رجيم دايت كلينيك – الأسبوع الثالث من رمضان

يارب تكونوا بخير، مكملين مع بعض رجيماتنا في شهر رمضان الكريم، والنهاردة معادنا مع نظام الأسبوع الثالث، الحمد لله رب العالمين اللي إلتزم الفترة اللي فاتت في رمضان لقى نتائج مبهرة جداً.

الفرصة ما زالت قائمة وعندك إمكانية تدخلي العيد بشكل مختلف تماماً لو إلتزمتي بالتعليمات خلال الفترة المقبلة.

لو ده أول رجيم ليكي مع دايت كلينيك، إبدأي من نظام الأسبوع الثالث على طول ..

النظام هيستمر لمدة أسبوع من يوم الإثنين الموافق 20 مايو وحتى الأحد 26 مايو ..

الأسبوع اللي فات خدنا إتنين فري والأسبوع ده هيكون فري يوم واحد فقط، وبالمناسبة، ناس كتير خست الأسبوع اللي فات اللي كان كله أكل، لكن نظامنا بيختلف من أسبوع للتاني، مش هينفع نمشي طول الوقت على نفس النمط، وبالتالي الحكم الصحيح على الرجيم، بإننا نوزن كل شهر ونشوف هل نزلنا أكتر من أربعة كيلو ولا لأ ..

ناس كتير بعتت تقولي إن عندهم كرش صغير كده بيطلع بعد الأكل في رمضان ..

الكرش ده مش دهون ومش تخن أصلاً

ده بسبب المياه والأكل بعد ساعات صيام كتير، ولزم التنويه على إن أفضل وقت لقياس محيط البطن مش بعد ألأكل خالص وإنما بعد ما نصحى من النوم وندخل الحمام، هو ده حجم بطنك الطبيعي.

 

 

طبق الخضار المسموح هذا الأسبوع .. يمكنك الإختيار من بين:- 

  • بســــــــــــــــــــــلة
  • كوسة
  • بامية
  • سبانخ
  • فاصوليا خضراء

 

المفروض إن الخضار يطبخ بطريقة صحية أو بمعلقة زيت واحدة، لكن لو مش بتحبي الطريقة دي فتجاوزاً هذا الأسبوع إطبخي الخضار بالطريقة اللي تحبيها ” اللي هي مش دايت ” ، لكن مش هيكون مسموح ليكي إلا بأكل 6 معالق فقط.

وطبعاً لو هتعملي الخضار سوتية ” ني في ني ” – ” دايت ” مسموح في الحالة دي بتناول طبق كامل.

 

ترتيب الأكل

أذان المغرب – 3 تمرات مع كوباية مياه أو 3 تمرات مع كوباية لبن خالي الدسم أو نصف كوب كامل الدسم

صلاة المغرب

طبق شوربة بدون دهــــــــــــــــــون

طبق السلطة ( بصل – طماطم – جزر – خيار – .. )

ثم طبق الخضار ومعاه البروتين ” بيض – لحمة – فراخ – سمك .. وهكذا ) ومعاهم الأرز أو العيش إن وجُد.

 

ياميش رمضان

مسموح بتناول كوب حليب على الفطار يحتوي على ( قراصيا – جوز هند – زبيب وغيره من الياميش بالإضافة للتمر ) مرتين فقط بالأسبوع

يوم الثلاثاء ويوم الجمعة

المعيار

نصف الكوب ( تمر وغيره من الياميش ) وباقي الكوباية حليب ( خالي الدسم ) أو نصف كوباية كامل الدسم.

 

 

العصائر

ممكن تاخدي أي عصير طبيعي زي البطيخ أو البرتقال بدون سكر

وتقدري تشربي في أي وقت عصير ليمون أو كركدية ساقع .. مع الأخذ في الإعتبار إن مسموح فقط في اليوم بمعلقتين سكر لو وزنك تحت 100 كيلو و 3 معالق سكر لو وزنك فوق 100 كيلو.

 

شرب المياه كوباية كل ساعة من وقت الفطار للسحور هام جداً جداً لحرق الدهون.

 

يمكنك إستبدال ربع رغيف عيش بلدي بــ نصف رغيف عيش سن أو واحد توست بني.

بسم الله توكلنا على الله ..

 

نظام اليوم الأول

الإثنين

 

يمكنك الإختيار في الفطار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي

 

+ طبق سلطة + طبق خضار

 

سناك بين الفطار والسحور

ثمرتين فاكهة

أو

كوب حليب

أو

5 حبات مكسرات من أي نوع

أو

20 حبة فول سوداني

 

السحور

يمكنك الإختيار من بين:-

5 معالق فول + ثمرة خيار + ربع رغيف عيش + علبة زبادي ( بوزن لا يتعدى 100 جرام )

أو

ثمرة بطاطس مسلوقة + بيضة مسلوقة

أو

2 بيضة مسلوقة + ربع رغيف عيش + ثمرة خيار

أو

تمن كيلو جبنة خالية الدسم ويفضل القريش + ثمرة خيار + ربع رغيف عيش

 

 

نظام اليوم الثاني

الثلاثاء

 

الفطار

يمكنك الإختيار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي

+ 6 معالق أرز

أو

8 معالق مكرونة

أو

نصف رغيف عيش

 

+ طبق سلطة + طبق خضار

 

 

سناك بين الفطار والسحور

 

كوب حليب خالي الدسم

أو

3 حبات مكسرات من أي نوع

أو

10 حبات فول سوداني

أو

ثمرة فاكهة واحدة

 

 

السحور

يمكنك الإختيار من بين:-

ثمرة بطاطس مسلوقة + بيضة مسلوقة

أو

4 معالق فول + ربع رغيف عيش + ثمرة خيار

أو

2 بيضة مسلوقة + ربع رغيف عيش + ثمرة خيار

أو

2 علبة زبادي + توست بني

 

 

نظام اليوم الثالث

الأربعاء

الفطار يمكنك الإختيار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي

+ طبق سلطة + طبق خضار

 

سناك بين الفطار والسحور

ثمرة فاكهة

 

السحور

يمكنك الإختيار من بين

 

2 علبة زبادي + ثمرة خيار

أو

6 معالق فول + ثمرة خيار

أو

2 بيضة مسلوقة + ثمرة خيار

 

 

نظام اليوم الرابع

الخميس

 

الفطار

يمكنك الإختيار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي

+ طبق سلطة + طبق خضار

 

سناك بين الفطار والسحور

ثمرة فاكهة

 

 

السحور

يمكنك الإختيار من بين:-

 

تمن كيلو جبنة قريش + ثمرة خيار

أو

2 علبة زبادي

أو

6 معالق فول + ثمرة خيار

أو

2 بيضة مسلوقة + ثمرة خيار

 

 

نظام اليوم الخامس 

الجمعة

 

الفطار .. فري

 

 

  • بيتزا
  • مكرونة بشاميل
  • سمك مقلي
  • محشي بأنواعه
  • ونسيب القوس مفتوح اللي نفسه في حاجة ياكل منها ..

 

بين الفطار والسحور

قطعة حلويات أياً كان النوع بشرط لا تتخطى حجم نص الإيد

Related image

  • قطايف
  • لطايف
  • جلاش
  • كنافة
  • ونسيب القوس مفتوح برضو .. كلوا اللي أنتوا عاوزينه من الحلويات بالحجم اللي اتفقنا عليه

 

السحور

 

سحور إيه ؟؟

أنتوا لسه جعانين؟؟

 

السحور إن شاء الله

4 معالق فول + ربع رغيف عيش

أو

تمن كيلو جبنة قريش + ربع رغيف عيش

أو

توست بني + كوب زبادي

أو

2 بيضة مسلوقة + ربع رغيف عيش

 

 

نظام اليوم السادس

السبت

 

الفطار يمكنك الإختيار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي
  • ربع كيلو كبدة مشوية

+ طبق خضار + طبق سلطة

 

 

سناك بين الفطار والسحور

ثمرة فاكهة

 

 

السحور

يمكنك الإختيار من بين:-

  • علبة زبادي + ثمرة فاكهة
  •  بيضة مسلوقة + ثمرة خيار
  • 5 معالق فول + ثمرة خيار
  • تمن كيلو جبنة قريش + ثمرة خيار

 

 

نظام اليوم السابع 

الأحد 

 

الفطار

يمكنك الإختيار من بين:-

  • ربع فرخة مشوية أو مسلوقة
  • ربع كيلو جبنة قريش
  • 2 بيضة مسلوقة
  • ربع كيلو لحمة مشوية أو مسلوقة
  • ربع كيلو كفتة مشوية بدون دهون
  • نصف كيلو سمك مشوي
  • علبة تونة بدون زيت
  • ربع أرنب مشوي أو مسلوق
  • ربع كيلو جمبري مشوي

+

3 معالق أرز

أو

4 مكرونة

أو

ربع رغيف عيش

 

+ طبق سلطة + طبق خضار

 

 

سناك بين الفطار والسحور

 

ثمرة فاكهة

 

السحور

يمكنك الإختيار من بين:-

ثمرة بطاطس مسلوقة  + بيضة مسلوقة

أو

2 بيضة مسلوقة + ربع رغيف عيش

أو

6 معالق فول + ربع رغيف عيش

أو

2 كوب زبادي + توست بني (واحد)

أو

تمن كيلو جبنة قريش + ربع رغيف عيش + ثمرة خيار

 

 

 

إنتهى .. 

 

الرجيم مناسب من وزن 60 كيلو حتى 100 كيلو

لو وزنك فوق 100 كيلو .. هتزودي عن المكتوب في وجبة السحور ربع رغيف عيش

يعني لو السحور بدون عيش .. هتأكلي المكتوب ومعاه ربع رغيف عيش

ولو بالفعل مكتوب ربع رغيف .. في الحالة دي ليكي نصف رغيف.

 

بالإضافة إلى إنك لو هتاخدي سناك فاكهة .. ليكي ثمرتين بدل ثمرة واحدة.

 

 

المرضعات

طفلك عمره 5 شهور فيما فوق ..

وبدأ ياكل .. يعني مش معتمد في التغذية على الرضاعة فقط ..

إمشي معانا ع النظام بشرط .. ليكي 2 كوب حليب يومياً ( كامل الدسم ) مينفعش اليوم يعدي من غيرهم أو  3 أكواب خالي الدسم.

ليكي 2 ثمرة فاكهة يومياً ..

السحور دايماً تتسحري بنصف رغيف عيش بلدي أو رغيف سن أو 2 توست بني.

 

 

الحوامل ومرضى السكر والضغط والمرضعات اللي أطفالهم تحت 5 شهور .. ممنوع يبدأوا في الرجيم بدون إستشارة طبيب.

 

 

لرفع الحرق

الشاي الأخضر بدون سكر

القهوة السادة

الشاي الأخضر مع المرمرية والكركم بدون سكر

 

مواعيد تناولهم .. مش على الريق

يكونوا بعيد عن مواعيد تناول بساعتين أو ثلاثة.

 

الرياضة في رمضان

رياضتنا كناس عاوزين نخس هي المشي أو الجري

أفضل وقت هو نصف ساعة أو ساعة متصلة بدون توقف ولو ربع دقيقة .. قبل الفطار بساعة أو إثنين ولو صعب عليكي خليها على 11 بالليل.

 

 

دمتم في سعادة وراحة بال ..

 

شاركيني في التعليقات بإسمك ووزنك لو أنتي جديدة معانا

والوزن اللي نفسك توصلي ليه

.. ولو معانا من زمان شاركينا بإنجازك مع دايت كلينيك، علشان تشجعي غيرك.

 

وطبعاً طبعاً لا تنسوني من صالح دعائكم

 

عن د/ أحمد منصور

237 تعليق

  1. ميمو ميمو

    للاسف الاسبوع ده كان كله فرى و حلويات و طبعا زدت كيلو ونص هاحاول التزم و أكمل لاني بصراحه زعلانة من نفسي بس مش عارفه اقاوم الحلويات الله المستعان

  2. تهاني بحبوح

    مكملة معكم باذن الله

  3. غير معروف

    ياسمين احمد
    الطول ١٥٣
    الوزن ٧٨
    الوزن اللى نفسى اوصله ٥٩

  4. اصوت الم عليا الناس مش ممكن خفه الدم انا فصلت ضحك من شكل عبله كامل لانها بتوصف حالنا فعلا.ربنا يباركلك يارب ويتقبل منك صالح الاعمال

  5. دكتور انا كنت ف امتحانات ومش بعمل دايت وعايزه ابدا من يوم السبت وزني ٧٨وطولي ١٥٥ وعايزه اخس ٢٠ك… مشكلتي البطن.. وبشرب نسكافيه كتير

  6. غير معروف

    لو سمحت يادكتور ممكن ابدل يوم الفري من يوم الجمعه واخده بكرة

  7. غير معروف

    هل من الممكن حذف الارز والمكرونه

  8. ربنا معانا

  9. د/ أحمد منصور

    ربنا يقدرك وتلتزمي بإذن الله وتحققي مرادك

  10. يادكتور انا مشكلتى كلها ف الارداف بس اخسسسهم ازاى وعملت الرجيم وحللت الانميا طلعت 11

  11. أميرة احمد

    وزني 112وطولي 156من اول رمضان نفسي التزم مش عارفه بس ان شاءالله هلتزم لحد العيد بالحرف ومش هلخبط خالص والنظام سهل وجميل جدا انا نفسي اوصل65طبعا حلم بعيد اوي بس مع حضرتك يادكنور مفيش حاجه بعيده

  12. د/ أحمد منصور

    الله يعينك ويقويكي يا أستاذة تهاني

  13. شنو هو الكركديه؟؟؟ مافهمت شنو القصد بياميش رمضان انه بديت الدايت من الاسبوع الثاني برمضان وبخصوص الوزن كل شكد اوزن ؟

  14. د/ أحمد منصور

    إن شاء الله تحققيه معانا في وقت قياسي

    ربنا يوفقك

  15. طولي 174
    وزني 110
    معرفش المفروض ابقا كام
    بس نفسي اخس ومتحمسه ادعولي

  16. ربنا يخليك يا دكتور ويجازيك كل خيير🌸انا الاسبوع ده اكلي كان ملخبط وباكل حلويات كتيير بليل ده ممكن يزودني كتيييير ولا اي؟؟
    وهل يا دكتور القهوه بقرفه لي تاثير علي الحرق ولالا؟؟

  17. د/ أحمد منصور

    😂😂

  18. ي دكتور انا كنت متابعه مع حضرتك من اول اسبوع ف رمضان وخسيت ب الفعل 3.200كيلو والكل بدء يلحظ الفرق عليه وشكرن بجد ليك ي دكتورنا الجميل ربنا يحفظك يارب

  19. د/ أحمد منصور

    اللهم آمين يارب وإيــــــــــــــــــــــــــاكم

  20. غير معروف

    لو سمحت ي دكتور انا طولى 150 ووزنى 65 ك
    مسكلتى كلها فالارداف وعندى نسبه الانميا 11
    ايه الحل

  21. مكملين ان شاءالله.. انا كنت 89 قبل رمضان حاليا 85 الحمدللة ومكملة معاكم ان شاء الله

  22. ربنا يخليك يا دكتور ويجازيك كل خيير🌸انا الاسبوع ده اكلي كان ملخبط وباكل حلويات كتيير بليل ده ممكن يزودني كتيييير ولا اي؟؟
    وهل يا دكتور القهوه بقرفه لي تاثير علي الحرق ولالا؟؟

  23. د/ أحمد منصور

    نسكافية بلاك بدون سكر عادي

    أو
    بالسكر المسموح في اليوم

    البطن هتنزل بإذن الله إطمني

  24. انا عامل ريجيم من قبل رمضان بشهر خسيت 6كيلو قبل رمضان ومن اول رمضان لحد دلوقت بقالي اسبوعين ماشي عالرجيم وبالعب رياضه ومفيش اي تاثير ومنزلتش ولا كيلو؟

  25. د/ أحمد منصور

    ممكن

  26. د/ أحمد منصور

    لأ

  27. غير معروف

    جزاك الله خيراً ماشاء الله رجيم سهل ربنا يوفقك يارب ويسعدك

  28. د/ أحمد منصور

    آمين يارب

  29. دكتور انا عندي القولون علي طول معدتي مش مرتاحه مش عارفه اكل ايه بالظبط يا ريت حضرتك تفيدني

  30. أم عفراء

    السلام عليكم،انا مانعني الدكتور الكلى من الصوم لأنو عندي حجر وراح أعمل عملية بعد رمضان إن شاء الله وحابة أعمل دايت لأن وزني صار 90kg ومش عرفة ازاي.لو تقدر تساعدني يا دكتور أحمد أكون ممتنة

  31. عبير الشام

    ربنا يوفقك ويكتر خيرك ويخليك لينا
    مو ملتزمه مية بالمية بس الحمدلله كتير مبسوطه هيك

  32. غير معروف

    مسموح بكام كوب شاى عادى يادكتور

  33. ساره محمود

    وزن80ك وطول 149سم ونفسى اوصل إلى 60ك إن شاء الله

  34. د/ أحمد منصور

    11 ليكي كأنثى يعتبر مش قليل عن الطبيعي بكتير

    فقط تهتمي بالأكل الغني بالحديد زي التمر والكبدة والسبانخ وغيرهم

    الأرداف لو وزنك مثالي .. ملهاش حل غير الأجهزة

    لو وزنك بعيد عن المثالي محتاجة تعملي رجيم .. بالإضافة للمشي نص ساعة إلى ساعة يومياً وهتنزل

  35. واللي مايأكل لحوم شنو البديل

  36. حيكون بكرا اول يوم عندي بالرجيم برغم انو فطرنا بالمغرب مختلف تماما عن فطركم

  37. د/ أحمد منصور

    النظام فعلاً سهل وبسيـــــــــــــــــــــــط جداً

    ربنا يقدرك وتفرحينا بإنجازك

  38. دكتور يعني وجبه السلطه ناكلها مرتين يعني بعد الشوربه و في الطبق الاساسي ولا ايه؟

  39. غير معروف

    حضرتك كاتب البلح يومين طب باقى الاسبوع نفطر على ايه ولا قصدك على الياميش فقط

  40. مرحبا دكتور انا من الاردن وشكرك كتير عالبرنامج بعتت اكتر من مره وما رديت انا بمشي كتير ع نظام صحي اول اسبوع مشته بالبرنامج نزلت ٢ كيلو والاسبوع التاني كيلو ومن وقتها لليوم وزني ثابت ومش بنزل من مره وزي ٧٧ وطولي ١٦٣ مع انه بشرب مي وكنت العب رياضه ومن ضمنها رقصه الزومبا نفسي انزل

  41. لو سمحت يادكتور انا بدات مع حضرتك من فتره وكنت ٧٩ وبقيت ٧٠ وباين ع جسمى جدا انى خسيت بس المشكله ف جسمى انى عندى دهون ف الظهر طبقات كده فوق بعد دى هتنزل طبيعى مع الريجيم ولا دى بتحتاج جيم

  42. د/ أحمد منصور

    إبحثي في جوجل عنه ” الكركدية ”

    الياميش زي القراصيا والمشمشية وكده يعني 😂😂

    الميزان قبل الفري بيوم

    والأفضل كل 30 يوم

  43. غير معروف

    يا دكتور لو سمحت انا سالت قبل كدا انا باخد في السحور شوفان باللبن والعسل الأبيض ومتابعه مع حضرتك من اول اسبوع في رمضان ومن يومين وزنت نفسي وخسيت 5 كيلو ونص الحمدلله وان شاء الله مكمله مع حضرتك♥️

  44. د/ أحمد منصور

    توكلي على الله وإبدأي .. وإن شاء الله تكوني واحدة تانية في أقرب وقت

    الله يعينك

  45. د/ أحمد منصور

    الحلويات في أي وقت تزود الوزن

    القرفة والقهوة ملهاش تأثير سلبي لو بدون سكر

    بالعكس هترفع معدل الحرق

  46. انا وزني 75كيلو
    طولي 154
    عمري 27
    اعاني من الكرشه ومنطقه الفخذين والاكتاف جدا مرتاحه ماهو الوزن المثالي وعايزه نظام بعيد عن اللحوم مااكلها خالص

  47. د/ أحمد منصور

    ما شاء الله

    ربنا يفرحك ويعينك أكتر وأكتر

  48. غير معروف

    مرحبا دكتور انا وزني ٨٣ وطولي ١٧١ عمري ٢٤ بدي ريجيم صحتي متركزة بمحيط الخصر

  49. د/ أحمد منصور

    ما شاء الله عليكي

  50. د/ أحمد منصور

    جاوبت جاوبت 😂😂

  51. لولو محمد

    طولى 165
    وزنى 72
    الوزن ثابت وماشيه على الرجيم مظبوط
    اعمل ايه

  52. د/ أحمد منصور

    آمين يارب

  53. د/ أحمد منصور

    كمل يا عمر
    وان شاء الله هتنزل

    الثبات المؤقت أمر طبيعي

    لا تيأس يا بـــــــــــــــــــــــــــــــــــــطل

  54. دكتور انا الحمد لله بدأت مع حضرتك بوزن 68ك وانا جسمي في دهون عنيده في أماكن معينه وبفضل الله وصلت ل 61ك وطولي 155 بس نزلت في فتره طويله انا مع حضرتك من نص فبراير بس مش عارفه ليه شكلي مبقاش بيفرق كنت بحس بفرق جامد في شكلي بس حاليا حاسه انه ثابت وكمان حاسه بملل اعمل ايه

  55. لو سمحت يادكتور ممكن اشرب تمرهندى بدل كاركاديه علشان بيعملى هبوط وكمان بدل مافيش عيش فى السحور اخذ ربع رغيف عبير

  56. مرحبا دكتور انا حاببة اتشكرك كتير برنامجك شجعني كتيرر وانا من وقت بلش رمضان نزلت ٢ كيلو ونص بجد انت انسان رائع الله يوفقك ويعطيك الف عافيه

  57. غير معروف

    هوا الرجيم بنزل الوزن من الجسم كله يعني من المناطق المفروض انها تنزل ..يعني انا مشكلتي كلها من عند الارداف عايزاهم ينحفوحاولت كثير قبل كدا ومبخسوش اعمل ايه انا هلا …وان شاء الله راح ابدا معكم بالرجيم الجديد ..وشكرا الك دكتور ..

  58. د/ أحمد منصور

    قصدي ع الياميش بس

    إنه يومين

  59. غير معروف

    انا وزني ٦٧ وطولي ١٦٠ هلا المفروض انا قديش اخس لاطلع بشكل لائق للعيد

  60. د/ أحمد منصور

    القولون العصبي الأساس لعلاجة تظبيط الحالة نفسية

    علشان طول ما هي مش متظبطة
    هتفضلي تعاني للأسف مهما ظبطتي أكلك
    أو خدتي أدوية

  61. د/ أحمد منصور

    براحتك

    2
    3

    المهم الإلتزام بكمية السكر المكتوبة

  62. غير معروف

    انا عايزه ابدا بس انا برضع وبنتي ٣ شهور عادي ولا اي وضعي

  63. انا هبدأ معاكوا من الاسبوع ده ان شاء الله اول مرة اعمل دايت بس لسه والدة من اربع شهور ووزني زاد
    انا مريضة غدة درقية وبرضع وابتي ٤ شهور اي نصايح ليا يا دكتور انا وزني ٨٥ وطولي ١٦٣ ومشكلتي في البطن والارداف

  64. د/ أحمد منصور

    ليه مش بتاكلي لحوم ؟

  65. السلام عليكم ورحمة الله جزاك الله خير الجزاء على ماتقوم به لمساعدتنا ولو ممكن سؤال لو فينا نستعيض بدل العيش بالبرغل او الرز حسب مايناسب الوجبة ونستبدل ملعقة السكر او الملعقتين بملعقة عسل فوق طبق الحلا الخفيف اللي نقدر ناخده وبالنسبة للحلا أحيانا استعيض عنه بقطعة شوكولا صغيرة عقدة اصبع لأنني أشتهيها جدا”وشكرا لأصغائك

  66. د/ أحمد منصور

    طبق السلطة مرة واحدة بعد الشوربة

  67. يا دكتور انا جسمي كله مظبوط بس بطني كبيره اوي زي الحوامل بس باقي جسمي مافهوش اي دهون ومش عارفه امشي على نظام ايه عشان خايفه جسمي كله يخس

  68. يا دكتور انا جسمي كله مظبوط بس بطني كبيره اوي زي الحوامل بس باقي جسمي مافهوش اي دهون ومش عارفه امشي على نظام ايه عشان خايفه جسمي كله يخس

  69. د/ أحمد منصور

    الجيم مش هيخسسك
    الجيم هيساعدك تشديها

    بالتالي كملي الرجيم + الجيم

  70. وزنى 65 وطولي 150 مفروض الطبيعى كام

  71. د/ أحمد منصور

    الشوفان مسموح فقط في اليوم اللي السحور فيه عيش غير كده مش مسموح

  72. مرحبا دكتور ممكن تأدينا وصفة سريعه لمدة اسبوع فقط تكون فعاله اوي وسهلة .نخصر بيها كيتير من الدهون

  73. غير معروف

    السناك بعد كم ساعه من الفطور والنسكفيه بدون سكر بأثر على الرجيم ؟؟ ده

  74. غير معروف

    وزني 60 وطولي 154 وعمري 24 ومعملتش دايت قبل كده بس عاوزه انزل ل 53

  75. د/ أحمد منصور

    إصبري شوية

    متبدأيش دلوقتي

  76. د/ أحمد منصور

    ممممم

    تخنا في سنين
    ونخس في أسبوع

    أيعقل ؟؟

  77. غير معروف

    طب يا دكتور انا مشكلتي في البطن والجناب بنزل بصعوبة كنت زايده 5 كيلو روحت لدكتورة قالتلي انزلي الاول لو منزلتيش نعمل جلسات حاليا انا زايده 10 كيلو استمر علي النظام وان شاء الله يبقي في نتيجه

  78. د/ أحمد منصور

    بعد الفطار بـ 3 ساعات فيما فوق

    لو بلاك ..
    لأ مش هيأثر

  79. يا دكتور لو سمحت ليه الوزن بيبقي اوقات ثابت مع اني ماشية عاي النظام مع العلم عندي الحرق ضعيف جدا برجاء الافادة وجزاك الله خير

  80. د/ أحمد منصور

    كملي ع النظام

    وخلي الجسات بعد ما تخلصي رجيم

    علشان تجيب لك نتائج مرضية

  81. د/ أحمد منصور

    قد يكون في خمول في الغدة الدرقية

  82. هدى أم عفراء

    لو سمحت يا دكتور ترد على سؤالي انا محتاجة أخس ضروري. انا طولي 167 ووزني 90kg ولدي حجر في الكلية اليسرى وحعمل عملية بعد رمضان بإذن الله ومنعني الدكتور من الصوم ومش عرفة امشي على نضام دايت رمضان من فضلك تقل لي أعمل إيه؟

  83. غير معروف

    انا بدات من الاسبوع اللي فات ونزلت كيلو و700 جرام

  84. دكتور انا جسمي كويس بس عندي جنوب اعمل اي

  85. غير معروف

    السحور يوم الاتنين اتسحر بيه النهارد ولا يوم الاتنين باليل منتظه من اول رمضان بس مش بلعب رياضه خالص دا غلط ولا اي

  86. انا جديده ليسه محمله التطبيق بس انا عندى مشكله جسمي من نوع الى بيخزن المياه

  87. د/ أحمد منصور

    ممكن تستشيري طبيبك بخصوص النظام

    لأني مش مُلم بتفاصيل حالتك كاملةً

  88. انا جديده هنا مش اول مره اعمل رجيم بس الرجيم معايا مش بيعدى اليومين
    انا طولى 160 ووزنى 103 عوزه اخس جدا لانى بدات احس بمضاعفات عليا كبيره خصوصا انا عندى 20 سنه

  89. د/ أحمد منصور

    عادي متعمليش رياضة

    لو ده أول رجيم ليكي أو لو وزنك كبير

    سحور اليوم اللي صابج الثلاثاء

  90. د/ أحمد منصور

    كتير وزن 103 على سنك

    واعتقد المفروض ده يكون أكبر دافع ليكي

  91. د/ أحمد منصور

    كتير وزن 103 على سنك ..

    واعتقد المفروض ده يكون أكبر دافع ليكي

  92. أولا زعلانه ع منزلتش وزنى الاسبوع ال فإت😢😢😢😂😂😂😂😂
    انهارده ليا بالضبط 55يوم مع دايت كلينك الاسبوع ذا كنت ملتزمه بس أكلت تمر كتير واكلت مره ايس كريم
    بس خسيت كيلو الحمد لله
    كدا خسيت 14كيلو الحمد لله بقي وزنى 73وطولى162فرق معايا جدا وكل الناس مش مصدقه ان ف السبعينات
    اى حد يقولى وزنك65👯😂😂😂😂
    انا اول مره استمر على دايت ومزهقش كدا
    بجد على قد فرحتى بوزنى ال وصلتله ربنا يرزقك الجنه
    بجد ربنا يبارك ف حضرتك ويرزقك كل ما تتمنى وزياده يارب وربنا يجعل كل جرام نسخه ف ميزان حسناتك

  93. د/ أحمد منصور

    بتاخدي دواء ؟

  94. غير معروف

    تمام يا دكتور شكرا جزيلا

  95. مكملين بامر الله
    من فضلك نظام لتثبيت الوزن

  96. السلام عليكم انا بدأت مع حضرتك ي دكتور دايت من اول رمضان مع ان لغبطت كتير واكلت مكرونه وحلويات بس خسيت تلاته كيلو كنت 79 وبقيت 76

  97. د/ أحمد منصور

    آمين يارب .. ألف مبــــــــــــــــــــــــــــــــــــروك

    تعالي الجروب بقى أكتبي الإنجاز ده 😂😂 علشان نشجع الناس اللي هناك

  98. د/ أحمد منصور

    سبحان الله سبحان الله

    😂😂

  99. السلام عليكم انا اول مرة اشارك وزني ٧٠ وطولي ١٦٤ وعمري ٢٩ ومشكلتي البطن مضيقاني

  100. ملك طارق

    مكملة معاكم بإذن الله الله المستعان

  101. غير معروف

    دكتور لو سمحت اثناء الدوره امشي ازاي في رمضان

  102. الحمدالله يادكتور والله والله انا فرحانه جدا بعد ماكنت ٩٩.٥وكنت تعبت خلاص ويأست اني بنزل بالوزن اللحين صار وزني والحمدالله ب4شهور بس76.5 بفضل الله ثم ليك انا من جد فرحانه ومفيش اي كلمه اقدر اوصفك بيها شكرا ليك وشكرا لمتبعتك معنا هذا انجاز ماكنت اتخيل اني اوصله شكرا وبأذن الله مكمله معاك ومتحمسه وقبلت التحدي

  103. غير معروف

    متلي 😭😭

  104. انا وزني ثابت ع الميزان .. ولدت من 3 شهور ومفيش رضاعه .. وزني 93 طولي 158 .. هل دا ليه سبب بالولادة

  105. من أول رمضان وأنا باكل طبق سلطة كبير بمعلقة زيت زينون وشوربة ومفيش أي ءنواع العيش وقبلهم كوب صغير لبن و3 تمرات وممكن يوصلوا لخمسة فقط والسحور كوب زبادي فقط

  106. وزني حاليا ٨٥ وطولي ١٦٨ من ٨٨ بدأت اول أبريل ولاسف زت ٢ كيلو فكنت ٨٣ من اول رمضان انا مشاية بنسبة ٨٠٪ بس ذت ميزان بس مش شكل وشكلي خاسس ٧ كيلو مكتئبة بس معاكم مكملة ان شاء الله التزم اكتر الاسبوع ده اكله كتير ينفع اقلل شوية

  107. انا اتعقدت مبخسش ولا جرام

  108. اسمي سلسبيل ووزني 60 ونفسي وصل 55وللعلم وزني 165
    عايزة اقولك ي دكتور انا مش باكل غير سلطة وشوربه لانو اوقات مش بيكون عندي الحاجات يلي كاتبها والسحور زبادي وتفاح وبرتقال وبمشي ساعه كل يوم ونفسي اوووى ي دكتور انزل خمسه كيلو بس

  109. غير معروف

    ونزل وزنك وانا بعمل كدا بس وزني مش عايز ينزل

  110. ام تاليا

    دكتور انا ابدات مع حضرتك اول اربعه كنت ٨٢دلوقت ٧٧ من اول رمضان مخستش خالص ووقفه علي الوزن ده نزلت نص كيلو بس دا غير اني برضع مش فاهمه انا ثابته ليه مع اني ملتزمه وبخاف اخد فري احسن اتخن ومعرفش انزل

  111. غير معروف

    دكتور انا اول انا اول مرة اعمل رجيم وكتير خايفة ماينجح ومافي حدا يشجعني عليه

  112. مسموح أفطر بطيخ بكره

  113. انا جديدة معاكم والاسبوع كان كله حلو لاني ضعيفة لما اشوف الحلو 😥😥بس ان شاء الله رح التزم معكم
    طولي ١٥٣ والوزن ٦٨

  114. غير معروف

    😍😍😍😍😍

  115. ميمو ميمو

    ياااارب يا دكتور وربنا يجزيك كل الخير على تعبك معانا

  116. اسماء طاهر

    السلام عليكم ورحمة الله انا وزنت كنت قلت لحضرتك هوزن علي العيد بس مقدرتش وزنت النهارده الحمدلله بقيت91.7ك كنت 93 ك من اصل 99 ك طبعا كنت زايده اول اسبوع رمضان كده نزلت اللي زيدته انا مكمله ان شاء الله نفسي اكسر 90ك يارب ربنا يبارك فيك يادكتور تشجيعك المستمر حافز كبير جدا

  117. انا قبلت التحدي قبل رمضان ب شهر كنت 87 وطولي 161 انهاردة انا 75 وانا معايا بنوتة وزني مناسب لسني 28 ولا محتاجة انزل تاني؟

  118. ، انا بقى معك الرجيم من اربع اسابيع بس خسيت الحمد لله 6 كيلو ومكمله ان شاء الله انا وزني كان 95 دلوقتي بقيت 89 كيلو

  119. لو سمحت هل شرب الماء بعد الأكل مباشرة أو فى وسط الأكل بيزود الوزن أو بيخلى الأكل ميتهضمش كويس؟ شكرا جزيلا

  120. Semsem we gogo

    ُلم وجاري التنفيذ يا دكتور 👍👍👍👍وكله تحت السيطره 🤣🤣🤣🤣

  121. السلام عليكم ربنا يجزيك كل خير على تعبك انا جديدة ومشكلتي نصحاحة من القسم العلوي كتاف وظهر وكرش تنصحني بإيه

  122. اني وزني ٧٣ اني صايمة يصير وزني ٧٢ بس اشرب مي يصير ٧٣ ما جاي ينزل ليش

  123. نرمين وهبي

    انا نزلت معاكم في اخر خمس ايام من الاسبوع التاني من 83 ل 81 انا طولى 160 وسني 32 . السؤال بقي هو مفيش فري خالص لان اخر يوم فالاسبوع التاني كان اللحد و اول يوم فالاسبوع التالت هو يوم اللتنين

  124. لو سمحت لو يوم زودت فالاكل والسكريات شوية اعمل ايه في اليوم اللي بعده

  125. غير معروف

    يعني مسموح هالاسبوع كله انو نشرب كوب برتقال يوميا؟

  126. دكتور لو سمحت انا طولي ١٥٢ وعندى ٣٥ سنة ووزني ٥٨ ونص و عاوزة انزل ومش عارف جسمي حرقه ضعيف جدا و عاوزة اعرف ايه الوزن المظبوط اللي المفروض اوصله

  127. قبل رمضان زدت ورجعت 69 ويوم 18/5 وزنت وصلت ل66 مع انى اكلت حلويات اول الاسبوع بس التانى التزمت الحمدلله وطولى 165 ربنا يبارك لحضرتك وييسر لك الحال بعيدا عن الدايت حضرتك خلتنى اعرف انى عندى اراده اعمل اى حاجه لو انا عيزاها

  128. غير معروف

    دكتور وزني ٧٠ وطولي ١٦٨ ايه الوزن اللي اوصله مع العلم أني جسمي مظبوط بس عندي جنوب ارجو الرد علشان فرحي بعد العيد

  129. غير معروف

    ضروري اتسحر انه من نوع الي مااتسحر برمضان

  130. غير معروف

    ممكن الغي السكر نهائي وزني فوق المائه وممكن اختار يوم وامشي عليه طول الاسبوع والغي اليوم الفري ارجو الرد الله يباركلك يا دكتور

  131. دكتور انا حامل امشى ع الرجيم عادى طب بالنسبال التمرين اعمل ايه والميزان اعرف ازاى انى حسيت مع العلم لسه ف الشهور الاوله

  132. ام عبدالله

    السلام عليكم يادكتور انا بلشت معاكم قبل رمضان ونزلت 3كيلو ومن اول رمضان وللآن مكملة تقريبا90%صح عالنظام لكن بحس فرق بالجسم لكن عالميزان مش بيتغير شي هل ممكن كون بنزل وزن دون مايبين عالميزان ؟وايه رأيك بشرب المتة بعد الفطار بساعتين هل مفيدة للريجيم؟

  133. غير معروف

    اوك دكتور راح ابحث واشوف شنو الكركديه

  134. انا لسه عايزة ابدا ٨٦ كيلو والكول ١٧٠

  135. انا لسه عايزة ابدا ٨٦ كيلو والطول ١٧٠

  136. غير معروف

    من فضلك يادكتور الرجيم دا ينفع لطفل 9سنين

  137. غير معروف

    السلام عليكم ورحمة الله وبركاته انا عضوه جديده معاكم ف دايت كلينيك مساء الخير يا دكتور انا عندي 23سنه متجوزه وحالياً ام وبرضع وزني زاد بعد الولاده بصوره مش طبيعيه انا وزني ٩٥ ك وطولي ١٥٠ سم اعمل ايه يا دكتور وليك جزيل الشكر والتقدير

  138. اسماء الشرنوبي

    انا عندي 15 سنه وزني53كيلو وطولي 160 عبوة علي اخر رمضان اكون 49 ومشكلتي برضو في دهون الارداف والبطن

  139. غير معروف

    انا وزنى ٨٠ بعد ١٠٢ك نزلت كله ده فى ٤ شهور ونصف مش متابعه مع حد بس كل فتره وزنى يقف طولى١٦٥ والسن٣٠وعندى مشكله سمنه فى الزراع بحس مش بينزل هل محتاج جلسات بس عندى دوخه باستمرار الانميا ١١ ونصف ان شاء الله همشى على الرجيم ده

  140. سيدرا الروح

    تم بأذن الله

  141. نور تلهدى

    السلام عليكم … دكتور انا نفسي التزم بس ما عندي ارادة 😭 بدي مساعدتك احكيلي كيف اقدر اسيطر على نفسي

  142. نور الهدى

    طولي ١٧٠ و وزني ١٠٦😓

  143. السلام عليكم ورحمة الله وبركاته وكل عام وانتم بخير دكتور انا وزني ١٢٥ كيلو وطولي ١٨٠ وحلمي يبقي وزني ٧٠ كيلو عندي ٢٦سنه وعندي مشاكل في القولون والضغط انا بقالي حوالي ١٢ سنه بجرب أنواع ريجيم كتير بنزل شويه وبعدين يثبت ويزيد تاني انا للزياده عندي في بطني مع العلم اني ولدت قيصرية مرتين وفي اكتافي وحابه ابدا ان شاء الله النظام مع حضرتك

  144. هو الكابتشينو بيتخن؟؟

  145. أم الحلوين

    سلام انا جديده معاكم بس بصراحه مالتزمت حرفيا بالجداول الماضيه بس كنت اعملها عالخفيف

    طولي ١٥٨
    ووزني قبل رمضان كان ١٠٢
    وامس قست صار ٩٩.٣

    ويارب انزل أكثر واكمل معاكم
    ونفسي انزل لل٧٠ 💔
    وبعدها لل٦٥ 😭
    الله كريم … وربي يرزقك يا دكتور من أوسع أبوابه يارب ويعطيك خير الدنيا وما فيها يااارب

  146. أم لوجين

    السلام عليكم ورحمة الله و بركاته
    انا طولي 168 سم
    الوزن 123 كجم
    خلال الحمل ارتفع وزني 28 كجم
    سبق لي انتظمت دايت و رياضه قبل خمس سنوات و استطعت نزول 25 خلال ثلاث شهور
    و الآن بعد الولاده لم استطع العوده أو نزول الوزن
    بالرغم من مرور اربع اشهر منذ الولاده القيصريه

  147. عمري 24 وزني 75 و الوزن الي حابه اوصلو 55 انا مرضعه عمر بنتي 10شهور

  148. السلام عليكم انا اول اسبوع امشي على دايت بس عايزه اسال سؤال
    انا طولى ١٥٤ وزني ٦٣ عندي ١٦ سنه المفروض اخس كام كيلو ؟؟؟؟
    لسه هوزن نفسي بكرا وهقول لحضرتك

  149. دكتور انا وزني 97 وطولي 162 ومره منحرجه من شكلي اتمنى انزل قبل العيدد ومو عارف استخدم البرنامج وين النظام الي نمشي عليه

  150. لو سمحت يادكتور انا مرضعة وعمر ابني ٧ شهور وعملت تخفيف ورياضة بس كان وزني بينزل بصعوبة جدا والدرجة انو ثبت عال٧٠ كيلو وماعم ينزل أقل من هيك ابدا ابدا طولي ١٢٦ ووزني حاليا ٧٠.كيلو مع العلم انو جسمي ماكان ابدا بالوزن بعمرو وكان وزني ينزل لوحدو بالصيام بس حاليا ماعم ينزل بل حاسة انو بيطلع شو الحل ياريت تفيدني

  151. لو سمحت يا دكتور أنا جديده معاكسات ممكن أعرف ليه فى النظام يوم الجمعه أرى مش المفروض إنه آخر الأسبوع يعنى الأثنين وشكرا لحضرتك

  152. أقصد يا دكتور ليه يوم الجمعه فرى

  153. مرحبا .. انا جديده معاكم وبدي اخس وانا مرضعه وبنتي عمرها ١١ شهر .. بتمنى تساعدني على اني اخس وشكرا الك

  154. دكتور بالنسبة للناس يلي مو صايمين كيف الدايت يكون

  155. بالنسبة يلي مو صايم كيف بيعمل برمضان

  156. هبه موسى

    سلام عليكم
    انا ضعفت ٢ كيلو ونص من اول رمضان صار وزني ٧٠ فاضل انزل ١٠ كيلو وانشالله معاك يا دكتور هنزلهم
    مع اني بلتزمش كتير
    مشكلتي عندي بطن بعد الولاده القيصريه وامساك

  157. هبه موسى

    ينفع يا دكتور اعمل رياضه الصبح او الظهر؟؟؟
    لانز قبل الفطار بساعه صعب وباليل صعب

  158. ياسمين الشام

    السلام عليكم ورحمة الله وبركاته…
    كان وزني قبل رمضان 88،4 وحالياً صار 85،6 وحابة أنزل أكتر من وزني…
    بس هاد الرقم منيح ولا قليل؟

  159. ياسمين الشام

    مع العلم ان طولي 159… وكم الوزن المثالي الي لازم أوصله؟

  160. سلام عليكم دكتور انا كنت ناوية اليوم ابتدي رجيم معاكم بس للاسف ما زبطت معي😭 عندي عدر شهري ما في صيام وما بدي يروح عليا الاسبوع 😔 يريت يا دكتور تقولي اي رجيم امشي عليه عشان مضيعش الاسبوع بترجاك انا وزني هلأ 74.8 وطولي 164 وعمري 32 انا حنضر ردك ما حتناول شيء لتقولي شو اعمل عشان ما اخرب اليوم الله يسترها معك يا دكتور

  161. 4كيلو في الشهر كويس
    أكيد الرقم ده مش قليل خالص

  162. دكتور انا طولي 161 وعمري 18 ووزني 50 انا ابي انقص 4 كيلو اقدر اتبع هذا الرجيم عادي من دون رياضة

  163. د/ أحمد منصور

    وزنك مثالي يا لمياء

  164. د/ أحمد منصور

    إتغدي باللي مكتوب في وجبة الفطار

    وإفطري اللي مكتوب في وجبة السحور

    والعشاء .. فاكهة

    لحد ما الظروف تعدي وترجعي تلتزمي معانا بنظام الصيام

  165. د/ أحمد منصور

    معدل نزول أكثر من رائع

  166. د/ أحمد منصور

    65 يكون كويس جداً ..

  167. د/ أحمد منصور

    قبل الفطار ده أفضل معاد كفعالية في حرق الدهون

    والميزة انه قبل الفطار
    انك هتقدري بعد التمرين .. بشوية قليلين تاكلي وتشربي

    انما لو عملتي رياضة الصبح هيكون الصيام صعب عليكي جداً .. لكن لو هتقدري تواصلي مفيش مشكلة

  168. د/ أحمد منصور

    الماء مع الخيار احرصي عليهم يوميا والتمر على الفطار رائع لعلاج الامساك ايضا
    وزيت زيتون على السلطة لتفادي الامساك

    بالاضافة للمشي من نصف ساعة لساعة يوميا

  169. د/ أحمد منصور

    يمشي على أنظمتنا اللي كانت موجودة قبل الصيام
    الأسبوعين الجايين

  170. د/ أحمد منصور

    التفاصيل بالكامل موجودة في النظام

  171. د/ أحمد منصور

    علشان يوم الجمعة يوم التجمعات العائلية

  172. د/ أحمد منصور

    اللهم آمين يارب العالمين

    ربنا يوفقك ويعينك في القادم

  173. طيب دكتور كيف احافظ عليه انا حارمة نفسي من كل شي حلو من كل شي احبه جد تعبت فيك تساعدني دكتور

  174. غير معروف

    انا وزني ٥٥ اي هل استخدم هدا الرجيم او لا

  175. غير معروف

    نزول ٣كيلوف ١٠ايام ده كويس يادكتور ؟ولولغيت رز ومكرونه خالص اخدتهم يومين ف الاسبوع يوم رز ويوم مكرونه ده غلط

  176. كمان دكتور انا هي السنه ثالث ثانوي امتحاني بعد العيد احتاج نظام ما يأثر على تركيزي كي استطيع اذاكر ومابعرف كيف احافظ على وزني وهل استطيع اكل 3سمبوسه باليوم مابيأثر

  177. غير معروف

    امتى طيب بعد رمضان ولا ٦ شهور

  178. السلام عليكم
    كل سنة وأنتم طيبين، أنا حملت التطبيق من قبل رمضان بس لظروف مرضية ما فكرتش أدخله إلا النهارده والحقيقة لقيته مشجع ومفيهوش حرمان.. ربنا يقدرنا جميعا..
    عندي سؤالين يا دكتور، السمان المشوي زيه زي الفراخ المشوية ولا يختلف في السعرات؟
    والسؤال التاني، أنا مريضة سكر وسني ٣٩ بس نحافظة على مستوى السكر آخر قياس كان صايم ٨٠ وفاطر ١١٧ هل أمشي على نفس النظام ولا أغير حاجة؟
    شكرا
    رمضان كريم

  179. لو سمحت يادكتور بتسحر زبداية واحد ثمرة خيار+واحدة طماطم +وانساية صغير الحجم هل دة يزيد الوزن

  180. اكي شكرا كثييييير الك يا احلى دكتور الله ينورك

  181. السلام عليكم
    كل سنة وأنتم طيبين، أنا حملت التطبيق من قبل رمضان بس لظروف مرضية ما فكرتش أدخله إلا النهارده والحقيقة لقيته مشجع ومفيهوش حرمان.. ربنا يقدرنا جميعا..
    عندي سؤالين يا دكتور، السمان المشوي زيه زي الفراخ المشوية ولا يختلف في السعرات؟
    والسؤال التاني، أنا مريضة سكر وسني ٣٩ ووزني ٩٩ كيلو بس محافظة على مستوى السكر آخر قياس كان صايم ٨٠ وفاطر ١١٧، والدكتور هو اللي طلب إني أخفف وزني اللي هو طبعا زيادة جدا بالنسبة لطولي ١٦٣ سنتي، هل أمشي على نفس النظام ولا أغير حاجة؟
    مع ملاحظة إني باخد جليمت قرص بعد الفطار وكوليروز مع السحور
    شكرا
    رمضان كريم

  182. مساء الخير شكرا يا دكتور علي تعبك معانا انا متابعة حضرتك من شهر 4 وملتزمه من اول رمضان بس ليسا موزنتش من اول رمضان خايفه جدا اوزن فمستنيه المهم ربنا يقويك ويعنيك

  183. محمد سرحان

    انت لية معتبر كل اللي بيتابعوك نساء يادكتور 😂
    انا راجل و متابعك و ملتزم بالرجيم كلينيك ..
    ربنا يباركلك

  184. انا جديدة ومتحمسة اخس بس عندى مشكلة النهارده الخضار مش بعرف اكله غير بالارز ومش مكتوب فى الفطار .. كمان بحب الحلويات “شوكولاته” وكده .. وزنى ثابت على الميزان بس للى بيقولى حبيبتى .. بحس ان الحرق عندى ضعيف وبشرب شاى اخضر

  185. خسيتى*
    وزنى 76.6 وطولى 155 والسن 25 المفروض انزل كام .. واعمل ايه عشان تتغلب على احساس انى عايزة اكل الحلويات

  186. انا مبتسحرش باكل كويس في الفطار ولما برجع من ترويح باكل فاكهة هل كدة كويس ولا

  187. شيماء محمد

    دكتور ممكن اعرف انا باحد دواء اسمه افيكسور ده بيزود وبيوقف الحرق؟

  188. كنت باخد علاج الكلى بس دكتور قالى تمام كده ان مشكلتي اتحلت بس بعد مكان جسمى ملى جامد من تخزين ماء وانا موقفه علاج بقالى اهو سنه والحمد لله وظايف كلى تمام

  189. السلام عليكم دكتور اني طولي 166 ووزني 80 وعمري 16 شنو الوزن المثالي الي

  190. زهرة من الجزائر

    سلام دكتور وصح رمضانك عندي مشكلة دكتور وهي ثبات الوزن وفي بعض الأوقات احس اني زت في المقاس هل للدورة الشهرية دخل وعندي نقص كبير في الفيتامين دل المغنيزيوم وانيميا تنصحني بإه دكتور انا محبطة جدا فيا ارجع اثخن تاني وشكرا لحضرتك دكتور وتقبل الله صيامكم

  191. السلام عليكم دكتور انا جديده هون وزني 58وطولي 165حابه كم لوزن لمناسب الي جزاك الله خير

  192. غير معروف

    دكتور انا اول مره همشي معاكوا على النظام بس مش فاهمه مش المفروض ان اليوم في رمضان بيبتدي من السحور. النظام اللي موجود بتاع الاسبوع الثالث يعني مثلا يوم الاثنين النهارده بدا بالافطار.والسحور اللي مكتوب يوم الاثنين ده بتاع الاثنين الفجر ولا الثلاثاء الفجر. انا مش فاهمه ارجوا حد يفيدني. شكرا

  193. ام اهداء

    السلام عليكم دكتور يسلمو كتير ماشاء الله انا خسيت كتير بنسبه لي رمضان كل جدول الفطور اهنا ما بتعملو انا سودانيه عندنا اكل رمضان غير ف السحور ممكن نعمل نظام الفطور ف بقيت باكل من اكلنا بس كميه صغيره والعصير مر مره انا مرضعه طفلي سته شهور معتمد على الرضاعة فقط ف ما بعرف الطريقه الأنا ماشه بيها دي بتظبط يعني مطبقه كل التعليمات بس ف نوع الاكل المشكله انا لما اقوم من الاكل بتم بطني مي طمني اواصل ولا اغير ما باخد حليب فطار تمره ومي مرات بعد السحور باخد كاسه لبن مراعي

  194. ام اهداء

    رد ع ي دكتور عليك الله اه انا كنت 98وهلا 87بديت معكم رجيم يوم 21شهر2ابريل نزلت حتى شكلي اتحول بس خايفه نظامي ف رمضان ياثر

  195. ام اهداء

    عغو78كيلو

  196. الزهراء

    السلام عليكم انا وزني 111 وطولي ١٦٥ كم ينزل هالنضام بالسبوع وهل ينفع اسوي ديت بدون رياضه لاني اتعب وعندي التوى بالركبه ارجو ان تفيدوني
    ورمضان كريم الله يتقبل منا ومنكم صالح الاعمال

  197. غير معروف

    دكتور وزني ٨٠كيلو أريد انزله بهاي الفترات القصيره

  198. همسات دافئة

    السلام عليكم ممكن ريجيم للمرضعة وبنفس الوقت عندي قصور بالغدة الدرقية

  199. هبه موسى

    حاضر يا دكتور
    شكرا

  200. همسات دافئة

    السلام عليكم ممكن ريجيم للمرضعة وبنفس الوقت عندي قصور بالغدة الدرقية بدي نظام ينزل وزني بسرعه

  201. ياريت اعرف لازم اخسركم كيلو ليكون وزن مثالي انا وزني 58طولي 165اديش لازم اخسر ياريت تفيدوني بتمنى حدا يرد

  202. غير معروف

    دكتور انا طولي ١٤٩ ووزني ٩ه بصير اعمل الروجيم هاد انا عم رضع ابني عمرو عشر شهور بليز ترد علي انا نازله من اول رمضان تلاته كيلو وحابه تابع نظامك

  203. غير معروف

    وانا متلك😑

  204. سلام عليكم دكتور انا من المغرب وفطرنا غير فطوركم احنا عندنا قهوة شاي شوربة فطاير يعني ممكن اكل منو بس قياس قليل او ضروري اكل من لائحة الرجيم افدني يا دكتور

  205. غير معروف

    مشكلتى لو زغلت باكل حلويات بطريفه كبيره ومابعرفش امسك نفسى قدام اى حاجه مسكره

  206. السلام عليكم يادكتور
    انا لسه جديده معاكم انا كنت بقالي تقريبا سنه ماشيه علي نظام غذائي لدكتور دوكان ووصلت. المثالي الحمد لله النظام كان مانع كل الكارب سواء عيش رز مكرونه بطاطس بقوليات بسله فاكهه دهون سكر كنت ملتزمه جداا وخسيت جداا
    المشكله ال حصلت اني اول مابدات ادخل الكارب عارف ال كان ف مجاعه واتفتحله الاكل ده ال حصلي وسيبت الدايت بقالي اكتر من شهر ودلوقتي زايده ٨ك
    استفساري هل ينفع ابدا النظام مع حضرتك ولا حيكون سبب ف زياده اكتر بسبب النشويات والغاكهه ال كنت منغاها
    السؤال التاني ينفع اكل التمر بعد الفطار بحب اكله مع الشاي غريبه انا معلش 🤣🤣
    ياريت حضرتك ترد عليا ضروري في مستقبل بيضيع هنا 😂😂😂😂

  207. غير معروف

    انا بديت من يو ٦/4 ونزلت من ٧٢ لل٦٧ لكني التزمت اسبوع واحد فقط معاكم والباقب خففت اكل فقط…. شكرا

  208. يادكتور انا وزني ٥٤ وطولي ١٥٤ وعندي ٢٠ سنة المشكلة ان عندي ارداف شوية امشي ع النظام دا والمفروض الوزن المثالي ليا ايه؟؟

  209. أنسام هاجر

    يا دكتور أنا عندي مشكل في الارداف …بس باقي جسمي عادي مو ناصح كثير ……فيدني ما هو الحل؟

  210. غير معروف

    السلام عليكم دكتور انا مريضه بخمول الغده الدرقيه ينفع معي هذا النظام

  211. كل سنه وحضرتك طيب يا دكتور

    انا جديده معاكم

    مشكلتي في بطني عندي نسبة دهون عاليه جدا في البطن من تحت بالجناب وزني فوق ال ١٠٠ كيلو حوالي ١١٦ وطولي ١٦٩
    طخني متناسق لكن مشكلتي الوحيده في بطني وخصوصا بعد الولاده ٣ مرات قيصري
    انا كنت ١٥٧ كيلو والحمد لله وصلت للوزن ده ولسه بكمل
    بس عايزه حل لبطني

  212. انا جديده هنا وزنى ٨٨ و طولي 167 محتاجة اوصل للوزن المثالي و مشكلتى حرقي بطيء جدا عملت اكتر من مرة دايت و وزنى بيثبت بعد ما انزل ٢ او ٣ كيلو ف بيأس و برجع لكن بفضل بين 85 و 90 انا عندى المشكلة ف عادات الاكل واجبة واحدة ف اليوم متأخرة بعد 8 وبدخل انام.. بسبب طبيعية شغلي انا ميديكال ريب ف مش بفتكر الاكل غير لما اقع او احس بصداع او دوخة.. عندى انيميا 8 و الجيم مش بعرف اواظب عليه و ممكن انام ٥ ساعات ف اليوم

  213. والسن ٢٦ سنة و انسه

  214. عمر توفيق

    لان غلط لبتعمله مينفعش تقيس فوقت زي ده ومفروض تقيس انسب وقت الصبح او عل بطن فاضيه تماما مش تاكل وتشرب وكل حاجه وتقيس وعايزه يديك قياس مزبوط

  215. عمر بيرو

    انا زيك والله محيرني الدكتور في النقطه دي وكذا حد برضو….. بس يمكن التركيز بس أو الاغلب للاخوات وكدا ☺️🙏💜

  216. غير معروف

    دكتور ربع فرخه يعني صدر دجاج ولا نص؟؟؟ لان انا بستعمل صدور الدجاج مش الدجاجه الكامله

  217. أم الشيماء

    السلام عليكم ورحمة الله وبركاته
    أنا وزني كان96 قبل ستة أشهر ورحت لدكتورة تغذية والحمد لله صار86 وبعدها بدأت أشق طريقي بنفسي وصل وزني 81 بدأت معكم قبل أسبوع الأسبوع الثاني التزمت 70% والحمد لله نزلت 2 كيلو صار وزني79 بإذن الله مكملة معكم 💪 ومتفائلة خيراً، والرجيم سهل جداً وممتع والحمد لله
    جزاك الله خيراً يادكتور وأعطاك أفضل مايعطي الصائمين القائمين،،،،

    أنا بسأل يادكتور أنا برضع طبيعي والحمد لله طفلي عمره سنة ممكن الحليب نبدله باللبن الرايب وماهي الكمية

  218. منى سميح

    هل لعب رياضة على الاوربيتراك…توازى المشي أو الجري؟..
    لان الجو بقى حر جدا فممكن نعمل رياضة في البيت؟

  219. انا جديده معاكم انا وزني 70وتقريبا ثابت ومشكلتي كلها البطن ونفسي اوي اوصل 60 وبعاني من الغده الدرقيه وباخد التروكسين يعني معنديش حرق خالص.وبالنسبه للمشي مش هينفع معايا لاني معايا توأم وصعب اني بيهم

  220. غير معروف

    السلام عليكم يا دكتور انا ماشيه على رجيم من اكثر من ثلاث شهور وكنت ماشيه كويس بس من حوالى ٢٠ يوم وانا وزنى ثبت على ٧٦ مس نازل مع انى ملتزمه

  221. هل المقصود بملعقة السكر المسموحة ملعقة طعام من السكر؟

  222. محمد سرحان

    😂😂

  223. غير معروف

    السلام عليكم لااعرف كيف اعلق تعليق خاص لي..دكتور اناعمري ٢٤وزني ٧٤بعدالحمل والولاده عندي كرش من العمليه .واليوم عرفت بالبرنامج سوف اللتزم معكم من غدا انشاالله..عادي؟؟

  224. انا يا دكتور مو دايما بتسحر يعنى حسب مزاجى اذا حابة اتسحر ولا لاء واذا تسحرت بتسحر لبن وخيار او بيض مسلوق
    والفطور ما دايما متوفر كل الي بتحكيه واغلبه ما بحبه
    بس انو باكل سلطة الخضار بالبصل تقريبا يوميا
    ما احب الشوربة 😐
    باكل الاكل ع الفطرة نفس الي بتعملو ماما بطريقتك يعني لو كتبت ٦ معالق رز بروح باكل ٧ او ٨ حبات ورق عنب وبقلل وبكتر حسب حجم الورقة
    الحلو باكل بحدود يعنى كل اسبوع مرة وما بكتر او باكل من بسكوت الدايت
    العصير بشرب مية وتمر او لبن خالي الدسم وتمر
    مشكلتى ب الجناب الفخاد الي ما رضيو يروحوا من وقت طويل
    بعرف مشكلتهم الخبز بس انت بطلت اكل خبز من شي سنة وما تغير حتى انو يوم ع يوم سرت اكره الخبز وهلأ ما بدوقه
    بدي اكل معين انو ينزل الجناب باي طريقة وكمان ينحف الايدين
    ع الهامش انا بلعب رياضة يوميا تقريبا ما يقارب ساعة وساعة وعشرة دقائق
    بس ما اعطاني نتيجة يمكن امت باكب اشي غلط بيرجع السعرات الي بلعب فيهم !

  225. انا وزني ٦٥ انا جسمي عجبني بس عندي مشكله في البطن كبيره وبتزيد اول مره اعمل رجيم

  226. مشكور دكتور ولكن هناك تشابه كبير جدا بالانظمة الغذائية وتكرار بالاطعمة

  227. غير معروف

    نتمنى التنويع بالوجبات الغذائية اكثر عشان للتكرار يعمل ملل واللهي.

  228. دينا خالد

    انا نفسي احس اووي بس للاسف مش بعرف التزم بالرجيم خالص اعمل ايه

  229. غير معروف

    انا لسه بدأت في الرجيم جديد ووزني ٨٣ وطولي ١٦٠ وعايزه اخس ٢٤ بدأت من الأسبوع التالت من رمضان

  230. حضرتك مردتش ع سواء بتاعى

  231. غير معروف

    السلام عليكم يا دكتور انا جديده مع حضرتك. و وزني 80 كيلو
    انا متقبله وزني مده مش عاملي مشاكل المشكله اني بعد الولاده القيصري طلعلي كرش انا عايزه نظام بحيث انه ينزل الكرش وميرجعش تاني لان بجد شكلي بشع بالكرش 😭😭😭

  232. السلام عليكم
    انا عمرى 27
    وزنى ٨٦ ،، طولى ١٥٧
    المفروض انزل ٢٥ ك تقريبا
    انا كنت من سنتين عملت دايت ووصلت٦٩ك بس رجعت زدت تانى دلوقتى
    بعانى من مشكلة أنيميا والقولون
    وعايزة اخس بس من غير مايكون ف نسبة انيميا عالية ووشى ينزل اوى و عشان بدأ ضهرى ورجلى يألمونى جداا

  233. اناوزنى 101ك وطولى165
    كل لمااجى اعمل رجيم اكسل نفسى حديشجعنى ويتابع معايا

  234. انا وزني ٨١ كيلو وطولي ١٧٣
    ايه الريجيم المناسب ليا
    وهل المكرونه تنفع في اكل الريجيم ولا لا

  235. ام فاطمه

    مرحبا ولو تدخل مني اني كان وزني ١١٣ وطولي ١٦٥ مع بدايه شهر رجب واحنا حاليا نص رمضان الي مبقى شي ونودعه نزلت بفضل الله وبفضل الدايت والإصرار الي عندي وحطمت ال١١٣ ودخلت لل٩٩ طبعا هذا انجاز بالنسبه الي رغم اني قبل الحمل وآل انجاب كان وزني ٦٥ بالاراده كل شي تكدرين سوين

  236. ام فاطمه

    اختك ام فاطمه من العراق اني كان وزني ١١٣ وطولي ١٦٥ وعمري ٢٣مع بدايه شهر رجب واحنا حاليا نص رمضان الي مبقى شي ونودعه نزلت بفضل الله وبفضل الدايت والإصرار الي عندي وحطمت ال١١٣ ودخلت لل٩٩ طبعا هذا انجاز بالنسبه الي رغم اني قبل الحمل وآل انجاب كان وزني ٦٥ بالاراده كل شي تكدرين سوين بس تحدي نفسك أول

  237. اوراق الورد

    السلام عليكم
    انا اتمنى ان ادخل معاكم في تحدي انا اليوم عرفت بالرنامج /انا نفسي ينزل وزني /انا وزني 103 عمري 30 وطولي155//وشكرااااا

اترك رداً على Zainab إلغاء الرد

لن يتم نشر عنوان بريدك الإلكتروني.