رجيم في أسبوع مع الدكتور أحمد منصور
رجيم سهل وسريع المفعول اقتصادي وغير مكلف في أسبوع

نظام دايت سهل وسريع غير مكلف لإنقاص الوزن في أسبوع

فرصة جديدة وتحدي جديد مع رجيمات دكتور أحمد منصور الأسبوعية، هفكركم ببعض المعلومات اللي ممكن تكون واضحة بالنسبة ليك، لإنك متابع قديم لينا، لكن محتاج أقولها علشان كل اللي بيتابعونا جديد ومنضمين لينا حديثاً.

في موقع دايت كلينيك، بنقدم بشكل أسبوعي نظامين، الأول بيكون نظام عادي اللي حضرتك بتقرأه دلوقتي، وده مناسب ليك في حالة إن وزنك أعلى من 90 كيلو، بنضيف رجيم تاني تابع لنظام الصيام المتقطع وده بيكون مناسب ليك في حالة إن وزنك أقل من 90 كيلو.

النظامين بفضل الله سواء ده أو ده، حققنا بيهم نتائج مذهلة من أول فترة تواجدنا، لو أنت موجود معانا من زمان هتبقى متأكدة من كلامي ده، ولو أنتي جديدة جربي الرجيم بتاعنا لمدة أسبوع، وهتلاحظي الفرق بشرط يكون في إلتزام بالمكتوب وبجدول الأكل يوم بيوم.

أنا حريص أني أقدم لكم طول الوقت نظام دايت سهل وسريع والإضافة إنه سهل فهو في نفس الوقت اقتصادي وغير مكلف وجميع الخيارات متاحة ومتوفرة في كل بيت، وبمشيئة الله هتلاحظي تحسن في أسبوع، زي ما قولنا بشرط تركزي وترمي اللي فات ورا ضهرك، وتطبقي المكتوب بدون لغبطة.

 

نظام دايت سهل وسريع لإنقاص الوزن

 

الرجيم الحالي يبدأ من يوم السبت الموافق 3 أكتوبر وينتهي يوم الجمعة الموافق 9 أكتوبر، الأساس في الرجيم، هو الحفاظ على رطوبة الجسم على مدار اليوم، بمعنى أن مطلوب منك تشرب مياه بالقدر الكافي يومياً، على الأقل 8 أكواب مياه.

من أفضل المشروبات خلال فترة الرجيم

  • القهوة
  • الشاي الأخضر
  • الشاي الأخضر مع الليمون (ممتاز)
  • الزنجبيل
  • القرفة
  • الزنجبيل مع الليمون

لينا يومياً معلقة كبيرة أو اثنين على الأكثر من زيت الزيتون، نستخدمهم في تحضير الأكل، وليكن الخضار أو في قلي البيض، أو بوضعهم على الجبنة أو طبق السلطة مثلاً، وهام جداً ناخد بحد أقصى معلقتين سكر فقط، نحاول منزودش عن كده يا أبطال.

مهم كمان ننام كويس، نوم منتظم وعميق قدر الإمكان، بحد أدنى 7 ساعات يومياً، ونوقف أكل قبل النوم بثلاث ساعات لو نقدر أو على الأقل ساعتين.

الرياضة مهمة ولكنها ليست الأساس، الرياضة وليكن المشي أو الجري في المكان تدعم معدل النزول في الوزن وهتساعدك في تحقيق هدفك في الحصول على شكل أنت راضي عنه، نصف ساعة مشي يومياً معدل ممتاز يا بطل، ولو تقدر تزود مفيش مشكلة.

 

نظام اليوم الأول 

السبت 3 أكتوبر

الفطار 

يمكنك الإختيار من بين:-

  • بيضة مسلوقة + 3 معالق فول + معلقة جبنة بيضاء + ربع رغيف عيش بلدي
  • 2 بيضة مقلية بزيت زيتون + ربع رغيف عيش بلدي + خيار أو خس
  • قطعة جبنة قريش + بيضة مسلوقة + ربع رغيف عيش بلدي + خيار أو خس
  • 2 علبة زبادي + 1 توست بني + خيار أو خس

 

الوجبة الخفيفة الأولى 

سناك (1)

ثمرة بطاطا مشوية أو نيئة

أو

أي نوع ثمرة فاكهة ويفضل (جوافة، برتقال، تفاح، أو كمثرى) ولكن لا مانع مثلاً من الموز أو الرمان

 

الغداء

يمكنك الإختيار من بين:-

  • نصف كيلو سمك مشوي
  • علبة تونة بدون زيت
  • 2 بيضة مسلوقة
  • علبة سردين بدون زيت
  • ربع فرخة مشوية أو مسلوقة
  • 200 جرام لحمة مسلوقة
  • ربع كيلو جمبري مشوي أو مسلوق

+ 3 معالق أرز

أو 4 معالق مكرونة

 

+ طبق سلطة

+ طبق خضار محضر بطريقة صحية من أحد الخيارات الآتية:-

  • سبانخ
  • كوسة
  • بامية
  • ملوخية

 

الوجبة الخفيفة الثانية 

سناك (2)

6 حبات لوز ني

أو

كوب حليب خالي الدسم

أو

نصف كوب حليب كامل الدسم

 

العشاء

طبق صغير بليلة عبارة عن

(3معالق قمح بليلة مع كوب حليب)

أو

2 علبة زبادي + ثمرة فاكهة

أو

كوب لبن رائب

 

 

نظام اليوم الثاني

الأحد 

الفطار 

يمكنك الإختيار من بين:-

  • جبنة بيضاء لايت (ثمن كيلو) 125 جرام + ربع رغيف عيش بلدي + خيار أو خس
  • 6 معالق شوفان + كوب حليب
  • 4 معالق فول + ربع رغيف عيش بلدي + ثمرة طماطم + خيار أو خس
  • 2 بيضة مقلية بزيت زيتون + ربع رغيف عيش بلدي + خيار أو خس
  • قطعة جبنة قريش + بيضة مسلوقة + ربع رغيف عيش بلدي + خيار أو خس
  • 2 علبة زبادي + 1 توست بني + خيار أو خس

 

الوجبة الخفيفة الأولى 

سناك (1)

 

نصف كوب ترمس

أو

نصف كوب ذرة مسلوق

أو

ثمرة فاكهة

أو

قطعة شوكولاته “الأفضل دراك” بوزن لا يتعدى 50 جرام.

 

 

الغداء

يمكنك الإختيار من بين:-

  • 6 معالق كبيرة لوبيا
  • 6 معالق كبيرة فاصوليا بيضاء
  • نصف كيلو سمك مشوي
  • علبة تونة بدون زيت
  • 2 بيضة مسلوقة
  • علبة سردين بدون زيت
  • ربع فرخة مشوية أو مسلوقة
  • 200 جرام لحمة مسلوقة
  • ربع كيلو جمبري مشوي أو مسلوق

+ 3 معالق أرز

أو 4 معالق مكرونة

 

+ طبق سلطة

+ طبق خضار محضر بطريقة صحية من أحد الخيارات الآتية:-

  • سبانخ
  • كوسة
  • بامية
  • بروكلي
  • ملوخية

يعني ممكن وجبة الغداء في اليوم ده تكون عبارة عن (6 معالق لوبيا + 3 معالق أرز + طبق سلطة).

 

الوجبة الخفيفة الثانية 

سناك (2)

 

علبة زبادي

 

العشاء

بيضة مسلوقة + خيار أو خس

أو

علبة زبادي + بيضة مسلوقة

أو

2 علبة زبادي

أو

كوب لبن رائب.

 

نظام اليوم الثالث

الاثنين

الفطار 

يمكنك الإختيار من بين:-

  • 2 علبة زبادي + خيار أو خس
  • كوب حليب + بيضة مسلوقة
  • 2 بيضة مسلوقة + خيار أو خس
  • قطعة جبنة قريش مع زيت الزيتون والطماطم + بيضة مسلوقة

 

الوجبة الخفيفة الأولى 

سناك (1)

3 تمرات

أو

ثمرة فاكهة

 

الغداء

يمكنك الإختيار من بين:-

  • نصف كيلو سمك مشوي
  • طبق مشروم دايت
  • طبق عدس دايت
  • علبة تونة بدون زيت
  • 2 بيضة مسلوقة
  • علبة سردين بدون زيت
  • ربع فرخة مشوية أو مسلوقة
  • 200 جرام لحمة مسلوقة
  • ربع كيلو جمبري مشوي أو مسلوق

 

 

+ طبق سلطة

+ طبق خضار محضر بطريقة صحية من أحد الخيارات الآتية:-

  • سبانخ
  • لوبيا خضراء
  • كوسة
  • فاصوليا خضراء
  • بامية
  • ملوخية

 

الوجبة الخفيفة الثانية 

سناك (2)

6 حبات لوز ني

أو

كوب حليب خالي الدسم

أو

نصف كوب حليب كامل الدسم

 

العشاء

 

2 علبة زبادي + خيار أو خس

أو

علبة زبادي + بيضة مسلوقة

 

نظام اليوم الرابع والخامس

الثلاثاء والأربعاء 6 .. و 7 أكتوبر

الفطار 

يمكنك الإختيار من بين:-

  • بيضة مسلوقة + 3 معالق فول + معلقة جبنة بيضاء + ربع رغيف عيش بلدي
  • 2 بيضة مقلية بزيت زيتون + ربع رغيف عيش بلدي + خيار أو خس
  • قطعة جبنة قريش + بيضة مسلوقة + ربع رغيف عيش بلدي + خيار أو خس
  • 4 معالق كورن فلكس + كوب حليب
  • 4 معالق شوفان + كوب حليب
  • 2 علبة زبادي + 1 توست بني + خيار أو خس

ممكن ناخد نصف رغيف عيش سن بدل ربع رغيف عيش بلدي.

 

الوجبة الخفيفة الأولى 

سناك (1)

 

ثمرة فاكهة

 

الغداء

يمكنك الإختيار من بين:-

  • نصف كيلو سمك مشوي
  • 6 معالق فاصوليا بيضاء
  • طبق عدس دايت
  • 200 جرام كبدة مشوية
  • علبة تونة بدون زيت
  • 2 بيضة مسلوقة
  • علبة سردين بدون زيت
  • ربع فرخة مشوية أو مسلوقة
  • 200 جرام لحمة مسلوقة
  • ربع كيلو جمبري مشوي أو مسلوق

+ 3 معالق أرز

أو 4 معالق مكرونة

أو ربع رغيف عيش بلدي

 

+ طبق سلطة فقط بدون طبق خضار

 

الوجبة الخفيفة الثانية 

سناك (2)

6 حبات لوز ني

أو

كوب حليب خالي الدسم

أو

نصف كوب حليب كامل الدسم

 

العشاء

 

علبة زبادي

أو

كوب لبن رائب

 

 

نظام اليوم السادس

الخميس 

الفطار 

يمكنك الإختيار من بين:-

  • 2 بيضة مسلوقة + خيار أو خس
  • 2 قطعة جبنة قريش + خيار أو خس
  • 2 علبة زبادي + خيار أو خس
  • 6 معالق فول + ثمرة طماطم + خيار أو خس
  • كوب حليب + بيضة مسلوقة
  • علبة زبادي + بيضة مسلوقة

 

الوجبة الخفيفة الأولى 

سناك (1)

 

سلطة فواكه

نصف ثمرة من ثلاث أنواع مختلفة

وليكن موز مع تفاح مع جوافة

 

الغداء

يمكنك الإختيار من بين:-

  • نصف كيلو سمك مشوي
  • علبة تونة بدون زيت
  • 6 معالق لوبيا
  • كوب بسلة مع 100جرام لحمة مفرومة
  • 2 بيضة مسلوقة
  • علبة سردين بدون زيت
  • ربع فرخة مشوية أو مسلوقة
  • 200 جرام لحمة مسلوقة
  • ربع كيلو جمبري مشوي أو مسلوق

 

+ طبق سلطة

+ طبق خضار محضر بطريقة صحية من أحد الخيارات الآتية:-

  • سبانخ
  • فاصوليا خضراء
  • كوسة
  • بامية
  • ملوخية

 

الوجبة الخفيفة الثانية 

سناك (2)

6 حبات لوز ني

أو

كوب حليب خالي الدسم

أو

نصف كوب حليب كامل الدسم

 

العشاء

 

علبة زبادي

أو

كوب لبن رائب

 

 

نظام اليوم السابع

الجمعة 9 أكتوبر

يوم الجمعة، آخر يوم في الأسبوع هيكون يوم فري.

نظام اليوم الفري بكل بساطة إنه مش يوم مفتوح.

لينا وجبة واحدة فقط مفتوحة وهي (الغداء).

أما بالنسبة لوجبة الفطار والعشاء فهيكونوا دايت، ومسموح بقطعة حلويات ناخدها مباشرة بعد وجبة الفطار أو الغداء، قطعة الحلويات تكون بحجم كف اليد.

وبكده يكون إنتهى نظام الأسبوع الحالي، أشوفكم الأسبوع القادم على خير بمشيئة الله مع نظام جديد، دمتم في سعادة، لا تنسوني من صالح دعائكم.