تجهيزات رجيم رمضان لخسارة الوزن في شهر واحد مع دايت كلينيك

مرحباً بكم متابعينا الكرام، كل عام وكل زوار دايت كلينيك بخير وفي أفضل حال، بمناسبة شهر رمضان العظيم، مر علينا رمضان قبل كده وتجارب الأعضاء مع رجيمنا كانت أكثر من رائعة، أرجو منك لو حابة تفرحي فرحة كبيرة جداً، تطبقي رجمينا يوم بيوم.

رجيم صحي

بمشيئة الله تعالى، النظام هيكون متوفر غداً الخميس الموافق 23 أبريل، نظراً لإنشغالي الشديد، مقدرتش أقدمه ليكم في وقت بدري عن كده.

لكن طبعاً وصلتني أسئلة كتير بخصوص الحاجات اللي المفروض نوفرها، علشان نبدأ رجيم، بحكم إن التجهيزات لشهر رمضان بتكون قبله بيومين وساعات أكثر.

الموضوع بسيط جداً، جهزي زي ما كنتي بتجهزي قبل الرجيم، بشكل طبيعي جداً، على سبيل المثال:- (ياميش رمضان مثل المكسرات والفواكه المجففة كالتمر).

وأنواع مختلفة من الخضار بشكل طبيعي جداً مثل:-

  • الطماطم
  • الخيار
  • الكوسة
  • الباذنجان
  • الجزر
  • البروكلي
  • الفاصوليا الخضراء
  • السبانخ
  • إلى آخره ……

وكذلك الفواكه الطبيعية، نوع أو اثنين أو أكثر، كل واحد على حسب مقدرته، تفاح، موز، وبرتقال وهكذا.

الفراخ واللحمة طبعاً، والأسماك هتتشرى يوم بيوم عادي.

بعض أنواع البقوليات مثل العدس، البسلة، اللوبيا، ..

الزبادي أساسي يومياً أو اللبن الرائب وكذلك الحليب، والأجبان وطبعاً الجبنة القريش في المقدمة.

البيض كمان أساسي يكون معانا خلال الشهر.

 

من الآخر التجهيز في جملة واحدة 

 

 

أنتي بتعملي رجيم لكن ممكن اللي معاكي في البيت يكونوا مش عاملين، بالتالي هتوفري عندك كل أنواع الأكل زي أي رمضان مر عليكي قبل كده، وتحضري أكلك بشكل صحي، ومن الخيارات المحددة اللي هنكتبها في نظام يوم بيوم.

 

أرجو للمرة الثانية، لا تضيعي فرصة الإلتزام برجيم دايت كلينيك في شهر رمضان، فرصة عظيمة جداً جداً لخسارة الوزن، إن شاء الله هتبدأي رمضان بشكل وتنهيه بشكل تاني تماماً، هتتفاجئ وتبهري كل اللي يعرفك، إتحدي نفسك أولاً وإنتظري رجيمنا، وطبقيه ومتقلقيش هتعيشي أحلى رمضان بكل صحة وتنهيه بشكل روعة.

 

وأخيراً لا تنسوني من صالح دعائكم، إفتكرنا بدعوة حلوة، لو حسيت إننا قدمنا ليك شئ فادك، ولدعم التطبيق، إضغطي على كلمة (تطبيق دايت كلينيك)، وإمنحينا تقييم خمس نجوم على المتجر.