أسبوع الصيام المتقطع قبل العيد
نظام صيام متقطع لمدة أسبوع قبل العيد

أسبوع صيام متقطع لنسف الدهون قبل العيد يبدأ من السبت 25 يوليو

السلام عليكم ورحمة الله وبركاته، مرحباً بكم من جديد متابعينا الكرام، وكل عام وأنتم جميعاً بخير وفي أفضل حال، كالعادة يتجدد اللقاء مساء كل يوم جمعة، مع نظام جديد، صيام متقطع لوزن أقل من 90 كيلو ونظام عادي لوزن أعلى من 90 كيلو.

دلوقتي حضرتك بتقرأ نظام الصيام المتقطع، المناسب ليك في حالة إن وزنك أقل من التسعين، ولو أقل من الرقم ده ومش قادر تصوم، مفيش أي مشكلة، إمشي معانا على نفس جدول الأكل المكتوب هنا بدون ساعات صيام.

الصيام المتقطع ببساطة شديدة إنك بتثبت 8 ساعات تآكل فيهم كل يوم وليكن من 10 الصبح لـ 6 بالليل، أو من 12 الظهر لـ 8 بالليل وهكذا، وباقي ساعات اليوم بتكون صيام، ومن أفضل الحاجات اللي ممكن تكسر عليها الصيام هي التمر، يعني تبدأ الـ 8 ساعات المسموح فيهم بالأكل بـ 3 تمرات مع كوب من الماء، وبعدين تعد 8 ساعات تأخد فيهم كل الأكل المكتوب في النظام.

الـ 16 ساعة صيام من ضمنهم ساعات النوم، ومسموح فيهم بالماء أو الشاي أو القهوة أو الأعشاب بدون سكر، وخلال الـ 8 ساعات المسموح فيهم بالأكل ناخد بالنا منزودش كمية السكر عن معلقة واحدة فقط، لو حاسس إنك مش راضي عن معدل نزولك كل أسبوع، إبحث عن كمية السكر اللي بتستهلكها في اليوم يا بطل.

الملح وإستهلاكه بكمية أكبر من اللازم، سبب في ثباتك على الميزان لأنه بيسبب إحتباس السوائل بالجسم، وبالمناسبة دي بننوه على ضرورة إننا نبعد عن الميزان خلال فترة الدورة الشهرية، لأننا هناخد رقم غلط وتقييم خاطئ لأن برضو بيكون في إحتباس للسوائل في الفترة دي.

صيام متقطع مع صيام العشر الأوائل من ذي الحجة

ربنا يعيننا كلنا على طاعته ويتقبلها منا، لو بتصوم العشر الأوائل من شهر ذي الحجة وحابب تطبق نظام الصيام المتقطع، فأنت بالفعل بتصوم عدد ساعات قريب جداً من المطلوب، في حالة إنك بتسحر قبل الفجر بحاجة بسيطة، لو عايز تصوم الـ 16 ساعة بالظبط.

هيكون السحور الساعة 2 ونصف، والفطار هيكون على 3 تمرات مع كوب حليب، وتاخد في وجبة الفطار المكتوب في وجبة الغداء وتتسحر بالمكتوب في وجبة العشاء أو الفطار “زي ما تحب”، وبين الوجبتين هتاخد سناك “وجبة خفيفة” المكتوبة في النظام.

بسم الله نبدأ.

يرجى الإلتزام بالمكتوب نصاً بدون أي لغبطة 

للوصول لأفضل نتيجة.

 

نظام اليوم الأول 

السبت 25 يوليو 

الفطار

يمكنك الإختيار من بين:-

  • كوب حليب + 3 معالق شوفان
  • كوب حليب + 3 معالق كورن فلكس
  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + بيضة مسلوقة + قطعة جبنة قريش + خيار أو خس
  • ربع رغيف عيش بلدي + 2 علبة زبادي + خيار أو خس

نقدر نبدل ربع رغيف عيش بلدي بـ 1 توست بني أو نصف رغيف عيش سن.

 

الوجبة الخفيفة الأولى

سناك (1)

6 حبات لوز

أو

كوب حليب خالي الدسم

أو

نصف كوب حليب كامل الدسم

أو

10 حبات فول سوداني

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • رب أرنب مشوي أو مسلوق
  • من ربع إلى نصف كيلو سمك مشوي
  • علبة تونة بدون زيت
  • 2 إلى 3 قطع لحمة مسلوقة
  • طبق مشروم دايت
  • ربع فرخة مشوية أو مسلوقة “بدون جلد”

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • سبانخ
  • بروكلي
  • كوسة
  • بامية
  • ملوخية

سناك (2)

الوجبة الخفيفة الثانية

ثمرة فاكهة

 

العشاء

علبة زبادي

أو

كوب لبن رائب

 

نظام اليوم الثاني

الأحد 26 يوليو 

الفطار

يمكنك الإختيار من بين:-

 

  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + بيضة مسلوقة + قطعة جبنة قريش + خيار أو خس
  • ربع رغيف عيش بلدي + 2 علبة زبادي + خيار أو خس

نقدر نبدل ربع رغيف عيش بلدي بـ 1 توست بني أو نصف رغيف عيش سن.

 

الوجبة الخفيفة الأولى

سناك (1)

كوب حليب خالي الدسم

أو

نصف كوب حليب كامل الدسم

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • من ربع إلى نصف كيلو سمك مشوي
  • علبة تونة بدون زيت
  • 2 إلى 3 قطع لحمة مسلوقة
  • ربع فرخة مشوية أو مسلوقة “بدون جلد”

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • بروكلي
  • كوسة
  • بامية
  • ملوخية

 

العشاء

علبة زبادي + ثمرة فاكهة

 

نظام اليوم الثالث 

الاثنين 27 يوليو 

الفطار

يمكنك الإختيار من بين:-

  • ربع رغيف عيش بلدي + 5 معالق فول + ثمرة طماطم
  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + بيضة مسلوقة + قطعة جبنة قريش + خيار أو خس
  • ربع رغيف عيش بلدي + 2 علبة زبادي + خيار أو خس

نقدر نبدل ربع رغيف عيش بلدي بـ 1 توست بني أو نصف رغيف عيش سن.

 

الوجبة الخفيفة الأولى

سناك (1)

 

ثمرة فاكهة

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • من ربع إلى نصف كيلو سمك مشوي
  • ربع كيلو جمبري مشوي أو مسلوق
  • علبة تونة بدون زيت
  • 2 إلى 3 قطع لحمة مسلوقة
  • ربع فرخة مشوية أو مسلوقة “بدون جلد”

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • بروكلي
  • كوسة
  • بامية
  • ملوخية

أو ثمرة باذنجان مشوية بدلاً من طبق الخضار.

 

العشاء

علبة زبادي

أو

كوب لبن رائب

 

نظام اليوم الرابع 

الثلاثاء 28 يوليو 

الفطار

يمكنك الإختيار من بين:-

 

  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + بيضة مسلوقة + قطعة جبنة قريش + خيار أو خس
  • ربع رغيف عيش بلدي + 2 علبة زبادي + خيار أو خس

نقدر نبدل ربع رغيف عيش بلدي بـ 1 توست بني أو نصف رغيف عيش سن.

 

الوجبة الخفيفة الأولى

سناك (1)

كوب حليب خالي الدسم

أو

نصف كوب حليب كامل الدسم

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • 2 بيضة مسلوقة
  • بية مسلوقة + قطعة جبنة قريش
  • طبق مشروم دايت
  • من ربع إلى نصف كيلو سمك مشوي
  • علبة تونة بدون زيت
  • 2 إلى 3 قطع لحمة مسلوقة
  • ربع فرخة مشوية أو مسلوقة “بدون جلد”

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • بروكلي
  • كوسة
  • بامية
  • ملوخية

 

العشاء

علبة زبادي + ثمرة فاكهة

أو

2 علبة زبادي

 

نظام اليوم الخامس

الأربعاء 29 يوليو 

الفطار

يمكنك الإختيار من بين:-

  • كوب حليب + 3 معالق قمح بليلة
  • كوب حليب + 3 معالق شوفان
  • كوب حليب + 3 معالق كورن فلكس
  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + بيضة مسلوقة + قطعة جبنة قريش + خيار أو خس
  • ربع رغيف عيش بلدي + 2 علبة زبادي + خيار أو خس

نقدر نبدل ربع رغيف عيش بلدي بـ 1 توست بني أو نصف رغيف عيش سن.

 

الوجبة الخفيفة الأولى

سناك (1)

كوب حليب خالي الدسم

أو

نصف كوب حليب كامل الدسم

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • من ربع إلى نصف كيلو سمك مشوي
  • علبة تونة بدون زيت
  • علبة سردين بدون زيت
  • 2 إلى 3 قطع لحمة مسلوقة
  • ربع فرخة مشوية أو مسلوقة “بدون جلد”

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • بروكلي
  • كوسة
  • بامية
  • ملوخية

سناك (2)

الوجبة الخفيفة الثانية

ثمرة فاكهة

 

العشاء

علبة زبادي

أو

كوب لبن رائب

 

نظام اليوم السادس

الخميس 30 يوليو 

الفطار

يمكنك الإختيار من بين:-

  • كوب حليب + بيضة مسلوقة
  • 2 بيضة مسلوقة + خيار أو خس
  • 2 علبة زبادي + خيار أو خس
  • 2 قطعة جبنة قريش + خيار أو خس

 

الوجبة الخفيفة الأولى

سناك (1)

كوب حليب خالي الدسم

أو

نصف كوب حليب كامل الدسم

 

 

الغداء

يمكنك الإختيار من بين:-

  • ربع كيلو كفتة مشوية بدون دهون
  • من ربع إلى نصف كيلو سمك مشوي
  • علبة تونة بدون زيت
  • 2 إلى 3 قطع لحمة مسلوقة
  • 2 بيضة مسلوقة
  • 6 معالق لوبيا
  • 6 معالق بسلة
  • ربع فرخة مشوية أو مسلوقة “بدون جلد”

+ 3 معالق أرز

أو 4 معالق مكرونة أو ربع رغيف عيش بلدي

+ طبق سلطة من الخضار اللي موجود عندنا في البيت من أحد الخيارات الآتية:- (طماطم، خيار، جزر، خس، بقدونس، فلفل أخضر أو ألوان).

+ طبق خضار محضر بطريقة صحية من أحد الخيارات الآتية “مننساش إن لينا في اليوم معلقة كبيرة زيت زيتون أو اتنين بحد أقصى”، ممكن نستخدم منهم في تحضير طبق الخضار”:-

  • قرنبيط
  • فاصوليا خضراء
  • بروكلي
  • كوسة
  • بامية
  • ملوخية

 

العشاء

علبة زبادي + ثمرة فاكهة

 

نظام اليوم السابع  

الجمعة 31 يوليو 

 

أول أيام عيد الأضحى المبارك، أعاده الله علينا وعليكم بالخير واليمن والبركات.

هيكون يوم فري .. يوم مش وجبة هنآكل براحتنا، بس منفتريش يعني، لو حريصين إن وزننا ومعدل نزولنا ميتأثرش بشكل كبير.

وصدقني لو ملتزم معانا على مدار الأسبوع من نفسك مش هتبقى قادر تلغبط في الأكل.

بس أنا مش هقدر أحط لكم قواعد في العيد، نآكل براحتنا في اليوم ده، ونرجع تاني أقوى ونكمل في رجيمنا من جديد.

يوم الجمعة بإذن الله هينزل النظام الأسبوعي الجديد، هيكون شامل اليوم الثاني والثالث والرابع في العيد، ومعاهم طبعاً نظام باقي أيام الأسبوع.

في نهاية النظام هطلب منك طلب منك لو حاسس إني بقدم لك محتوى مفيد وفارق معاك، وعايز تدعمني إني أكمل، وهو إنك تساعدنا نوصل تقييماتنا الإيجابية لتطبيق دايت كلينيك لـ 5000 تقييم، إضغط على كلمة ( تطبيق دايت كلينيك ) الموجودة بين القوسين، وسيب لينا تعليق إيجابي، والله بيفرق معايا جداً.