قصص نجاح في الرجيم مع دايت كلينيك – بتاريخ 1 فبراير 2018

السلام عليكم ورحمة الله وبركاته، معاكم دكتور أحمد منصور، يارب تكونوا بخير، بكره معادنا مع تحدي جديد، هيكون بنظام الصيام المتقطع، هيبدأ من السبت الموافق 2 فبراير وينتهي الجمعة 9 فبراير، وإن شاء الله خلال أسبوع واحد هتلاقوا نتائج مرضية جداً بس أنتوا إلتزموا وهتفرحوا أوي في الآخر.

أنا زي ما قولت ليكم قبل كده، إني الفترة دي مش فاضي أنزل قصص نجاح، لكن مع بداية كل تحدي جديد بكون حريص إني أنقل ليكم تجارب العديد من الأعضاء اللي نزلوا في أسبوع وفي شهر بمعدل ممتاز، علشان أشجعكم.

وحابب أأكد عليكم حاجتين، الأولى أن أفضل وقت توزني فيه هو بعد شهر من الإلتزام بالرجيم، والحاجة التانية، هي إن نزول كيلو واحد أسبوعياً أمر رائع وصحي جداً ومش دليل على فشل الرجيم، أو تقصيرك، مع العلم إن رجيمات دايت كلينيك، بتساعدك تخسري وزنك بمعدل أكبر من كده في الأسبوع.

لو لسه مش عارفه تتعاملي مع التطبيق، أو بتواجهك أي مشكلة في الوصول للأنظمة الغذائية، إكتبي في كومنت وهنساعدك.

هسيبكم دلوقتي مع مجموعة من الإنجازات لبعض الأعضاء مع رجيمات دايت كلينيك، وياريت لو حققتي أي إنجاز معانا أكتبيه في كومنت علشان نعمل عنه موضوع نشجع بيه الأعضاء.