع الغده الدرقية

  22. لو سمحت يا دكتور هو مفيش أقراص بتعلى الحرق مع النظام الغذائي ؟ أنا نزلت 10 كيلو ومش عارفة أخس تانى وبتعب وبدوخ وهزلانة دايما لو فى نوع فيتامينات يظبط معايا ممكن تقولى عليه لأنى فعلا تعبانة وشكرا لذوقك

    • د/ أحمد منصور

      أهلا بحضرتك يا أستاذة إيمان

      حضرتك نزلتي ال 10 كيلو معانا؟

  23. طيب هو انا بعد النظام ده جسمى هيزيد ولا هفضل ثابتة؟

    • د/ أحمد منصور

      هيثبت إن شاء الله

      • ممكن رقم تلفون اتصل بيك لأني مش عارفة كيف أبدأ وفاقدةالامل لأن وزني كتير بليز .نورا من لبنان

  24. أنا هلتزم بالنظام ده ان شاء الله بس انا عندي الغده هل النظام ده مناسب

  25. ام ياسين

    السلام عليكم يادكتور انا باذن الله ناويه امشي على الدايت بس هل فيه بديل للبليلة

  26. ام ياسين

    وبعد اذنك يادكتور انا كذا مرة اعمل دايت اخس 6 او 7 كيلو واثبت وعرفت ان عندي تكيسات في المبايض وبدات اخدلها علاج فهل ابدا بنظام تنشيط الحرق الاول ولا ابدا بتحدي نسف الدهون علطول

  27. غير معروف

    ا

  28. دودو يوسف

    ان شاء الله نبدأ
    انا بحبش الزبادي

  29. ممكن مثال بسيط للغدا

  30. shahera mohamed

    ممكن سوال هوالغداء

    مفيش مكرونه ولا ارز ولا. عيش صح كدا

  31. shahera mohamed

    هو مفيش مشروبات حارقه لدهون

  32. خلال فترة صيام ال 6 ساعات .. هل يمكن شرب شاي او نسكافيه او قهوة بدون سكر ؟

  33. شيماء الشربيني

    ربنا يجازيك خير يا دكتور

  34. راوية خليفة

    الشكر الواجب لكل من يعمل علي مساعدة الاخرين .وجازاكم الله تعالى كل الخير ،.متابعة لصفحتكم ،والله المستعان تحيا مصر

  35. قطر الندى

    انا بنسبه لي بدين دايت وصار وزني 50 وبعد فتره زد 11كيلو انا فاشلة ما اقدر التزم ابغا حل لنفسي ساعدوني في مشكلتي

  36. نيللي م ش

    ممكن الريجيم اللي بعد ريجيم كسر الثبات

  37. غير معروف

    انا راح امشي على الدايت

  38. هوارية الجزائرية

    الحمد لله ، انا من الجزائر ، واهنئ من كل قلبي كل امراة تتحدى نفسها لتكون جميلة انيقة ذات ارادة قوية ، واشكر الدكتور على النصائح والكلام الحلو ، ربنا يوفق الجميع

  39. همشي على الدايت دا يا دكتور انشالله في هذا الاسبوع الغدا الكمية كام

  40. انشالله انا هبدء يوم السبت بالنظام دا وكل يوم هكتب تقرير اكلت اي وانشالله انجح

  41. انا بكرا هبدا النظام دا وانشالله يروح ثبات الوزن

  42. السلام عليكم انا كتبت لحضرتك امس ولم يتم الرد يا دكتور انا بعمل انظمه كتير بس بجوع بليل جدا اليوم كله مفيش مشكله انا بتغدا الساعه الثالثه من الساعه السابعه يبدا الجوع محتاجه حاجه تقلل الشهيه لو سمحت رد عليه انا ممكن اكل من الساعه السابعه لساعه ١٢موزه زبادي ٧٥جرام خياره قطعة جبنه قريش وبحس اني جعانه

  43. غير معروف

    لاسبوع الي فات كان وزني 73 واليوم وزنة نفسي لقية نفس الوزن اعمل ايه يا دكتور مع العيلم انا معاكم منذ شهرين في تحدي اختك من الجزاير

  44. مرحبا دكتور احمد انا اسمي مي نزلت التطبيق جديد وكتير حبيته والمواضيع كتير مفيدة انا بلشت بتحدي الأسبوع الماضي وحسيت اني استفدت منه وحابه اكمل إن شاء الله بس عندي مشكلة اني بحس بالملل من الرجيم بعض الأيام وشكرا كتير بالك

  45. راح ابدي وياك من باجر

    من العراق

  46. اليوم اول يوم لي في تنشيط الدهون
    اول ما اعقد شربت كوباة ماية دافية مع ملعقة عسل ونصف لمونة
    الفطار كان 6 بسكوت سادة مع كوباية شاي مع نصف ملعقة سكر
    الغدا كان رز 6 ملاعق مع بطاطا مسلوقة
    العشا كان لبن واكلت نص خيارة بعديها اكلت تفاحة
    فدلت بدون اكل بعد الغدا الى العشاء
    مشيت ساعة كاملة
    اي رايك يادكتور كويس ولا قصرت في حاكة

    • غير معروف

      انا كنت ٨٧ وكنت متابعه مع دايت نيوتريشن ونزلت ل٦٧ ونص فسنه بس زدت ٤كيلو ف٥شهور وعندي تباث وحرق ضعيف وانا مش باكل ارز ولا عيش ولا مكرونه الا نااااادر اعمل ايه ومليت وعايزه ارجع تاني لوزني وطولي١٦٧سم

  47. انا كنت ٨٧ وكنت متابعه مع دايت نيوتريشن ونزلت ل٦٧ ونص فسنه بس زدت ٤كيلو ف٥شهور وعندي تباث وحرق ضعيف وانا مش باكل ارز ولا عيش ولا مكرونه الا نااااادر اعمل ايه ومليت وعايزه ارجع تاني لوزني وطولي١٦٧سم

  48. عبدالقادر

    السلام عليكم ورحمة الله الله يجزاك خير يادكتور انا عملت عملت عملية تكميم قبل اربع اشهر تقريبا مفص من وزني 30 كيلو تقريبا بعدها ثبت الوز له حوالي الشهر والنصف الوزن ثابت باليت يادكتور توضح لي وش الاسباب وعايز نظام غذائي يكسر هالثبات

  49. انا هبدا من بكرة باذن لله بس انا عندي مشكلة مفيش رجيم بيجيب معاية نتيجة ولا علاج حرق مشيت مع كذا دكتور وجسمي مش بينزل خالص ولا نتيجة في الجلاسات الموضعية ممكن اعرف السبب اية بجدة نفسيتي تعدت

  50. دكتور عاوزين رجيم صيامى

  51. دكتور عاوزين رجيم صيامى

  52. السلام عليكم حضرتك انا بدات الديت لكسر ثبات الوزن الاسبوع ده بس عندي مشكله اني بنزل الجامعه وبرجع بعد المغرب فا مش عارفه اعمل ايه

  53. انا يا دكتور عندي ثبات في الوزن وهمشي علي نظام رفع الحرق بس مش فاهمه يعني ايه اهتم بلنشويات والسكر طيب كده مش هيزود الوزن ولا ايه واد ايه الكميه للنشويات وانا ماشيه علي نظام الصيام المتقطع من شهر تقريبا هل ينفع بعد وجبه العشا اكمل صيام لليوم التاني عادي ولا لا

    • د/ أحمد منصور

      رفع الحرق الهدف منه عودة الجسم لحرق الدهون بعد الانتهاء من تنفيذة وليس نقصان الوزن

  54. نورا احمد

    صباح الخير دكتور وزني ثابت من شهر لا بيزيد ولا بينقص متابعه مع حضرتك من فترة.. رح اعمل دايت ثبات الوزن للكسر.. ورح بلغ حضرتك بعديها ومشكور لمجهودك معانا

  55. غير معروف

    لو سمحت يا دكتور انا ماشى على نظام دايت من فتره والحمدلله وصلت للوزن المثالى عاوز اثبت الوزن مش عارف ازاى ممكن حضرتك تقولى اثبت الوزن ازاى

  56. غير معروف

    انا كنت عمله تكميم ونزل وزني من ١٢٨ الي ٩٣ وثبت فتره طويله وبدا يزرد ال ١٠١ ونفسي انزل تاني انا همشي علي الرجيم ده وربنا يسهل بس انا بعد التكميم بيجيلي امساك فيه حاجه ممكن اخدها

  57. انا كنت عمله تكميم ونزل وزني من ١٢٨ الي ٩٣ وثبت فتره طويله وبدا يزرد ال ١٠١ ونفسي انزل تاني انا همشي علي الرجيم ده وربنا يسهل بس انا بعد التكميم بيجيلي امساك فيه حاجه ممكن اخدها

  58. يادكتور تسلم يارب..سؤالي لحضرتك يعني لو عملت الدايت دا ورحت وزنت مش هلاقي نفسي زايده ؟
    لانه نشوياته كتير عن اللي باخدها في الطبيعي ؟
    انا عملت الاسلوع الاول والتزمت فيه اربع ايام ماشا الله نزلت نص ولما بعمل الاسبوع اللي بعده وزنت بعد الفري لقيت نفسي زدت النص تاني
    انا بعمل رياضه كل يوم ماشا الله ساعه لكن تكتير النشويات مش يزود الوزن ؟

  59. نورا احمد

    انا هبدأ فالدايت ده يا دكتور وهبلغ حضرتك بعد اسبوع .. عشان اكسر ثبات وزني شكرا ليك

  60. ام ابراهيم

    السلام عليكم دكتور،انا حملت النظام جديد و اتبعت اسبوع تنشيط الحرق عشان وزني ثابت ، ايه افضل نظام اتبعو بعده
    وشكرا

  61. ميرا سالم

    دكتور انا اخدت ادويه تخسيس كتير جدا وكنت بخس عليهم ومن فتره جبت فات اتاك الأخضر موش خسسني بس قفل شهيتي بس موش بخس يا دكتور خالص فااعمل ايه 💔وانا قررت خلاص هوقف ادويه يعني اليوم انا اكلت رغيف ببطاطس ونص رغيف ببيضه مسلوقه وكدا طول اليوم بقا موش هاكل تاني فكدا ممكن اخس!! ولا اعمل ايه بالظبط 😭💔

  62. غير معروف

    لو سمحت انا مكنتش ماشية معاكم علي التحدي بس ماشية علي رجيم تاني و وزني ثبت لو عملت النظام ده هيكون فعال ولا لأ انا ٥٤ و طولي ١٤٨

  63. مساء الخير دكتور انا همشي علي رجيم تنشيط حرق الدهون لان وزني ومقاسي ثابت حتي بعد ما بمشي علي رجيم بدقه بعده ابتدي رجيم الشتاء ولا اعمل ايه

  64. غير معروف

    بعد اذن حضرتك يدك بكره اخر يوم ليا في دايت ثبات الوزن دا ممكن اعرف ايه النظام اللي امشي عليه بعده 😅💙

  65. يادكتور انا همشي ع الدايت دا
    والمفروض نتواصل معاك بعدها لكن انا مش بلاقى حضرتك

  66. سمر محفوظ عبدالعزيز

    دكتور لو سمحت انا مشيت ع انظمه كتير ووزني كان ثابت مبينزلش
    ان شلء الله هتابع معاك ع النظام ده
    وزني80
    طولي 158
    سني 26

  67. ممكن بديل البليله

  68. دكتور بليز رد عليا انا معاي كسل بالغدة الدرقية عملت فترة رجيم البروتين ونزل وزني صار تقريبا ٧٦ الان رجع طلع ٩٧ وطولي ١٧٠ اعمل ايه ابلش لشو باخد ثيروكسين كل يوم ١٥٠ ما عدا الجمعه استراحه هيك الدكتور حكالي جرعتي

  69. اعمل نظام إعادة تنشيط الحرق

  70. والله يا دكتور انا حبيت الدايت من خلال تطبيق حضرتك تانى اسبوع مع حضرتك ومكمله ان شاء الله ربنا يجازيك كل الخير ويجعله فىثميزان حسناتك

  71. راح ابدي بهذا رحيم وزني ٨١٠٥ كيلو وطولي١٦٣



اترك تعليقاً

لن يتم نشر عنوان بريدك الإلكتروني.