لحرق الدهون – فاكهة الشتاء التي يمكنك تناولها أثناء الرجيم

بشكل عام نحتاج إلى تناول الفاكهة يومياً لفوائدها العظيمة، لكن لو بنعمل رجيم نستهدف بيه حرق الدهون والتخلص من السمنة، بالتالي لازم نكون على وعي بالأنواع اللي بناكل منها والكميات المتاحة لينا يومياً.

رجيم دايت كلينيك للأسبوع الحالي، مكتوب فيه ثمرة فاكهة، بصفة تقريباً شبه يومية، ومقال النهاردة بخصوص الفاكهة اللي ممكن ناكل منها، لو بنعمل رجيم، هدفنا منه إنقاص الوزن الزائد بصحة وفي وقت قياسي وبدون أي آثار جانبية.

موسم فصل الشتاء فيه أنواع فاكهة كثيرة، لكن أنا برشح لكم البرتقال، يكون موجود في بيتك ميتقطعش يومياً خلال فصل الشتاء، وبالنسبة للكمية فيكفي من ثمرة إلى إثنين بحد أقصى يومياً.

 

السعرات الحرارية في ثمرة البرتقال تقريباً .. 60 سعر حراري، يعني لو النظام اللي ماشيين عليه من 1200 كحد أدنى إلى 1600 سعر حراري، فثمرة فاكهة أو إثنين يومياً مش هيعطلوا مسيرتنا في إنقاص الوزن.

البرتقال كمان يعتبر كنز غذائي، بيقي من السرطان وبيقوي القلب وبيقلل من مستوى الكوليسترول في الدم.

بيقوي طبعاً جهاز المناعة، لأنه غني بفيتامين سي، ودي حاجة محتاجين ليها جداً في فصل الشتاء.

وكمان تناوله بيقي من الإصابة بالإمساك، لأنه غني بالألياف الغذائية، وبيحسن الهضم وبيسهل عمل الأمعاء.

لو لسه مش مشتركة معانا

في نظام دايت كلينيك للتنحيف بأمان، تقدري تتابعي معانا مجاناً من (هنا).

عن د/ أحمد منصور