رجيم يوم الإثنين 24 يونيو – دخلنا في الجد

عندنا الأربع أيام الجايين، صعبين شوية، مش عايزين الإرادة تقل، ننشط شوية ومهما كان وضعنا اليومين اللي فاتوا، نركز في اللي جاي ونستحمل لحد ما ييجي اليوم الفري الجميل، اللي بينسينا تعب الأسبوع.

الجو حر اليومين دول والحل مش في طبق الرز بلبن ولا الجيلي الحل عصير الليمون المثلج .. 

وشرب المياه كتير على مدار اليوم .. 

 

رجيم اليوم الثالث 

الإثنين

 

الصبح .. شئ كويس إن أول حاجة تدخل معدتنا هي معلقة عسل النحل ” عسل أبيض ” طبيعي، وياريت نكون حريصين إنه يكون أصلي مش مغشوش، بإننا نشتريه من مكان ثقة.

العسل مع المياه كويس .. ولو المياه كانت دافئة .. هيفيدك لو عندك إمساك.

 

الفطار ..

يمكنك الإختيار من بين:-

 

2 علبة زبادي

أو

3 معالق فول

أو

2 بيضة مسلوقة

 

 

وممكن مع الفطار نضيف ثمرة خيار أو فلفل أخضر

المهم إنها من غير عيش ..

 

وممكن نعمل مكس بمعني .. 

  • بيضة واحدة ومعلقة ونصف فول
  • أو
  • كوب زبادي ومعاه بيضة مسلوقة

 

 

 

سناك 1 

 

كوب حليب خالي الدسم

أو

نصف كوب لبن كامل الدسم

 

 

الغداء

 

  • ربع كيلو كفتة مشوية
  • ربع كيلو كبدة مشوية أو دايت
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • ربــــــــــــــــــــــع كيلو سمك مشوي أي نوع 
  • ربع فرخة مشوية أو مسلوقة ( يفضل من الصدر )
  • ربع كيلو لحمة مشوية أو مسلوقة
  • ربع كيلو جبنة قريش
  • 2 بيضة مسلوقة

 

+ طبق سلطة .. خيار خس جزر بصل طماطم

+  طبق خضار مطبوخ بطريقة صحية بمعلقة زيت زيتون على الأكثر ..  ونوع من دول

( كوسة – بامية – سبانخ – فاصوليا خضراء )

 

 

وممكن ثمرة باذنجان مشوي 

 

 

المهم إن وجبة الغداء .. من غير أرز أو عيش أو مكرونة

 

 

سناك 2 

 

ثمرة فاكهة

 

3 حبات مشمش

نصف موزة

كيوي  ثمرة

برتقال ثمرة

تفاح ثمرة

عنب ( قرب الـ 100 جرام )

خوخ ( ثمرة لو كبيرة ) ( ثمرتين لو حجمهم كبيرة )

برقوق ( ثمرة لو كبيرة ) ( ثمرتين لو حجمهم كبيرة )

كنتالوب ( إثنين كوب ) ( مكعبات )

بطيخ ( ربع كيلو ) صافي  ومش من ضمن الوزن القشر 

المانجو ( لو كبيرة ) خدي نصها .. لو صغيرة ( كفاية نص واحدة )

 

 

العشاء 

 

2 كوب زبادي

أو

2 بيضة مسلوقة

 

 

وزي ما اتفقنا البيض يتاكل مرة واحدة في اليوم.

السكر لو زودتوا عن تلات معالق في اليوم هيكون عائق كبير في نزول الوزن علشان كده معلقة أو إتنين في اليوم كفاية جداً.

 

 

الرجيم بالكامل تقدري توصلي ليه بالضغط على كلمة (  هنا ) الموجودة بين القوسين .. هتلاقي فيه رجيم باقي الأيام ونصائح وتعليمات هامة.

عن د/ أحمد منصور

62 تعليق

  1. لو سمحت ي دكتور انا مش بشرب اللبن ممكن اخد مكانه اي

  2. ممكن بدل علبه الزبادى نص كوب جبن قريش؟؟
    والبطيخ قد ايه بالكوب ؟
    وشكرا

  3. لو يمحت هل يمكن تناول نصف كوب حليب كامل الدسم مع نسكافي في الفطور لأن لا يمكنني الإستغناء عنه وشكرا

  4. غير معروف

    يامسهل ..قوينا يارب

  5. شكرااااا

  6. تمام التحدي

  7. غير معروف

    متابع

  8. ام أسامة

    لو بلخبط في اوقات الصيام على حسب ظروفي هل دا ممكن يخليني مخسش مع التزامي بنوع الاكل والكمية المكتوبة؟؟

  9. غير معروف

    جزاك الله خيرا دكتور بس مشكلتى انى بشتغل بليل ومش عارفه اعمل النظام صح

  10. غير معروف

    دكتور اذا صومت هل ممكن اخد سناك واذا اه يا ريت تحكيلي متى؟؟ ولا اكتفي بالغدا على الفطور و فطور على السحور بدون سناكات

  11. صفاء محمد

    مسمحولى بكام تفاحه فى اليوم انا كل محسن بالجوع باكل تفاحه

  12. هو ده اول اسبوع ليا ابدأ من ده ولا أبدأ بالجدول القديم
    ……ممكن استبدل حاجه فى الفطار او العشاء بالشوفان ؟
    جزاكم الله خيرا النظام فعلا مريح نفسيا لأنه فى خيارات متعدده 😇

  13. غير معروف

    ربنا يجازيك كل خير يا دكتور

  14. غير معروف

    هو قال البطيخ نص كيلو بدون قشر

  15. روضة النجار

    ملتزمين باذن الله

  16. غير معروف

    طيب ينفع افطر ملعقتين شوفان وبدل العسل تمره؟؟

  17. متابع

  18. ام ابو بكر

    اول يوم ابداء محتاجه انزل الأرداف و الهنش لكن من فوق رفيعه جدا

  19. انا بتشكرك يادكتور عصور الأطباق يلي منزله اليوم بنظام هيك بتسهل علينا ياريت نعرف في طبق الخضار المطبوخ فقط بزيت

  20. دكتور ممكن استبدل معلقه زيت الزيتون بمعلقه زيت عاديه علشان مش بحب زيت الزيتون

  21. يعني الطبخ بدون لحمه نطبخ الفاصوليا أو أي نوع من الخضار المطبوخه

  22. غير معروف

    طب وبنسبه للي صيام يادكتور

  23. غير معروف

    نفس سؤالى

  24. بارك الله فيك يا دكتور
    والله المستعان 🌷🌷

  25. غير معروف

    انا بفضل ملتزمه طول النهار ولحد ميعاد النوم كمان بس لما يصحى باليل بلخبط الدنيا شويه ومش عارف ابطل العاده دي حاسه بضيع كل اللي بعمله وثابته في الوزن من شهر تقريبا

  26. انا بفضل ملتزمه طول النهار ولحد ميعاد النوم كمان بس لما يصحى باليل بلخبط الدنيا شويه ومش عارف ابطل العاده دي حاسه بضيع كل اللي بعمله وثابته في الوزن من شهر تقريبا

  27. غير معروف

    حجم كبايه الزبادي المطلوبه ايه يا دكتور

  28. اسماء طاهر

    حلوه دي يادكتور المانجه لوكبيره خدي نصفها ولوصغيره كفايه نصف واحده هههههههه جزاك الله كل خير والله انت مدلعنا مفيش دكتور بيكتب مانجه أصلا

  29. أنا راح أبدأ من اليوم رجيم الدايت يا رب أقدر عليه

  30. انا عندي سؤالين لحضرتك يا دكتور
    السناك بيبقى بعد الأكل بوقت اد ايه
    ووجبة العشا ممكن استبدلها بإيه صيامي غير الزبادي والبيض
    ؟؟

  31. دعاء المرسي

    دكتور انا ببدا اليوم حلو جدا وبعدين اجوع بليل وكل لما اقول بعمل دايت مش عارفه ايه اللي بيحصلي ويجي بالعكس هل الموضوع نفسي ولا ايه ولو بدأت بكوبايه نسكافيه بلاك قبل الاكل الصبح فيها مشكله ارجو الرد انا ٩٦ وكنت ٥٥ كيلو بعد الولاده زياده غير طبيعيه وشايله المراره هل ده له علاقه بالوزن و عايشه بالخليج وتقريبا الحركه معظم الوقت داخل نطاق المنزل بسبب الحراره صعبه جدا بدأت امشي بليل شويه بدأت ٢٠ دقيقه ارجوك ساعدني نفسيا تعبانه بسبب الوزن الزائد وجهني ازاى انزل

  32. ملك طارق

    متابع

  33. غير معروف

    كل الشكر والاحترام يا دكتور

  34. ليمار محمد

    بتمنا ترد علي يادكتور شكرا ليك على كل حاجه بس انا اريده قاسي وما اريد يوم فري ابدا ولا وجبة واريده اكل ريجيم قاسي اكتر

  35. غير معروف

    ان شاء الله مستمره

  36. ممكن يا دكتور ادخل peanut butter في وجبة الفطار…بليز

  37. ليمار محمد

    اي صح انا الي ماشية فيه أسيوعين احس نفسيتي رتاحت حتى وقت اتطلع على حالي انبسط 🥰 بس أنا اعمل السناك لانه خفيف واقلل وجباتي يعني غداء بس والصبح نصف كوباية ذباديكاملة الدسمةاتحدى نفسي ادي رح اتحمل

  38. مشاعر منسيه

    الحوامل وضعهم ايه يادكتور ربنا يسعدك امشي على النظام

  39. غير معروف

    واللى يصوم يا دكتور يعمل ايه

  40. هينفع ابدا معاك يادكتور من النهارده وياريت ترد عليا

    شيماء

  41. يادكتور العشا مش نفسه اللى فى النظام الاساسى المجمع ناخد انه

  42. غير معروف

    وانا هيك مرات بلخبط

  43. غير معروف

    ربع كيلو مش نصف

  44. غير معروف

    الدكتور قال قبل كده مسموح بالقهوه بحليب او الشاي بحليب بكوب واحد فقط في اليوم

  45. غير معروف

    كتر اكل الفاكهه ممكن يكون سبب في ثبات الوزن وعدم النزول الدكتور نبه علي الجزئيه دي قبل كده

  46. لو سمحت لو عيش سن من بتاع الدايت يبقي بردو ربع رغيف

  47. مللك عصام

    لو سمحت انا جديدة ممكن اتابع معاكم انا سنى ١٤سنه وزنى ٩١ من ٤ سنوات وانا بعمل رجيمات ومفيش حاجه نافعة وفعلا نفسيتى مدمره وعايزة ابدا رجيم مع حضرتك نفسى ابدا الدراسه واكون واحدة تانيه خالص ممكن تساعدنى خايف اياس زى كل مره ومكملش شكرا لحضرتك

  48. غير معروف

    لو سمحت ي دكتور انا مبشربش لبن ولا باكل زبادي ولا باكل بيض مفيش بديل ليهم؟!
    ارجو الرد

  49. طيب بالنسبه للمبتدئين

  50. فين رجيم اليوم الثلاثاء

  51. لوسمحت الكبدة اي نوع كبدة يعني لو كبدة دجاج او غنم عادي🤔🤔

  52. وين رجيم الثلاثاء يعني اليوم

  53. غير معروف

    اكبسي على خانة انظمة غذائية بيطلعلك رجيك الاسلوع كامل

  54. غير معروف

    دكتور رحيم يوم الثلاثاء٦/٢٥ منزلش عالبرنامج زى كل يوم وانا ولله الحمد بدات اتابع الرجيم وحاسه بتقدم لنفسى اكمل ياريت الرجيم اليونى يرجع ينزل تانى وشكرا لحضرتك

  55. غير معروف

    يا دكتوره انا وزنى ١٠٥ وانا صغيره اوى فى السن ممكن تقوليلي رجيم يخسسنى بسرعه

  56. رينا يبارك ف صحتك…ويذيدك علم
    انا مشكلتي من تحت ….افخاد شكلها صعب…ممكن نصحتك لتنزيلهم…وهل دكتور التغذيه..عنده حق ف جلسات التفتيت فقط او ف حل تاني؟

  57. الدايت ده ينفع َم الرضاعه؟

  58. غير معروف

    انا او 10 ايام رجيم و ماشي علي نظام حضرتك بس جسمي نزل بسرعه 9كجم في اقل من اسبوعين آية ممكن يكون السبب

  59. انا عوزه انزل وزني تعبت والله ارجوك دكتور

  60. غير معروف

    هو انا هاكل في العشا كل الاكل اللي انت كاتبه

  61. اروى محمد

    هو انا هاكل في الغدا كل الاكل اللي انت كاتبه في يوم واحد

  62. غير معروف

    معلش انا مره هنا ومش عارفه حاجه انا اقادر اتوصل مع دكتور ازاى

اترك تعليقاً

لن يتم نشر عنوان بريدك الإلكتروني.