دايت كلينيك
رجيم دكتور أحمد منصور

رجيم دكتور أحمد منصور ” صيام متقطع ” .. يبدأ السبت 9 نوفمبر وينتهي الجمعة 15 نوفمبر

كل عام وأنتم بخير بمناسبة المولد النبوي الشريف، على الرغم من إن الأسبوع ده فيه المولد، واللي مرتبط في بيوتنا بوجود حلويات المولد، إلا إن الأسبوع الحالي، هيكون فيه معدل نزول في الوزن ممتاز جداً إن شاء الله، وده علشان رجيم الأسبوع ده بنظام الصيام المتقطع.

رجيم صحي

لكن واجب التنويه على بعض النقاط:-

  • الأسبوع الحالي بدون يوم فري .. 7 أيام رجيم في رجيم في رجيم.
  • مسموح خلال يومين فقط من الأسبوع الحالي بتناول حلوى المولد كل يوم فيهم قطعة واحدة ” اللي تحبها ” وإبعد عن الملبن، وطبعاً عروسة المولد ” اللي أنا مش عارف الناس بتاكل منها إزاي أصلاً “.
  • تناول الحلويات صباحاً

 

أنا مش هقدر أدخل كل بيت وأشوف مين إلتزم ومين لأ، لكن صدقني نظامنا الأسبوع الحالي وخلال الـ 30 يوم الجايين، فرصة لأي حد حابب يتغير بجد لنفسه، مش هتلاقي أفضل من التعليمات والنظام الموجود في دايت كلينيك بفضل الله، ومش مطلوب منك إلا أنك تيجي على نفسك ورغباتك في الأكل وتلتزم بالمكتوب.

 

السعرات الحرارية في حلاوة المولد

 

 

كل 100 جرام من:-

الفولية .. 800 سعر حراري

النوجا السادة .. 420 سعر حراري

الحمصية .. 400 سعر حراري

السمسمية .. 650 سعر حراري

الفسدقية .. 630 سعر حراري

اللوزية .. 650 سعر حراري

البندقية .. 700 سعر حراري

الجوزية السادة .. 640 سعر حراري

عروسة المولد .. 1200 سعر حراري

ملبن سادة .. 820 سعر حراري

ملبن بالمكسرات .. 1080 سعر حراري

اللديدة .. 500 سعر

بقلاوة .. 320 سعر حراري

 

ياريت نركز في السطور القادمة للحصول على أعلى معدل للحرق خلال فترة إتباع الرجيم

هناخد الوجبات اللي هكتبها في مدة 8 ساعات بس في اليوم، أياً كانوا وجبتين تلاته أربعة ستة، مش مهم العدد، المهم إننا هنحجم الفترة اللي بناكل فيها لـ 8 ساعات، كده باقي في اليوم 16 ساعة دول هيبقوا صيام، يعني مش مسموح ليك فيهم بتناول أي أكل حتى الخيار والخس.

لكن مهم جداً خلال الـ 16 ساعة شرب الماء بكثرة، وأي مشروب أعشاب والشاي والقهوة بدون سكر.

طبعاً من ضمن الـ 16 ساعة، 8 ساعات نوم.

 

نوضح أكثر ؟

 

لو كانت أول وجبة ليك الساعة 10 يبقى لازم بعد 8 ساعات توقف أكل، يعني الساعة 6 مساءاً، تكون وجبة العشاء وبعدين تصوم عن الأكل لحد الساعة 10 في اليوم التالي.

 

كل واحد وراحته، لو بتاكل الضهر أول وجبة ليك يعني الساعة 12 فأنت بكده هتكون وجبة العشاء بتاعتك الساعة 8 وبعدين توقف أكل لحد تاني يوم الضهر.

 

ولو حابب تفطر قبل ما تنزل الشغل أو الجامعة مفيش مشكلة لو كانت أول وجبة الساعة 8 الصبح فبكده هتكون آخر وجبة ليك 4 مساءً.

 

أظن كده الموضوع سهل تطبيقه.

 

والكلام لا ينطبق على المرضعات 

 

 

نصائح هامة

 

إحرص على تناول البقدونس يومياً مع وجبة الفطار هيساعدك بشكل كبير جداً في التخلص من الماء المحبوس في جسمك، واللي ممكن يكون سبب في ثبات وزنك.

حابب تشرب مغلي البقدونس أو تأكله زي ما هو مع الجبنة أو البيض .. مفيش مشكلة، المهم توفره عندك في البيت، علشان تاخد منه الصبح.

 

كمان إحرص على أن أول حاجة تدخل بطنك تكون معلقة عسل أبيض أو ثلاث تمرات، حاجة هتعطيك طاقة لفترة طويلة، وطبعاً معاها كوباية مياه دافئة أو من الحنفية مفيش مشكلة.

 

متزودش عن معلقة سكر واحدة خلال الـ 8 ساعات المسموح ليك فيهم بالأكل.

 

طبق السلطة ( خيار * خس * جزر * طماطم * ) أساسي في وجبة الفطار، بالإضافة إلى طبق الخضار اللي لازم يكون مطبوخ بطريقة صحية والأنواع المسموحة لينا هي:-

السبانخ .. طريقة تحضير السبانخ دايت (( هنا ))

الملوخية .. طريقة تحضير الملوخية دايت (( هنا ))

البامية .. طريقة تحضير البامية دايت (( هنا ))

الكوسة .. طريقة تحضير الكوسة دايت (( هنا ))

الفاصوليا الخضراء .. طريقة تحضير الفاصوليا الخضراء (( هنا ))

 

 

الشاي بلبن

دايت كلينيك

 

مسموح بتناول الشاي بحليب، بمعلقة السكر المسموحة وبجزء من كمية الحليب المكتوبة في النظام، يعني لو اليوم فيه كوباية لبن، ممكن تاخد نص تشرب بيه شاي بلبن والنص التاني تشربه سادة.

 

والحليب المكتوب في النظام هو الحليب خالي الدسم، تقدر تبدل كوب من الحليب خالي الدسم، بنصف كوب كامل الدسم، وكمان تقدر تبدل ربع رغيف عيش بلدي في الفطار بـ 1 توست بني أو نصف رغيف عيش سن، وتقدر تبدل 3 معالق أرز في وجبة الغداء بـ ” ثمرة بطاطس مسلوقة ” أو مشوية في الفرن لو ناوية تطبخي صينية بطاطس بالفراخ.

 

دايت كلينيك
صينية بطاطس بالفراخ

 

وجبة العشاء خلال الـ 7 أيام ثابتة

كوب زبادي

بوزن في المتوسط يكون 100 جرام

ولو متوفر عندك بذر كتان مطحون، خدي نصف معلقة مع كوباية الزبادي خلال أول 3 أيام.

ومتنسيش إن مسموح ليكي خلال اليوم بمعلقة زيت زيتون أو زيت نباتي.

 

نظام دايت كلينيك يوم السبت

 

عزيزي القارئ ..

عزيزتي القارئة ..

برجاء العلم بأنه قد تم نقل جميع الأنظمة الأسبوعية إلى تطبيق دايت كلينيك، من الآن وصاعداً، ستكون الرجيمات الأسبوعية المتجددة حصرية فقط على التطبيق، يمكنك الوصول للتطبيق من المتجر من خلال الضغط على كلمة (تطبيق دايت كلينيك) الموجودة بين القوسين، والملونة باللون الأحمر.

تأكد أيضاً أنك قمت بتحديث التطبيق.