رجيم شهر رمضان

نظام الأسبوع الثاني من رمضان يبدأ السبت 2 مايو وينتهي الجمعة 8 مايو

السلام عليكم ورحمة الله وبركاته، أتمنى من كل قلبي أن تكونوا بخير وفي أفضل حال دائماً وأبداً، أهلاً بيكم في نظام الأسبوع الثاني من شهر رمضان الكريم، وهيبدأ بمشيئة الله من يوم السبت الموافق 2 مايو وينتهي يوم الجمعة الموافق 8 مايو.

رجيم صحي

أنا آسف لو النظام صعب شوية، لكن زي ما اتفقنا هو بالأساس صحي بنسبة 100 %، وملوش أي آثار جانبية سلبية، وده اللي يهمنا، الصعوبة جاية من إننا مش متعودين في شهر رمضان على إننا ناكل بحساب، طول عمرنا ممكن نحرم نفسنا من أي أكل ونيجي على نفسنا في الأكل، لكن شهر رمضان اللي هو شهر الصيام، مينفعش نعدي يوم من غير ما نحضر الأصناف أشكال وألوان، وطبعاً مش هينفع من غير حلويات برضو بشكل يومي.

كل يوم نآكل براحتنا كل يوم حلويات، كده مفيش أي فايدة صحية من صيام شهر رمضان، كده في خمول خلال فترة الصيام، وعلى العكس تماماً لو حاولنا نستغل فرصة الشهر الكريم في الرجيم.

شهر رمضان يعني صيام متقطع كما يجب أن يكون، هو لحد أمتى هنفضل نآكل والأكل عندنا يكون في المقام الأول، ولازم منقمش من على الأكل إلا وإحنا مش قادرين ناخد نفسنا، طب نفوق شوية ونركز وهيفرق معانا رجيم دايت كلينيك، وهنحقق نجاحات مبهرة في أوقات قياسية بإذن الله.

 

رحلة الـ 100 يوم

 

هدفنا في دايت كلينيك هو الإلتزام بتعليمات الرجيم وجدول الأكلات لمدة 100 يوم، حقق متابعينا خلال فترة متابعتهم لنا، قصص نجاح مبهرة في الرجيم، وبما أنك هنا، فأنا بوعدك إن الدور عليك، وبكره تفرح وتبهر كل اللي حواليك بنجاحك.

ركز يا صديقي ..

وزنك زاد في شهور بل سنيـــــــــــــن، أرجوك متتربصش لنتائج الرجيم، وتتابع أكثر من اللازم، بلاش توزن صبح وليل، قبل الأكل وبعده، أعطي لنفسك فرصة، أعطي لنفسك وقت إنه يتغير، رحلتنا 100 يوم فقط، هنقدم ليك كل اللي محتاج ليه، بدون أي مقابل سوى دعوة جميلة من قلبك لنا.

 

مش معنى كده إنك مش هتستنى النتيجة إلا بعد 3 شهور، لأ طبعاً أنا بفهمك إن الهدف بعيد المدى هو الإلتزام والفرحة بالنتيجة بعد 100 يوم، وعلى المدى القريب وبشكل أسبوعي هتلاقي نزول على الميزان واللي يفرح أكثر طبعاً هو تغير المقاسات من يوم ليوم ومن أسبوع لأسبوع.

 

أرجوك راجع نفسك لو حسيت إنك مش بتوصل لنتيجة بتتمناها !!

 

هل تلتزم بكميات الأكل اليومية والأصناف ؟

هل تلتزم بتعلميات اليوم الفري، وبكمية السكر اليومية، والملح والزيت، وشرب كمية المياه الكافية.

راجع نفسك أولاً قبل الحكم على الرجيم، وأنا واثق إنك معانا هتحقق نتائج تفوق توقعاتك بشرط تعمل اللي عليك وتلتزم بالمكتوب قدر الإمكان يوم بيوم.

 

 

رجيم الأسبوع الحالي بسيط

إن شاء الله يكون من السهل علينا كلنا نلتزم بيه.

إضغط على كلمة ( جدول الأكل الأسبوع الثاني من رمضان )

للوصول للتفاصيل.