الرئيسية / أنظمة غذائية / رجيم صيامي للمسيحيين 🌹 لمدة ” 55 يــوم “

رجيم صيامي للمسيحيين 🌹 لمدة ” 55 يــوم “

مساء النور يارب تكونوا جميعاً بخير وفي أفضل حال، أخواتنا المسيحيين متابعين تطبيق دايت كلينيك، وجروب دايت كلينيك مع دكتور أحمد منصور على الفيس عندهم صيام هيبدأ الأسبوع الجاي، وطلبوا مني أكتب ليهم نظام طول فترة صيامهم واللي هتستمر لمدة 55 يوم بإذن الله .. وها أنا ألبي الطلب .. ❤



طبعاً النظام النباتي في حد ذاته صعب .. ما بالكم بقى بالشخص اللي هيعتمد فقط على الأكل النباتي، وكمان عايز يخس .. أكيد الأمر مش هين، لكن عشان هدفكم أنا واثق إنكم هتضحوا وتلتزموا بالمكتوب.

أول يومين 

الفطار:-

ربع رغيف عيش أو ( نصف رغيف سن ) أو ( 1 توست بني ) + 5 معالق فول + ثمرة طماطم + ثمرة خيار.

بين الفطار والغداء:-

ثمرة فاكهة

أو

كوب عصير

أو

2 ثمرة خضار زي الخيار أو الجزر

وجبة الغداء:-

خضار مشوي ( جزرة + ثمرة طماطم + كوسة +  بصل + باذنجان ) عليهم طبعاً البهارات زي الفلفل والملح والزعتر.

+ 5 معالق مكرونة مسلوقة

+ طبق سلطة خضراء ( خيار وخس وليمون وبصل أو أي خليط من الخضار اللي بتحبوه ) بس نحاول اليوم كله بخصوص الجزر والطماطم منزودش عن إتنين لكل نوع فيهم.

 

العشاء:-

( طبق سلطة )

ولو جوعتوا بالليل قبل النوم ( إشربوا كوب عصير برتقال ).

 

نظام اليوم الثالث

الفطار:-

ربع رغيف عيش أو ( نصف رغيف سن ) أو ( 1 توست بني ) + 5 معالق فول + ثمرة طماطم + ثمرة خيار.

بعد الفطار بساعتين:- ( ثمرة فاكهة ) أو ( كوب عصير )

ولو جوعتوا بين الفطار والغداء ( ثمرة خيار )

 

الغداء:-

ربع رغيف عيش بلدي أو نصف رغيف سن أو 2 توست بني

+

طبق شاورما مشروم ويتكون من ( كوب مشروب شرائح معاه بهارات حسب الرغبة ومعلقة خل ونصف بصلة ومعلقة من الطماطم متقطعة مكعبات وبقدونس )

+

طبق سلطة خضراء

 

العشاء:-

ثمرتين فاكهة

 

نظام اليوم الرابع

الفطار:-

4 قطع بسكوت سادة + كوب شاي أسود أو أخضر

 

بين الفطار والغداء:-

كوب عصير طماطم

أو

ثمرة فاكهة

أو

كوب عصير برتقال

الغداء:-

طبق سلطة

+

برجر ( صويا صوص ) عبارة عن ربع كوب حمص مسلوق + 2 معلقة صويا صوص + حبة كوسة + تلات معالق بصل + ثمرة كوسة مبشورة + معلقة بقدونس + فص ثوم )

تأكلوه مع ربع رغيف عيش بلدي أو 2 توست بني ويمكن إضافة معلقة كاتشاب

+

طبق سلطة

العشاء:-

طبق شوربة خضار

 

نظام اليوم الخامس 

الفطار نفس فطار اليوم الأول

بين الفطار والغداء:- 3 حبات مكسرات

الغداء:-

بيتزا مشروم

مشروم شرائح + طماطم وفلفل رومي و بصل وكاتشاب ويتم تحضيرها بمعلقة زيت زيتون

+

نصف رغيف عيش

+

طبق سلطة

 

العشاء:-

2 ثمرة فاكهة

أو

4 معالق فول + رشة كمون ومعلقة طماطم ومعلقة بصل

 

نظام اليوم السادس 

الفطار

طبق سلطة من الخضروات المسلوقة الآتية ( معلقة فاصوليا بيضاء + معلقة أو أتنين فاصوليا حمراء + معلقة بصل + معلقة طماطم + معلقة حمص )

طبعاً اللي هيتسلق هو الفاصوليا والحمص .. الباقي زي ما هو عادي

بين الفطار والغداء .. ثمرة فاكهة

الغداء:-

فاهيتا مشروم

مشروم شرائح + البصل والفلفل الرومي + معلقة صويا صوص + بهارات حسب الرغبة ( زعتر ) + معلقة أو إثنين عصير ليمون + ربع رغيف عيش + طبق سلطة

العشاء:-

ثمرة فاكهة

اليوم السابع 

الفطار:-

كوب شاي أخضر + 4 قطع بسكوت سادة

بين الفطار والغداء:-

كوب عصير طماطم

أو

كوب عصير فواكه

أو

ثمرة فاكهة

 

الغداء:-

 

حواوشي صويا صوص

( 4 معالق صويا صوص + معلقة طماطم مبشورة + نصف بصلة + فلفل رومي + بهارات حسب الرغبة .. شطة وملح وفلفل )

+ نصف رغيف عيش

+ طبق سلطة

العشاء:-

2 ثمرة فاكهة

 

نظام اليوم الثامن

الفطار :-

4 معالق فول + معلقة زيت زيتون + ثمرة طماطم + ثمرة خيار + بهارات

بين الفطار والغداء:-

ثمرة فاكهة

أو

2 حبات مكسرات

الغداء :-

طبق أرز بالفول النابت

4 معالق أرز و معلقة شبت و نصف كوب فول نابت ( أخضر )  ومعلقة زيت وبهارات

+ طبق سلطة

العشاء:-

ثمرة بطاطس مسلوقة + طبق سلطة صغير

 

نظام من اليوم التاسع حتى اليوم الـ 15

الفطار يمكنك الإختيار من بين:-

ثمرة بطاطس مسلوقة + طبق سلطة

أو

كوب شاي + 4 قطع بسكوت سادة

أو

4 معالق فول + طبق سلطة

 

بين الفطار والغداء

ثمرة فاكهة + حبة مكسرات

أو

2 ثمرة فاكهة

 

وجبة الغداء:-

يمكنك الإختيار من بين

اليوم الـ 9

5 معالق كشري + طبق سلطة

اليوم الـ 10

طبق شوربة عدس + ربع رغيف عيش بلدي أو نصف عيش سن أو واحد توست + طبق سلطة

اليوم الـ 11

ثمرة بطاطس مسلوقة + طبق سلطة

اليوم الـ 12

4 معالق مكرونة + مشروم + طبق سلطة

اليوم الـ 13

5 معالق بصارة + ربع رغيف عيش أو نصف رغيف سن أو 1 توست + طبق سلطة

اليوم الـ 14

5 معالق فول + طبق سلطة + ربع رغيف عيش أو توست بني أو نصف رغيف سن

اليوم الـ 15

شوربة خضار بالمشروم + طبق سلطة

 

وجبة العشاء خلال المدة من اليوم التاسع حتى الـ  15

هتكون:-

  • 2 ثمرة فاكهة
  • كوب عصير فريش
  • ثمرة فاكهة + حبة مكسرات

 

نظام من اليوم الـ 16 حتى 22 

الفطار يمكنك الإختيار من بين:-

8 قطع بسكوت

أو

2 ثمرة فاكهة

أو

4 معالق فول + ربع رغيف عيش

 

الغداء:-

يمكنك الإختيار من بين:-

  • طبق مشروم أو طبق فول أخضر أو طبق عدس

والنشويات طول الأسبوع يمكنك الإختيار من بين:-

ربع رغيف عيش بلدي

أو

3 معالق أرز

أو

4 معالق مكرونة

أو

1 توست بني

أو

نصف رغيف عيش سن

 

+ طبق سلطة

+ طبق خضار ( كوسة – بامية – سبانخ  ) ني في ني

ولو مش هتطبخوها ني في ني فكفاية أوي 5 معالق من طبق الخضار المطبوخ بطريقة عادية

العشاء:-

2 ثمرة فاكهة

أو

3 معالق فول بدون زيت + ربع رغيف عيش + ثمرة طماطم أو حيار

 

نظام من يوم 22 حتى 29

الفطار يمكنك الإختيار من بين:-

  • 4 معالق فول + ربع رغيف عيش
  • أو 4 بسكوت + كوب شاي
  • أو ثمرة بطاطس مسلوقة + طبق سلطة صغير

بعد الفطار بساعتين

ثمرة فاكهة

وجبة الغداء يمكنك الإختيار من بين:-

  • عدس أو فول أخضر أو مشروم بطرق تحضيرهم المختلفة ( دايت )

+ طبق سلطة

+ طبق خضار ني في ني ( كوسة – بامية – سبانخ .. )

ولو مش ني في ني .. كفاية 5 معالق من المطبوخة بطريقة عادية زي ما اتفقنا .

 

مفيش أرز بقى معلش الأسبوع ده 😂😂😂

وجبة العشاء:-

– 3 ثمرات فاكهة

– ثمرة فاكهة + 3 حبات مكسرات

 

نظام من اليوم الـ 30 حتى 32

الفطار:-

3 ثمرات فاكهة متشابهين أو مختلفين

 

الغداء :-

عدس أو فول أخضر أو مشروم بطرق تحضيرهم المختلفة ( دايت )

+ طبق سلطة

+ طبق خضار ( سبانخ – فاصوليا – بامية – ملوخية – كوسة )

 

العشاء:-

طبق سلطة صغير + 4 معالق فول

 

نظام من اليوم 33 حتى 36

الفطار

  • 2 ثمرة فاكهة
  • أو 4 معالق فول + ربع رغيف عيش
  • أو 4 قطع بسكوت + كوب شاي

الغداء

4 معالق بصارة

أو مشروم أو عدس أو فول ( طبق متوسط الحجم ) بأي طريقة تحضير دايت

+ طبق سلطة

+ 3 معالق أرز أو 4 مكرونة أو 1 توست بني أو نصف رغيف عيش بلدي

 

العشاء

2 ثمرة فاكهة

أو كوب عصير فريش

أو ثمرة فاكهة + 3 حبات مكسرات

 

نظام من اليوم الـ 37 حتى اليوم الـ 40

الفطار

طبق عدس

أو

4 معالق فول + ربع رغيف عيش

 

بين الفطار والغداء

ثمرة فاكهة

 

الغداء

4 معالق بصارة

أو مشروم أو عدس أو فول ( طبق متوسط الحجم ) بأي طريقة تحضير دايت

+ طبق سلطة خضراء

+ طبق خضار ني في ني أو 5 معالق لو مطبوخة عادي

 

مفيش أرز خلال الـ 4 أيام دول ولا عيش معلش بقى 😂😂

 

العشاء:-

4 معالق فول + طبق سلطة صغير

 

نظام من اليوم الـ 41 حتى 43

الفطار

4 معالق فول + ربع رغيف عيش

أو

ثمرة بطاطس مسلوقة + طبق سلطة صغير

أو

2 ثمرة فاكهة

 

بين الفطار والغداء

10 حبات فول سوداني

 

الغداء

فول أو مشروم أو بصارة أو عدس

+ طبق سلطة

+ طبق خضار ني في ني

 

غير مسموح بتناول العيش أو الأرز أو المكرونة خلال الـ 3 أيام في وجبة الغداء

 

العشاء:-

2 ثمرة فاكهة

 

نظام من اليوم الـ 44 حتى الـ 46

الفطار

3 ثمرات فاكهة

أو 4 معالق فول بدون زيت + ثمرة طماطم + ثمرة خيار

أو طبق سلطة + كوب عصير برتقال

 

الغداء

عدس أو فول أو مشروم

+ طبق سلطة

+ طبق خضار مسلوقة ( ني في ني )

 

غير مسموح بتناول العيش أو الأرز أو المكرونة خلال الـ 3 أيام

 

العشاء

ثمرة فاكهة + كوب عصير

أو

ثمرتين فاكهة

 

نظام من اليوم الـ 47 حتى الـ 50

الفطار

4 معالق فول + طبق سلطة صغير + ربع رغيف عيش

ثمرة بطاطس مسلوقة  + طبق سلطة

أو 2 ثمرة فاكهة

أو 8 شرائح بسكوت لايت

 

الغداء

عدس أو فول أو مشروم محضر بأي طريقة صحية ( طبق متوسط )

+ طبق سلطة

+ طبق خضار ني في ني  ( سبانخ – فاصوليا خضراء – بامية – كوسة – بروكلي ) أو 5 معالق لو مطبوخ بطريقة عادية

+ 3 معالق أرز أو 4 مكرونة أو ربع رغيف عيش أو اتنين توست بني أو رغيف سن

 

العشاء

2 ثمرة فاكهة

أو

ربع رعيف + 4 معالق فول + ثمرة فلفل أخضر

 

نظام من اليوم الـ 51 حتى الـ 55 

الفطار

4 معالق فول بدون زيت + طبق سلطة

أو

طبق عدس دايت

 

بعد الفطار بساعتين:-

ثمرة فاكهة

 

الغداء

فول أو عدس أو مشروم

+ طبق سلطة

+ طبق خضار ( ني في ني ) أو 5 معالق لو الخضار مطبوخ بطريقة عادية ( سبانخ أو بامية – بروكلي – كوسة )

 

غير مسموح بتناول الأرز أو العيش أو المكرونة خلال الأيام دول.

 

العشاء:-

طبق سلطة من الخضروات المسلوقة الآتية ( معلقة فاصوليا بيضاء مسلوقة+ معلقة أو أتنين فاصوليا حمراء مسلوقة + معلقة بصل + معلقة طماطم + معلقة حمص مسلوقة)

أو

اتنين ثمرة فاكهة

أو

4 معالق فول + طبق سلطة صغير

 

نصائح وتنبيهات هامة

1- مينفعش بأي حال من الأحوال اليوم يعدي بدون شرب 2 لتر ماء على الأقل

2- مسموح بمعلقة أو اتنين سكر على الأكثر يومياً

3- عند الشعور بالجوع في أي وقت من اليوم يمكنك تناول الخيار أو الخس

4- الليمون هام جداً على طبق السلطة يومياً

5- النظام مكتوب لمدة 55 يوم اللي هما فترة الصيام بتاعتكم، بالنسبة للفري خدوه في اليوم الثامن يعني بعد كل 7 أيام إلتزام خدوا الثامن فري.

6- معلقة زيت زيتون مسموح بيها يومياً

7- طبعاً الأصناف المسموح بيها خلال النظام الصيامي ” النباتي ” قليلة بالتالي مهم جداً تنوعوا في طريق التحضير يعني الفول النابت أو البصارة أو العدس أو المشروم أو الصويا صوص .. ليهم طرق تحضير شهية جداً ولذيذة وفي نفس الوقت مناسبة للرجيم ،  وأنتوا طبعاً ستات بيوت متميزات مش هوصيكم على نفسكم.

 

 أرجو عدم تداول النظام خارج تطبيق دايت كلينيك أو الموقع الرسمي

 

هل أفادكم الموضوع ؟

 

 

عن د/ أحمد منصور

33 تعليق

  1. طيب وبالنسبه للمسلمين نعمل ايه صعب اوى نعمل رجيم نباتى بس

    • غير معروف

      المسلمين نظامنا بينزل كل يوم جمعة زي ما إحنا متعودين

      ويستمر لمدة أسبوع

      ده نظام للمسيحيين علشان عندهم صيام الأسبوع ده ان شاء الله

      • طب بالنسبه انا مسيحية بس مبحبش المسلوق ومش بحب الفول ولا البصارة وعندى القولون العصبي ومبكللش خضار اساس غير قليل ومش بحبوا مسلوق نهاءى وهموت واخس اعمل ايه بقى

    • مساء الخير دكتور
      بالنسبة للأكل اللي حضرتك كتبته في كتير اشيا نحنا بسوريا مابنعرف نعملا ومابناكل منا
      بس انا صرت منزلة وزن كتير ب ٣ اسابيع وصيامي راح يبدا الاثنين ولكن في بعض الاكلات يلي حضرتك كاتبها ماراح اكل منا بس انا اخدت الفكرة من حضرتك كيف بكون الصيام وخصوصا اني لاغية العيش من نظامي الغذائي وانشالله كل يوم راح اكتب تقرير الصيام

    • غير معروف

      .

  2. ميرسي دكتور أحمد على اهتمامك ❤

  3. غير معروف

    طب والمسلمين نظام الدايت بتاعهم الاسبوع ده ايه

  4. طب بالنسبه للمسلمين هيمشؤعلى النظام ده ولا لا

  5. ونحنا مفكرين ال55 يوم صيام النا يادكتور😂😂

  6. زهرة من الجزائر

    دكتور هذا الرجيم خاص بالمسيحيين والمسلمين يعملون إيه

  7. ينفع احنا المسلمين نمشي علي الصيام بتاع المسحين بغرض التخسيس الاسرع

  8. مجهودك رائع دكتور حفظك الله

  9. غير معروف

    طب لو بنصوم انقطاعي عن الطعام من 12مساء حتى 4 عصرا يبقى ازاي

  10. غير معروف

    شكرا ليك

  11. غير معروف

    هو صيام لطيف.. بس صعب من غير اللحم والدجاج… بس يحتاج الإنسان هيج أنواع من الصيام حته ترتاح الكلى والكبد شوية من البروتين الحيواني… شكرا دكتور

  12. السلام عليكم ورحمة الله وبركاته لو سمحت يادكتور انا داخله في ١٩ ووزني زايد جدا يعني ٩٥ تقريبا وطولي ١٦٥ تقريبا وانا كنت عوزه اخس بسرعة بس للأسف سرعة الحرق عندي ضعيفه جداا وكمان مافيش اراده ومش عوزه اخد ادويه ولا حتي اعمل رياضه لو في نظام اقدر امشي عليه يساعدني انزل ويبان عليا فعلا اني نزلت يبااا شكرا لحضرتك جداا.

  13. ماشاء الله الله يبارك فيك يارب
    مجهودك عظيم جدا
    لاخواننا المسحيه نظام
    وللمسلمين كمان ابتعملهم النظام كل اسبوع
    جزاك الله خيرا

  14. فاديا البيطار

    ميرسي كتير دكتور دايما عم نعذبك معنا الله
    يطول بعمرك ويخليك بصحتك وعافيتك ويفرح قلبك متل ما بتفرح قلوب كتير ناس

  15. شكرا ليك يا دكتور على تعبك ومجهودك معانا

  16. غير معروف

    رائع ومجهووود كبييير ربنا يعوضك يا أحلى دكتور

  17. غير معروف

    دكتور انا مسلمة الحمد لله لكن انا عملت فحص الجسم وطلع اغلب نصاحتي ددهون و وعملت تحليل الكوليسترول يعني شوي و رح يصير غير طبيعي عندي ف كنت حابة نظام خالي من الدسم و الدهون عادي امشي هالنظام هاد ارجووو الرد لو سمحت ♥️♥️

  18. غير معروف

    ميرسي لذوقك يا دكتور ربنا بوضعه في ميزان حسناتك

  19. نظام من الاخر الله يجزيك كل خير ومع كل الاحترام والتوفيق في التحدي

  20. مساء الخير دكتور
    بالنسبة للأكل اللي حضرتك كتبته في كتير اشيا نحنا بسوريا مابنعرف نعملا ومابناكل منا
    بس انا صرت منزلة وزن كتير ب ٣ اسابيع وصيامي راح يبدا الاثنين ولكن في بعض الاكلات يلي حضرتك كاتبها ماراح اكل منا بس انا اخدت الفكرة من حضرتك كيف بكون الصيام وخصوصا اني لاغية العيش من نظامي الغذائي وانشالله كل يوم راح اكتب تقرير الصيام

  21. بس يادكتور احنا ممكن ناكل السمك ف ممكن نضيف السمك وقت الغدا

  22. قصدي بالصيام المسيحيين ممكن ناكل السمك

  23. مرحبا يعطيك العافيه دكتور بليز شو النظام الغذائي الي فيه ينحف اخر ٥ كيلو وصلت للمثالي وما بقي الدهون تتحرك

  24. غير معروف

    شكرا على الرجيم الصيامي حا نبتدي من بكرة إن شاء

  25. ممكن بديل المشروم عشان انا ما بحبوش

  26. الاسبوع الأول فول الصويا كتير ايه البديل

  27. غير معروف

    لو سمحت يا دكتور من فضلك هو ما فيش يوم فري؟
    و لو حابه ابدأ فالنظام و انا كنت بحس بس مش ماشيه علي نظام معين، ابدا من الاول و لا ابدا من رقم اليوم ؟

    و ميرسي اوي لذوقك



اترك تعليقاً

لن يتم نشر عنوان بريدك الإلكتروني.