بامية دايت أو ڤناوية حسب ما يسميها أهل الجزائر

من أنواع الخضار اللي سعراتها قليلة جداً جداً

ممكن ناكل منها مرتين تلاته في الأسبوع .. في وجبة الغداء مع طبق السلطة والبروتين ولو في رز أو عيش ولو مفيش مش مهم وجودها مع السلطة والبروتين .. وجبة متكاملة ومشبعة جداً جداً وبتعطي طاقة كمان.

 

 

المقادير المطلوبة:- 

3 فصوص ثوم مهروسين

بصلة ” كبيرة الحجم ” مهروسة مع رشة ملح وفلفل أسمر وكزبرة

قرف فلفل حار

نصف كيلو بامية واللي تقريباً سعراته بتكون في حدود الـ 150 سعر حراري فقط !! يعني قرب سعرات كيس السان بايتس الصغير إنتوا متخيلين !!

عصير طماطم

 

 

 

الخطوات

 

هنغلي المياه ونضيف فيها البامية علشان تتسلق لمدة أقل من خمس دقايق

 

في حلة على النار هنضيف البصل والثوم اللي إحنا مجهزينهم ومعاهم الفلفل الحار ” حسب رغبتك ” ونقلب إلى أن يذبل البصل، وبعد كده هنضيف عصير الطماطم في الحلة ونقلب.

ونسيبها شوية على النار لحد ما تتسبك.

بعد كده نضيف البامية في الحلة ونقلب برفق.

ونسيب الخليط ده على النار شوية صغيرين.

بعد كده نزودها مياه دافئة ونقلب برفق.

ونسيبها شوية على نار هادئة.

 

وفي الآخر

في طاسة بدون زيت

هنحمر خمس فصوص ثوم وبعدين نضيفهم للحلة ومعاهم رشة فلفل أسمر والملح حسب الرغبة، وطبعاً نحاول منزودش كمية الملح علشان زي ما اتفقنا بيحبس المياه في الجسم.

 

 

عن د/ أحمد منصور