رجيم د. أحمد منصور يبدأ من 12 – 1 وينتهي 18 يناير

مساء الخير على الأبطال، معاكم أخصائي التغذية العلاجية دكتور أحمد منصور، مرحباً بكل أعضاء دايت كلينيك، اللي منحوني شرف كبير وفرحة لا يمكن وصفها بثقتهم فيا.

مكمل معاكم في التحديات وزي ما أنتم متعودين، كل يوم بينزل نظام جديد يبدأ من السبت وبيستمر لمدة أسبوع، وإن شاء الله مع إلتزامك بالنظام هتلاقي نتائج تفوق توقعاتك.

أرجو التركيز وقت قراءة النظام، وعدم الإخلال بالتعليمات للحصول على النتائج المرجوة، وإبدأي معانا من اليوم اللي تحملي فيه التطبيق، ولو مثلاً إلتزمتي اليوم الأول والتاني حصل ظروف وملتزمتيش، مفيش مشكلة كملي من التالت.

الموضوع صعب بس في الأول بعد كده هتتعودوا وهتحبوا اللي بتعملوه لما تلاقوا نفسكم في الطريق الصح للوصول للوزن المثالي.

النظام مناسب لأي وزن فوق 60 كيلو ولو أنتي فوق 85 كيلو وحاسة إن الأكل قليل تقدري على مدار اليوم تزودي كوباية حليب أو فاكهة أو طبق شوربة إضافي عن اللي موجود، الموضوع بسيط إحنا مش داخلين حرب، واحدة واحدة هنوصل كلنا للي بنتمناه، بتوفيق ربنا قبل أي شئ ثم السعي.

مهم جداً تعرفوا إن نزول كيلو دهون أسبوعياً شئ مثالي وصحي وآمن جداً ويعني ببساطة إن لو عندك مشكلة زيادة 30 كيلو، إنك هتحققي هدفك في قرابة الـ 6 شهور، يعني الوزن اللي إكتسبتيه في سنين هيطير بلاااااا رجعة في نص سنة بس، ياللا توكلنا على الله.

نظام اليوم الأول والثاني 

على الريق أول ما نصحى من النوم، معلقة عسل أبيض أو أسود أو تلات تمرات وكوباية مياه.

الفطار:- 

يمكنك الإختيار من بين:-

125 جرام حبنة قريش أو أي جبنة خالية الدسم + ثمرة خيار

أو

بيضة مسلوقة + ثمرة خيار

أو

علبة زبادي + ثمرة خيار

 

بعد الفطار بساعتين، يمكنك الإختيار من بين:- 

  • بحجم قبضة الإيد فول سوداني.
  • أو 5 حبات من أي نوع مكسرات ( ولو أني عارف إن مفيش فلوس للمكسرات ) بس برضو لو حد عايز يضحي ويشتري.

ولو مش متاح ممكن تشربي كوب حليب أو ثمرة فاكهة

وجبة الغداء خلال اليوم الأول والثاني، يمكنك الإختيار من بين:- 

  • 3 سمكات مشوية
  • ربع فرخة مسلوقة أو مشوية
  • 2 قطعة لحمة مسلوقة أو مشوية
  • ربع كيلو كفتة
  • علبة تونة بدون زيت
  • 2 بيضة مسلوقة
  • ربع كيلو جبنة قريش

حاولوا تدلعوا نفسكم في طريقة الطبخ، يعني مش شرط نجيب الورك أو الصدر اليتيم ونقعد ناكل فيه زي المغلوب على أمره، لا ممكن نعمل فاهيتا أو أي حركات حلوة في الطبق تهون علينا عتمة الدايت، والسمك كمان في طرق كتير لتحضيره تخليه لذيذ جداً ويكون صحي كمان.

ومتنسوش طبق الخضار (بامية سبانخ لوبيا عدس …. ) وطبق السلطة كمان.

دلعتوا نفسكم في الغداء؟
طب مفيش سناك بقى معلش بعد الغداء 😂

بالنسبة للعشاء:- 

كوب زبادي + ثمرة فاكهة

طب لو جوعتوا بالليل تعملوا إيه؟

كوباية حليب

أو

شوية فشار

أو

طبق شوربة

  • مسموح بمعلقة سكر واحدة على مدار اليوم ✅

أول يومين صعبين وعلشان أنتوا متهونوش عليا اليوم التالت هيكون أصعب 😈😈

بهزر طبعاً اليوم الثالث هيكون في الفطار والعشاء نفس أول يومين، وفي الغداء وجبة مفتوحة .. كلوا بقى حواوشي أو بشاميل أو محشي أو سمك مقلي وطبعاً بأرز أو عيش.

 

نظام اليوم الرابع والخامس والسادس 

على الريق نشرب كوباية مياه
ومعاها معلقة عسل أبيض
أو
عسل أسود
أو
تلات تمرات

 

وجبة الفطار

يمكنك الإختيار من بين:-

  • 2 بيضة مسلوقة أو مقلية بمعلقة زيت زيتون + ثمرة خيار وفلفل
  • 5 معالق فول + ثمرة طماطم
  • 125 جرام أو تمن كيلو جبنة قريش أو أي جبنة خالية الدسم ومعاها ثمرة فلفل وخيار، وممكن وضع معلقة زيت زيتون عليها
  • 2 كوب زبادي + خس

بعد الفطار بساعتين

كوب حليب خالي الدسم
أو
ثمرة فاكهة
أو
5 حبات من أي نوع مكسرات
أو
20 جرام لب سوري

وجبة الغداء

يمكنك الإختيار من الآتي:-

  • 2 سمكة مشوية + طبق سلطة + 4 معالق أرز
  • ربع فرخة مشوية أو مسلوقة + طبق خضار ( بامية .. عدس … وهكذا ..) + 4 معالق أرز
  • علبة تونة بدون زيت + طبق سلطة + نصف رغيف عيش
  • 2 بيضة مسلوقة + نصف رغيف عيش + طبق سلطة
  • ربع كيلو كفتة مشوية + ثمرة باذنجان مشوية + طبق سلطة + نصف رغيف عيش
  • 2 شريحة لحمة مسلوقة أو مشوية + طبق خضار +  معالق أرز
  • ربع كيلو جبنة قريش + نصف رغيف عيش + طبق سلطة

بعد الغداء بساعتين:-

  • كوب حليب خالي الدسم

أو

  • ثمرة فاكهة

 

وجبة العشاء خلال اليوم الرابع والخامس والسادس

يمكنك الإختيار من بين:-

  • كوب حليب خالي الدسم
  • أو  2 ثمرة فاكهة
  • أو 2 علبة زبادي خالي الدسم
  • أو بيضة مسلوقة + ثمرة خيار

طبعاً تلات أيام مفيش أسهل منهم، واليوم السابع فري،وعلشان تعرفوا نظام اليوم الفري .. إضغطوا (هنا).

 

تنبيهات

  • ممنوع تداول الأنظمة خارج التطبيق أو الموقع.
  • يجب شرب على الأقل 8 أكواب ماء محسوب من ضمنهم الأعشاب والشاي والقهوة.
  • يمكنك تناول القهوة والشاي على مدار اليوم
  • مسموح بمعلقة سكر واحدة يومياُ
  • في وجبة الغداء يمكنك تناول 2 توست بني أو رغيف عيش سن
  • نوعوا في طريقة الطبخ علشان متزهقوش، يعني ممكن تعملوا شكشوكة دايت، بدل البيض المسلوق، أو فاهيتا فراخ أو شيش طاووق، أو كفتة فراخ، كده يعني والسمك كمان لو هتعرفوا تعملوه في صينية بدل المشوي ويكون بطريقة صحية مفيش مشكلة.
  • يمكنك عند الشعور بالجوع تناول الخيار أو الخس أو شرب كوب حليب إضافي أو طبق شوربة معمول بطريقة صحية زي العدس، وممكن كمان تشربي حمص الشام .. أي حاجة تخلصك من شعور الجوع ومش هتفسد النظام.
  • الميزان يكون مرة واحدة بعد الإلتزام لمدة شهر كامل.

عن د/ أحمد منصور

186 تعليق

  1. غير معروف

    مستعدين إن شاء الله

  2. مرحبا انا جديده معكم وان شاءاللله معاكم من بكره

  3. غير معروف

    لو سمحت يا دكتور انا ماشيه علي النظام بقالي 3اسابيع و مقاسي بيصغر بس الوزن زي ماهو و كمان زاد في الاخر جالي احباط في الاخر

  4. شكرا يا دكتور

  5. مشكور يادكتور على ريجيمات الفعالة جدا بتمنالك التقدم والنجاح الدائم يعطيك الف عافية

  6. غير معروف

    مستعدين👍🕺

  7. ان شاء الله هبدا معاكو وشكرا لحضرتك يا دكتور 😍😍😍

  8. ان شاء الله هبلش اول مرة معكم في برنامج من كلينيك

  9. شيماء حامد

    بجد برنامج فوق الرائع
    ومستمرين وفعلا النتايج مبهره

  10. @أم نشأت وشذى

    بصراحه انا لسه هبدا بس متفائله من الاسلوب المحترم للدكتور ومن اجارب الناس ادغولى انزل كتير

  11. طيب رجيم المرضعات كيف ? ..
    حاسه انو مابتعدلوا فيه اشي .. ومشان حليب خالي الدسم ما متوفر عنا كلو كامل دسم .. وجبنة القريش كمان مامنعرفها ولا موجوده لما سألت عليها

  12. دمت بخير يا دكتور شكرا … انا رغم اني اشرب الماء الا اني اعاني امساك شديد 😢

  13. جودي العش

    الله يجزاك كل خير يا دكتور بس انا بخاف من الا هيحصل بعد الواجبة المفتوحه الله المستعان ههههههههه

  14. مستعدين ان شاء الله

  15. إن شاء الله

  16. غير معروف

    السلام عليكم دكتور انا مريم وانا برضع وكل محاول امشى على نظام افشل فشل كبير لانى فعلا بجوع بشده وانا زيده عشر كيلو اعمل اه ارجو المساعده

  17. شيماء محمد

    مستعدة ان شاء الله لانى حاسة بالذنب جدا لانى لخبطت نص الأسبوع اللى فات ولخبطة جامدة وشكرا يادكتور بجد

  18. يادكتور مفيش نشويات في الغدا ولافطار ولاعشا اول يومين خالص ليةكدة بس

  19. تبارك الرحمن

    دكتور انا وزني 67وطولي 158بعد الولاده القيصريه ماعاد نزل وإني ابدا

  20. توكلنا على الله

  21. يادكتور ف طريقة بتخفف الكرش

  22. انا حجرب امشي على النظام بس كنت مقررة امشي على الصوك المتقطع مع النظام دا ينفغ يا دكتور؟

  23. مستعدين والنظام جمييل الله يوفقك ويجزيك كل الخير

  24. لو سمحت يادكتؤور انا بقوم من النووم الساعه 1امشي عليه زي ماموجود ولا مفطرش وحاجه كمان العسل مش متوفر عندي ولا تمر ممكن اخد اي بداله ارجوو الرد ضرورري

  25. الله يباركلك رد عليه
    انا بعمل كده بس مش بخس ربنا يسعل واخس ان شاء الله
    الفشار اسناك اد ايه وممكن لب سوري واد ايه

  26. السلام عليكم يا دكتور
    بصراحة صعب اوي منع النشويات في البرد ده خصوصا ان ده هيبقي اول اسبوع ليا معاكم ان شاء الله

  27. د/ أحمد منصور

    مش موجود عسل ولا تمر أشربي مياه فقط

    بتقومي 1 عادي إفطري واحدة

  28. غير معروف

    ممكن اي مشروب يزود معدل الحرق لأنه ضعيف جدا ومشروب الشوفان بالشيكولاته ممكن كسناك

  29. د/ أحمد منصور

    الله يعزك ويكرمك

  30. د/ أحمد منصور

    ينفع

  31. مستعده ومكمله ان شاء الله
    بارك الله فيك يا دكتور

  32. د/ أحمد منصور

    الرجيم ده هينسف الكرش

  33. يارب رضاك والجنه

    بالتوفيق للجميع انشاء الله

  34. د/ أحمد منصور

    ربنا يعينك ويفرحك

  35. د/ أحمد منصور

    العفو يا أستاذة دعاء
    تحت أمرك

  36. ام ياسمين

    انا ارضع ابنتي عمرها ٧ اشهر هل التزم بنفس النظام ام لا وزني 82كيلو وطولي165 اريد ان اصل ل 65 كيلو شكرا دكتور

  37. د/ أحمد منصور

    شرف لينا والله

  38. شيماء محمد

    دلوقتى يادكتور اللب السورى الكمية اد ايه من غير ملح والكمية دى مسموح بيها يوميا ولا اخدها مكان السناك

  39. ام فاطمة

    بسم الله بدأنا…

  40. انا مشكلتي الكبيرة فالحلووووووو باكل حلو بدرجة رهيبه ماقدرتش اوقف اعمل ايه

  41. د/ أحمد منصور

    الله يعينك

  42. د/ أحمد منصور

    اللب السوري سناك

    خدي 30 جرام مثلاُ

  43. غير معروف

    ان شاء الله معكم من الاسبوع السابق والف شكر يا دكتور علي مجهود حضرتك معانا

  44. ام فاطمة

    بسم الله بدأنا…

    دكتور عندي سؤال.. لو انا بعمل رياضة مع مدربة من جديد.. ينفع كمان اخفف الاكل مرة وحدة
    ولا الاحسن يكون في تدرج في البرنامج التخسيس

  45. د/ أحمد منصور

    عفواً

    أنا في خدمتك دايماً ..

  46. مستعدين أن شاءالله وجزاك الله خيرا دكتور كنت عوزه اسأل اول وتاني يوم مافي اي نشويات لا فطار ولا غذاء وشكرا

  47. غير معروف

    هيدا لأول مرة معاكم يارب

  48. أنشاء الله مستعدين للتحدي 💪

  49. د/ أحمد منصور

    لا مفيش

  50. د/ أحمد منصور

    بالتوفيق

  51. السلام عليكم ورحمة الله وبركاته
    دكتور احمد من فضلك هسافر اسبوع واكيد مش هقدر التزم ايه الحل

  52. نور العبدالله

    السلام عليكم
    الله يجزيك كل خير يا دكتور
    عندي سؤال انا بصوم صيام عادي ممكن تقلي شو افطر وتحددلي الكمية وكم وجبة اكل وجبة وحدة كافية
    ولك كل الشكر وتقدير

  53. غير معروف

    نفسي اجرب ومشي علي النظام

  54. حبيبة حازم

    لو سمحت بنتى عندها اضطراب غدة درقية هى كانت بتاخد ابل لايت قبل الاكل و دلوقت بتاخد سلوفينا من رمضان إللى فات نزلت حوالى ٩كيلو كانت ٧٠ ووصلت ٦١طولها ١٥٠ عاوزة اعرف مفروض تبقى كام ونظام مناسب لها؟

  55. لو لو محمد

    معاك يا دكتور ان شاء الله ربنا المستعان ربنا يباركلك يارب

  56. Mamet Yassin w selim

    جميل يا دكتور ان شاء الله هلتزم بيه

  57. مستعده ان شاء الله دي اول بدايه لي معاكم

  58. غير معروف

    لوسمحت يا دكتور مافيش نشويات في الفطار علشان انا باكل في الشغل

  59. غير معروف

    ان شاء الله معاك يادكتور ويااااارب اقدر اكمل بس عندي استفسار صغير انا مش بحب اي نوع سكريات لا شكولاته ولا حلويات بس بشرب شاي مرتين بمعلقه واحده سكر او نسكافيه يعني معلقتين في اليوم سكر كده كتير ولا وينفع نسكافيه في الديت ولا ممنوع واذاي اعوض نزول السكر عندي لمابعمل رجيم علشان انا مريضه انيميا بس وزني ذياده ربنا يكرمك رد عليا اكيد وربنا يجازيك كل خير يارب

  60. غير معروف

    شكرا يا دكتور ويسعدلي مصر ودكاترة المصر والدم الخفيف هو الي بهون علي دايتي

  61. ام بيسان

    كيفك يادكتور انشالله الصحه تمام كنت بدي قلك انو انا عم صوم وعند الافطار عم اكل نص رغيف خبز او اقل من هيك او شويه رز فهل ده الشي باثر كتير على الرجيم مع العلم انو كل اليوم صايمه يعني الوجبه الرئيسيه عند الافطار فياريت تنصحني شويه نصائح وتعليمات اتبعها اثناء الصوم وكنت كمان بدي اسالك على الوجبه المفتوحه هل يجوز ابدلها بأي يوم تاني يعني بدل الاثنين تكون يوم الثلاثاء ياريت ترد يادكتور لان انا اتبعت الدايت هادا الاسبوع فزاد وزني وبالحقيقه صابني فتور بالعزيمه بتاعتي واسفه كتير لاني طولت عليك وشكرا لحضرتك

  62. غير معروف

    السلام عليكم دكتور اني مرضعه وزني 76 وصار فترة مو موزنه بس زاد لان سمنانه طولي 160 عمري 24 لسا جديدة معاكم عاوزا تنصحني واني عندي خربطه بلهرمون الذكري مسببلي تصبغات بلجسم حتى شعري كولش كولش خفيف وعندي شهيه كولش مفتوحه بحيث اكل دون شبع مستنيه نصيحتك

  63. شكرا ليك يادكتور

  64. غير معروف

    انا كمان جديده ونفسي اخس اكنر واحده عملت دايت في حياتي بس انا نفسي اخس بجد

  65. غير معروف

    هذي المره الخمسين اسوي لكم تعليق .. واسأل مابتردوا ..ليش 💔💔

  66. نادية منال

    مازلت متواصلة معكم في التحدي يا دكتور وشكرا على كل التوضيحات merci

  67. ابدأ معاكم باذن الله
    ربنا يجعله في ميزان حسناتك يادكتور

  68. لميس الجزائرية

    انا عمري 34سنة متزوجة منذ اكثر من 8اشهر وزني 93كلغ وطولي166سم احاول ان انزل وزني منذ اسبوع لكن اعاتي من مشكلة ثبات الوزن ما العمل

  69. انا طولي 164سم ووزني 64كيلو النظام دا هيجيب نتيجة معايا وممكن أنزل أد إيه ؟؟

  70. انا جديدة دكتور بإذن الله رح ابدأ وزني 68 وطولي 160 واطمح ل55 يارب

  71. تم الاستعداد الله يجزيك الف خير يارب ويسعدمساء الجميع

  72. انا ليه شهر معاكم مش عايزه اوزن نفسي عشان مش اكتئب انا وزني ٩٥ و طولي ١٥٨ بس مبسوطه بالانظمه الحمد لله و يعني اول تعليق من الناس حواليا اني خسيت شويه باين في اللبس فان شاء الله يديني حماس واكمل بإذن الله

  73. اولادي نور عيني

    على اتم الاستعداد

  74. هو المفروص كم كيلو ينزل الشخص خلال هالاسبوع

  75. انا طولي ١٧٤ ووزني كان ٧٨.٥ ومع الدايت الاسبوع ده نزلت ٣ كيلو وبقيت ٧٥.٥ والحمدلله ومكمله معاكم انشاء الله وشكرا علي التطبيق ده يادكتور وعلي تعبك معانا.

  76. ساره محمد

    ممكن نظام للدايت

  77. شكرا يادكتورنا يامدلعنا😂

    لو انا مابدي اخد وجبة الغداء الفري ينفع دكتور ولا الفري ضروري لي هوي بعد يومين مابقصد عن فري يوم الجمعة.

  78. ساره محمد

    ممكن نظام دايت للحوامل انا65 كيلو و157 سم ولسه فى الشهر الثانى

  79. جزيل الشكر ليك يا دكتور

  80. نسرين اكرم

    مرحبا انا جديدة بس بدي اذا ممكن أسال سؤال:
    ما في اي نوع رياضة نلعبو؟؟عشان يشد الجسم وما يترهل
    ويسلمو ايديك على البرنامج

  81. غير معروف

    السلام عليكم دكتور انا اتبعت نظام الشوربة الحارقة من اسبوع وكان اليوم اخر يوم ونزل فيها وزني 4كيلو كان المفروض بكرا استراحة بس متشوقة جرب نظام الدايت معك شو بتنصحني دكتور تابع فورا نظامك او انطر يوم

  82. شكرا دكتور مستعدة إنشاء الله

  83. شكرا يا دكتور اد التحدي

  84. شكرا يا دكتور . تسلم على الأنظمة الفعالة .جزاك الله خيرا

  85. قبلت التحدي وجزاك الله كل خير علي تعب حضرتك معانا

  86. شكرا يادكتور على الأسلوب الأكثر من رائع

  87. غير معروف

    بس عندنا مافي خيار هالوقت بشو نقدر نعوضو

  88. ان شاء الله انا رح أبتدي معكم

  89. على بركة الله يادكتور..انا اخيييرا كسرت ثبات الوزن اللى كان معايا 3 اسابيع وعملت فى النص اسبوع كسر الثبات وبعدين عملت نظام الاسبوع اللى فات ونزلت كيلو الحمد لله ..يامسهل ياررب.ربنا يجازيك عنا كل خير.انا رضوى اللى كنت بتابع حضرتك واتس من سوهاج من شهرين

  90. كمان حبيت اقول لحضرتك الوجبه المفتوحه اللى فى النص دى لقيت لها ميزه حلوه جدا معايا مع انى كنت مقلقه منها..بس بصراحه اما جه اليوم الفرى لقيت نفسي مش ملهوفه على الاكل والنشويات وكلت زى ما باكل فى اى يوم ومكنتش عايزه اعك كتير زى اما بنبقى الاسبوع كله مفيش نشويات فى الغدا.مش عارفه انا حاسه ان الحته دى فرقت معايا ..ويبدو ان سبب ثبات وزنى هو انى كنت احيانا بضيع اللى بعمله فى اليوم الفرى..

  91. دعاء عصام سعيد

    أنا كنت هتجنن وابتدي دايت خصوصاً ان الشتا جاي معايا بأكل كتير وجوع على غير العادة بس مستعدة ان شاء الله وربنا يعينني.. متوقع في خلال الاسبوع كام كيلو ننزلهم ؟

  92. Elhaddad fatima

    جزاك الله كل خير دكتور

  93. غير معروف

    شكرا لخضرتك يا احسن دكتور في رجيم الحوامل

  94. تسلم يا دكتور وانا ان شاء الله ملتزمة من بكرة شكرا لمجهودك

  95. أنا مشتركة جديدة من الجزائر وزني الحالي 64 اريد تنزيله إلى 53

  96. غير معروف

    م

  97. يا مسهل

  98. انا اسفة مكنتش منضبطة بالبرنامج الاسابيع الي راحت بس من بكرا هكمل معاكم انشالله

  99. الله المستعان معاك ان شاء الله يا دكتور احمد

  100. معلس مدام المقاس ببنزل يقا الدهون بتتحول لعصلات اوعي تياسي وكملي معانا

  101. نورين نورين

    شكرا دكتور احمد علي تعبك معانا

  102. الحداد حنيفة من المغرب

    سلام دكتور انا قررت اتابع هدا الاسبوع دايت زيادة الحرق لما ينتهي اسبوع زيادة الحرق شو اتابع من بعدو وشكرا دكتور

  103. الحداد حنيفة من المغرب

    سلام دكتور انا قررت اتابع هدا الاسبوع دايت زيادة الحرق لما ينتهي اسبوع زيادة الحرق شو اتابع من بعدو وشكرا دكتور

  104. غير معروف

    مستعدين ومكملين

  105. مساء الخير على اروع دكتور واحلى جروب
    مكمله ان شاء الله بالعلم ان وزنى ٧٠ ودخلت على شهر بس حقيقى مستمتعه معى ان وزنى زى ماهو

  106. غير معروف

    ل وسمحت يا دكتور ردعلياارجوك بالنسبةللحامل فالشهور الأولى وعايزةتخس وصلت ل75 مع حضرتك ولمالاقيت نفسى حامل مكملتش امشى على النظام ولا فى تغيييير

  107. ام ابراهيم

    السلام عليكم ورحمة الله
    مشكلتي ثبات الوزن حملت التطبيق ممكن من شهر كنت قبله ماشية شهر نظام اتكنز نزلت 2 كيلو وقفت 3 ايام وبعده مشيت اسبوع زبادي وتمر 3 علب زبادي باليوم بالاضافة ل 21 حبة تمر رجعو ال 2 كيلو الي نزلتهم اول شهر وشفت البرنامج عالفيس وحملت التطبيق وبدات اسبوع تنشيط الحرق نزلت نصف كيلو وبدات برنامج التخسيس نزلت اول اسبوع كيلو ونص والاسبوع التاني والتالت مافيش نزول في الوزن الاسبوع التاني ملتزمة والاسبوع النالت يعني لخبطة بسيطة ارجو النصيحة
    انا عندي قصور في العدة الدرقية وباخد علاج

  108. بس ليه مفيش عيش انا بالنسبة لي وزني فوق ال١٠٠ هيكون قاسي جدا ولسة بادءة

  109. ام خليفه

    مستعدين 💪

  110. برنامجك واسلوبك كتير رائع ،يسلمووووووووووو🌼🌼

  111. سلوى فهمي

    سلام عليكم دكتور انا وزني78 وعندي تكيس المبيض هل رجيم هاد ينفع معايه طولي160

  112. ممكن اللبن الرايب يكون بديل للحليب ؟؟؟

  113. غير معروف

    سلام عليكم يا دكتور انا عاملة دايت من 6 شهور ولحد هلأ ما استفدت ولا اي شيء فانصحني اي اعمل
    عمري 20 سنة وطولي 155

  114. منيرة حسن

    اذا اريد ابدا نظام صحي ينزل الدهون و ما ينزل العضل اللي فالجسم شو تنصحني اسوي اي رجيم بالضبط ؟

    و متى اقدر ادخل الرياضه مع الرجيم ؟؟

    جزاك الله خير يا دكتور احمد

  115. غير معروف

    شكرا يا دكتور انا هبدأ معاكم لأول مرة
    بس سؤالى انا لازم اشرب قهوة بلبن اوونسكافيه بدون سكر مرتين
    اشرب امتى 😳وهل هيأثر على النزول؟؟

  116. نفسي اخس بس صعب حاولت كتير وما بينزل وزني

  117. جزاك الله خير يا د عندي سؤالين .. هل هل ممكن أضيف ليموت مع العسل والحرية؟ والعدس نعملو شوربة يعني وكيف الكمية؟

  118. جزاك الله خير يا د عندي سؤالين .. هل هل ممكن أضيف ليمون مع العسل والموية؟ والعدس نعملو شوربة يعني وكيف الكمية؟

  119. ايمان توفيق

    انا ابتديت النهارده معاكم وفطرت بيضه وكابوتشي وشربت نسكافيه بدون سكر بحبه لبن صغيرين والغداء قطعه بانيه مع كوسه وفلفل وكابوتشي كده تمام يا رب اخس يارب

  120. عبير كامل

    انا شوفت الدايت دلوقتي بس وكنت فطرت 4حبات برتقال

  121. عبير كامل

    انا عندي انيميا و ضغطي بيوطي هو حالا 100/70 وباخد علاج للضغط الواطي
    عايزه اعرف الرجيم المناسب انا70كيلو وطولي153 وعندي31سته

  122. انا بدأت اليوم بالدايت وان شاء الله اگمل واوصل لنتيجة … ويعطيك الف عافية با دگتور 🌹

  123. ممكن علي العشا كوب لبن بدل الزبادي؟

  124. السلام عليكم متابعة جديدة من المغرب
    لو كنت من مدمني الشاي اعمل ايه مع الريجيم حضرتك ادخلو فانهي وجبة

  125. تسلم ايدك يا دكتور وربنا يعطيك الصحه

  126. شيماء محمد

    شكرا يادكتور ع مجهودك الجبار معانا

  127. الحمدا لله اليوم الاول عدا على خير

  128. غير معروف

    نفسي انتظم بس انا بلغبط وباكل كل حاجه بس قليل
    و حسيت ان ف تغير ف جسمي ان نزلت بس بسيط

  129. منتظرة رد حضرتك من فضلك

  130. نادية منال

    الحمد لله رانا مكمل😍ين

  131. مستعده ان شاء الله

  132. مكمله

  133. لو لو محمد

    تمام يا دكتور الحمد لله

  134. ممتاز ولله الحمد وخليت اختي و زوجة اخي معايا بالنظام
    بس أشعر بدوخة شوي بالرغم ان السكر ممتاز ..

  135. غير معروف

    النسكافيه اشربيه اللى هو كيس البلاك ده بلاش ٢ فى ١ او ٣ فى ١ ولا كوفى ميكس، اشربى نسكافية بلاك باللبن والسكر زى ما تحبى ولو عاوزاه بلاك

  136. ازيك يا دكتور انا مبارح كنت برحله واكلت كتير واليوم الصبح حفل وافطرت كتير شو رأيك اكمل معكم الاسبوع

  137. ملتزمه ومكمله مع حضرتك أن شاء الله

  138. انا اول اسبوع اتابعه مع حضرتك الاسبوع الى فات ونزلت 2كيلو ومستمرة معاكوا بجد ربنا يباركلك يادكتور ويجعله فى ميزان حسناتك

  139. للاسف مشيت علي الدايت اسبوع ولما وزنت خسيت كيلو بس نفسي اتسدت ورجعت اكل تاني ومش عارفه ارجع للدايت الحل ايه

  140. ريم احمد

    طيب ممكن اخذ بزر دوار الشمس بدل الفشار

  141. ملتزمة ومكملة ان شاء الله

  142. نادية منال

    السلام عليكم من فضلك يا دكتور لم يصلني بقية الايام

  143. غير معروف

    دكتور انا بدئت مع حضرتك بس كنت حبه اعرف ردك علي تعليقي وفي شيء كمان انا. مابنزلش الشارع نهائي علشان عمله عمليه ولسه مش بقدر انزل واحدي اعمل ايه علشان اعرف بنزل ولا لاء
    برجاء الرد

  144. واسطة العقد

    ملتزمة

  145. فين نظام بكره

  146. ربنا يبارك في حضرتك فكرة الغدا ال فري في وسط الاسبوع ممتازة لأنها أثرت جدا علي الوتر النفسي وبفضل الله. هي اللي خلتني انتظم بنسبه كبيرة جداااا في جدول الاسبوع ده

  147. غير معروف

    فين باقي ايام الدايت

  148. ممكن ابلش من اليوم

  149. غير معروف

    لو سمحت دكتور نزل باقي التحدي

  150. سلمي سامي

    ينفع اعمل البيض قوملت بملعقة صغير زيت زيتون؟

  151. اليوم رح بلش معكن جديده

  152. اولادي نور عيني

    دكتور بعد اذنك ممكن مثال على وجبة غداء من وجبات نظام ثبات الوزن
    انا وزني ثابت من اسبوعين وحابة امشي على النظام

  153. اولادي نور عيني

    ياريت ترد يادكتور الله يرزقك رضاه و الجنة

  154. جميل جدا الثلاث ايام الاخيرة ربنا معانا ويجزيك خير

  155. غير معروف

    شكرا يادكتور

  156. غير معروف

    جزاك الله خيرا على تعبك معانا

  157. شكرا يادكتور على تعبك معانا

  158. نظام صحي ومتوازن شكرا دكتور الله يحفظك

  159. انا نفسي انتظم بس دلوقتي يا دكتور انا برضع و ببقي جعانه جدا علي طول.. زدت بعد الولاده 6 كيلو و نفسي انزلهم و مش عارفه.. اعمل ايه 😫😫

  160. غير معروف

    السلام عليكم دكتور انا بشكر حضرتك كثير كثير النظام جداً جميل ومش متعب ربنا يحفظك

  161. شكرا على تعبك معانا يا دكتور وجزاك الله كل خير ملتزمة إنشاء الله

  162. اخر ايام مش كتير ناكل رز ورغيف

  163. جزاك الله خير يا دكتور

  164. احلام فنزويلا

    حلو كثير النظام وسهل

  165. يسعد مساك يارب الله يجزيك الف خير تم التحدي وان شاءالله قد التحدي

  166. غير معروف

    ماشاء الله نظام كثير سخي 😋😋😋😋 بارك الله فيك

  167. مع انى بلشت معاك من اسبوع بس لقيتو كتير رهيب وبيشبع وخسيت ٢ ك شكرا لالك كتير واكيد انا راح ضل مستمره معك

  168. يارب بالتوفيق للجميع

  169. الله يجازيك عنا كل خير يا دكتووور

  170. رشا السيد

    لو سمحت يادكتور هل ممكن ما اخذ رز في الغذاء في ثلاث ايام الاخيره

  171. كيف ابدأ انا وزني 109 و طولي1,60 انصحني من فضلك

  172. أم السعد

    السلام عليك يا دكتور،،شكرا لك
    ماذا عن الرياضة🙂

  173. شكرا يا دكتور الله يجزاك خير يااااارب

  174. غير معروف

    الدره الاصفر المشوى ينفع وجبه عشا

  175. الدره الاصفر المشوى ينفع وجبه عشا

  176. ممكن تعمل غىوب واتسب احسن

  177. غير معروف

    انا جديده هنا ابدا الدايت من اليوم ؟!

  178. انا وزني 90ك وطولي 150س المفروض اخس جامد بس صعب عليا جدا انا عمري 19سنه بس مش بقدر اكمل اخس واتخن تاني ف انصحني حضرتك لاني تعبت من الانظمه لو ف نوع معين من البرشام يسعدني ع فقدان اكبر قدر من وزني ممكن تقلهولي

  179. غير معروف

    السلام عليكم دكتور اني وزني 79وطولي163عندي البطن والصدر ونبي خصري يكون منحوت الله يخليك والله صايرتلي عقده من السمن المفاجأة ياااريت تساعدني والله يفتحهااا عليك وينورلك طريقك ويكون معاك بكل خطوة

  180. غير معروف

    السلام عليكم اولا
    ثانيا اسلوب حضرتك جميل ومحترم دكتور
    انا وزني فوق ال100 وعندي انيميا وطولي 174
    ونفسي اخس لاني ركبتي تعبانه وزني تقيل عليها من فضلك ساعدني دكتور
    واسفه ان طولت علي حضرتك ربنا يباركلك يا دكتور

  181. طب لو سمحت يادكتور لو انا بصوم الايام دى
    المفروض النظام بالنسبالى يبقي ازاى
    الغدا مثلا هيبقى فطار
    طب والسحور هيبقى وجبه الفطار ولا وجبه العشا

  182. لو سمحت ممكن نظام للحامل

  183. انا لسه منزله التطبيق وعايزه اخس ان شاء الله وزني 80عايزه اخس 28 كيلو دعواتكوا وهبدا معاكوا ان شاء الله من السبت اول يوم

  184. ده اول اسبوع ليا متابعه مع حضرتك ونا عندي 18 سنه كنت ملتزمه اوي اول 3 ايام ورابع يوم كلت كيكه ووبعدين التزمت تاني بس كنت لما بجوع باكل برتقال وخسيت 3 كيلو ونص و 6 ايام وهستمر بإذن الله

  185. هلو انا شفت البرنامج وعجبني هوايه وحابه ابدي بي انا وزني 65 وطولي 156 اريد اوصل ل 55 كيلو

  186. غير معروف

    في رغيف سن فى الغدا أو 2 توست اسمر

اترك تعليقاً

لن يتم نشر عنوان بريدك الإلكتروني.