الرئيسية / أنظمة غذائية / رجيم الصيام المتقطع يبدأ من 2 فبراير وينتهي الجمعة 9 فبراير
رجيم الصيام المتقطع

رجيم الصيام المتقطع يبدأ من 2 فبراير وينتهي الجمعة 9 فبراير

مرحباً بكل أعضاء دايت كلينيك الأعزاء، صفحة جديدة بفتحها معاكم وإن شاء الله تلاقوا بيها نتائج ترضيكم أكتر وأكون عند حسن ظنكم وثقتكم الغالية بي، زي ما اتفقنا بداية من يوم السبت القادم ولمدة أسبوع هنعمل صيام متقطع.



هنبدأ بأبسط مرحلة من مراحل الصيام المتقطع وهي اللي بنصوم فيها 14 ساعة من بينهم ساعات النوم، وبيكون متاح لينا الأكل خلال 10 ساعات فقط.

قبل ما نتكلم على نظام أكلنا خلال الأسبوع، إعرفي الأول إيه فايدة إنك تصومي 14 ساعة يومياً عن أي شئ ليه سعرات حرارية بالضغط (هنا).

توكلنا على الله .. هنتكلم دلوقتي عن نظام أكلنا خلال الـ 14 ساعة في الأسبوع المقبل، ولو أنتي مثلاً هتصحي الساعة 10 الصبح وهتأكلي أول وجبة 12 الضهر، يبقى توقفي أكل الساعة 10 مساءً .. لإنك بتحسبي عشر ساعات من أول شئ دخل معدتك وليه سعرات حرارية.

نبدأ يومنا بكوباية مياه ومعاها تلات تمرات أو معلقة عسل أبيض، ومن وقتها نحسب العشر ساعات المتاح لينا فيهم الأكل ولما يخلصوا نتوقف.

نظام اليوم الأول والثاني والثالث

وجبة الفطار:-

يمكنك الإختيار من بين:-

  • 4 معالق فول عليه بهارات بدون أي زيوت + ربع رغيف عيش
  • أو 2 بيضة مسلوقة + ربع رغيف عيش
  • أو 125 جرام جبنة قريش + ربع رغيف عيش
  • أو كوب حليب خالي الدسم + أربع معالق صغيرين شوفان
  • أو كوب حليب خالي الدسم + أربع معالق كورن فليكس صغيرين.
  • أو كوب حليب خالي الدسم + 4 معالق بليلة

بعد الفطار بساعتين:-

( ثمرة فاكهة + كوب حليب خالي الدسم ).

 

وجبة الغداء خلال أول تلات أيام، يمكنك الإختيار من بين:-

  • ربع فرخة مسلوقة أو مشوية أو ربع كيلو فاهيا فراخ أو شاورما أو كفتة فراخ.
  • شريحتين لحمة مشوية أو مسلوقة ( 200 جرام ) أو 200 جرام كفتة مشوية أو شاورما لحمة وطبعاً تكون معمولة دايت.
  • 2 سمكة مشوية تقريباً بوزن ربع كيلو على الأكثر وممكن عمل صينية سمك (دايت)
  • ربع كيلو جمبري مشوية أو معمول بأي طريقة دايت.
  • علبة تونة بدون زيت
  • 2 بيضة مسلوقة
  • 250 جرام جبنة قريش

مع وجبة الغداء خلال أول تلات أيام مسموح بتناول 3 معالق أرز أو 3 معالق مكرونة أو ربع رغيف عيش ويمكن إستبدال ربع رغيف عيش بـ 2 توست بني أو رغيف واحد سن.

مهم جداً مع وجبة الغداء طبق سلطة صغير، وكمان طبق خضار مطبوخ دايت زي السبانخ أو العدس أو البامية وهكذا ..

 

بين الغداء والعشاء:-

ثمرة فاكهة

الفواكه المسموح بها والكميات المثالية (هنا)

وجبة العشاء خلال أول تلات أيام ( كوب زبادي خالي الدسم بوزن 100 جرام تقريباً ومعاه ثمرة خيار ).

نظام اليوم الرابع والخامس والسادس والسابع ( مفيش فري ) 😈

الفطار يمكنك الإختيار من بين:-

  • 5 بسكوت سادة + كوب حليب خالي الدسم
  • أو 4 معالق فول عليه بهارات بدون أي زيوت + ربع رغيف عيش
  • أو 2 بيضة مسلوقة + ربع رغيف عيش
  • أو 125 جرام جبنة قريش + ربع رغيف عيش
  • أو كوب حليب خالي الدسم + أربع معالق صغيرين شوفان
  • أو كوب حليب خالي الدسم + أربع معالق كورن فليكس صغيرين.
  • أو كوب حليب خالي الدسم + 4 معالق بليلة
  • أو كوب زبادي + ثمرة خيار

بعد الفطار بساعتين ( أو بين الفطار والغداء )

ثمرة فاكهة

 

وجبة الغداء يمكنك الإختيار من بين:-

  • ربع فرخة مسلوقة أو مشوية أو ربع كيلو فاهيا فراخ أو شاورما أو كفتة فراخ.
  • شريحتين لحمة مشوية أو مسلوقة ( 200 جرام ) أو 200 جرام كفتة مشوية أو شاورما لحمة وطبعاً تكون معمولة دايت.
  • 2 سمكة مشوية تقريباً بوزن ربع كيلو على الأكثر وممكن عمل صينية سمك (دايت)
  • ربع كيلو جمبري مشوية أو معمول بأي طريقة دايت.
  • علبة تونة بدون زيت
  • 2 بيضة مسلوقة
  • 250 جرام جبنة قريش أو أي جبنة خالية الدسم، ولو مش هتقدري تأكلي الكمية دي .. عادي كلي نصها.

غير مسموح خلال اليوم الرابع والخامس والسادس والسابع بتناول أي نشويات خلال وجبة الغداء ..

يجب عدم إهمال طبق السلطة والخضار المطبوخ بطريقة صحية ” دايت “.

بين الغداء والعشاء:-

  • ثمرة فاكهة ..   الفواكه المسموح بها والكميات المثالية (هنا)
  • أو .. 3 حبات من أي نوع مسكرات
  • أو .. 10 حبات فول سوداني
  • ـأو .. فشار بمعلقة ذرة صغيرة
  • أو .. كوب حمص الشام بمعلقة حمص واحدة

 

وجبة العشاء خلال الأربع أيام:-

  • كوب زبادي + بيضة مسلوقة
  • أو 2 بيضة مسلوقة
  • أو قطعة جبنة قريش بوزن 100 جرام تقريباً
  • أو 2 كوب زبادي لايت

 

كده معاكم نظام لمدة 7 أيام لو إلتزمتم بيه – هتلاقوا نتيجة رائعة بفضل الله وياللا بينا، نوضح أكتر .. دلوقتي أنا صحيت من النوم الساعة 8 ومعلقة العسل كانت مثلاً 9 الصبح .. ووجبة الفطار كانت 9 ونص .. والسناك كان 12 الضهر .. وجبة الغداء 3 العصر والسناك التاني .. 5 ونص  .. وجبة العشاء 7 مساءً، وبعد كده أبدأ الصيام.

يعني بما إن أول حاجة دخلت معدتي كان فيها سعرات كانت 9 الصبح إذا فترة الصيام تبدأ بعد 10 ساعات أكل يعني من 7 مساءً.

 

  • متنسوش شرب الماء بإستمرار على مدار اليوم
  • أرجو الإلتزام للحصول على أفضل النتائج
  • هتحاولي تزودي حاجة بسيطة عن المكتوب هتلاقي الوزن اللي نزلتيه مش مرضي
  • هتقللي في الكميات هتلاقي نفسك مريضة ومرهقة ومش قادرة تواصلي الرجيم
  • النظام سهل جداً والله .. محتاج تفاؤل وإصرار
  • نحاول نوزن في صباح اليوم الثامن .. يعني بعد إلتزام لمدة 7 أيام بالصيام المتقطع

دعواتكم بالتوفيق .. 

عن د/ أحمد منصور

165 تعليق

  1. شكرا الك يادكتور
    ان شاءالله معك ورح التزم 😎

  2. مسموح شرب الماء في فترة الصيام؟ومشكور كثير دكتور النظام دايما سهل.

  3. غير معروف

    الوزن ٨٠ ايه افضل وزن ممكن ينزل فى اسبوع

  4. جزاك الله كل خير ..
    ٣٣ سنة .. وزني ٦٥ كيلو..طولي ١٦٥ ..
    قبلت التحدي 🙈

  5. نشالله خير💪

  6. طب وهو ينفع الرجيم ده للي بياخد كرتيزون ؟!

  7. الله يوفقك ان شاء الله ملتزمه

  8. نسمة الربيع فادو

    انشاء الله ناوية التزم …يسلموووو دكتور احمد .

  9. نحس انة فية اكل كتير غيرالمعتاد

  10. Adris dls سومية

    سلام دكتور
    انا بشتغل اتناء النهار و بالتالي مابكلش و معنديش وقت اكل هل استطيع ان ابدأ الصيام الساعة عشرة مساء يعني وقتالعشا و اصوم لغاية الساعة ١٤٠٠ الظهر
    ارجو الرد

  11. حكيت انو ممنوع الحليب
    و الدايت كلو حليب تقريبا 🤨

    • سهام hayat elrouh

      ممنوع ف خلال ال١٤ ساعه صيام .. تشربي فيهم ميه واعشاب ممنوع اللبن

    • غير معروف

      ممنوع الحليب قال فتره الصيام فقط

    • ممنوع حليب في ساعات الصيام مش وقت الاكل يعني ممنوع في ال14ساعة الصيام ومسموح في ال10ساعات اكل

  12. كده يادكتور هينتهي الرجيم ده يوم الجمعه بس بدون فري وهيبدا واحد جديد ف الاسبوع اللي بعده صح كده

  13. ان شاء الله متابعه معاكم

  14. انشاء الله التزم

  15. نظام تحفه جدااااا

  16. طيب يا دكتور احمد انا بفطر ٦ونص او٧ يعني اصوم من الساعة ٥
    صعب معايا وانا بكون في شغلي وغير متاح اكل برة غير لما ارجع الساعة ٧ ونص وكمان من الساعة ٥ وانا بنام ١٢ متهيألي هيكون تعب اوووي
    اعمل ايه؟

    • غير معروف

      ممكن تاخدي الفطار معاكي وتفطري متاخر لو ينفع وبكده تبداي صيام متاخر

  17. توكلنا على الله شكرا لحضرتك

  18. نورين نورين

    قبلت التحدي وانشاء الله نكون عند حسن ظن حضرتك وربنا يجعله في ميزان حسناتك وشكرا

  19. دكتور انا بنزل الجيم يوميا وبجوع جدااا اعمل ايه وهل النظام ده ينفعني؟

  20. زهرة من الجزائر

    إن شاءالله ملتزمة بالصيام والرجيم الجديد وربنا يقوي ويعين الجميع ويجعل هذه الأعمال في ميزان حسناتك دكتور
    شكرا جزيلا دكتور

  21. غير معروف

    ربنا يجزيك عنا خيرا

  22. نسمة الربيع فادو

    لو سمحت يادكتور انا عندي مشكلة ارتفاع بالضفط وباخدلو دوا …بيسوالي الصيام المتقطع او لا ؟؟انا بانتظار جوابك اذا بتريد

  23. هو النظام ده ينفع مع الرضاعه ؟؟؟

  24. لو سمحت يا دكتور انا باخد العسل و الماء بعد الفجر بس بفطر علي الساعة 11 كده ابدأ الصيام امتي

  25. ايمان حمدى

    ملتزمة انشاء الله

  26. ان شاء الله راح تلتزم ونفرح بنتايج ونفرحك معانا

  27. حنان اشرف

    ماشاء الله برنامج جميل وان شاء الله هبدأ معاكم جزاك الله عنا كل خير يا دكتوى

  28. دكتور بالنسبه الصيام المتقطع افضل كل يوم ثابته عل معاد الفطار والغدا والعشا ولا اغير الوقت

  29. الاسم حنان

    شكرا دكتور النظام جميل جدا ان شاء الله التزم

  30. دكتور لعب الرياضة بالصيام المتقطع مهم ولا كيف؟

  31. غير معروف

    الله يجعله بميزان حسناتك ومعاك ان شاءالله نلتزم

  32. ولاء رمضان

    تمام انا معاكو ان شاء الله يا رب بتوفيق

  33. غير معروف

    دكتور لو سمحت انا مرضعه يناسبني هذا الدايت

  34. هل لو حدث جوع بالليل ممكن نأكل خس او خيار

  35. وئام محمد

    توكلنا ع الله معاك يادكتور قبلت التحدي وهشوف النتائج

  36. غير معروف

    انا وزني ٩٢تقريبا وطولي١٥٦ بس بجوع بسرعه وبحب العيش جدا وخايفه مكملش الأسبوع اللي جاي

  37. غير معروف

    دكتور انا كان وزني من سنه ٥٩ وطولي ١٥٤ المشكله اني لما ببقي مدايقه عاوزه اي حاجه اكلها وخلاص او ادخل المطبخ اعمل اي حاجه تشغلني عن التفكير و مش عارفه امسك نفسي ايه الحل

  38. فى فترة الصيام اللى هى من 7مساء مثلا ممكن اشرب مشروبات زى ايه لو جوعت

  39. أم إسماعيل من بلجيكا

    ارجو عدم اهمال رسالتي.
    السلام عليكم ورحمه الله وبركاته.
    كيف حالك دكتور.
    انا بتابع الموقع كل يوم وبقرأ التعليقات والاجابات .واصبح عندي طمع بحضرتك انو تساعدني اتخلص من الوزن الزائد يلي عندي .انا حامل بالاسبوع ٣٨يعني باقي اسبوعين كحد أقصى ان شاء الله واولد.
    وزني قبل الزواج٦٨.
    وبعد الزواج والحمل ٨٥-٩٠.
    ولما بحمل بزيد وزني ٣٠ كيلو .يعني وزني الان ١١٠كغ وانا من الناس يلي عندهم ادمان على الشوكولااااااته يعني مستحيل انو خلص اي وجبة وما يكون بعدا قطعة شوكولا او بسكويت طبعا قطعة عليها القيمة ممكن ٣٠-٥٠ غ وفي كل مرة بسوي تحليل اطمئنان بكون معدل السكر ٨٠.
    لما قطعت الشوكولا ٣ايام صار عندي صداع لا يمكن وصفه والدكتورة حذرتني من التوقف عن شيء بهذه الطريقة لانو الدماغ والجسم بيتخربط.
    دكتور املي بالله فيك انو تساعدني وايمت ابدأ وبرنامج يكون صارم وان شاء الله ما بخيب ظنك بالالتزام مع العلم عندي ٣ اولاد غير البيبي الجاية وانا بعتمد ع الرضاعة الطبيعية.
    لا اعاني من اي مشاكل صحية ماعدا اني استخدم ال-تروكسين عيار ١٠٠ مرة صباحا.

  40. تسلم يا د/احمد و ربنا يباركلك يا رب

  41. وانا عندي نفس السؤال برضع بنتي عندها ٨ شهور ممكن الصيام المتقطع

  42. ندى
    157 سم
    88 كجم
    قبلت التحدي
    يا مسهل

  43. ملتزمه انشاء الله

  44. طيب انا برضع يا دكتور ينفع التزم بالنظام دا

  45. ان شاء الله معك رح التزم

  46. متوقع نزول كام يا دكتور ف الاسبوع ده ان شاء الله لوزن ٧٠ اواقل

  47. ينفع لو جوعت بالليل و مش قادر اكل خس يا دكتور؟
    و هل الكابوتشي مفيد للدايت ام لا؟

  48. شكرا يا دكتور النظام كتير مناسب 👍
    الله يعطيك الف عافيه عالمجهود الي سويتة
    تعبناك معانا وان شاء الله نلتزم ويجيب معانا نتيجه 😀

  49. شكرا يا دكتور احمد بسم الله توكلنا علي الله

  50. نجلاء عباس

    شكرا يادكتور بس اثناء فترة الصيام ممنوع شرب الميه ولا نشرب ميه

  51. ساره ❤❤❤❤

    دكتور لو سمحت الي مايقدر يشرب حليب ايش البديل وهل ممكن استغني عنه تماما؟

  52. غير معروف

    ملتزمة انشاء الله شكرا دكتور احمد على تعبك معانا

  53. سوف ألتزم بهذا النظام إنشاء الله وأنا معاكم إلي الاخر

  54. ياسمين محمد

    السلام عليكم ورحمه الله وبركاته انا ان شاء الله هابدا مع حضرتك الرجيم المتقطع هل ممكن احلى الشاي او القهوه بسكر دايت

  55. شكرا يا دكتور سؤال من فضلك انا بالفعل بعمل كده وأخرى 7 بليل ومش بأكل حاجه لغايت 8ونص الصبح وزني سابت عل 80 بقاله فتره طويله اعمل ايه بالتزام مع حضرتك وبروح الجيم ما فيش فايده بس حسه اني نازله مقاسات فقط اريد الرد شكرا

  56. جزاك الله خير الدنيا والآخرة….سؤالي : ممكن تناول خيار وطماطم مع الفطور؟ وسؤالي الثاني : هو نفس سؤال الاخت Reham Ismail ؟
    نرجو من حضرتك الرد ولك جزيل الشكر والعرفان ……

  57. ان شاء الله ملتزمه

  58. بقدر انام وقت الصيام؟!

  59. السلام عليكم هل يصلح للمرضع؟!

  60. وماذا عن الصيام الشرعي اقصد صيام المسلمين انا تعودت عليه ؟! قال رسول الله صلى الله عليه وسلم، صومو تصحو ،

    • غير معروف

      عجل صومي صيام شرعي مدام متعودة عليه بس وجبة الإفطار والسحور اعمليه صحي..

  61. غصن الجمال

    مساء الخير دكتور وشكرااا ربي يقويني

  62. لو سمحت يادكتور ممكن اسال سؤال وتردد عليا انا وزني 110وطولي 170 ويشتغل ويمشي كتير طبيعه شغلي النظام ده يخسسني قد ايه وحاجه كمان ممكن اشرب الحليب مع الفطار والسناكس يبقى فاكهه باخدها معايا الشغل وانا لما انزل كده هتنزل دهون والعضلات هتبقا كتير عشان المشي كتير متاسفه علي الاطاله ارجو الرد

  63. شكرا دكتور أحمد نلتزم أن شاء اللة

  64. استفدت فعلا وربنا يجازيك خير يادكتور

  65. ألتزم بإذن الله

  66. شيماء محمد

    رجاءا يادكتور انا بصوم متواصل أمشى عليه ازاى

  67. انشالله اكمل معاكم الاسبوع دا

  68. محمد ابوزيد

    السلام عليكم
    هو ينفع ابدأ يومى الساعه 12 الظهر
    وابدل بين الغداء والعشاء
    يعنى أهلى الغداء بالاخر والعشاء بعد الإفطار وابدأ الصوم الساعه 10 مساءا
    ….وذلك بسبب ظروف شغلى

  69. يسعد مساك يا دكتور بس ممكن تفهمني كيف يعني صيام متقطع ماني فاهمه كيف

  70. وزني ثابت من شهر ومش لاقيه حل يحركة خربطت في النظام اكلت كل شيء بس هم ماعم ينزل بتاتا

  71. غير معروف

    شكرا دكتور ان شاءالله التزم

  72. شكرا دكتور ان شاءالله التزم

  73. غير معروف

    شكرا يادكتور انا عندي اسبوع متابعة معاك لقيت نتيجة مرضية نزلت خمسة كيلو وان شاء الله اكمل لان وزني زايد كثيرا ربنا يوفقك ويحفظك لاهلك ويارب وفقنا كلنا حتى نكمل متابعتك من الجزائر

  74. غير معروف

    السلام عليكم .. مفترض اعمل رياضة ولا بس الدايت .. انا وزنى فوق ال 80

  75. ام عبد الله

    جزاك الله خيرا توكلنا على الله

  76. شكرا جدا لحضرتك يادكتور علي صبرك والتزامك معانا انا اكيد اكيد معاكم الاسبوع دا بعد غياب 3 أسابيع بسبب ظروف قهرية بس الحمد لله مزدتش في الوزن بعد اللخبطه اللي حصلت بس كان عندي استفسار محتاجه جواب عليه انا باخد الصبح معلقه العسل وكوب الميه وبعدين باخد مج قهوة bullet proof وساعات بتبقي دي اللي اول حاجه بدل الميه والعسل هل القهوة دي فيها مشكله كنت قريت عنها كتير وناس بتقول الدهون بتاعتها بتساعد علي التخسيس ارجو ردك

  77. ممكن لو حضرتك تقول ايه مكونات السلطه وايه انواعها ايه إلى ينفع نضيفه وايه لا معلش سؤال دا علشان انا عندى معاناه مع السلطه مش بعرف اعمل رجيم بسببها ومش بخس بس مع حضرتك اخدت قرار خلاص هبداء ف ياريت حضرتك تساعدنى

  78. غير معروف

    ممكن نستخدم سكر دايت سويتال بدل السكر العادي يا دكتور ؟؟

  79. هو انا برضع بس المشكله انى بصحه على ١١ لو عملت الدايت هاينفع معايه واصوم كام ساعه وازاى لو سمحت الرد

  80. غير معروف

    انا سيدة أبلغ من العمر ٤٧ سنة وزني ١١٨ كيلو ما هو الرجيم المناسب

  81. تحية لك من العراق حبيت اسأل هل يجوز لكل الاوزان ان يتبعوا هذا النظام الذي اعرفه ان وزن ال 100 نظامه يختلف عن وزن 80 وال 70 يعني انا وزني 77 وطولي 154 لا يمكن اتبع النظام الخاص لوزن 88 وطول 170 لذلك انظمة الدايت تختلف باختلاف الاوزان

  82. غير معروف

    دكتورا نا مش بعرف اشرب شاي اخضر ومشروبات بدون سكر ممكن اشربه ف صيام بسكر دايت سويتال او معلقة صغيرة عسل وانا مشكلتي بنام متاخر واصحا متاخر
    هل النوم المتاخر هياثر عليا ف نزول وزني
    ياريت ترد عليا لان كتبت كومنتات قبل كدا حضرتك بترد ع كل الناس وعندي مابتردش

  83. مروة محمد

    تسلم دكتور علي مجهودك💐🌹

  84. غير معروف

    انا عمرى ملتزمت برجيم ووزنى عدى ال١٢٥ك وطولى ١٧٦ وعمرى ٣٨سنة والغدة عندى كسوله اوى النظام ده ينفع معاية وله اية؟؟؟

  85. انا عمرى ملتزمت برجيم ووزنى عدى ١٢٥ك وطولى ١٧٦وعمرى ٣٨سنةوانا الغده عندى كسوله جدا ارجوك اهتم برسالتى يادكتور ارجوك لانى نفسى اخس اوى تعبت نفسيا وصحيا اوى ياترى النظام ده ينفع معاية وله ليا نظام تانى افضل؟؟؟؟

  86. انا برضع وعايزة امشى على دايت الصيام المتقطع
    هل الغيتامينات لها تأثير اثناء النظام؟

  87. ممكن شرب شاي بلبن في ساعات الصيام

  88. غير معروف

    لو سمحت يا دكتور انا مش عارفه ايه يعنى الفرق بينه و بين النظام العادى اللى كنا ماشيين عليه ما احنا كنا بنعمل كده تقريبا يعنى حاسه الفرق مش كبير خالص؟؟؟؟؟

  89. ان شاء الله ملتزمين

  90. سهام hayat elrouh

    ملتزمين ومكملين وكل التوفيق لحضرتك

  91. نادية منال

    انشاء الله ملتزمين حتى آخر يوم اي حتى الوزن المثالي

  92. السلام عليكم ورحمة الله وبركاته يا دكتور، انا معنديش فاكهة ممكن استبدل الفاكهة بخس وكابوتشى وكدة؟

  93. غير معروف

    ف وجبه الغدا اكل نوع واحد بس يعني فراخ او لحمه او تونه او سمك ولا اكل من كل دا بكميات محدوده ؟

  94. ملتزمة إن شاء الله

  95. هدير احمد

    ياريت حد يشجعني نفسي ابدا

  96. ندي محمد

    جزاك الله كل خير يادكتور

  97. محمد ابوزيد

    الحمد لله
    التزمت اليوم
    وبدأنا الصيام
    ربنا يوفقك يادكتور
    انا حاسس انى خفيف

  98. ممنوع حليب في ساعات الصيام مش وقت الاكل يعني ممنوع في ال14ساعة الصيام ومسموح في ال10ساعات اكل

  99. ونبي حد يفهمني انا اول مرة اعمل رجيم يعني لاءكل داه حخدو طول الشهر ولا كل اسبوع مختاف

  100. ملتزمة ان شاء الله

  101. انا بدأت من النهارده لان لسه شايفه الصفحه امبارح بليل ع الفيس ونزلت التطبيق امبارح بليل وبدأت النهارده كده بقي امشي الاسبوع دا لحد يوم الجمعه وابدأ مع الاسبوع اللي هينزل جديد يوم السبت الجاي ..ولا افضل عالطول متأخره عنكم يوم …اصل مش عايزه احس اني لوحدى …وربنا يقدرنا ونخس

    • امشي باليوم الي حملتيه فيه يعني امشي معنا حنا اليوم هو اليوم الثاني

  102. غير معروف

    ملتزمه والحمدلله

  103. الحمدالله اول يوم كان تجربه حلوه وان شاء الله ملتزمه وان شلء الله القى نتيجه ترضيني وتسعدني وكل الشكر لك طبعا دكتور على صدقك وامانتك الحمدالله من اول اسبوع نزلت ٣كليو ونص وان شاء الله اسعى للافضل

  104. غير معروف

    ملتزمه بس انا امبارح بليل ضغطى وطى وكنت مهبطه خالص اعمل ايه ايه لو حصل كده تانى

  105. الحمدالله اول يوم كان تجربه حلوه وان شاء الله ملتزمه وان شلء الله القى نتيجه ترضيني وتسعدني وكل الشكر لك طبعا دكتور على صدقك وامانتك الحمدالله من اول اسبوع نزلت ٣كليو ونص وان شاء الله اسعى للافضل

  106. غير معروف

    الحمدلله ملتزمه وباصرار مستمره معاك واول يوم عدا على خير من غير اي جهد وانشالله اليوم كمان والاسبوع كلو 😉

  107. ماشيه على الرجيم

  108. ويبقي الامل

    السلام عليكم شكرا دكتور احمد علي مجهودك واهتمامك وجزاك الله الف خير ملتزمة الحمدلله ويارب اوصل للوزن المطلوب

  109. معاكم ان شاء الله

  110. غير معروف

    ومستمرين يادكتور

  111. ممكن يادكتور اثنا الصيام اكل تفاحه او ماينفعش
    لأن وزني ٨٥

  112. نادية منال

    والله يا دكتور الرجيم سهل ولكن عليهم تطبيق كل التعليمات خاصة في الفطار والغداء والتنويع فيهم

  113. وئام محمد

    ملتزمه انشاء الله معاكم

  114. غير معروف

    وزنى ١٣٩ اعمل ايه

  115. الحمدالله اليومين عدوا على خير انشالله اقدر اكمل الاسبوع

  116. غير معروف

    ممكن نتبع نظام الكيتو مع الصيام المتقطع ؟ و لو ممكن تنزل لينا طريقته.

  117. ممكن حضرتك تقولى على نوع شوفان كويس وياريت اعرف النبق مسموح وقد ايه

  118. الحمد لله إلى الآن ملتزمة جدااااا دعواتك يادكتور

  119. السلام عليكم دكتور
    انا ورنى ٧٢ك وعمرى ٣٨سنة طولى ١٥٨
    لسه شايفة النظام اليوم ينفع ابتدى من يوم السبت القادم ولا حضرتك هتنزل نظام جديد وينفع ساعات الصيام اخد فيها اى ادوية لانى باخد دوا لخمول الغدة او دوا لاى صداع او تعب مفاجئ وشكرا

  120. سندس أحمد

    أنا جديده معاكم واتمنى ان أنا اخس لأن تعبت بجد ومفيش أراده خالص عايزة مساعدة بجد أنا نفسي اخس

  121. في اليوم الثالث مع ريجيم الصيام المتقطع
    جزاك الله خيرا يادكتور
    الحمد لله مكملين حسب التعليمات بدون اي خلل في النظام
    بس الغدا بيكون الساعه 5
    وجبه العشاء ملغيه مع السناك بين الغداء والعشاء
    تقريبا عم صوم16 ساعه

  122. الحمد لله ثالث يوم وملتزمة جدا و مكملة ان شاء الله بس انا مش هاقدر امنع النشويات مع الغدا من بكرة ممكن اخد نص رغيف سن ؟انا وزني 127 ياريت ترد عليا وشكرا لحضرتك

  123. انا وزنى 93 وطولى 168.5 وسنى 18 سنة عايزة طريقة اخس بيها وتكون مش مضرة لجسمى ولا بشرتى وبالنسبة للعشاء ممكن استغنى عنه او اكل فاكهة

  124. بدات اليوم لاني كنت مسافره
    وملتزمه بالنظام ،،عقبال ٦ايام قدام 🙈

  125. مساء الخير معلش يا دكتور اسفه لازعاجك هو فى نظام الريجيم المتقطع مسموح بسكر دايت ولو مسموح يبقا كام بكت وايه هى المشروبات المسموحة خلال النظام

  126. السلام عليكم انا اليوم عرفت موقعكم ممكن ابدأ من الغد ان شاء الله؟

  127. 😊ام امين

    ممكن كاسة الحليب اعملها نسكافيه ؟
    . بدون سكر طبعا😐

  128. غير معروف

    صباح النشاط والتحدي يا أعضاءدايت كلينك
    مين اليوم همته قويه ومستعد لتحدي اليوم
    انا ع حاول التزم قدر الامكان
    عشان نهار السبت لما وقف عالميزان الاقي نيتجة تفرحني
    وحس انه صبري وصمودي على النظام اعطى نتائجه
    شدوا الهمه وخليكم صامدون💪💪💪👌

  129. غير معروف

    انا لسى جديده وان شالله حلتزم بعزيمه قويه

  130. غير معروف

    ممكن اعمل هالريجيم وانا ارضع وطفلي عمره شهرين

  131. بالنسبة انى عندى انيميا .. ينفع اطبق الرچيم دا ؟؟

  132. حبتدي معاكم ان شاء الله يوم السبت ..الله يعينا

  133. قبلت التحدي وبادن الله كون قدها

  134. انا بديت الريجيم من اسبوعين نزلت سبعة كيلو خمسة كيلو في الاسبوع الاول واثنين كيلو في هذا الاسبوع اسبوع الريجيم المتقطع شكرا لك يادكتور الله يوفقك

  135. غير معروف

    وانا جديده وهبدا معاكم ومتحمسه جداااااااا

  136. قبلت التحدى

  137. انا عندي ١٩ وزني ٧٥ طولي ١٧٣ عايزة اعرف ايه الوزن المثالي لسني وازاي اقدر اظبط وزني خلال ٤ شهور عشان عندي مناسبه



اترك تعليقاً

لن يتم نشر عنوان بريدك الإلكتروني.