الرجيم مش حرمان – طريقة تحضير مكرونة بشاميل دايت

الرجيم اللي أنتي متبعاه لو كان بيحرمك لفترات طويلة من أصناف كتير من الأكل اللي بتحبيه، لازم تبقي عارفه إن هييجي وقت، وكل تعبك يروح، ببساطة لإنك هتحني للأكل اللي كنت محرومة منه لفترة طويلة ممكن توصل لسنة.

وللأسف مش هتقدري تسيطري، علشان كده إحنا حريصين في دايت كلينيك، نقدم لكم، أصناف متنوعة من الأكلات، ومتاسبة للرجيم، وحتى لو مش مناسبة للأكل، خلال الأسبوع، فممكن نحضرها خلال اليوم الفري، هتساعدنا بشكل كبير، إن اليوم الفري يكون بدون أي ثبات في الوزن.

الوصفة القادمة تكفي 6 أفراد، ومدة التحضير 35 دقيقة.

المقادير

9 ملاعق دقيق

3 ملاعق صلصة طماطم

2 فلفل أخضر حلو، مقطع مكعبات

لتر ونصف حليب ” خالي الدسم ”

كوب ونصف ماء

مكعب ونصف مرق دجاج

كيس ونصف مكرونة

ملح ” حسب الرعبة ”

مكعب ونصف زبدة

فلفل أسود مطحون

ملعقة ونصف زيت عباد الشمس

جوزة الطيب ” كمية حسب الرغبة ”

2 بصلة مقطعة مكعبات

كيلو إلا ربع لحمة مفرومة ” بدون دهن ”

 

طريقة التحضير

في مقلايه أولاً نشوح البصله مع ملعقه الزيت حتى تذبل، ثم نضيف اللحمه المفرومه والفلفل الاسود وفي نصف السوا نضيف الصلصه والملح والفلفل المكعبات وقليلا من الماء ونتركها حتي تنضج تماماً.

الخطوة االثانية نسلق المكرونه في ماء فقط سلقه متماسكه ” لمده 7 دقائق ” ثم نصفيها من الماء ونقوم بخلطها بملعقه الزيت.

الخطوة الثالثة ” تحضير البشاميل ” في حله نضع مكعب الزبده مع ملعقه دقيق واحده حتي يتحمص الدقيق ويصبح لونه ذهبي، نضيف كوب لبن بارد ونقلب جيدا حتي يصبح بشاميل.

الخطوة الرابعة علي البارد نخلط باقي الدقيق مع اللبن ونضيفه علي البشاميل وبهذه الطريقه ناخذ طعم تحميصه الدقيق وفي نفس الوقت لم نستخدم زبده كتيره وتصبح صحيه اكتر.

الخطوة الخامسة نضيف مكعب مرقة الدجاج مذوب في كوب ماء ساخن ونضيف الملح والفلفل الاسود وجوز الطيب ونقلب حتي يصبح البشاميل قوامه الي حد ما سميك.

الخطوة السادسة في بايركس أو صينية ندهن زيت و ونضيف ملعقه بشاميل ونضع نصف كميه المكرونه ونخلطها بقليل من البشاميل.

الخطوة السابعة نفرد العصاج عليها ثم باقي المكرونه ونخلطها ايضا بقليل من البشاميل ثم نضع علي الوجه باقي البشاميل وممكن لو حابينها مقرمشة، نضيف قليل من البقسماط.

الخطوة الأخيرة  تدخل فرن حامي علي 200 ° لمده نصف ساعة أو أقل بـ “5دقائق” ثم نشعل الشوايه حتي يحمر وجهها.

 

فرق بنفسك بين العسل الأبيض

الأصلي والمغشوش

من خلال الضغط على كلمة

(هنا) الموجودة بين القوسين.