رجيم الأسبوع الثاني من رمضان يبدأ الإثنين 13 مايو

مساؤكم خير .. بسم الله نبدأ رجيم جديد، رجيم ثاني أسبوع في رمضان، وللأسف واضح إن أنا بس اللي بعمل اللي عليا في المكان 😂 أكتب نظام كل أسبوع وقليل جداً اللي بيتلزم، بس لو كانت حجتنا إن أول أسبوع في رمضان مش عارفين نلتزم بسبب العزومات والذي منه، فأعتقد مفيش حجة نرجع تاني للطريق الصواب، ونلتزم في اللي باقي من الشهر.

الحمد لله شوفت إنجازات كبيرة جداً ع الجروب بتاعنا على الفيس بوك وناس كتير قدرت تنزل من كيلو إلى ثلاثة كيلو زي ما وعدتكم، حتى اللي كانوا بيثبتوا نزلوا كمان في الوزن.

ياللا ننسى اللي فات بكل اللي فيه ونفتح صفحة جديدة.

نظراً إن ناس كتير طلبت مني ندخل الشوربة في النظام، فأنا موافق بس بشرط ناكلها بدون دهون، يعني بعد ما نطبخ الفراخ أو اللحمة نسيب الحلة تبرد، وبعد ما تدخل الثلاجة بفترة هتكون طبقة الدهون فوق نشيلها ونغلي الشوربة ونشربها بدون أي دهون.

وناس كمان سألت عن لسان العصفور بدل الأرز، فإحنا ممكن في اليوم اللي فيه أرز في وجبة الغداء ناخد ثلاث معالق من لسان العصفور مع طبق الشوربة بدل تلات معالق أرز.

بالتالي ترتيب الأكل هيكون كآلاتي:-

 

أذان المغرب معاه .. تلات تمرات على كوباية مياه
أو ثلاث تمرات مع كوباية حليب خالي الدسم

ثم صلاة المغرب ..

بعد كده طبق الشوربة ..

طبق السلطة الخضراء ( طماطم – خيار – بصل – جزر – خس ، وهكذا .. ) ” الكنز ” اللي إتفقنا إنه إن شاء الله هيكون سبب نجاحنا في الرجيم

بعد كده طبق الخضار المطبوخ بطريقة صحية وقولنا إن أفضل إختيارات هي ( البامية – الكوسة – الملوخية – السبانخ – الفاصوليا الخضراء ) .. وأي حاجة تانية نفسنا فيها نخليها في الفري ( قلقاس – بسلة – عدس – وهكذا ).

ندخل بعد كده على البروتين بتاعنا ( اللحمة أو الفراخ أو السمك أو البيض .. ) ومعاهم الرز أو العيش ” إن وُجد  😂 “.

 

بما إننا في صيام فلما بنفطر بنكون محتاجين عصير، بعد الفطار بشوية ” حاجة مسكرة يعني ” فإحنا بجانب الفاكهة أو أي سناك مكتوب .. نقدر نشرب كوباية عصير ليمون أو كركدية بمعلقة السكر المسموحة يومياً أو معلقتين على الأكثر.

 

ياريت كمان مننساش من بعد ما نفطر .. إننا كل ساعة نشرب كوباية مياه.

 

نظام اليوم الأول ( الإثنين )

 

يمكنك الإختيار في وجبة الفطار من بين:-

  • ربع فرخة مشوية أو مسلوقة
  • ربع أرنب مشوي أو مسلوق
  • ربع كيلو لحمة مشوية أو مسلوقة
  • ربع كيلو كفتة مشوية ” بدون دهون “
  • علبة تونة بدون زيت
  • 2 بيضة مسلوقة أو مقلية بمعلقة زيت صغيرة
  • ربع كيلو جبنة قريش أو أي نوع جبنة دايت
  • ربع كيلو كبدة مشوية أو محضرة دايت
  • نصف كيلو سمك مشوي

+ طبق سلطة + طبق خضار

 

متاح في اليوم الأول الإفطار على كوب حليب به ثلاث تمرات وفواكه مجففة ( زبيب – قراصيا – مشمش – إلخ ) بحجم ثلث كوب وباقي الكوباية يكون حليب، طبعاً من غير سكر، علشان الفاكهة دي كلها سكر أصلاً.

ولو مش متاح هيكون فطارنا عادي على تمر ومياه أو تمر وحليب.

 

بين الفطار والسحور

كوب حليب خالي الدسم

أو

ثمرة فاكهة

 

وزي ما اتفقنا لينا كوباية عصير إضافية لو حابين في أي يوم وفي أي وقت ( كركدية أو ليمون ).

 

يمكنك الإختيار في السحور من بين:-

 

5 معالق فول + ثمرة خيار + ربع رغيف عيش + علبة زبادي

2 بيضة مسلوقة ( في حالة لو الفطار كان حاجة غير البيض )  + بيضة مسلوقة + ربع رغيف عيش + علبة زبادي

 

 

نظام اليوم الثاني ( الثلاثاء )

 

يمكنك الإختيار في وجبة الفطار من بين:-

  • ربع فرخة مشوية أو مسلوقة
  • ربع أرنب مشوي أو مسلوق
  • ربع كيلو لحمة مشوية أو مسلوقة
  • ربع كيلو كفتة مشوية ” بدون دهون “
  • علبة تونة بدون زيت
  • 2 بيضة مسلوقة أو مقلية بمعلقة زيت صغيرة
  • ربع كيلو جبنة قريش أو أي نوع جبنة دايت
  • ربع كيلو كبدة مشوية أو محضرة دايت
  • نصف كيلو سمك مشوي

+ 3 معالق أرز أو 4 معالق مكرونة أو ربع رغيف عيش + طبق سلطة + طبق خضار

والعيش في أي وجبة يمكن إستبدال الربع رغيف بلدي بنصف رغيف سن أو بواحد توست بني.

 

يمكنك إستبدال الأرز بثمرة بطاطس، بالتالي بدل ما تأكلي ربع فرخة و3 معالق أرز، ممكن تعملي صينية بطاطس بالفراخ عشان خاطر الأولاد، وتأكلي البطاطس والفراخ بدون رز طبعاً .. ( ثمرة بطاطس واحدة ها؟؟ مش فدان ).

 

 

بين الفطار والسحور

 

3 حبات من أي نوع مكسرات

أو

ثمرة فاكهة

 

 

يمكنك الإختيار في السحور من بين:-

  • 5 معالق فول + ثمرة خيار + ربع رغيف عيش
  • 2 بيضة مسلوقة + ربع رغيف عيش + ثمرة خيار
  • 2 علبة زبادي + واحد توست بني
  • 100 جرام جبنة قريش + ربع رغيف عيش + ثمرة خيار

 

نظام اليوم الثالث ( الأربعاء )

 

الفطار ( فري) ..

 

بين الفطار والسحور ( أي حلويات خلقها ربنا بحجم نصف الإيد يعني أي حتة حلويات تملى إيدك من غير الصوابع 😂 ) وبلاش بيبسي أو شيبسي رجاءً.

 

 

يمكنك الإختيار في السحور من بين:-

 

2 بيضة مسلوقة + ثمرة خيار + ثمرة فاكهة

أو

6 معالق فول + ثمرة خيار أو خس + ثمرة فاكهة

أو

2 علبة زبادي + ثمرة فاكهة

 

نظام اليوم الرابع ( الخميس ) 

 

يمكنك الإختيار في الفطار من بين:-

 

  • ربع فرخة مشوية أو مسلوقة
  • ربع أرنب مشوي أو مسلوق
  • ربع كيلو لحمة مشوية أو مسلوقة
  • ربع كيلو كفتة مشوية ” بدون دهون “
  • علبة تونة بدون زيت
  • 2 بيضة مسلوقة أو مقلية بمعلقة زيت صغيرة
  • ربع كيلو جبنة قريش أو أي نوع جبنة دايت
  • ربع كيلو كبدة مشوية أو محضرة دايت
  • نصف كيلو سمك مشوي

+ طبق سلطة + طبق خضار

 

 

بين الفطار والسحور:-

كوب حليب خالي الدسم

أو

ثمرة فاكهة

أو

10 حبات فول سوداني

أو

3 حبات مكسرات من أي نوع

 

 

 

يمكنك الإختيار في السحور من بين:-

 

125 جرام حبنة قريش + ثمرة خيار

أو

6 معالق فول + ثمرة خيار

أو

2 علبة زبادي

 

 

نظام اليوم الخامس ( الجمعة ) 

 

يمكنك الإختيار في الفطار من بين:-

*

  • ربع فرخة مشوية أو مسلوقة
  • ربع أرنب مشوي أو مسلوق
  • ربع كيلو لحمة مشوية أو مسلوقة
  • ربع كيلو كفتة مشوية ” بدون دهون “
  • علبة تونة بدون زيت
  • 2 بيضة مسلوقة أو مقلية بمعلقة زيت صغيرة
  • ربع كيلو جبنة قريش أو أي نوع جبنة دايت
  • ربع كيلو كبدة مشوية أو محضرة دايت
  • نصف كيلو سمك مشوي

+ طبق سلطة + طبق خضار

 

متاح الفطار على كوب حليب بياميش رمضان يملى ثلث الكوباية وباقيها يكون حليب.

ولو مش متوفر كعادتنا في أي يوم هنفطر على تمر بلبن أو تمر بماء.

 

 

بين الفطار والسحور

ثمرتين فاكهة

 

 

يمكنك الإختيار في السحور من بين:-

 

  • 2 بيضة مسلوقة + ثمرة خيار
  • 2 علبة زيادي
  • 6 معالق فول + ثمرة خيار

 

 

نظام اليوم السادس ( السبت )

 

الفطار ( فري )

 

بين الفطار والسحور ( قطعة حلويات ) بالحجم المتفق عليه

 

السحور يمكنك الإختيار من بين:-

  • 2 بيضة مسلوقة + ثمرة خيار + ربع رغيف عيش
  • 4 معالق فول + ربع رغيف عيش + ثمرة خيار
  • 125 جرام جبنة قريش + ثمرة خيار + ربع رغيف عيش

 

نظام اليوم السابع ( الأحد )

 

يمكنك الإختيار في الفطار من بين:-

 

  • ربع فرخة مشوية أو مسلوقة
  • ربع أرنب مشوي أو مسلوق
  • ربع كيلو لحمة مشوية أو مسلوقة
  • ربع كيلو كفتة مشوية ” بدون دهون “
  • علبة تونة بدون زيت
  • 2 بيضة مسلوقة أو مقلية بمعلقة زيت صغيرة
  • ربع كيلو جبنة قريش أو أي نوع جبنة دايت
  • ربع كيلو كبدة مشوية أو محضرة دايت
  • نصف كيلو سمك مشوي

 

+ 3 معالق أرز أو 4 مكرونة أو ربع رغيف عيش

+ طبق سلطة + طبق خضار

 

 

 

بين الفطار والسحور:-

ثمرة فاكهة

أو

كوب حليب خالي الدسم

 

 

يمكنك الإختيار في السحور من بين:-

 

  • 125 جرام جبنة قريش + ربع رغيف عيش + ثمرة خيار
  • 2 بيضة مسلوقة + ربع رغيف عيش + ثمرة خيار
  • 5 معالق فول + ربع رغيف عيش + ثمرة خيار
  • 2 كوب زبادي + واحد توست بني

 

 

 

 

إنتهى النظام والتعليمات القادمة هامة جداً

  • شرب الماء كوباية كل ساعة.
  • مسموح بمعلقة سكر واحدة يومياً أو إثنين على الأكثر.
  • مرضى الضغط والسكر والحوامل والمرضعات اللي أطفالهم لسه إعتمادهم الوحيد على الرضاعة في التغذية .. الدايت غير مناسب ليهم إلا بإستشارة طبيب.
  • شرب الماء كوباية كل ساعة.
  • المرضعات اللي أطفالهم تجاوزوا خمس شهور وبدأوا يأكلوا بجانب الرضاعة يقدروا يمشوا على النظام وليهم بالإضافة ع المكتوب ( حصة مكسرات 3 حبات من أي نوع )+( كوب حليب كامل الدسم أو إتنين كوب خالي الدسم ) بالإضافة إلى ربع رغيف عيش في حالة إن السحور مش مكتوب فيه عيش، ولو مفيش مكسرات ياخدوا بدالها ثمرة فاكهة.
  • شرب الماء كوباية كل ساعة حتى لو مش عطشان.
  • الرجيم مناسب لوزن بين 60 كيلو وحتى 100 كيلو .. أي وزن فوق 100 كيلو ليه بدل ربع رغيف في الفطار ( نصف ) أو6معالق أرز أو 8 مكرونة، وبدل ربع رغيف في السحور ليك ( نصف ) ، مع الإلتزام بالوجبات اللي بدون عيش أو أرز إنك تأكل من غيرهم أساساً .. يعني أي وجبة تلاقي فيها رز أو عيش ضعف الكمية أي وجبة مفهاش من الأساس عيش أو أرز فغير مسموح ليك تضيف منهم للوجبة.
  • شرب الماء كوباية كل ساعة.

 

 

قبل ما تقولي إن الرجيم سهل والعيش كتير يا دكتور .. هرد على حضرتك في نقطتين .. بالفعل الرجيم سهل علشان للأسف ناس كتير مقدرتش تلتزم بنظام أول أسبوع فسهلت الموضوع شوية .. 

 

ثانياً والأهم، إني قولت إننا في دايت كلينيك بنعمل رجيم صحي متوازن مش هنفضل طول الوقت مقللين العيش ولا هنفضل مزودين الرز .. دايماً في تنوع والهدف اللي الكل هيوصله وفي بالفعل وصله الحمد لله هو الوصول للوزن المثالي بكامل صحتنا، وبدون ترهلات.

أما لو مستعجلة تخسي 4 كيلو كل أربع دقايق فأنا ضميري ميخصلنيش أكتب رجيم قاسي، تفرحي إنك بتنزلي بمعدل جنوني لكن صحتك في النازل وجسمك آه خس لكن بقى شكله قبيح، والأسوء إنك تزيدي كل اللي فقدتيه بسرعة الصاروخ.

 

لذلك التأني مطلوب وياريت نفهم إن وزننا الزائد إكتسبناه في سنيييييييييين، لو هنفقده في 5 شهور أعتقد الأمر معقول ومنطقي إلى حد ما.

 

4 كيلو تفقديهم شهرياً برجيم صحي وآمن هو المعدل الأفضل للنزول، اللي هيسمح لك تخسي بدون ترهلات، وبصحة وبدون حرمان، وكمان يسهل عليكي مهمة التثبيت وإنك مستحيل ترجعي تزيدي في الوزن تاني.

 

 

 

أخيراً .. محتاج دعمكم جداً ولو حاسين بأي إستفادة من التطبيق، ياريت تروحوا دلوقتي على متجر جوجل بلاي، تبحثوا عن تطبيق دايت كلينيك ، وتدخلوا تعملوا لينا تقييم كويس.

 

دمتم في سعادة وراحة بال – دعواتكم 🍂🌹

 

 

حبيب أنقل ليكم بعض الصور من الجروب لإنجازات بعض المتابعين بعد أول أسبوع

 

 

 

 

.

عن د/ أحمد منصور

102 تعليق

  1. هو انا ممكن اخلى الفرى يوم الجمعه بدل الاربعاء لان الجمعه دا مقدس بروح افطر مع اهلى وكمان بيكون متجمع كل اخواتى واخوات ماما

  2. شيماء الخطيب

    انشاء الله هلتزم وهقاوم العزومات وهرفض بشده عشان انا خربتها اول اسبوع وربنا يعينك علينا يادكتور ويجازيك خير يارب ويحققلك كل الا بتتمناه

  3. مروه المسيري

    بآكل خشاف ومستنيه تنور يا دكتور 😂😂

  4. ام اهداء

    مساء الخير دكتور انا كتير مبسوطه انا مشت خسيت انا اتشفط والله ماشاءالله كتير كتير مبسوطه رقم اني مرضعه وبعمل تجاوزات بس الحمد لله نزول وجيب ي رب بركه الشهر الفضيل يرزقك ما يحرمك ويسعدك ف الدارين يا رب

  5. 💪🏻💪🏻💪🏻💪🏻💪🏻💪🏻💪🏻💪🏻💪🏻👌🏻👌🏻👌🏻👌🏻👌🏻👌🏻

  6. غير معروف

    انا ملتزمه بالرجيم من اول اسبوع في رمضان كان وزني ٧٥ كيلو وطولي 165 سم ولما وزنت نفسي الحمدلله نزلت 3 كيلو وبقيت 72 يا دكتور وان شاء الله مكمله

  7. نور الهدى

    والله يا دكتور انك عسل بضحكنا بكلامك 🤣 وبجد ربنا يعينك علينا والك الجنة ان شاء الله😊

  8. سلام عليكم اني حابة ابدء بلرجيم اني وزني ٧٣ وطولي ١٦٣ انشاء اخبركم بلنتيجة

  9. هيفين خليل

    هو انا التزمت ٥٠% بلنظام لانو اول اسبوع وكمان بأوروبا الوقت طويل ونزلت كيلو ونص بس هاد اسبوع رح حاول ألتزم فيه ١٠٠% وشكرا الك دكتور برنامجك كتير مشجع ورائع

  10. بنت اليمن

    جزاك الله خير دكتور
    ماذا عن التثبيت في رمضان كيف يكون
    وبالنسبه للقراصيا وياميش اكلات مصرية وأشياء ذكرتها ماناكلها برمضان بالنسبه لنا السمبوسة اهم شي برمضان باختلاف حشواتها والفيمتو
    هذا اغلب شي في اليمن والخليج برمضان
    وشكراكثيرا لجهودك معانا

  11. ميرو جمال

    يادكتور انا ثابته ليا شهر على 75 ومش عارفه اعمل ايه

  12. ملتزمين آن شآءآلله يآ دكتور
    معآك من شهر وآلحمدلله نزلت ٧ كيلو
    ومكمله معأك رمضآن بآذن آلله 💪

    آلله يعطيك آلف عآفيه

  13. اولادي نور عيني

    قبلناا التحدي

  14. غير معروف

    جزاك الله خيراً على مجهودك معانا ان شاءالله نلتزم

  15. روكا جمال

    لو سمحت يا دكتور ممكن عصير برتقال بدل الليمون

  16. ندي محمد

    مکملین مع حضرتک وربنا یجازیک کل خیر

  17. غير معروف

    دكتور عصير تمر هندي بدال الكركديه بيصير وكمان نحن الياميش مابناكلو برمضان كمان انا بحس شوربة العدس اساسيا مابنعمل شوربة لحمة اوجاج يعني هي اصلا من دون دهون رايك لوسمحت

  18. دكتور ممكن اوحد السحور زبادي بس

  19. وزني ثبت اسبوع وبعدين نزلت ١.٥كيلو فجاءة وعندي مشكلة مش بقدر اكل في رمضان ونفسي مسدودة طول الوقت وبتسحر زبادي كل يوم

  20. بدأت فى شهر يناير ملتزمين بإذن الله كنت ٩٥ الحمد لله بقيت ٧٥

  21. د/ أحمد منصور

    التنوع أفضل طبعاً

  22. د/ أحمد منصور

    20 كيلو .. ما شاء الله عليكي

    ألف مبروك

  23. غير معروف

    الله يجزيك الخير ويبارك فيك يادكتور ويجعله بميزان حسناتك يارب
    انا مشيت معك من حوالي شهر ونص تقريبا كان وزني 86 اول 15 يوم نزل وزني 3 كيلو والحمد لله وبعدين ماعد التزمت منيح لكن مع هالشي نزل كمان 2 كيلو والحمد لله
    دخلنا على رمضان المبارك كان وزني 81 ونص
    اليوم وزنت لقيت وزني 80 كيلو يعني نزلت كيلو ونص في الاسبوع الاول من رمضان مع اني ماكتير التزمت والاحلى من هيك ان باين على المقاسات اقل بكتي9من قبل
    اشكرك جزيل الشكر يادكتور ومكمله معاكم باذن الله تعالى
    رمضان كريم وكل عام وانتم بخير

  24. انا بدأت رمضان بوزن 87.8 واليوم وزنت قبل الفطور وكنت 86 ملتزمة الحمد لله لكن بدون رياضة عندي اطفال صغار وماعندي وقت للرياضة

  25. غير معروف

    يادكتور لو سمحت عايزة حاجة عشان تعلي الحرق انا حرقي ضعيف جدا وان شاء الله التزم الاسبوع الجاي عشان اوصل للوزن اللي انا عايزاه انا بدات من اول شهر 3وكان وزني 91دلوقتي 82ومكملة معاك ان شاء الله وجزاك الله خير

  26. حلوة بطاطسايه مسلوقه مش فدان ربنا يباركلك يا دكتور ويقويك علينا يارب

  27. غير معروف

    الله يوفقك ويبارك فيكي
    انا متلك هيك ماالتزمت كتير بالاسبوع الاول من رمضان لكن اكتر شي فادني اني بطلت اكل حلويات واكتفيت بالتمر حتى بعد الافطار لما يجي على بالي الحلو اكل كم تمره واشرب ميه والحمد لله نزل وزني كيلو ونص استمري واتشجعي والله يوفقك ويحققلك الي في بالك يارب

  28. غير معروف

    الله يوفقك
    انا هيك متلك تماما والبرنامج حلو كتير والدكتور طريقته جميله انشالله نستمر ياري

  29. غير معروف

    دكتور انا بمشي علي النظام بس مش بحب الخضار ولا السلطه وفضلت منتظمه جدا ف اول اسبوع بس مخستش خالص اعمل اي ؟!

  30. الله يجزيك كل خير على تعبك معانا
    انا بدأت معكم من اقل من شهر ونزل وزني 2 كيلو 😁
    عارفه انو قليل جدا بس لاني مش كتير ملتزمه بالنظام للاسف ارادتي ضعيفه امام الأكل
    ان شاء الله التزم هاد الاسبوع
    بس لو سمحت انت بتوجه كلامك للمصريين فقط
    يعني احنا ما بناكل قراصيا وياميش وشوربة دجاج
    ممكن شوربة خضار بالشوفان؟؟
    والسحور ازا بدون خبز ما رح نتعب اثناء الصيام؟؟

  31. یسعد قلبک یاااااحلا دکتوووور انا الاسبوع هاد لخبط شوی بس م̷ـــِْن هَــْـِْـْْـِلاّ مستمررررره معکم •اللّـہ̣̥ یرزقک ویوووفقک بعدد شعر راسک جد شکرررررررررررا

  32. دكتور بصير اكول لبن الغنم على السحور بدل لبن البقر
    وشو فؤاد الشاي الخضر على السحور وبعد الافطار

  33. غير معروف

    دكتور ممكن الغي الفري بتاع يوم السبت أنا ملتزمة وملخبطش ولا يوم ونزلت وزن.كتير وعايزة اثبت بعد رمضان

  34. اسماء طاهر

    يومين فري يادكتور انت كده مدلعنا بزياده عاوزه اسال علي الشاي بلبن لومره واحده فعلا بيثبت الوزن والسكر دايت مسموح بكميه اد ايه انا بتسحر الساعه 12 لومتسحرتش غلط ولا عادي كنت بصوم قبل رمضان من غير سحور والنتيجه كانت حلوه اوي معلش اسئله كتير دمت في خير وسعاده وجزاك الله خير الجزاء

  35. غير معروف

    حضرتك يا دكتور منزلتش نظام للناس الى اقل من ٦٠ كيلو ياريت تنزلنا نظام

  36. كم رح انحف في شهر رمضان شو ٤كيلو ولا شي

  37. نينا من الجزائر

    بارك الله فيك و جزاك الله خيرا و احنا معك و نشكرك على وقفتك معنا.

  38. الوردة الدمشقية

    ممكن اسال اذا صحن السلطة منقدر نضفلو زيت زيتون او لا وومكن اعرف الطريقة الصحية لطبخ طبق الخضار

  39. شكرا يا دكتور ربنا يرفع قدرك دنيا واخره

    الله عليك يا دكتور ايه النظام الرائع ده 2فري في اسبوع واحد وكمان مرتين حلويات انا بجد تحمست جدا جدا
    كنت باخد حبة حاجات من نظام حضرتك الاسبوع اللي فات ومش ملتزمه التزام تام ولله الفضل والحمد نزلت حوال 1.5 ان شاء الله هلتزم الاسبوع ده جدا جدا
    مع العلم مانعه تماما عصير علي الفطار واساسي فطارى ب3 تمرات واحيانا يوصلو لخمسه علي مدار اليوم😁 وفي خلال يومين اكلت كمية كاجو وفسدق محترمه😁
    بجد متحمسه جدا اشوف وزنى الاسبوع القادم باذن الله
    ربنا يجعله في ميزان حسناتك ويباركلك في علمك واسرتك

  40. لو سمحت يادكتور ممكن حضرتك ترد عليا ضرورى لو وصلت للوزن المطلوب مفروض اعمل ايه اكمل معاكو ولا اعمل ايه ارجو الرد انا كنت 64 وصلت ٥٨ وشايفه وزنى كويس كده

  41. سيدرا الروح

    تم بأذن الله

  42. عبير الشام

    احلى دكتور واحلى دايت
    ربنا يوفقك

  43. غير معروف

    يارب

  44. إيمان الستاوي

    شكرا يادكتور انا بإذن الله هلتزم المره دي دعواتك وانا خسيت مع حضرتك ٨ كيلو شكرا جدا جدا

  45. غير معروف

    جزاك الله كل خير يادكتور
    ربنا يجعله فى ميزان حسناتك يادكتور
    بس عاوزه اعرف زيت الحار غلط فى الدايت

  46. غير معروف

    بجد شكرا يا دكتور على مجهودك الجميل ده وكمان على اصرارك ان انت تساعدنا وان التطبيق يبقى من انجح التطبيقات ان شاء الله انا بقى مش عارفه انا ملتزمه ولا لأه انا بلتزم جدا بتعليمات السكر والعيش والرز والمكرونه لس مقضياها فاكهه وخضار من غير حساب وكمان فى السحور انا باكل طبق فول بالمعلقه مش اربع معالق بس موزنتش لحد دلوقتى مش هوزن غير بعد رمضان

  47. لو سمحت يا دكتور ازي احل مشكله الثبات في الوزن

  48. غير معروف

    ينفع افطر عل عصير برتقال من غير سكر وماخدش السناك فاكهه واخد لبن

  49. السلام عليكم
    بعد أذن حضرتك يا دكتور
    انا شاب عندي 22 سنه طولي ١٨٢سم ووزني ٨٤ كيلو وبروح جم بس عندي منطقة البطن زايده شويه ودي مديقاني أأأوي ومش عارف اعمل إيه ومش عارف أجري علشان لسه طالع من عمليه. وشكرا لحضرتك

  50. رشا الأردن

    قبلت التحدي

  51. تهاني بحبوح

    قبلت التحدي

  52. السلام عليكم دكتور انه وني ٦٥ وطولي ١٦٢ وزني ماجاي يتغير مهما عملت رجيم شنو الحل عالمود اوصل للوزن المثالي ممكن تجاوبني لوسمحت

  53. غير معروف

    نفس المشكله الي عندي

  54. غير معروف

    ممكن اعرف التحدي ؟؟؟

  55. غير معروف

    ممكن اعرف شنو التحدي ؟

  56. شكراا ..وبارك الله فيك يادكتور وفي ميزاان حسنااتك انشاءالله ..قبلنا التحدي انشاءالله.

  57. شكرا عجهودك معنا دكتورة ربي يطعمك كل شي بتتمناه يارب جد ما عم تقصر بالمعلومات المفيدة💜دكتور سؤال بتمنا تجاوبي عليه صرلي فترة عم خفف اكل والحمدلله عم انزل بالوزن بس من قبل رمضان بيومين بلشت تمارين شد بطن بعد الولادة لما وزنت عالميزان طلع زايدة 2 كيلو عالميزان مع اني لسا ملتزمة بتخفيف الاكل حتى برمضان هل عضلات البطن بتزيد الوزن عالقد؟؟؟
    طبعا برنامجك الغذائي تبع حضرتك ممتاز لكن ما قدرت امشي عليه لان عندي دراسة كثيفة ولازم ادرس وانا صايمة لحتى لحق وعم دوخ من الدراسة والصيام وقلة الاكل ياريت تفيدتي وشكرا مرة تانية عجهودك مع العلم قبل رمضان بيوم كان وزني 65 بالضبط بس هلأ 67 طلع انا بدي وزن مثالي مشان يرجع بطن يشد بعد الولادة

  58. الله يجزيك كل خير ان شاء الله فى التزام

  59. غير معروف

    هل في مشكله لو اتسحرت شوفان باللبن خالى الدسم ومعلقه عسل ابيض

  60. غير معروف

    التحدي انك تتبع الدايت الموجود في التطبيق الي هو خاص بثاني اسبوع رمضان وتلتزم بيه 👍

  61. يا دكتور انا التزمت مع حضرتك فى النظام وخسيت كنت ٨٠ بقيت ٧٧ بس كنت بفطار واسحر زبادي وربع رغيف وخياره دا صحى ال لا

  62. لو سمحت محتاجه نظام غذائي المرضعات ف رمضان

  63. غير معروف

    دكتور لو سمحت انا كنت عايزه طريقه رجيم كيميائي فى رمضان لانى محتاجه اخس ١٠ كيلو قبل العيد فلو سمحت ممكن تقولى على طريقه

  64. هبه موسى

    رمضان كريم
    دكتور انا بقالي اسبوعين موزنتش وامبارح وزنت طلعت خاسه ٢ كيلو مع اني مش ملتزمه كتيير
    مشكلتي مقدرش اقاوم الاكل
    ينفع اصوم بدون سحوور لانو السحور بتعبني

  65. فاديا البيطار 🙏🙏🙏🙏🙏🙏

    يعطيك الف عافية يادكتور وجزاك الله كل خير

  66. السلام عليكم ورحمة الله رمضان كريم انا بدات مع حضرتك من نص شهر 3 وكان وزني 87.400كجم وطولي 161سم وسني 28سنة وعندي بنوتة التزمت شوية وكنت بخرف في النص بس كنت بعمل رياضة في البيت وملتزمة جداااا بشرب الماء والمشروبات الحارقة وزنت نفسي قبل رمضان بيوم وصل وزني 80.100كجم وعدي اول 5 ايام من رمضان ووزنت نفسي وصلت ل75كجم هل انا كده نزلت كتير وهيحصل ترهلات؟ وانا باكل زبادي فواكهة عالسحور ده يكون لخبطة!؟

  67. مروه رشيد

    انا هبدا من اليوم الي يساعدني أنه يوم الفريةجا بيوم ميلادي الحمدلله
    وزني قريب من 90 طولي 165 عمري 18

  68. الحمدالله ملتزمه بالنظام وحاس في فرق
    بس عندي مشكله هو انو الي كرش مش قادر اخلص منو

  69. انابديت السبت الى فات ومكمل وبشرب مياه٦لتر بس بسال هو الرجيم ده بيكسر ثبات الوزن لانى ثبات عند ٧٥ ارجور الرد

  70. مروة محمد

    انا نزلت كيلو ونص الاسبوع ده وهكمل ان شالله رمضان اداني فرصة للالتزام الكامل و نزولي شعني علي الرياضة تالت ساعات اسبوعيا بعد التراويح اول مرة احس بجد بنتيجة كويسة ومدياتي دفعه قوية شكرا دكتور

  71. غير معروف

    الله يجازيك خير يا دكتور ويبارك لك انا مشيت معاك من حوالى شهر وخسيت 3 كيلو وزنى كان 90 كيلو وأصبحت 87 ولسه أن شاء الله انا معاكوا

  72. هند عبد الحميد

    انا الحمدلله من ساعة مابدات معاك خسيت ودلوقتي الحمدلله نزلت سبعة كيلو في 3 شهور وكان ممكن انزل اكتر من كدة بس مكنش عندي وقت للرياضة بس في مشكلة دلوقتي رغم اني في رمصان ماشية بطريقة صحية جدا لكن اوقات بيحصل عندي ترجيع كل الاكل فامش عارفة اعمل ايه ارجو الافادة مع العلم انا مش بتسحر خالص

  73. ينفع اعمل رجيم وانا في الشهر الثاني من الحمل وزني 85وطولي 165وسني 26

  74. اللهم ثبااااات
    بجد يادكتور نظام جميل جدااا ربنا يجازيك كل خير
    انا كنت83 بقيت 78 بدات معاك من اول رمضان وبعمل رياضه دي ساعدتني ع نزول وزني
    شكرا ليك بجد

  75. إن شاء الله ملتزمه انا بقالي من شهر ٣مع دايت كلينك كنت ١١٠دلوقتي بقيت ٩٥بجد بشكر الدكتور ع مجهوده الرائع البرنامج فوق الممتاز بعد فضل ربنا طبعا وتوفيقه النظام حلو جدا بس هو ينفع تنوع الايام الفريق غير اللي حضرتك كتبها

  76. الضوء الساطع الساطع

    دكتور ينفع اخذ تين مجفف بين الفطور والسحور كثمرة فاكهة
    وجزاك الله خير يارب
    وبالنسبة للرياضة متى نلعبها في رمضان

  77. من فضلك يادكتور مفيش حل للبطن اي طريقه تنزلها وربنا يجازيك عنا كل الجزاء 🤲🤲

  78. غير معروف

    جزاك الله خير يا دكتور، عندى سؤال هل ممكن ابدل ايام الريجيم ويوم الفرى، يعنى اخد يوم مكان يوم بس حلتزم بكل اللى مكتوب
    شكرا كتير لحضرتك

  79. ما شاء الله يا دكتوور .. عنجد هالرجيم معجزززه
    انا من النوع الي ممكن تقول جسمي مو بطيئ باالنزول اكككثر من بطيئ بكثيييير ومهما اعمل ماكسيموم بنزل كيلتين باالشهر .. بس التزمت معك الاسبوع الي فات ع الشعره يعني ع كل كلمه انت حكيتها ونزلت من 101.3 ل 97.2 والحمد لله
    ادعولي اكمل ي رب 🤩🤩🤩🤩

  80. في اكلات قلت عليهم مبعرفهمش ممكن تحكي شوي عربي مو مصري عشان افهم أو انا ما باكل لا فراخ ولا ارنب ولا كبدة ولا عيش اكرهم😟 شو بعمل بدالهم من فضلك

  81. كل سنه وحضرتك طيب وجزاك الله عنا كل خير

  82. اللام عليكم ورحمة الله وبركاته
    بعد اذن حضرتك يا دكتور كنت وزني ٧٨ كيلو ودلوقتي بقيت ٧٢.٨ كيلو من شهرين رجيم بس من اول رمضان مش نزلت ٩٠٠ جرام فقط والوزن بينزل بصعوبه جدا مع العلم اني افطر فقط طبق سلطة خضار وبروتين ومنعه السكر خالص والسحور زبادي وبيض مسلوق واحده
    اللعب ريال بعد صلاة العصر كارديو وبالليل بعد التراويح بمشي نص ساعة علي التريدميل
    ما سبب عدم نزول الوزن
    ارجو من حضرتك تساعدني لان طولي ١٥٦ سم وزني ٧٢.٨كيلو

  83. غير معروف

    ايه سبب ثبات الوزن مع العلم ان اكلي مش كتير بس اتعقدن منثبات الوزن ممكن يكون عدم ممارسة نشاط بدني لاني فعلا مبقمش بأي نشاط بدني.

  84. غير معروف

    السلام عليكم دكتور من فضلك انا وزني كان مثالي وكونت خسيت جدا بعد الولادة بس رجعت الخبط جدا وتخنت وزني حاليا 70وطولي 165بس عندي دهون ف الجسم ونفسيتي تعبانه جدا وحاليا بقالي 4شهور ثابته ف الوزن وده مضايقني جدا ارجو من حضرتك الرد .

  85. غير معروف

    عاجل يا اصدقاء ربحت ايفون من موقع Rob7ak 😍 انا ربحت هاتف ايفون 8 الجديد و3 من اصدقائي ربحو لتربح هاتف انت ايضا اكتب في🔍 جوجل Rob7ak وادخل للموقع الاول الموقع له مصدقية ☑ من جوجل ونسبة الربح كبيرة أانا حبيت افيدكم اكتبو في جوجل Rob7ak وادخلو اول موقع 🔥 الهاتف يصلك مجانا حتى المنزل .

  86. دكتور مساء الخير، بسال حضرتك على السحور دلوقتى أنا مش بعرف آكل اى حاجة نهائى بليل متعودة على كدا بقالك سنين، علشان معدتى بتوجعنى اوى لو أكلت حاجة حتى لو خفيفه، أنا باكل بعد الفطار بساعتين تفاحه مثلا وبس، السؤال هل دا يأثر على نزولى بالوزن ولا عادى وايه الحل
    وشكرا لحضرتك جدا

  87. غير معروف

    دكتور ينفع السناك تكون كوباية شاى عاديه بدون سكر اونسكافيه بلاك

  88. غير معروف

    دكتور اني عامله عمليه الفتق مع شد البطن من شهر ونص وعامله رجيم صارلي ١٥ يوم بس ولا كيلو نازلهومع العلم ملتمزمه كلش ابد حتى خبر ماكو ولارز

  89. ام زهراء من العراق

    دكتور اني عامله عمليه الفتق مع شد البطن من شهر ونص وعامله رجيم صارلي ١٥يوم بس ولاكيلو نازله مع العللم تركت الخبز والرز نهائيا ارد حل دكتور ارجوك

  90. غير معروف

    دكتور ممكن السلطة والخضار مع السحور

  91. شكراااااااشكرا يادكتور انا خسيت ٣كيلو فى ٦ ايام ربنا يديك على اعمالك

  92. وانا مثلك وزني مش عايز ينزل خالص 😭😭😭ومش عاؤفه اعمل ايه؟

  93. يعطيك العافيه ي دكتور انا مش باكل ع الافطار غير شوربه وطبق السلطة وكام معلقه من رز ومش باكل عيش خالص والسحور كان زبادي وخيار دلوقتي بس تفاح وبرتقال وبمشي بعد الصلاة ساعه وحاسه وزني مش بينزل خالص وعندي منطقه البطن نفسي تنزل لانها عاملالي مشكله ف اللبس
    ي ريت ترد عليا ي دكتور وقولي اعمل ايه علشان اخس بسرعه؟

  94. هدي الصياد

    هو انا بصراحه ي دكتور لسه مكتشفه الاب حالا وعشان انا من الناس اللي مهتميه بالدايت الصحي جدااا وكمان هاخده كارير بصراحه انت ماشي صح ومظبوط جدااا ومدحل كل اللي ااجسم محتاجه فمش محسسه انه ف حاله مجاعه او ستارڤاشن بجد شابوه ي دكتور وكمان النظام اللي حضرتك قايل عليه انا بالصدفه ماشيه علي اللي بتقوله بحذافيره وخسيت عليه ٥ كيلو ف اول عشر ايام ومكمله فاضلي تقريبا سته كيلو كمان وابقي مثالي
    شابو ي دكتور

  95. يريت يادكتور تشيل حاجه اسمه شرب فى النظام الثالث لانى طعمه وحش قوى وباكل بالعافيه وساعات مش بااكله

  96. غير معروف

    انا وزنت نفسي امبارح بعد ١٠ايام نزلت ٣كيلوملخبطش كتير غيران الفرى اخدته النهارده …. إن شاء الله مكمله لعند مااوصل ٧٠

  97. دكتور بدي اسال بطاطا مقلية او سمبوسك مقلية ممنوعه

  98. احب اشكر حضرتك بجد ..وربنا يوفقك يارب ودايما فى تقدم ..انا نزلت فى شهر ١٢ كيلوا ازاى معرفش كل مافى الموضوع التزمت ع الدايت وحسيت فى الشهر اللى قبل رمضان ع طول 12 كيلوا وحاسس براحه جامده والشكل اتغير للاحسن الحمد لله

  99. غير معروف

    فين دايت الاسبوع الثالث يادكتور ف الانتظار

  100. غير معروف

    لو سمحت انا عاوزه ابدا معاكوا. الاقي فين الاسبوع الثالث في رمضان. انا وزني ٨٠ كيلو والطول ١٦٣ والعمر ٣٥ سنه. شكرا

  101. غير معروف

    كنت عايزاه اسأل الكشف بكام واحجز ازاي

اترك تعليقاً

لن يتم نشر عنوان بريدك الإلكتروني.