جدول أكل شهر رمضان
رجيم رمضان جدول الأكل دايت كلينيك

جدول الأكل لمدة 8 أيام من السبت 16 مايو وحتى السبت 23 مايو

أهلاً بيكم متابعينا الأعزاء، مع جدول الأكل في آخر أسبوع في شهر رمضان هيبدأ بالترتيب بمشيئة الله من يوم السبت الموافق 16 مايو 23 رمضان، حتى يوم وقفة عيد الفطر الموافق 23 مايو 30 رمضان، ربنا يعيده علينا بالخير والسعادة ورضا ربنا.

الفطار كالعادة على حاجة من اتنين، نختار منهم ( 3 تمرات + كوب حليب ) أو ( 3 تمرات + كوب ماء )، المهم نصبر بعد التمر من خمس إلى عشر دقائق، وناخد كوباية مياه تانية قبل وجبة الفطار، ونبدأ نآكل المكتوب في الوجبة حسب اليوم.

في حاجة هتختلف في نظام الأسبوع الحالي، أننا هيكون عندنا 2 وجبة خفيفة (سناك) بين الفطار والسحور، وفي وجبة الفطار هيكون مسموح طبق خضار مطبوخ بطريقة صحية، أو طبق سلطة مش الاتنين مع بعض، لإما ده لإما ده.

طبق السلطة معروف طبعاً مكوناته الطماطم، الخيار، الجزر، الفلفل ألوان، الخس، أما بالنسبة لطبق الخضار، فهيكون في بعض الأصناف المسموحة من يوم ليوم، هنكتبها ليكم وأنتم تختاروا.

مهم جداً شرب كوب ماء كل ساعة في الفترة بين الفطار والسحور، أمر هام جداً سواء لمعدل الحرق أو لسد الشهية، ياريت منستهترش في موضوع المياه ده بالذات، علشان متقوليش بعد كده إن الرجيم خلى بشرتك مش نضرة.

بالنسبة لكمية السكر المسموحة في اليوم خلال ساعات الأكل حاولي على قد ما تقدري متزوديش عن معلقة واحدة فقط، ياريت ياريت ياريت، هيفرق معاكي جداً في معدل نزول وحاجات تانية كتير، تقليل كمية السكر الأبيض، ولو سكر دايت، مسموح ليكي ما يعادل في التحلية أربع معالق سكر.

مسموح بمعلقة كبيرة من زيت الزيتون، وياريت كمية الملح متزيدش عن معلقة صغيرة، الملح زيادة عن إحتياجنا هيحبس سوائل ويثبت وزننا، ياريت ناخد بالنا، هي دايماً الحاجات الممنوعة بتكون مرغوبة، أكيد كلنا بنحب الملح في الأكل بكمية أعلى من اللازم، والسكر والحلويات، لكن كل الحاجات دي وغيرها، وصلنا لشكل جسم مش حابينه، وكمان إتأثرت صحتنا بسبب نظام حياتنا الخاطئ بشكل سلبي.

جدول الأكل

 

سحور يوم السبت

16 مايو 2020 الموافق 23 رمضان

 

يمكنك الإختيار من بين:-

2 بيضة مقلية بزيت زيتون + قطعة جبنة قريش + ربع رغيف عيش بلدي أو 2 توست بني + خيار أو خس.

أو

2 بيضة مسلوقة + 125 جرام جبنة بيضاء لايت أو جبنة قريش + ربع رغيف عيش بلدي + خيار أو خس.

أو

2 بيضة مسلوقة + 125 جرام جبنة بيضاء لايت أو جبنة قريش + 2 توست بني + خيار أو خس.

او

2 بيضة مسلوقة + 3 معالق فول + ربع رغيف عيش بلدي أو 2 توست بني.

 

هتختار حاجة من اللي مكتوبين فوق دول وتاخد معاهم (علبة زبادي).

 

فطار يوم السبت 

16 مايو .. 23 رمضان

 

يمكنك الإختيار من بين:-

  • صدر فرخة مشوي أو مسلوق
  • صدر أرنب مشوي أو مسلوق
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • من ربع إلى نصف كيلو سمك مشوي
  • علبة تونة بدون زيت

+ 3 معالق أرز أو 4 معالق مكرونة أو ربع رغيف عيش بلدي

+ طبق سلطة

أو طبق خضار من أحد الخيارات الآتية:-

  • كوسة
  • ملوخية
  • سبانخ
  • فاصوليا خضراء

 

وجبة خفيفة (1)

ثمرة فاكهة

 

وجبة خفيفة (2)

  • 10 حبات فول سوداني
  • أو 2 حبة عين جمل
  • أو 6 حبات لوز
  • أو كوب حليب خالي الدسم
  • أو نصف كوب حليب كامل الدسم

 

سحور يوم الأحد

17 مايو 24 رمضان

 

يمكنك الإختيار من بين:-

  • 2 علبة زبادي + خيار أو خس
  • 2 قطعة جبنة قريش + خيار أو خس
  • كوب حليب + بيضة مسلوقة
  • علبة زبادي + بيضة مسلوقة + خيار أو خس

 

فطار يوم الأحد 

17 مايو 24 رمضان

 

يمكنك الإختيار من بين:-

  • صدر فرخة مشوي أو مسلوق
  • ربع كيلو كبدة مشوية أو محضرة بأي طريقة دايت
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة أو مقلية بزيت زيتون
  • من ربع إلى نصف كيلو سمك مشوي
  • علبة تونة بدون زيت

 

+ طبق سلطة

أو طبق خضار من أحد الخيارات الآتية:-

  • بروكلي
  • ملوخية
  • سبانخ
  • فاصوليا خضراء

أو ثمرة باذنجان مشوية بدلاً من طبق الخضار أو السلطة.

 

وجبة خفيفة (1)

ثمرة فاكهة

وجبة خفيفة (2)

ثمرة فاكهة + كوب حليب خالي الدسم

أو

ثمرة فاكهة + 6 حبات لوز

أو

ثمرة فاكهة + 10 حبات فول سوداني

 

الوجبات الخفيفة بين الفطار والسحور، بعد الفطار بساعتين أول وجبة يعني على الساعة 9 مساءاً والثانية هتكون على 11 مساءاً.

 

كده معاكم أول يومين، أنا آسف إني غصب عني مش هقدر أكمل كتابة دلوقتي، فإستنوا إن شاء الله قبل أذان المغرب، هتلاقوني ضفت جدول الأكل باقي الأيام.

 

سحور اليوم الثالث 

الاثنين الموافق 18 مايو 25 رمضان

 

يمكنك الإختيار من بين:-

  • 3 معالق شوفان + كوب حليب
  • 3 معالق كورن فلكس + كوب حليب
  • 3 معالق قمح بليلة + كوب حليب
  • ربع رغيف عيش بلدي + 2 بيضة مسلوقة + خيار أو خس
  • ربع رغيف عيش بلدي + 2 قطعة جبنة قريش + خيار أو خس
  • ربع رغيف عيش بلدي + 5 معالق فول + خيار أو خس
  • ربع رغيف عيش بلدي + 125 جرام “تمن كيلو” جبنة بيضاء لايت

هنختار حاجة من اللي مكتوب فوق دول، وناخد بعدها علبة زبادي، صغيرة الحجم، بوزن في المتوسط 70 جرام.

الحليب خالي الدسم ونقدر نبدل كوب خالي الدسم بنصف كوب كامل الدسم، ونقدر كمان نبدل ربع رغيف عيش بلدي، بـ 2 توست بني، أو نصف رغيف عيش سن.

 

فطار يوم الاثنين

18 مايو

 

يمكنك الإختيار من بين:-

  • صدر فرخة مشوي أو مسلوق
  • 6 معالق لوبيا
  • 6 معالق بسلة
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة أو مقلية بزيت زيتون
  • من ربع إلى نصف كيلو سمك مشوي
  • علبة سردين بدون زيت
  • علبة تونة بدون زيت

 

+ 3 معالق أرز أو 4 معالق مكرونة أو ربع رغيف عيش بلدي.

 

+ طبق سلطة

أو طبق خضار من أحد الخيارات الآتية:-

  • بروكلي
  • ملوخية
  • بامية
  • سبانخ
  • كوسة
  • فاصوليا خضراء

 

 

وجبة خفيفة (1)

ثمرة فاكهة

وجبة خفيفة (2)

ثمرة فاكهة

 

 

سحور اليوم الرابع 

الثلاثاء 19 مايو 26 رمضان

 

يمكنك الإختيار من بين:-

  • 2 علبة زبادي + خيار أو خس
  • 2 بيضة مسلوقة + خيار أو خس
  • كوب حليب + بيضة مسلوقة
  • علبة زبادي + بيضة مسلوقة
  • قطعة جبنة قريش + بيضة مسلوقة + خيار أو خس
  • بيضة مسلوقة + 3 معالق فول + خيار أو خس

 

فطار يوم الثلاثاء

 

يمكنك الإختيار من بين:-

  • صدر فرخة مشوي أو مسلوق
  • ربع كيلو كبدة مشوية أو محضرة بأي طريقة دايت
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة
  • من ربع إلى نصف كيلو سمك مشوي
  • علبة تونة بدون زيت

 

+ طبق سلطة

أو طبق خضار من أحد الخيارات الآتية:-

  • بروكلي
  • بامية
  • ملوخية
  • سبانخ
  • كوسة
  • فاصوليا خضراء

 

وجبة خفيفة (1)

ثمرة فاكهة

وجبة خفيفة (2)

يمكنك الإختيار من بين:-

  • 6 حبات لوز
  • 10 حبات فول سوداني
  • كوب حليب خالي الدسم
  • نصف كوب حليب كامل الدسم

 

 

سحور اليوم الخامس

الأربعاء

20 مايو 2020 الموافق 27 رمضان

 

يمكنك الإختيار من بين:-

  • 2 علبة زبادي + خيار أو خس
  • بيضة مسلوقة + علبة زبادي + خيار أو خس

 

فطار اليوم الخامس 

الأربعاء 27 رمضان

 

يمكنك الإختيار من بين:-

  • صدر فرخة مشوي أو مسلوق
  • ربع كيلو جمبري مشوي أو مسلوق
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة
  • من ربع إلى نصف كيلو سمك مشوي
  • علبة تونة بدون زيت

 

+ طبق سلطة

أو طبق خضار من أحد الخيارات الآتية:-

  • كوسة
  • ملوخية
  • سبانخ
  • فاصوليا خضراء

 

معلش نستحمل الفطار بدون نشويات، والموضوع مش صعب، بإذن الله، وياريت ننوع في طرق التحضير، الفراخ ليها طرق كتير جداً تتعمل دايت، وكذلك اللحمة والسمك.

 

وجبة خفيفة سناك (1)

ثمرة فاكهة

وجبة خفيفة سناك (2)

ثمرة فاكهة

 

 

سحور اليوم السادس

الخميس 21 مايو 2020 الموافق 28 رمضان

 

يمكنك الإختيار من بين:-

  • 2 علبة زبادي + خيار أو خس
  • 2 قطعة جبنة قريش + خيار أو خس
  • 2 بيضة مسلوقة أو مقلية بزيت زيتون + خيار أو خس
  • تمن كيلو أو 125 جرام جبنة بيضاء لايت + خيار أو خس

 

فطار اليوم السادس

28 رمضان

 

يمكنك الإختيار من بين:-

  • صدر فرخة مشوي أو مسلوق
  • ربع كيلو جمبري مشوي أو مسلوق
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة
  • من ربع إلى نصف كيلو سمك مشوي
  • علبة تونة بدون زيت

+ 3 معالق أرز أو 4 معالق مكرونة أو ربع رغغيف عيش بلدي

+ طبق سلطة

أو طبق خضار من أحد الخيارات الآتية:-

  • بروكلي
  • ملوخية
  • سبانخ
  • فاصوليا خضراء

ثمرة باذنجان مشوية بدلاً من طبق الخضار أو السطلة

 

وجبة خفيفة (1)

ثمرة فاكهة

وجبة خفيفة (2)

6 حبات لوز

أو كوب حليب خالي الدسم

أو نصف كوب حليب كامل الدسم

 

 

سحور يوم الجمعة 

22 مايو 29 رمضان

 

ربع رغيف عيش بلدي أو 2 توست بني أو نصف رغيف عيش سن

+

أحد الخيارات الآتية:-

  • بيضة مسلوقة + قطعة جبنة قريش + خيار أو خس
  • 2 علبة زبادي + خيار أو خس
  • 2 قطعة جبنة قريش أو 125 جرام جبنة بيضاء لايت
  • 6 معالق فول + خيار أو خس

 

 

فطار يوم الجمعة 

29 رمضان

هيكون فطار فري إن شاء الله.

نآكل براحتنا، مع العلم إنك لو ملتزم طول الأسبوع غصب عنك هتلاقي نفسك في الفري مش قادر تآكل بكمية كبيرة، وهو ده المطلوب يا بطل، أنك تتعود تدخل جسمك اللي محتاجه فقط، علشان تسهل على نفسك مهمة تثبيت الوزن.

 

مسموح كمان بقطعة حلويات بحجم كف اليد.

 

وجبة خفيفة (1)

ثمرة فاكهة

(وجبة خفيفة (2)

لا يوجد

 

 

سحور يوم السبت 

وقفة عيد الفطر إن شاء الله

30 رمضان

23 مايو

 

يمكنك الإختيار من بين:-

  • 2 علبة زبادي + خيار أو خس
  • كوب حليب + بيضة مسلوقة
  • قطعة جبنة قريش + بيضة مسلوقة + خيار أو خس

 

فطار يوم السبت

يمكنك الإختيار من بين:-

  • صدر فرخة مشوي أو مسلوق
  • 2 إلى 3 قطع لحمة مسلوقة
  • ربع كيلو كفتة مشوية بدون دهون
  • 2 بيضة مسلوقة أو مقلية بزيت زيتون
  • من ربع إلى نصف كيلو سمك مشوي
  • علبة تونة بدون زيت

 

+ طبق سلطة

أو طبق خضار من أحد الخيارات الآتية:-

  • كوسة
  • ملوخية
  • سبانخ
  • فاصوليا خضراء

 

وجبة خفيفة (1)

ثمرة فاكهة

وجبة خفيفة (2)

ثمرة فاكهة

 

 

كده معاكم، جدول الأكل خلال الفترة حتى وقفة عيد الفطر، طيب الإجابة على سؤال هنعمل إيه وهيكون إزاي نظامنا في العيد، هتلاقوا الخطة جايالكم في إشعار يوم الجمعة بمشيئة الله تعالى.

دمتم بخير، لا تنسوني من صالح دعائكم.

عايزة حاجة تستخدميها، تفرق معاكي في سد الشهية وحرق الدهون، إضغطي على كلمة (طريقة استخدام خل التفاح للتنحيف) الموجودة بين القوسين، الملونة باللون الأحمر.