الرئيسية / أنظمة غذائية / رجيم الأسبوع الأخير في رمضان يبدأ من الإثنين 27 مايو وينتهي يوم الوقفة
رجيم دايت كلينيك

رجيم الأسبوع الأخير في رمضان يبدأ من الإثنين 27 مايو وينتهي يوم الوقفة

زعلان جداً طبعاً إن عدد اللي قادرين يلتزموا بالنظام في شهر رمضان أقل بكتير جداً من اللي بيلتزموا معانا في المعتاد، مع إني أكدت إن الفرصة عظيمة جداً للتخسيس وحرق الدهون، لكن ناس كتير ضيعت الفرصة.

وأنا بقولكم متزعلوش
ومتفقدوش الأمل .. عندنا أسبوع باقي نيجي على نفسنا ونلتزم.

ومن بعد رمضان هنرجع لأنظمة الصيام المتقطع اللي بنفقد بيها الوزن بمعدلات مثالية وأكثر من مرضية.

وبعتذر ليكم عن تقصيري في الفترة اللي فاتت، ووعد مني هتنبهروا بالنظام والمتابعة من بعد العيد.

لو ده أول رجيم ليكي معانا إبدأي على طول من نظام الأسبوع ده وكملي في باقي رجيماتنا المتجددة أسبوعياً لحين وصولك للمثالي وإن شاء الله يكون في وقت قياسي.

 

تعليمات

  • شرب المياه مهم جداً .. كوباية كل ساعة من الفطار للسحور.
  • أفضل وقت للرياضة ( المشي ) لحرق الدهون .. قبل الفطار بساعة أو إثنين .. أو الساعة 11 مساءً.

الخضار المسموح بيه في الأسبوع الحالي

  • بسلة
  • كوسة
  • سبانخ
  • فاصوليا خضراء
  • بامية

يفضل طهي الخضار بطريقة صحية مناسبة للرجيم، بحد أقصة تستخدمي معلقة زيت زيتون واحدة في التحضير.

هنفطر على إيه ؟؟

3 تمرات مع كوب ماء

أو

3 تمرات مع كوب حليب خالي الدسم أو نصف كوب كامل الدسم.

 

ومسموح خلال يومين ” تختاريهم براحتك ” تفطري بكوب حليب معاه تمر وياميش رمضان .. ” قراصيا – زبيب – جوز الهند – وهكذا
) .. بحيث تكون نصف الكوباية ياميش والباقي حليب.

ترتيب الأكل

أذان المغرب معاه .. التمر والماء أو التمر والحليب

ثم

صلاة المغــــــــــــــــــــــــــــــــــرب

ثم

طبق شوربة ( بدون دهون )

ثم

طبق سلطة خضراء ( طماطم – خيار – جزر – بصل – خس – …. )

معاه طبق الخضار

والأرز أو العيش  إن وُجد والبروتين ( بيض – لحمة – كفتة – كبدة – تونة – فراخ – … ).

 

الفري 

يوم واحد وهيكون يوم الجمعة بإذن الله

يمكنك الإطلاع على قواعد اليوم الفري

بالضغط على كلمة ( هنا ) الموجودة بين القوسين ( هنا ).

 

العصائر .. 

مسموح بالعرق سوس كوبايتين ففط خلال الأسبوع الحالي ..

عصير القصب مرة واحدة في الأسبوع بحد أقصى ..

 

والأفضل على الإطلاق عصير الليمون المنعش ذو الفوائد العظيمة والسعرات الحرارية المنخفضة جداً أو الكركدية ..

مع الإلتزام

إن لو وزنك من 60 إلى 95 كيلو مسموح ليكي بمعلقتين سكر على الأكثر.

 

ولو من 95 فيمــــــا فـــــوق .. مسموح بـ 3 معالق سكر يومياً على الأكثر.

 

 

تقدري تبدلي ربع رغيف عيش بواحد توست بني أو نصف رغيف سن.

وكوب حليب خالي الدسم بنصف من الحليب كامل الدسم.

 

 

نــــــــــــــــظام الـــــــــــــــــــــــــــيوم الأول 

الإثنين

يمكنك الإختيار في الفطار من بين:-

  • ربع كيلو جبنة قريش
  • ربع فرخة مشوية أو مسلوقة ( نصف الصدر ) مهما كان الوزن
  • ربع كيلو لحمة مشوية أو مسلوقة
  • علبة تونة
  • 2 بيـــــــضة مسلوقة
  • علبة سردين
  • نصف كيلو سمك مشوي
  • ربع كيلو كبدة مشوية
  • ربع كيلو جمبري
  • ربع كيلو كفتة مشوية بدون دهون
  • ربع أرنب مشوي أو مسلوق

+ طبق سلطة ( بصل – طماطم – .. ) + طبق خضار ( سبانخ – كوسة – .. )

بين الفطار والسحور

ثمرة فاكهة + كوب حليب خالي الدسم

أو

ثمرتين فاكهة

 

 

يمكنك الإختيار في السحور من بين:-

  • 2 بيضة مسلوقة + خس
  • 2 علبة زبادي + ثمرة خيار
  • 125 جرام ( تمن كيلو ) جبنة قريش أو أي نوع جبنة خالية الدسم + ثمرة خيار
  • 5 معالق فول + ثمرة خيار

 

نظــــــــــــــــــــــــــام الــــــــــــــــــــــيوم الثاني 

الثلاثاء

 

يمكنك الإختيار في الفطار من بين:-

  • ربع فرخة مشوية أو مسلوقة ممكن نعملها شاورما أو فاهيتا وكذلك اللحمة
  • ربع كيلو لحمة مشوية أو مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • ربع كيلو جبنة قريش
  • علبة تونة
  • نصف كيلو سمك مشوي
  • 2 بيـــــــضة مسلوقة
  • ربع أرنب مشوي أو مسلوق

+ طبق سلطة

+ طبق خضار

 

 

بين الفطار والسحور

ثمرة فاكهة

أو

خمس حبات مكسرات من أي نوع

 

 

يمكنك الإختيار في السحور من بين:-

 

2 بيضة مسلوقة + ثمرة خيار + كوب زبادي

أو

5 معالق فول + ثمرة خيار + كوب زبادي

 

ويمكن إستبدال كوب الزبادي بكوب حليب.

 

 

نظام اليوم الـــــــــــــــــــــــــــثالث 

الأربعاء

 

الفطار يمكنك الإختيار من بين:-

  • ربع فرخة مشوية أو مسلوقة ( نصف الصدر )
  • ربع كيلو لحمة مشوية أو مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • ربع كيلو جبنة قريش
  • علبة تونة
  • 2 بيـــــــضة مسلوقة
  • نصف كيلو سمك مشوي
  • ربع أرنب مشوي أو مسلوق

 

+ طبق سلطة

+ طبق خضار

 

 

بين الفطار والسحور

ثمرتين فاكهة

 

 

يمكنك الإختيار في السحور من بين:-

  • 4 معالق فول + نصف رغيف عيش + ثمرة خيار
  • أو
  • 2 بيضة مسلوقة + نصف رغيف عيش + ثمرة خيار أو خس
  • أو
  • 125 جرام جبنة قريش + نصف رغيف عيش + ثمرة خيار

مسموح بإضافة كوب زبادي أو حليب في السحور

 

 

نظام اليوم الــــــــــــــــــــــــــــــــــرابع

الخميس

 

يمكنك الإختيار في الفطار من بين:-

  • ربع فرخة مشوية أو مسلوقة ممكن نعملها شاورما أو فاهيتا وكذلك اللحمة
  • ربع كيلو لحمة مشوية أو مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • 2 بيـــــــضة مسلوقة
  • ربع كيلو جبنة قريش
  • علبة تونة
  • نصف كيلو سمك مشوي
  • ربع أرنب مشوي أو مسلوق

 

+ طبق سلطة

+ طبق خضار

+ 3 معالق أرز أو 4 مكرونة أو ربع رغيف عيش

 

 

بين الفطار والسحور

 

3 حبات مكسرات

أو

10 حبات فول سوداني

أو

ثمرة فاكهة

 

 

السحور

ربع رغيف عيش + 2 بيضة مسلوقة + ثمرة خيار

أو

ربع رغيف عيش + 5 معالق فول + ثمرة خيار

أو

125 جرام جبنة قريش + ربع رغيف عيش + خس أو خيار

 

 

نظام اليوم الخامس

الجمعة

 

الفطار .. فري

 

بين الفطار والسحور .. قطعة حلويات

 

السحور

 

2 كوب زبادي

أو

كوب زبادي + ثمرة فاكهة

 

 

نظام اليوم السادس

السبت

 

الفطار

يمكنك الإختيار من بين:-

  • ربع فرخة مشوية أو مسلوقة ممكن نعملها شاورما أو فاهيتا وكذلك اللحمة
  • ربع كيلو لحمة مشوية أو مسلوقة
  • 2 بيـــــــضة مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • ربع كيلو جبنة قريش
  • علبة تونة
  • نصف كيلو سمك مشوي
  • ربع أرنب مشوي أو مسلوق

 

+ طبق سلطة

+ طبق خضار

 

 

بين الفطار والسحور

ثمرة فاكهة

 

 

السحور .. يمكنك الإختيار من بين:-

5 معالق فول + ثمرة خيار

أو

2 بيضة مسلوقة + ثمرة خيار

 

ويمكنك إضافة كوب حليب أو لبن رائب أو كوب زبادي

 

 

نظام اليوم السابع

الأحد

 

الفطار

يمكنك الإختيار من بين:-

 

  • ربع فرخة مشوية أو مسلوقة ممكن نعملها شاورما أو فاهيتا وكذلك اللحمة
  • ربع كيلو لحمة مشوية أو مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • ربع كيلو جبنة قريش
  • 2 بيـــــــضة مسلوقة
  • علبة تونة
  • نصف كيلو سمك مشوي
  • ربع أرنب مشوي أو مسلوق

+ طبق سلطة

+ طبق خضار

 

 

بين الفطار والسحور

 

ثمرة فاكهة

 

 

السحور  .. يمكنك الإختيار من بين:-

  • ثمرة بطاطس مسلوقة + بيضة مسلوقة + ثمرة خيار
  • 2 بيضة مسلوقة + خس + ربع رغيف عيش
  • 6 معالق فول + ثمرة خيار + ربع رغيف عيش
  • 2 كوب زبادي + ثمرة خيار + ربع رغيف عيش

 

 

نظام اليوم الثـــــــــــــــــامن 

الوقفة – الإثنين إن شاء الله

 

 

الفطار

يمكنك الإختيار من بين:-

 

  • ربع فرخة مشوية أو مسلوقة ممكن نعملها شاورما أو فاهيتا وكذلك اللحمة
  • ربع كيلو لحمة مشوية أو مسلوقة
  • ربع كيلو كفتة مشوية
  • ربع كيلو كبدة مشوية
  • ربع كيلو جمبري
  • ربع كيلو جبنة قريش
  • علبة تونة
  • نصف كيلو سمك مشوي
  • ربع أرنب مشوي أو مسلوق
  • 2 بيـــــــضة مسلوقة

 

+ طبق سلطة

+ طبق خضار

 

 

بين الفطار والعشاء ..

كوب عصير ( حليب مع موز أو فراولة )

أو أي كوباية عصير تحبيها

وممكن تشربي قصب في اليوم ده علشان بكره عيد وكل سنة وأنتم طيبين

أو

5 حبات مكسرات

أو

ثمرتين فاكهة

 

 

العشاء

 

واحد توست بني + كوب زبادي

أو

ربع رغيف عيش + بيضة مسلوقة + ثمرة خيار

 

 

 

 

وبكده يكون .. 

إنتهى نظام رمضان .. الأربع أسابيع بفضل الله وتوفيقه 

 

وإن شاء الله النظام اللي هنمشي عليه في العيد .. هيكون بين إيديكم قبل العيد بيومين بأمر الله.

 

 

 

 

نظام الأسبوع الرابع مناسب لوزن بين 60 كيلو وحتى 95 كيلو

95 كيلو فيما فوق .. فطار وسحور الثـــــــــــــاني .. بربع رغيف عيش في الفطار وربع في السحور

وباقي الأيام الإلتزام بالمكتوب ..

 

 

النظام غير مناسب لــــ

مرضى الضغط والسكر والحوامل

والمرضعات اللي تغذية أطفالهم فقط من الرضاعة

ويجب أولاً عرض النظام على طبيبك اللي متابع حالتك ..

ليفيدك إن كان النظام مناسب ليكي أو لأ.

 

 

المرضعات اللي أطفالهم، أكبر من 5 شهور وبدأوا يأكلوا .. يطبقوا النظام مع الإلتزام بالآتي:-

أي سحور بدون عيش في النظام .. هتضيفي نصف رغيف عيش ..

ليكي ثمرة فاكهة إضافية .. عن المكتوبة في النظام ..

 

النظام في الغالب بيكون يومياً فيه كوباية حليب أو إثنين

أو كوب زبادي أو إتنين

لازم تاخدي ضعف المكتوب

يعني كوبين حليب بدل واحد.

واتنين علبة زبادي بدل علبة واحدة.

وتوزعي الزيادة دي على الفترة ما بين الفطار والسحور.

 

 

متنسوش شرب المياه يا جماعة ضروري جداً ..

بالتوفيق ليكم جميعاً ..

وإن شاء تححقوا أهدافكم معانا بصحة وفي أقرب وقت.

 

 

لا تنسوني من صالح دعائكم .. إكتبولي في التعليقات .. طموحكم توصلوا لكام كيلو، ومتنسوش تروحوا جوجل بلاي .. تبحثوا عن ( دايت كلينيك ) وتدخلوا تعملوا تقييم حلو للبرنامج.

 

عن د/ أحمد منصور

84 تعليق

  1. الله يصبرك ويقويك يادكتور طبعا اني ملتزمة الحمد لله اول رمضان كنت ٨٨ واليوم وزنت ٨٥ بدون رياضة للاسف لانه عندي توأم صغار وماعندي وقت للرياضة ابدا بس اتحرك كثير واصعد سلالم كثير 😊😊

  2. نا وزني ٥٦وعمري ٢٠ وطولي ١٥٢ ارجوك الرد اما رجيم اتبعه والوزن المتالي

    • غير معروف

      لو سمحت يا دكتور هو كوبايه اللبن الخالى الدسم لو قسمتها على تلات كوبايات شاى بلبن عادى ولا كتر الشاى بلبن غلط ويثبت الوزن

  3. غير معروف

    دكتور انا وزني ٥٨ وبدي أضعف ٤ كيلو في هدا الإسبوع بقدر افطر بس أنر مي وصحون شوربة

    • غير معروف

      دكتور انا وزني ٥٨ وبدي أضعف ٤ كيلو في هدا الإسبوع بقدر افطر بس لتر مي وصحن شوربة

  4. غير معروف

    نفسي اوصل55😍

  5. ان شاء الله ربنايقدرناوحنلتزم بيه
    تسلم يادكتور ربنايجعله فى ميزان حسناتك

  6. اليوم ببدء لانه لسه شايفه نظام كلينيك يارب انزل وزني حالياً 68

  7. لو سمحت ي دكتور ينفع اشرب شاي ب لبن بدلا من كوب اللبن

  8. اليوم ببدء لانه لسه شايفه نظام كلينيك يارب انزل وزني حالياً 68، الله يسعدك دكتور عامل مجهود كبير

  9. غير معروف

    نزول ٣كيلو ف ١٠ايام كويس ولاقليل يادكتور اناكنت ١١١وبقيت ١٠٨وبعدين ١٠٣

  10. انالحمد لل بدات من تاني اسبو ف رمضان وخسيت ٥كيلو لحد دلوقتي ولس مكمله معاكم بالتوفيق والنجاح الدائم دكتورنا المحترم

  11. ام عبدالله

    الله يجزيك كل الخير ويوفقك وان شاء الله هيكون الالتزام والارادة القوية

  12. انا بجد كرهت نفسي ببقي ملتزمه ف الفطار ويمكن اكل اقل كمان واجي بعد الفطار اكل حته بسبوسه او شيبسي واضيع اللي عملته 😭 زهقت من نفسي

    • حبيبتى ماتزعليش انا كنت ملتزمة قبل رمضان ونزلت 3ك ونص ف 3 أسابيع وطول رمضان ملخبطة ومش عارفة ألتزم بشرب عصائر كتير بس قلت لنفسى مش مشكلة وارجع انتظم تانى بعد رمضان مشكلتى ف رمضان السكريات بحس انى عاوزة حلويات وعصير والدنيا خربانة فعادى يعنى ماتزعليش مش لدرجة تزهقى من نفسك

      • غير معروف

        سني صغير ووزني كبير وخايفه افضل كده باقي حياتي ونظره الناس ليا بتموتني 😭😭

  13. غير معروف

    ربنا يجزيك خير يادكتور انا نزلت في رمضان من96 ل87 الحمدلله بفضل الله ثم حضرتك ونفسي اوصل ل65 ان شاءالله مكمله مع حضرتك

  14. ربنا يوفقنا ويهدينا ويقدرك على فعل الخير

  15. ان شاء هلتزم يا دكتور وربنا يباركلك ويجزيك كل خير يارب

  16. ربنا يجعله فى ميزان حسناتك

  17. غير معروف

    دكتور انا وزني 81 ونفسي انزل 10 كيلوا بس اغلب الانظمة في حليب وانا ما بحبوا بالنسبه لرجيم رمضان بقدر ما اتسحر او اوكل حبة فواكه

  18. يعني ع الفطور لو اكلت علبة تونه كفايه مع سلطه ومي

  19. أم عبدالرحمن

    انا عندي عزيمة قوية ان شاء الله… ممكن اكمل باقي الدايت إلى نهاية رمضان… بثلاث تمرات مع كوب حليب خالي الدسم في السحور والفطار والعشاء…؟؟
    عاوزة اصل لهدف معين في نهاية رمضان ان شاء الله

  20. سلام دكتور فيني التزم في الاسبوع بشربة وسلطة وعصير ولبن وفطيرة صغيرة شوفان ولا لأ فيدني ارجوك يا دكتور

  21. أم عبدالرحمن

    انا عندي عزيمة قوية ان شاء الله… ممكن اكمل باقي الدايت إلى نهاية رمضان… بثلاث تمرات مع كوب حليب خالي الدسم في السحور والفطار والعشاء…؟؟
    عاوزة اصل لهدف معين في نهاية رمضان ان شاء الله
    مع العلم اني بممارس رياضة يومي الحمد لله

  22. منه ايمن

    السلام عليكم الرجيم رائع جدا وانا كان وزنى 104 من قبل رمضان باسبوع وبدأت معاكوا الرجيم بس لسه متوزنتش بس الهدوم وسعت جدا عليا أن شاء الله اتوزن قريبابس ممكن طلب تحديد 4 معالق مكرونه ياريت تكون بالجرام علشان مش بتظبط معايا وخصوصا في المكرونه الاسباكتي وشكرا للمجهود الرائع

  23. غير معروف

    انا فرحانه جدا دخلت رمضان ب 74 ودلوقتى بقى وزنى 70 برغم انى عكيت بسيط بس دلوقتى ملتزمه 🤩

  24. وزني كنت ٧٢ بعد الالتزام بالاسبوع الثالث وزني صار ٦٨ ان شاءالله رح كمل للمثالي ٥٥ كيلو

  25. أولا ربنا يبارك فيك ويجازيك لحضرتك غيرت أسلوب حياتى كله
    انا كنت بدا87ومع حضرتك من 62يوم وبقيت72كيلويعنى خسيت كدا15كيلو فرحانه جدا جدا جدا شكلى اتغير والمفجاءه جبت بنطلون العيد نزلت 10قياسات🙌🙌👏👏👏
    وخسيت من اول رمضان4كيلو وكنت ملتزمه من اول رمضان بنسبه90•/•
    فرحانه اووووووى ربنا يسعدك يارب ويحققلك كل ال تتمناه
    بس زى ما ساعدتني اخس ساعدونى أطول😂انا 162سم
    المفروض المثالى ليا كام كيلو؟انا من دلوقت كله بتقولى اختفييييتى

    • ممكن لو سمحت د كتور احمد يرد عليا لو سمحت انا كنت95 وبقيت 90 قبل رجيم رمضان من اول رمضان وزنت 20 رمضان بقيت 81 كيلو مبسوطه جدا بس عندي اسئله كتيرة من فضلكم حد يرد عليا

  26. لو سمحت يادكتور ياريت ترد عليا لو وصلت للوزن المطلوب مفروض اعمل ايه اكمل ولا اكل عادى

  27. غير معروف

    انا ملتزمه مع حضرتك و الفرق واضح كل اللي شفني لاحظ الفرق ان شاء الله اوزن آخر رمضان و النتيجه تبقي مرضيه
    شكرا لحضرتك جدا ربنا يجزيك خيرا و يبارك في حضرتك

  28. ام عبد الرحمن

    انا ملتزمه مع حضرتك و الفرق واضح كل اللي شفني لاحظ الفرق ان شاء الله اوزن آخر رمضان و النتيجه تبقي مرضيه
    شكرا لحضرتك جدا ربنا يجزيك خيرا و يبارك في حضرتك

  29. خسيت 6 كيلو في شهر و 20 يوم ودا كمان عشان لخبطت سيكا في رمضان ميرسي جدا يا دكتور وربنا يجعله في ميزان حسناتك يارب ووعد بعد رمضان هلتزم اكتر من كده 💪💪

  30. الله يعطيك العافيه يادكتور والحمدالله انا ملتزمه 100٪وان شاء الله مكمله وصار وزني 75 بعد ماكان 99.5 وبأذن الله مكمله معاك وبالعكس انت ماقصرت وانت موفي معانا والله يمدك بصحه والعافيه 🤲🤲

  31. غير معروف

    انا لح امشي معكون بأذن الله وبالتوفيق ان شاءالله

  32. غير معروف

    يعني ََوالل مش عايزه اقولك فرحانه قد ايه وبدعيلك ع طول انا اول اسبوع كان ضايع حرفيا كنت ٧٩ والتزمت اسبوعين فاتو ووزنت لقيت ٧٥ ي فرحتي فاضل ١٠ كيلو بس

  33. ملتزمه أن شاءالله

  34. غير معروف

    نظام حلو اووووووووووووووى ربنا يبارك ف حضرتك كنت 88وبقيت 73ومكمله أن شاءالله رغم أن مش منتظمه اووووى بس يارب على العيد اكون71 نفسى اكون 65

  35. مكمله مع حضرتك نزلت اول رمضانكنت 76وبعد أول اسبوع نزلت 2كيلو وبقيت 74لكن لغبط شويه ونزلت بعد كده كيلو واحد بس بقيت 73 نفسى اكون 65وطبعا انا بدات مع حضرتك من شهر 2وكنت 83الحمد لله مكمله وربنا يبارك فى حضرتك

  36. ملتزمة معاكو ان شاء الله وزنى 79 واخر رمضان هبعت وزنى واعرف نزلت قد ايه
    جزاك الله خيرا يا دكتور

  37. اش الفرق بين الشوربه وطبق الخضار في ترتيب الاكل يعني الشوربه عادي شوربة لحب بدون زيوت ةكم الكميه المسموحه بها

  38. ربنا يجزاك خير يارب وقبلت التحدي معاك ان شاء الله

  39. فاديا البيطار 🙏🙏🙏🙏🙏

    نظام جميل ويعطيك الف عافية يادكتور
    وكل سنة وحضرتك طيب

  40. أنا كنت ٧٤ أول رمضان دلوقت ٧١
    طبعا نتيجه كويسه جدا ربنا يباركلك
    بس انا قصيره وعاوزه اخس ١٢ كيلو كمان

  41. غير معروف

    من فضلك دكتور انا كان وزني مثالي من حوالي 5شهور بس ابديت اعك واكل شيبس وشوكلت كتير لحد ماووزني زاد تاني وجسمي اتملي دهون انا حاليا 67وطولي 167بس عندي دهون ف جسمي ونفسي وزني ينزل لحد 58بس بحس فيه ثبات ف الوزن انا عندي نقص فيتامين د وباخد فيدروب وعندي اليوريك اسد مرتفع شوية وهاخد علاج معرفش ليه فجأءة جسمي بس بيحوش دهون بشكل مرعب ايه الحل ارجو من حضرتك تفدني وجزاك الله خير

  42. إيمان سليمان

    تسلم يادكتور والف الف الف شكر على تعب حضرتك معانا وشكرا للي وصلتله بسبب حضرتك وجزاك الله عنا خير الجزاء

  43. غير معروف

    الف شكر على تعب حضرتك معنا ربنا يباركك

  44. د. احمد المصرى

    لكن هذا رجيم كيماوي وهو خطيييييير

  45. ملتزمه بآذن آلله

  46. عٌمًريَ 36
    طِوٌلَيَ 162
    وٌوٌزٍنِيَ 90
    هّدٍفُيَ آلَآوٌلَ إنِيَ أصّيَر بًإذِنِ آلَلَهّ 70 کْيَلَوٌ

  47. غير معروف

    كيف رجيم كيماوي!!!
    النظام الغذائي متنوع هنا

  48. السلام عليكم انا هدى من المغرب جديدة معكم اتمنا التوفيق للجميع

  49. عفاف عمار

    ربنا يبارك فيك وفي عمرك يا دكتور أحمد…
    والله انا بدأت في ثالث أسبوع من رمضان والحند لله خسيت 2كيلو رغم اللخبطة…

  50. غير معروف

    أنا دخلت رمضان ٩٠ كيلو دلوقتي ٨٥ الحمدلله فاضل ١٠ كيلو واوصل للمثالى أنا طولى ١٧٥

  51. دكتور ممكن ترد عليا ضروري
    انا عايزة اخلي يوم الفري اليوم مثلا بعدها ابدا برجيم واستثني اليوم فري ولو ممكن اتخلى نهائي عن البروتين اللحمه والفرخه والبيض الخ لاني مش عاوزه
    وزني 95 و طولي 164 وعاوزه وزني يكون 54

  52. القرءان حياتى عضوة فى الجروب مع حصرتك

    أرجوك يادكتور انا عندى السكر ودهون ع الكبد
    ارجوك ارجوك رقم العيادة والعنوان والتفاصيل عايزة اتابع مع حضرتك لانى لما بعمل الريجيم بتعب ولما باكل بردوا بتعب

  53. اشكرك يادكتور على هذا النظام انا بس اتبعت ثلاثة أيام قلت اشوف ان الدايت تمام ولا لا نزلت فيه كيلو وكم قرام وقررت اني اكمل هذا الاسبوع معاك لأني شفت فايدة حلوة

  54. نور الهدى

    السلام عليكم شكرا لمجهودك والنظام جميل جدا .المشكلة بالنسبة لي ثبات الوزن انا من سنتين تقريبا نزلت ما يقرب من ١١ك وبصراحة من غير نظام معين بس تقريبا كنت ماشية على نظام صحي عام بعدن عن كل ماهو غير صحي اكثر اكلي اصبح يا مشوي يا مسلوق تعودت على المشروبات بدون سكر او بالكثير معلقة عسل او سكر دايت كنت بلعب رياضة منزلية من عالنت .وكنت بنزل بصعوبة شوية. الان عندي ثبات وزن كيلو او اثنين افضل ازيدهم وانقصهم وقلت في رمضان أن شاء الله احاول انزل وتقريبا باكل أقل من النظام اللي حضرتك منزله دا النظام بتاع حضرتك دا رغد العيش بالنسبة لي 😊 مفيش سكر خالص نادر جدا لو تذوقت اي حلويات اي اكل قليل بشعر بالامتلاء السحور بيضة مثلا مع معلقتين زبادي او معلقة فول مع جرجير اي حاجة بسيطة جدا كل من حولي ملاحظين قلة اكلي جدا ومع ذلك مش بنزل في الوزن وخاصة منطقة البطن..وشكرا جزيلا

  55. نفسي اخس ١٠ كيلو اللي يقرا تعليقي يساعدني بليز😭😭😭😭😭😭

  56. دكتور كيف أعرف الكمية الي محتاجها جسمي من الأكل بحيث أن ينزل الوزن

  57. دكتوره انا ماشيه مع حضرتك من اسبوعين والحمد لله خسيت ٣ كيلو شكرا لحضرتك مكمله
    عايزه اسال حضرتك سوال هوا انا ليه بيجيلي هبوط ف الصيام وبتوصل الاغماء هو انا ماشيه على النظام مظبوط ولا ايه

  58. دكتور هو البطيخ بيطخن😢😢

  59. يارا احمد

    انا كرهت نفسي من وزني الزايد ونفسي حد يا خد بايدي ويساعدني ويشجعني اخس ارادتي معدومه انا ١٢٠ كيلو وطوالي ١٦٥ سم

  60. هوا في رجيم للحامل علشان تطلع بعد كدا رشيقه

  61. ممكن اعرف ليش عالسحور ٢بيضة ومو بيضة انا حسيتون كتير ممكن اكل بيضة وخيارة وخس ارجو الرد لو سمحت والقهوة بينفع نشربها

  62. غير معروف

    يادكتور انا وزني ٥٤ وطولي ١٥٥ امشي ع هذا النظام المشكلة ان عندى ارداف ايه حلها والوزن المثالي ليا ايه ؟؟؟

  63. غير معروف

    انا وزني ٧٤ نفسي اسير ٥٥ قبل عيد الاضحى هل ممكن ارجو الرد

  64. انا لسا منزله التطبيق وهتابع معاكم باذن الله بس كنت عايزه اعرف حاجه الاكل بنوزنه قبل الطهي ولا بعده

  65. نفسي أنزل لوزني الاساسي من تاني ٥٣ بس سبب تخني دا حملي وولادتي مهتمتش بعد الولادة عشان كدا منزلتش
    بس كنت ٧٥ بعد الولادة وحاليا ٧١ ومش منتظمة اكيد خالص في رمضان للاسف يادكتور ولو نزلت ممكن ارجع لوزني تاني ولا ممكن ازيد ها يادكتور نحن هنا 🖐😁

  66. غير معروف

    الله يعطيك العافية دكتور

  67. لو سمحت يا دكتور كنت عاوزة اعرف الاعشاب او المشروبات اللي تزود الحرق عندي لان الحرق ضعيف عندي و لو في دوا برده و كنت عاملة قبل كده حقن في بطني ده ممكن ياثر عليا غي الرجيم

  68. يا دكتور أنا موزنتش من أول رمضان وكنت حاسه إني بخس فعلا من شكل جسمي ولبسي لكن وحسيت إن جسمي رجع زي ما هو ف يوم روحت وزنت لقيت نفسي نفس الوزن اي الحل هل كدا انا مخستش ولا أي

  69. غير معروف

    بجد يا دكتور ربنا يباركلك انا بقالي فترة بعمل ريجيم ومكنتش بخس خالص
    تابعت معاك من اول رمضان و خسيت والنهارده بوزن لقيتني نازلة ٥ كيلو في اربع أسابيع ربنا يكرمك
    كل سنة وانت طيب في انتظار نظام العيد 😍

    • غير معروف

      نسيت اقول اني نزلت ال ٥ كيلو وانا مكنتش ملتزمة قوي اكيد لو كنت التزمت كنت نزلت اكتر من كده بس انا راضية الحمد لله

اترك رداً على أم عبدالرحمن إلغاء الرد

لن يتم نشر عنوان بريدك الإلكتروني.