رجيم رمضان
رجيم دايت كلينيك شهر رمضان

رجيم شهر رمضان الأسبوع الرابع والأخير

والله لسه بدري والله يا شهر الصيام، وصلنا مع بعض لآخر شهر رمضان المبارك، ويارب يكون مكتوب لينا نتقابل شهر رمضان اللي جاي وإحنا كلنا بخير وفي حال كويس، بس إن شاء الله تكونوا خاسين وزي الفل، وفرحانين وتفرحونا معاكم بالإنجازات الجميلة.

باقي من يوم السبت للعيد 8 أيام علشان كده هننزل نظام الـ 8 أيام مع بعض، وإن شاء الله يوم الجمعة القادمة، هتلاقوا إشعار بخطة عيد الفطر، نعمل إيه خلال الثلاث أيام بحيث نآكل براحتنا ونستمتع وفي نفس الوقت الرجيم والنزول ميتأثرش بشكل سلبي.

الحمد لله رب العالمين، ربنا بيكرمني كل يوم بقصص نجاح تفرح، في تقييمات لتطبيق دايت كلينيك على متجر جوجل بلاي، فياريت لو بتحس معانا بتغير أو إننا بنفيدك بالمحتوى اللي بنقدمه، متبخلش علينا بتقييم جميل، هيفرق معانا جداً.

قصص نجاح رجيم دايت كلينيك
٢٠ كيلو مع دايت كلينيك

 

أغلب المتابعين بفضل الله حققوا معدلات نزول جميلة جداً خلال أول تلات أسابيع مع رجيم دايت كلينيك لشهر رمضان، فيا ترى إيه معنى أنك لسه محققتش نزول كويس لحد دلوقتي ؟.

أكيد يا صديقي لسه أنت مش ملتزم بنسبة 100 %، وبتستهر ببعض التعليمات، وبتلغبط في وجبة واتنين وتلاته وأكثر، بس أنا عايزك متحبطش، وتكمل ومسيرها تظبط معاك، إطمئن.

بس أنا عايز أطلب منك طلب، ياريت بلاش كلمة هبدأ رجيم من بعد العيد، أرجوك تاخد القرار بعد ما تقرأ النظام، لو أجلت دلوقتي هتفضل تأجل ومش هتطبق النظام، وهتفضل تخلق مليون مبرر يخليك تكسل وإحنا عايزين نشوفك ناجح وفرحان بإنجازك معانا، إذ ربما تدعيلنا دعوة حلوة ربنا يستجيبها.

عندك 8 أيام دلوقتي رجيم، إن شاء الله هيكونوا سهلين، كل يوم هيفرق معاك لو اتطبق صح بداية ونهاية فطار وسحور، استغل معانا آخر فرصة في شهر رمضان، هتنزل فيهم كويس جداً جداً وهيكونوا دافع ليك يا بطل إنك تكمل بكل قوة.

كيف تصل للنظام ؟

 

إضغط على كلمة (جدول الأكل والتعليمات) الموجودة بين القوسين واللي متلونة باللون الأحمر، علشان توصل لجدول الأكل خلال الـ 8 أيام الجايين.

لكن قبل ما تروح لجدول الأكل، إدعمني بإشتراكك على قناتي على اليوتيوب، الإشتراك هياخد منك ثانية واحدة، لكن بكل تأكيد هيشجعني جداً أواصل في اللي بقدمه، القناة إسمها دكتور أحمد منصور، وده رابط آخر فيديو نزلته.