نظام رجيم سهل
نظام رجيم

رجيم دكتور أحمد منصور “جديد” يبدأ السبت 7 سبتمبر وينتهي الجمعة 13 سبتمبر

قبل ما نبدأ في نظامنا الجديد ليا عتاب وهو إني طلبت منكم تقييم للتطبيق وعدد قليل جداً من المتابعين إستجاب وبالفعل قيم، فياريت لو فعلاً بنفيدك متبخلش علينا، والموضوع سهل، إدخل متجر بلاي وإبحث عن دايت كلينيك، وإدخل هتلاقي متاح ليك التقييم ومتنساش تسيب رسالة تحفز بيها غيرك للبدء في أنظمة دايت كلينيك، والمهم تتأكد إن الخمس نجوم ملونين بالأخضر عند التقييم.

 

 

كالعادة النظام الجديد بينزل مساء كل يوم جمعة الساعة 9 مساءاً وبيستمر لمدة أسبوع أرجو إنك تفضي نفسك نصف ساعة أو أقل كمان تقرأ النظام والتعليمات بتركيز، وإن شاء الله هتلاقيني كاتب كل حاجة.

 

ممنوع الوزن قبل أو بعد الدورة الشهرية مباشرة وطبعاً أثناء فترة وجودها.

ممنوع الميزان بعد اليوم الفري.

أفضل وقت توزن فيه هو صباح يوم الخميس أو الجمعة على معدة فاضية.

الملح يومياً المسموح ليك بيه معلقة صغيرة ” معلقة شاي ممسوحة “.

السكر يومياً معلقة واحدة .. ولو أول مرة تعمل رجيم أو ملغبط بقالك فترة أكتر من شهرين مسموح ليك الأسبوع ده بمعلقتين أو تلاته سكر يومياً ولو تقدر تاخد معلقة واحدة في اليوم يبقى كويس جداً طبعاً.

لما تشوف في النظام كوب حليب فالمقصود كوب حليب خالي الدسم، وتقدر تبدل كوب خالي الدسم بنصف كوب كامل الدسم.

تقدر تبدل كمان ربع رغيف عيش بلدي بــــ ” واحد توست بني ” أو ” نصف رغيف عيش سن “.

المياه على مدار اليوم شربها هام جداً وهتساعدك مع طبق السلطة كل يوم تتفادى إصابتك بالإمساك اللي بتسبب ثبات الوزن، تشرب يومياً من 8 إلى 12 كوب.

مسموح يومياً بمعلقة زيت زيتون أو زيت ذرة توظفيها براحتك ” طبق السلطة أو تحضير الخضار أو الجبنة القريش ” براحتك، المهم لا تتعدى معلقة.

الخضار يتم تحضيره ني في ني وغير مسموح الأسبوع الحالي بالخضار المسبك، ومسموح بالأنواع التالية:-

  • بامية
  • كوسة
  • فاصوليا خضراء
  • خرشوف
  • سبانخ
  • بروكلي

 

وممكن بدل طبق الخضار ثمرة باذنجان

 

طبق السلطة مكوناته:- طماطم خيار خس جزر بصل وغيره  … …

 

مسموح في اليوم بـ 2 بيضة

 

تقدر بالكميات المسموحة تحضر النوع بالطريقة اللي تحبها، يعني ربع الفرخة تقدر تعمله فاهيتا واللحمة ممكن تتعمل شاورما والسمك يتعمل في صينة وهكذا .. 

 

الصبح على الريق:- كوب ماء دافئ أو من الحنفية مذاب فيه ” معلقة عسل أبيض ” ولو مش بتحب تشرب الإثنين مع بعض خد معلقة العسل وإشرب بعدها المياه عادي.

 

🔴 شرب الشاي والقهوة مرتين في اليوم لكل منهما مفيش مشكلة منه. 

 

يفضل جداً تناول السمك مرتين في الأسبوع.

 

وزن علبة الزبادي تقريباً 100 جرام يزيد أو يقل حاجة بسيطة.

 

🔥 مشروبات ترفع الحرق:-

 

الشاي الأخضر

القرفة

المرمرية

القهوة السادة

 

هام جداً جداً .. وقف أكل قبل النوم بـ 3 ساعات .. مسموح خلالهم بشرب الماء ومشروبات الأعشاب بدون سكر.

 

🔴 لو هتصوم صيام مسلمين الأسبوع ده وهتابع معانا في الرجيم

 

أولاً:-

ربنا يتقبل منك ومهم جداً جداً تدعيلي وأنت صايم.

ثانياً:-

تفطر على كوب حليب معاه 3 تمرات وتاخد في وجبة الفطار اللي أنا كاتبه في وجبة الغداء ..

والسحور في الإستعداد للصيام تقدر تاخد فيه المكتوب في الفطار أو العشاء زي ما تحب.

ثالثاً:-

تأكد إن الصيام ملوش تأثير سلبي على النظام بالعكس هتلاقي معاه فرق هعيجبك جداً.

 

 

يفضل المشي يومياً نصف ساعة للحصول على نتيجة أفضل بجانب إتباعك للنظام الغذائي.

 

عزيزي القارئ، عزيزتي القارئة 

تم نقل جميع الأنظمة الغذائية لتصبح حصرية فقط على تطبيق دايت كلينيك، تأكد أنك قومت بتحميل التطبيق، من متجر جوجل بلاي، وتأكد أيضاً من أنك تمتلك أحدث إصدار.

يمكنك الوصول للتطبيق من خلال الضغط على كلمة ( تطبيق دايت كلينيك ) الملونة باللون الأحمر والموجودة بين القوسين.