الرئيسية / أنظمة غذائية / تحدي نسف الدهون في أسبوع يبدأ يوم 28 أكتوبر حتى 4 نوفمبر

تحدي نسف الدهون في أسبوع يبدأ يوم 28 أكتوبر حتى 4 نوفمبر

بسم الله توكلنا على الله ولا حول ولا قوة إلا بالله ..
نبدأ تحدي جديد لنسف الدهون في أسبوع واحد فقط ..
مش مطلوب إنك تاخدي أي أدوية أو أعشاب، وكمان لو بتواجهك أي صعوبة في ممارسة الرياضة، مفيش أي مشكلة، النظام الغذائي ده كافي بفضل الله لإنقاص الوزن في أسبوع واحد فقط ما يقارب الـ 3 كيلو.

لو أنتي لسه محملة التطبيق، أو كنتي مشتركة معانا في التحديات السابقة، مفيش أي مشكلة، النهاردة بداية جديدة للجميع، كله ينسى اللي فات سواء كنتي مقصرة أو لسه هتبدأي .. مش مهم … النهاردة عندك فرصة جديدة، لازم تستغليها أفضل إستغلال، أعتقد كفاية تقصير لحد كده.

لحد أمتى هتفضلي شايفة ناس أجسامهم أفضل منك وأنتي بتتلككي وبتقولي أي حجج تبرر لك وزنك الزائد، محدش أحسن منك، أنتي بفضل الله تقدري وفي وقت قياسي، توصلي لوزنك المثالي، كل المطلوب منك، هو الإلتزام.

نظام الأسبوع

في حاجة مشتركة طوال السبع أيام وهي شرب كوب من الماء الدافئ على الريق، ومذاب فيه ملعقة من عسل النحل (العسل الأبيض).

اليوم الأول ..

وجبة الفطار ( بيضة مسلوقة + ثمرة مطاطس مهروسة ومسلوقة + رشة ملح وفلفل ).

بعد الفطار بساعتين:- ( ثمرة فاكهة )

وجبة الغداء:-

يمكنك الإختيار من بين:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • أو ربع كيلو كفتة مشوية
  • أو 2 سمكة مشوية

مع وجبة الغداء في اليوم الأول:- ( 3 ملاعق أرز أو ربع رغيف عيش أو 3 ملاعق مكرونة )، وطبعاً مننساش طبق السلطة الخضراء، ومعاها طبق الخضار المطبوخة بطريقة صحية ( بملعقة زيت زيتون واحدة على الأكثر ).

وجبة العشاء اليوم الأول:- ثمرة خيار + كوب زبادي صغير لايت

 

اليوم الثاني .. 

وجبة الفطار ( ملعقة عسل نحل معاها ربع رغيف عيش وكوب حليب خالي الدسم )

بعد الفطار بساعتين:- ثمرة فاكهة

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • أو 2 سمكة مشوية
  • أو ربع كيلو كفتة مشوية

مفيش أرز ولا عيش ولا مكرونة لكن طبعاً مهم طبق السلطة وطبق الخضار

وجبة العشاء:- كوب زبادي + ثمرة فاكهة

 

اليوم الثالث .. 

نفس فطار اليوم الأول وبعد الفطار بساعتين ( كوب حليب خالي الدسم ).

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • أو ربع كيلو كفتة مشوية
  • أو 2 سمكة مشوية

مفيش أرز ولا عيش ولا مكرونة لكن طبعاً مهم طبق السلطة وطبق الخضار

وجبة العشاء:- كوب زبادي لايت معصور عليه ليمونة.

 

اليوم الرابع .. 

وجبة الفطار:- 4 ملاعق شوفان + كوب حليب خالي الدسم + ثمرة فاكهة

بعد الفطار بساعتين:- كوب حليب خالي الدسم

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو 2 سمكة مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • أو ربع كيلو كفتة مشوية

مفيش أرز ولا عيش ولا مكرونة لكن طبعاً مهم طبق السلطة وطبق الخضار.

وجبة العشاء:-

كوب زبادي صغير + ثمرة خيار

 

اليوم الخامس .. 

وجبة الفطار:- ( بيضة مسلوقة + قطعة جبنة قريش + نصف رغيف عيش )

بعد الفطار بساعتين:- ( ثمرة فاكهة )

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو علبة تونة بدون زيت
  • أو ربع كيلو كفتة مشوية
  • أو 2 سمكة مشوية

مع وجبة الغداء في اليوم الخامس:- ( 3 ملاعق أرز أو ربع رغيف عيش أو 3 ملاعق مكرونة )، وطبعاً مننساش طبق السلطة الخضراء، ومعاها طبق الخضار المطبوخة بطريقة صحية ( بملعقة زيت زيتون واحدة على الأكثر ).

وجبة العشاء:- ( كوب زبادي + ثمرة فاكهة ).

 

اليوم السادس .. 

وجبة الفطار يمكنك الإختيار من بين:-

  • 2بيضة مسلوقة + ربع رغيف عي
  • أو ربع كيلو جبنة قريش + ربع رغيف عيش
  • أو 4 ملاعق شوفان + كوب حليب خالي الدسم

بعد الفطار بساعتين:- ( ثمرة فاكهة ).

وجبة الغداء:-

  • 2 بيضة مسلوقة
  • أو ربع كيلو جبنة قريش
  • أو ربع فرخة مسلوقة أو مشوية
  • أو شريحتين لحمة مسلوقة أو مشوية
  • أو 2 سمكة مشوية
  • أو علبة تونة بدون زيت
  • أو ربع كيلو كفتة مشوية

مفيش أرز ولا عيش ولا مكرونة لكن طبعاً مهم طبق السلطة وطبق الخضار.

وجبة العشاء:- ( كوب زبادي صغير + ثمرة خيار )

 

اليوم السابع .. 

اليوم السابع يوم فري وتقدروا تعرفوا تفاصيل اليوم ده بالكامل لما تصغطوا على كلمة هنا الموجودة بي القوسين ( هنا ).

 

تعليمات وتنبيهات

  1. الرجيم فعال جداً وآمن ومجرب
  2. متوقع ينزل وزنك لحد 3 كيلو في خلال الـ 7 أيام
  3. لازم شرب الماء بكثرة أقل شئ 10 أكواب لا يمكن أقل من كده.
  4. لو حسيتي بالجوع في اي وقت من اليوم تناولي (خيار أو خس )
  5. مسموح بملعقة سكر واحدة طوال اليوم.
  6. لازم لازم لازم كل يوم تددخلي هنا على الموضوع ده، تكتبي يومك مر على خير ولا لأ، يعني عرفتي تلتزمي بنسبة 100 % ولا لأ.
  7. لو عندك أي سؤال أو إستفسار أكتبيه، وهكون سعيد جداً بخدمتك.
  8. لو إلتزمتي باللي مكتوب ده وكل يوم كتبتي تعليق يثبت إلتزامك وكنتي قد التحدي هتلاقي نفسك بعد 7 أيام وصلتي لنتيجة مرضية جداً.

 

توضيح هام .. 

الكومنتات بتظهر بعد فترة بسيطة من كتابتها يعني حضرتك لما بتشرفيني بكتابة أي تعليق، لو دخلتي على المقال بعدها بشوية، هتلاقي التعليق ظهر وهكون جاوبت بأمر الله على حضرتك .. 

 

الشئ التاني الهام .. إن لو حضرتك لسه محملة التطبيق إبدأي معانا من اليوم اللي حملتي فيه التطبيق 
يعني لو التحدي من يوم 1 ليوم 7 وحضرتك حملتي التطبيق في يوم 5 .. مفيش مشكلة إمشي ع النظام يوم 6 ويوم 7، وكملي معانا في باقي التحديات لحين الوصول للوزن المثالي إن شاء الله.

عن د/ أحمد منصور

263 تعليق

  1. لو سمحت يادكتور ممكن اعمل اليوم السادس الفري بدل السابع علشان بنبقي متجمعين مع العيله ارجو الرد

    • د/ أحمد منصور

      ممكن

      • ممكن اعرف الفاكهة المسموح بيها

        • رانيا محمد

          النظام حلو اوى إن شاء الله حبدا معاكم من بكرة

        • انا التزمت طول اليوم بس ينفع لوجعانه بالليل اكل فيشار

          • د/ أحمد منصور

            للأسف مينفعش

            اليوم قرب يخلص أهوه

            تعالي على نفسك معلش

      • غير معروف

        السلام عليكم دكتور أحمد
        انا وزنى ٩٧ك وطولى ١٦٤ سم
        انا عندى ربو وبستعمل علاج ليه عباره عن بخاخ واقراص للحساسية وده تقريبا بيوقف الحرق عندى عاوزة رأى حضرتك ولو فيه علاج يعلى الحرق وانسب ريجيم أمشي عليه وشكرا

      • السلام عليكم يا دكتور
        لو سمحت يا دكتور انا برضع ممكن امشي على التحدي ده عادي

    • ممكن العشاء بدل الزبادى يكون شاى بلبن
      و هبدأ من بكرة ان شاء الله

    • غير معروف

      اناوزني ٨٩ك وطولي ١٦سم عملت رجيمات كتير ودلوقتي وزني مش عايز ينزل الدهون متركزة في اسفل البطن والارداف

    • السلام عليكم
      انا وزني 72kg
      وطولي 160cm
      لازم كم يصير وزني
      بإذن الله ابدأ غدا معاك لرجيم 3kgفي اسبوع واتمنى النجاح ورح استخدمه لمدة اسبوعين بعدين نعطيك كم صار وزني وحكون بإذن الله ملتزمه
      دعواتكم

  2. وبخصوص الشاي والنسكافيه هل مسموح مره باليوم او من الممنوعات ..للعلم اشربه بدون سكر

  3. جوري محمد

    النظام حلو ان شاء الله هبتدى معاكوا بكره

    • د/ أحمد منصور

      ان شاء الله بالتوفيق لحضرتك

      شكراً جزيلاً على الثقة

      • السلام عليكم دكتور أحمد
        انا وزنى٩٧ ك وطولى ١٦٤سم
        انا عندى ربو وباخد علاج عباره عن بخاخ واقراص وده موقف الحرق عندى وانا جربت كذا نوع ريجيم وكنت باخد كبسولات تخسيس وانزل مبكسرش ٨٠ ك وارجع ازيد تانى عاوزة اعرف رأى حضرتك انسب ريجيم ليا ولو فيه اى حاجه تعلي نسبة الحرق وشكرا يادكتور

  4. نظام جميل ومتنوع وان شاء الله هبقي قد التحدى

    • د/ أحمد منصور

      ان شاء الله بالتوفيق لحضرتك يارب يا أستاذة أسماء

  5. انا كنت موقفه نشويات بقالي شهر هل يمكن اتباع الخطوات ولا أترك النشويات

  6. معاكم في التحدى بس عايزه اعرف ضرورى الشاي بحليب عادى واله ممنوع

  7. مشتركة معاكم من انهاردة باذن الله

  8. انا معك بالتحدي ان شاءالله ومتلزمه معك بكل الي بتقول عليه

  9. جني محمد

    نظام حلو اوي وان شاء الله ابقي قد التحدي

  10. سماح رمزي

    مرحبا دكتور كيفك الي اسبوعين بعمل رجيم اول اسبوع كنت بس ع وجبة الغداء ولاسبوع ثاني رجيم الخضار والفواكه وشاي اخضر بس وزني ما عم بنزل كثير انا وزني ٧٥ وطولي ١٦٧ وبعد رجيم وصلت ٧٢ بدي رجيم سريع ينزل وزني بسرعه حابه وزني يصل ٥٥ انا جسمي بسمن من الارظاف والموخره

  11. فاطمةةالصاوى

    ممكن نظام يعتمد ع السعرات لانى ٦٨ كيلو وقربت للمثالى بس نسبة الدهون عندى ٣٥%

  12. غير معروف

    قبلت تحدي

  13. غير معروف

    مشتركة معكم بإذن الله

  14. يارب
    ان شاء الله نقدر

  15. غير معروف

    باذن الله هبتدي معاكو اول تحدي ليا ربنا يجعلو خير

  16. غير معروف

    السلام عليكم أنا أعرفكم بنفسي أنني طبقت كا التعليمات بدقة منذ شهر حتى يوم الفري 27 أكتوبر راني فرحانة لأنني نقصت في الوزن ب8 كلغ. وهذا كله بفضل الله وبفضل موقع دايت كلينيك والدكتور منصور. إنني أشجع كل من أراد أن ينقص في وزنه لايتهاون فاليدخل التطبيق في الحين قبل فوات الأوان لأن بعد ذلك لا يفيد الندم لم أعرفكم بنفسي بعد ؟ أنا نادية منال😃

  17. راجية المغفرة

    انا مش متوفر عندي عسل ابيص ممكن استبدلو بعسل احمر او الغيه لو ما فيش مشكلة

  18. غير معروف

    ممكن نستبدل اللبن بزيادة خالى الدسم ؟
    إن شاء الله أكون معاكوا من الأسبوع ده

  19. ملك طارق

    انا مشتركة معاكم أن شاء الله

  20. أميرة عُمان

    واللي مايحبش البطاطس المسلوق ممكن يلغيه؟

  21. غير معروف

    السلآم عليكم
    انا يا دكتور مش باكل غير فطار وعشاء
    الفطار بيضه وربع رغيف
    والعشاء بعد المغرب خضار وربع فرخه وقليل جدا من الأرز ومع ذالك وزنى100كيلو

  22. النظام اكثر من رائع بس خايفه علشان انا مدمنه عيش وكمان في الشتاء بجوع فربنا يستر
    وكنت حابه يادكتور اعرف مشروبات تسد النفس مع العلم ان عندي مبادي قرحه في المعده وشكرا لتعبك وربنا يعوضك كل خير

    • د/ أحمد منصور

      ألف سلامة على حضرتك

      تابعي معانا مفيش حاجة اسمها مدمنة

      لازم تغيري من نفسك

      وربنا يعينك

  23. ام محمود

    السلآم عليكم
    انا يا دكتور مش باكل غير فطار وعشاء
    الفطار بيضه وربع رغيف
    والعشاء بعد المغرب خضار وربع فرخه وقليل جدا من الأرز ومع ذالك وزنى100كيلو

    • د/ أحمد منصور

      تابعي معانا في التحدي وان شاء الله هتنزلي في الوزن

  24. السلام عليكم

    انا عندي مرض السكري.هل اتبع نفس الخطوات
    شكرا مسبقا

  25. عفوا طماطم أو بطاطس لم أفهم شكرا

    • ايمان سيد

      بديل الشوفان و الجبنة القريش ايه والكمية اد ايه ؟
      الزبادي ينفع بدلا من الحليب ؟
      العيش السن ينفع بدلا من العيش العادي واقد ايه الكمية ؟

  26. انشالله اخسر 3 كيلو بالاسبوع ده شكرا الك يتدكتور

  27. انا معاكم في التحدي ان شاء الله

  28. بديل الشوفان و الجبنة القريش ايه والكمية اد ايه ؟
    الزبادي ينفع بدلا من الحليب ؟
    العيش السن ينفع بدلا من العيش العادي واقد ايه الكمية ؟

    • د/ أحمد منصور

      الشوفان ممكن بدلاً منه كورن فلكس 4 ملاعق أو بليلة نفس الكمية
      2 عيش سن بدلا من ربع رغيف عيش

      الجنبة القريش بديل ليها اي جبنة خالية الدسم والكمية ربع كيلو

      لا غنى عن تناول الحليب
      .

  29. ايمان سيد

    بديل الشوفان و الجبنة القريش ايه والكمية اد ايه ؟
    الزبادي ينفع بدلا من الحليب ؟
    العيش السن ينفع بدلا من العيش العادي واقد ايه الكمية ؟

    • د/ أحمد منصور

      الشوفان ممكن بدلاً منه كورن فلكس 4 ملاعق أو بليلة نفس الكمية
      2 عيش سن بدلا من ربع رغيف عيش

      الجنبة القريش بديل ليها اي جبنة خالية الدسم والكمية ربع كيلو

      لا غنى عن تناول الحليب

    • د/ أحمد منصور

      الشوفان ممكن بدلاً منه كورن فلكس 4 ملاعق أو بليلة نفس الكمية
      2 عيش سن بدلا من ربع رغيف عيش

      الجنبة القريش بديل ليها اي جبنة خالية الدسم والكمية ربع كيلو

      لا غنى عن تناول الحليب..

  30. السلام عليكم دكتور
    بديل الشوفان و الجبنة القريش ايه والكمية اد ايه ؟
    الزبادي ينفع بدلا من الحليب ؟
    العيش السن ينفع بدلا من العيش العادي واقد ايه الكمية ؟

  31. غير معروف

    قبلت التحدي

  32. ليش ما فيه سمك بالغداء وهل بدل جبنة قريش جبنة فيتا او المالحه لان قريش مش موجوده عندنا والعفو

  33. ايه هو الخضار المطبوخ الصحى بيتعمل ازاى

  34. هل الرجيم ده ينفع للمرضعات لاني بهبط من الرضاعه

  35. ان شاء الله ابدأ معاكم من بكره ادعولى التزم لأن بصحى من النوم جعانه اوى وبأكل اى اكل وخلاص

  36. هل مسموح بكوب حليب خالي الدسم يوميا لاني بشرب النسكافيه بلبن خالي الدسم

  37. النظام حلو ان شاء الله ابدا معاكم

  38. عبير علي

    هل ممكن بعد الغذا بكم ساعه اخذ فشار والحليب لو عندي حساسيه منه استبدله بماذا لان عندي حساسيه منه ومن البيض ومن السمك

  39. معاكم بإذن الله

  40. ينفع استخدم سكر دايت بديل السكرالعادي لاني مبقدرش اشرب حاجه من غيرالسكر

  41. طيب انا يومي مقلوب امشي ازاي و مش هعرف اظبط عشان ابني صغير ؟

  42. ان شاء الله قدالتحدي

  43. ندي هشان

    يا دكتور انا النهار داا كنت سهرانا وفطرت الساعه ٦الصبح وهنام هو داا هيأثر علي الدايت

  44. بنت السعوديه

    انا لا احب العسل بانواعه هل يمكني ان استغني عنه ؟!وبماذا ابدل العسل ؟!
    هل مسموح اكل خيار وزبادي كامل الدسم كا وجبه اساسيه ف العشاء !!!!!
    وان شاءالله معاكم بتحدي

  45. ام روسان

    انا لا احب العسل بانواعه هل يمكني ان استغني عنه ؟!وبماذا ابدل العسل ؟!
    هل مسموح اكل خيار وزبادي كامل الدسم كا وجبه اساسيه ف العشاء !!!!!
    وان شاءالله معاكم بتحدي

  46. برنامج جميل شكرا لكم
    انا معكم ان شاء الله
    بس ممكن تبديل ربع خبز الغذا ب٢ توست بر

  47. ماهي الفاكهه المسموح بها وانا قبلت التحدي انشاء الله

  48. داليا محمود

    قد التحدي بإذن الله

  49. قبلت التحدي

  50. قبلت التحدي وربنا يقدرنا انشاءالله

  51. غير معروف

    السلام عليكم
    انا لسه منزله التطبيق اليوم انا كنت فطرت نصف رغيف بيتى اخدت ربع رغيف مع ملعقة جبن لايت وربع رغيف مع ملعقة صغيره مربى وكوب شاى بحليب منزوع الوجه بسكر دايت وخيار مع الجبن
    والسناك اخدت مقار قبضه اليد لب سورى
    اكمل اليوم مثل ماحضرتك كاتب ?

  52. السلام عليكم
    انا لسه منزله التطبيق اليوم انا كنت فطرت نصف رغيف بيتى اخدت ربع رغيف مع ملعقة جبن لايت وربع رغيف مع ملعقة صغيره مربى وكوب شاى بحليب منزوع الوجه بسكر دايت وخيار مع الجبن
    والسناك اخدت مقار قبضه اليد لب سورى
    اكمل اليوم مثل ماحضرتك كاتب ?

  53. غير معروف

    لو سمحت يا دكتور وجزاك الله كل خير ويمكن رجيم حضرتك جاء فى توقيت كنت فشلت محبطة جدا أن أحس لكن قررت أكون مع حضرتك واملى انجح لو سمحت ساعدنى انا وزنة 107الرجيم دة مناسب ليه ونفسى تتغلب على شهيتى أرجوك تفيدينى انا ببص فى المرايه بحزن على شكلى اللى وصلتله

    • د/ أحمد منصور

      مناسب جداً طبعاً

      توكلي على الله وطمنيني كل شوية في التعليقات

      انك ملتزمة

  54. رحاب أسامة .. مصر

    أنا معاكم ان شاء الله… الفطور النهاردة كان شريحتين توست سن مع معلقتين فيتا لايت و خيارة… و موزة… السناك كان ثمرة تفاح مع كوب نسكافيه حليب كامل الدسم و معلقة سكر … 💪💪 يا ريت نشجع بعض محتاجة اخس 20 كيلوجرام…

    • د/ أحمد منصور

      ان شاء الله تخسي في وقت قياسي

      بالتوفيق يا أستاذة رحاب

  55. غير معروف

    هو ينفع اتغدى قلقاس

  56. إن شاء الله تعالى معك يادكتور ينزل الوزن ونلتزم بالبرنامج

  57. انا لا احب العسل بانواعه هل يمكني ان استغني عنه ؟!وبماذا ابدل العسل ؟!
    هل مسموح اكل خيار وزبادي كامل الدسم كا وجبه اساسيه ف العشاء !!!!!
    وان شاءالله معاكم بتحدي

  58. ينفع ابدل المكرونه بلسان العصفر والكميه ايه

  59. سارة محمد

    ان شااء الله معاك يا دكتور

  60. لو سمحت يا دكتور عندي قطع في الغضروف الخلفي للركبه اليسرى .. ايه التمارين اللي أقدر اعملها وما تأثرش على ركبتي أو تزود القطع ده

  61. غير معروف

    مرحبا دكتور انا الي شهر بعمل رجيم وما نزلت غير ٢ كيلو ورجيمي كان بس خضار وفواكه وما نزلت وزني ٧٣ بدي رجيم سريع نزل وزني لو سمحت

  62. الحمد لله لحد الان تمام
    بس في بعض الفواكه ممكن اخذ منها مثل البلح

  63. كيفك دكتور انا والحمدلله مرق اليوم على خير الفطور كان بيضه مسلوقه مع حبة بطاطس مسلوقه ورشه ملح وكمون والغدا كان بيضه مسلوقه مع صحن جبنه قريش صغير وصحن شوربه عدس مع صحن صلطه كمان وربع رغيف خبز وانشالله العشا كوبايه زبادي مع خياره والحمدلله مش حاسه بأي جوع ومن فضل حضرتك يادكتور عايزه تقولي كيف النظام اليوم مظبوط ولا لأ وهل يصح اكل الموز بعد الفطور بساعتين ولا لأ وشكرا لحضرتك واسفه على الاطاله

    • د/ أحمد منصور

      اليوم مظبوط مــــــــــــــــــا شـــــــــــــــــــــاء اللــــه

      الموز

      يفضـــــل نصف موزة فقط

  64. اليوم مش متوفر عند زبادي او خيار .. هل ممكن استبدله بشي اخر …

  65. عبير عبد الحميد

    معاكم أن شاء الله من بكره لسه محمله التطبيق شكراً يادكتور فى ميزان حسناتك أن شاء الله

    • د/ أحمد منصور

      بالتوفيق

      وإيـــــــــــــــــــــــــــــــــاكم يا أستاذة عبير

  66. التزمت النهارده الحمد لله

  67. غير معروف

    ملتزمة بس عندي صداع بشع

    • د/ أحمد منصور

      حافظي على شرب الماء بكـــــــــــــــــــــــــــــــــــــــــــــــــــــــــــثرة

  68. لحد الان تمام انشاء الله حكمل معاكم

  69. الحمدلله ملتزمة بس عندي صداع بشع

    • د/ أحمد منصور

      الف سلامة يا أستاذة أميرة

      حافظي على شرب المياه بكثرة

  70. رحمه محمد

    ان شاء الله انا معاكوا من بكره ربنا يقدرني يارب واعرف التزم

  71. الحمد لله التزمت بالبرنامج بس أكلت موزة قبل الغدا بشويه

  72. معاكم انشاء الله من غدا،، عايزه اخس 3كيلو

  73. انشاء الله معاكم من غدا، عايزه اخس 4كيلو

  74. انهاردة كان اول يوم
    عدى بسلام الحمد لله
    بدون اى لخبطة وبسهولة
    الارادة حديد ومفيش ضعف
    ونحن صامدون ههههههه
    وراك ياباشا وكلى ثقة فيك وف ارشاداتك ياغالى
    ربنا مايحرمنا منك يااحلى دكتور

    • د/ أحمد منصور

      ربنا يبارك فيكي يا أستاذة حنان

      الحمد لله ان اليوم الأول عدى على خير

      وعقبال كل الأيام يارب

      ياريت تطمنينا كل يوم

  75. غير معروف

    انا معاكم في التحدي /////

  76. اناحملت التطبيق .وبدا ت نهارده معاكم ….دعواتكم
    انا وزني 80
    ووطولي 170

  77. غير معروف

    الحمدلله اليوم كان تمام بس مش حقدرت اكل وجبة الغداء لتعب بالمعده مش قادره اكل والله المستعان أن شاء الله. اتعافى والتزم

  78. قبلت

  79. انا الحمدالله مشيت على البرنامج
    الفطار كوب شاي مع ملعقة سكر وبطاطا وبيض مسلوقة
    الغدا سلطة خيار ولبن مع دجاج
    ساعة 7 كوب شاي بدون سكر
    العشا شوية زبادي

  80. ملك طارق

    النهاردة الصبح الساعة 6:30 كوب مية بليون دافي محلي بعسل ابيض بعدها بربع ساعة كوب قهوة خضرا سادة بعدها بنص ساعة بيتين مسلوقين الساعة 11 كوب قهوة غامقة باللبن وعليها قرفة وزنجبيل ومعلقة عسل الساعة 1 برتقالة الساعة 4 برتقالة الساعة 6 خيارتين وطبق سلطة صغير وسمكة مشوية ورغيف عيش للأسف ابيض والساعة 9 كوب قهوة غامقة محلية بصحبة سويتال

  81. ام عبدالرحمن

    دكتور يعطيك العافية انا اعملت اليوم غدا لبيتي كفته مع خضار واكلت منها عادي واقل من ربع رغيف وما أكلت سلطه

  82. اليوم و على نظام الصيام المتقطع فطرت الساعة ١٢ حبة بطاطا و بيضة بعد ٢ ساعة تفاحة حوالي الساعة ١٥ و نص غدا خضار مشكلة في الفرن بملعقة زيت زيتون سلطة خضرا و لحمة مسلوقة و العشا زبادي و خيار ٢ كوب قهوة و ٢ شاي و مشروب ديتوكس ما رأيك دكتور

  83. الشاى بلبن مع الرجيم فى مشكلة

  84. ام حبيبة

    الشاى بلبن مع الرجيم فى مشكلة

  85. تم تطبيق اليوم الاول بنجاح
    بالاضافه الي مشي نصف ساعه

  86. الحمد لله التزمت بالنظام

  87. كاستين ماء
    فطور بطاطس وبيضه مسلوق وحبه طماطم
    سناك برتقاله
    الغدا سلطه خضرا 3ملاعق رز خضار مسلوق وتونه
    كوب شاهي بسكر دايت
    المغرب خياره
    العشا زبادي وخيار وليمون

  88. الحمد لله اول يوم عدي علي خير بس ممكن اسئل حضرتك ممكن اخد كل يوم نسكافيه باللبن وايه الميه المسموح بيها كل يوم وممكن يبقي العشاء زبادي بالليمون فقط

    • د/ أحمد منصور

      نسكافية باللبن مرة واحدة بملعقة سكر واحدة

      لازم تنويع في العشاء

      مرة بليمون مرة بخيار مرة بفاكهة

  89. دكتور لو سمحت لسه شايفه الدايت ينفع ابدأ من بكره و اعمل ايه في اول يوم فاتني

  90. جنات هاني

    لو سمحت د احمد انا عندي الخبز المشبع عباره عن الشوفان وبذر الكتان وجنين القمح ولبن بودره ولوز وعملته بسكوت في الفرن دا عادي لو حسيت بالجوع ينفع اخد منه ولو اخت اخد قد ايه ياريت حضرتك تفدني

  91. غير معروف

    السلام عليكم ورحمة الله وبركاته. يادكتور ممكن استبدل الماء مع العسل بالصمغ العربي والماء الدافى

  92. هو الخضار المطبوخ بطريقه صحيه بيتعمل ازاى

  93. السلام عليكم
    انا اليوم صايمه إن شاء الله
    هافطر ايه ارجو الافاده وشكرا

  94. ام عبدالرحمن

    السلام عليكم دكتور انا اليوم أكلت نص رغيف صغير منقوشة زعتر وزيت واندمت أكمل نهاري ولا اعمل إيه

  95. لوسمحت يادكتور انا صايمه الفطار يكون ايه

  96. النظام جميل وانا منتظمة معاكم لثانى يوم بباذن الله

  97. انا ملتزمة والحمد لله قبلت التحدي

  98. مروة صلاح

    الحمد لله بدات من النهاردة

  99. ملتزمة بالدايت والرياضة ولله الحمد لليوم الثاني ؛إن شاء الله أنزل على الميزان الأسبوع ده لأن وزني ثابت الأسبوعين الماضيين؛عايزة اسأل الدكتور في حالة ثبات الوزن إيه العمل ؛هل هناك تغيير اوتركيز علي شئ ما؛للضرورة أرجوا منكم الرد دكتور

    • د/ أحمد منصور

      إن شاء الله مش هيكون في ثبات في الوزن

      لكن لو حصل الحل موجود المهم تطمنينا على حضرتك كل يوم لحد آخر الاسبوع إنك ملتزمة

  100. الحمدلله اليوم ملتزمه معك بس بدي احكيلك شربت مشروب الكاكاو محلى بالسكرين بارد ياترى بأثر ع الدايت ولا لأ

    • د/ أحمد منصور

      الحمد لله رب العالمين

      كام ملعقة وضعتي؟

      • هلأ هو محلول وجاهز متل الحليب بس هوكاكاو بارد بدال السكر سكرين موجود وانا شربت نص كاسه ياترى بأثر ؟؟

        • د/ أحمد منصور

          مش هيأثر

          لكن في القادم حاولي تبعدي عن السكر الدايت

          والسكر العادي الأبيض قدر الإمكان تبعدي عنه أيضاً

          وان كان لابد فتناولي فقط ملعقة سكر واحدة يومياً من السكر الأبيض

  101. بسم الله كيفك دكتور انا بدي اعتذر منك لاني اليوم ما التزمت ابدا لان اناو زوجي و ولادي رحنا على النزهة اليوم فما قدرت تابع الريجيم وراح هدا اليوم وعنجد انا كتير زعلانه ومتضايقه بس انشالله رح اتابع الاسبوع كلو وانشالله ما ياثر عليي هدا اليوم فياريت تنصحني يادكتور هل يمكن اكمل عادي ولا اعمل شي تاني وشكرا

  102. انا اليوم صمت كل اليوم و الآن راح اطبق الدايت أن شاء الله

    • د/ أحمد منصور

      ان شاء الله بالتوفيق لحضرتك

    • غير معروف

      السلام عليكم
      انا اليوم و مع المغرب اخدت كوب حليب خالي الدسم مع قهوة توست كامل مع ملعقة عسل
      بعد ساعة موزة صغيرة
      بعد ساعة عشا خضار مطبوخة شمر و قطعة دجاج صغيرة الكميه كانت صغيرة لان الاكل كان مطبوخ عادي بزيت دوار شمس و طبق سلطة كبير
      بعد ٢ ساعة زبادي لايت مع رمانة
      شو رأيك دكتور و شكرا ارجو الإجابة

  103. لسه محمله التطبيق وعايزه ابدأ معاكم م بكره ابدأ م اول يوم ولا اليوم التالت؟؟
    انا عايزه اخس 3 كيلو بس

  104. اليوم عدا على خير
    3كاسات ماء
    الفطور ملعقه عسل وتوست وكوب حليب بالنسكافه محلى بسكر دايت
    سناك كوب عنب
    غدا بيضتين مسلوقه سلطه وخضار مسلوق
    شاي اخضر بالنعناع محلى بسكر دايت
    العشاء زبادي مع موزه
    بس ياليت يادكتور تقيم ع الا كل تبعي

  105. السلام عليكم اليوم التاني الصبح ماء دافئ مع عصره ليمونه وبعدها بربع ساعه تفاحه بعدها بساعتين اوليت خضار عباره عن نص كوسه نص فلفل اخضر وم زيتت وبيضه بعد ساغتين الغدا ربع صدر مشوي وكوسهوالعشا زبادي
    رياضه مشي نص ساعه

  106. السلام عليكم
    انا اليوم و على المغرب اخدت كوب حليب مع قهوة و توست كامل مع ملعقة عسل ابيض
    بعد ساعة موزة صغيرة
    بعد ساعة عشا خضار مطبوخة شمر و قطعة دجاج صغيرة الكميه كانت صغيرة لان الاكل كان مطبوخ عادي بزيت دوار شمس و طبق سلطة كبير
    بعد ٢ ساعة زبادي لايت مع رمانة
    ان شاء الله اكون مزبطة الموضوع

  107. غير معروف

    انا الحمد لله ملتزم فى اول يومين بس شربت 3 قهوى بسكر ديت عادى ولا لا

  108. ندي المصري

    با دكتور انا مش متوفر عندي عسل نحل اعمل اي

  109. غير معروف

    قبلت التحدي وهبدأ من انهارده معاكم✊

  110. يسعد صباحك دكتور بس بدي اسألك بنفع قبل الفطور لو اكلت تفاحه

  111. ساره حسن

    صباح الخير انا دلوقتي وزني ٦٨ وطولي ١٥٨ ومشكلتي هي الجناب والبطن ومش عارفه اعمل ايه عملت رجميات كتير عشان الجناب متنزلش جسمي بس هو اللي بينزل من فوق اعمل ايه

  112. ساره حسن

    ارجو الرد ضروري

  113. ام مصطفي

    قبلت التحدي جربت كتير يارب ده يجيب فايده
    بس انا بشرب علي الريق وقبل النوم كوب ميه دافيه عليها جنزبيل ولمون أخذه عادي ولا ابطل
    وبمشي نص ساعه كل يون

    • د/ أحمد منصور

      بطلي اي حاجة كنتي بتعمليها واعملي المكتوب فقط

      لكن المشي مهم جداً طبعا

  114. الفطار كان عسل مع ربع رغيف
    الغدا كان 2 بيضة مسلوقة مع سلطة الخيار واللبن
    العشا اكلت 5 ملاعق زبادي
    بس اكلت 5 حبات ذرة ممكن تبوزلي اليوم يادكتور

  115. ممكن يادكتور تمرين لنسف دهون البطن

  116. غير معروف

    لوسمحت دكتور هو النظام ده ينفع لوزن 73

  117. أنا وزنى 85 وطولى 167 ونص عايزه أعرف الوزن الميثالى وكمان أنا كنت متابعه مع دكتور عشان أنزل وزنى بس ليا فتره الحرق عندى ضعف وقالى على رجيم بس قاسى وعايزه نصيحت حضرتك أعمل ايه

  118. غير معروف

    تم بحمد الله اليوم

    • د/ أحمد منصور

      الحمد لله رب العالمين يارب دايماً .. ..

      بالتوفيق لحضرتك

  119. لو سمحت يادكتور أنا لسه محمله التطبيق امبارح وبدأت معاكو التحدي من انهارده.بس لو سمحت يادكتور أنا برضع عادي النظام دا ولا ازود حاجه وكمان أنا وزني 85 وعايزه اعرف الوزن المثالي كان مع العلم سني 29سنه

  120. النهارده تالت يوم والحمد لله الامور تمام يا رب يكمل الأسبوع علي خير ونتمني من حضرتك يا دكتور. لو في أسبوع كمان

  121. المحبه للجنه

    الحمد لله بدأت اليوم وان شاء الله مكمله

  122. ملتزمه بالتحدي

  123. غير معروف

    انا جسمي كويس بس الدهون بكتره ف منطقه الأرداف
    هل نفس النظام ولا غير

  124. السلام عليكم الحمدلله اليوم الفطور كان بيضه مسلوقه مع حبة بطاطس مسلوقه وعليها رشه فلفل وملح وبعد بساعتين ونص اكلت رمانه والغدا كان صحن جبنه قريش وصحن صلطه كبير مع معلقه مسبحه فقط والعشا انشاءالله زبادي معصورعليه ليمونه كمان طلعت ومشيت ودكتور انا مو متوفر عندي شوفان ولا كورن فليكس فياريت تقلي بشو ممكن استبدلن بكرا أرجو منك الرد

    • د/ أحمد منصور

      ممكن بليلة

      أو 2 كوب زبادي

      أو كوب حليب مع ربع رغيف عيش

  125. يعني دكتور ممكن اكل بليله مع كوب حليب وثمره فاكهه وكوبين زبادي لوحدهم من غير ثمره فواكه

    • د/ أحمد منصور

      الفطار حاجة من دول طالما مفيش كورن فلكس

      يكون بليلة + حليب

      أو حليب + ربع رغيف خبز

      وان كانت الحاجات دي مش متوفرة

      فالفطار يكون 2 كوب زبادي

      لو النظام فيه ثمرة فاكهة مع الفطار، ضيفيها مفيش مشكلة

  126. هل الترمس بيتخن يا دكتور

  127. انا قبلت التحدي اليوم

  128. يسعد مساك دكتور الحمدلله ملتزمه بالتحدي

  129. دكتور في سؤال هلأ عنا ببيعو محلول بنشرب مع كلشي بساعد انه مايصير امساك هو عباره عن الياف اسمه Bene fiber ياترى لوشربت منه باثر ع الدايت ولا لأ لانه الياف

  130. اليوم الفطار كان بيضة وبطاطس مسلوقة مع كوب شاي وملعقة سكر
    االغدا كان دجاج مع ساطة خيار بلبن
    العشاء كوب زبادي مع ل عصير يمونة

  131. مروة صلاح

    تمام اليوم

  132. انا اليوم و بحمد الله على نظام الصيام المتقطع فطرت الساعة اربعة حبة بطاطا و بيضة مسلوقة بدون ملح عليهم فلفل اسود
    بعد ساعة و نصف كوب حليب بقهوة
    اخدت وجبة الغداء ٢ كفتة خضار مطبوخ و سلطة منوعة الكل بملعقة زيت زتون و بدون ملح
    العشاء راح يكون حوالي الساعة عشرة زبادي بالليمون
    مع العلم اخدت تفاحة و شربت مية لكن لا استطيع ان اصل ل ١٠ اكواب في اليوم
    شو رأيكم دكتور

  133. الحمد لله اليوم 3 اتمني ان اخس
    بس سكري نزل ممكن اخد ايه لما ينزل
    الرياضه مشيت تقريبا ساعه

  134. دكتور يسعدلي صباحك بدس اسألك بنفع اليوم افطر لبن بالفواكه قليل الدسم بدل الشوفان بالحليب؟

  135. دكتورة.. انا وزني 70 kg و طولي 163cm. و انا مريضة بفقر الدم… و اريد تخفيف وزني.. تنصحيني بالطريقة الصحيحة التي يجب ان اتبعها لكي اصل للوزن المثالي……

  136. ممكن يادكتور اعمل غدا صدر دجاج مع ملعقة زين زيتون

  137. دكتور امس اليوم كله الاكل تمام بس حسيت بجوع
    الفطور بيض وبطاطس كسلوق وخياره كوب حليب خالي الدسم الكوب الثاني بعد ساعتين ماشربته الغدا سلطه بخلطه قادو قادو صحيه وبامياوباميا وسبانخ ودجاج مشويمشوي
    العشا زبادي وليمون وكمون

    في الليل جوعت الساعه 2 ونص واكلت 3 حبات تمر هل يخربط النظام

  138. ياليت تقيم ع الا كل بتاعي

  139. ايمان سيد

    ينفع زبادي لايت بديلا من اللبن لاني مش متوفر عندي لبن

  140. غير معروف

    انا هابدا معاكم يا دكتور من بكرة ان شاء الله .. هابتدى بنظام الاسبوع دة و هاكمل معاكم .. انا وزنى 85 و عايزة انزل 15 كيلو .. تقريبا دة ممكن يكون فى وقت اد ايه عشان انا ظروفى صعبة شوية انى افضل ماشية على ريجيم فترة طويلة جدا مع العلم انا بمشى ساعة على التريد ميل يوم اه و يوم لا .. شكرا لتعبك يا دكتور

  141. انا لسه منزله التطبيق النهارده وانا بالفعل ماشيه على نظام غذائى ونقصت من الوزن ١٨ كيلو فى خلال شهرين وبقالى وقت مش بنزل خالص وثبته على وزنى وانا ولده من ٧ شهور وبرضع هل النظام دا يناسب المرضعات

    • د/ أحمد منصور

      في نظام خاص بالمرضعات هتلاقيه في قسم الأنظمة الغذائية

  142. النظام ينفع لكل الاوزان

  143. السلام عليكم النظام اليوم الفطور صحن بليله صغير مع كاسة حليب قليل الدسم +تفاحةوبعدالفطورماقدرت اشرب حليب بس اكلت برتقاله قبل الغدا بشي ساعتين . وبالغدا بيضه مسلوقه وصحن سلق مطبوخ مع البصل والبندوره بملعقة زيت زيتون+صحن سلطة جرجير مع البصل والبندوره والليمون والعشا انشالله زبادي+خياره وانشالله يكون النظام مظبوط يادكتور

  144. انا اليوم عن جد زعلانة لاني خبصت حواي الساعة اتنان اكلت قطعة بيتزا حوالي ١٠×١٠ سم و بعدين التومت بالدايت كيف ممكن اعوض ارجو الاجابة و شكرا

  145. وزني ثابت منذ شهرين وتعبت ومفيش فايدة وبدأت ايأس 😞

  146. غير معروف

    دلوقتي يا دكتور أنا ماشيه على التحدى الحمد لله وملتزمه بس بزود ٢كوب لبن خالى الدسم لانى برضع بنتى عندها سنه و٣شهور تمام كده ولا ممكن ازود حاجه تانيه وشكرا

    • د/ أحمد منصور

      ياريت حضرتك تتبعي نظام المرضعات الموجود على التطبيق

      • غير معروف

        طيب ابتدى من اول اسبوع ولا تانى اسبوع على طول بعد ما خلصت الاسبوع ده فى التحدى وشكرا على ردك يا دكتور

  147. غير معروف

    السلام عليكم دكتور .. بدأت مع حضرتك تحدى يوم 28/ 10 لأول مره و التزمت الحمد لله طول الأسبوع كان وزنى 88.7 و ميزان اليوم صباحا كان 85 مبسوطه جدااا جزاك الله خيرا على تعب حضرتك معانا و مكمله إن شاء الله ف التحديات القادمه و ف انتظار التحدى الجديد ..

  148. سلام للكل
    انا اليوم صمت و فطرت الساعة ستة كوب حليب خالي الدسم بقهوة و توست كامل بملعقة عسل و حبة بيض و نصف علبة جبن طري رجيم و بعد شوية صحن شوربة صغير اعتقد انو هدا يكفي لليوم شو رأيك دكتور ارجو الرد

  149. انا حملت التطبيق اليوم ورح بلش بكرى بس دكتور بعد امرك في شي بديل للعسل الصبح ماعندي عسل وصعب كتير اجيبو وانا كتير سعيده كتير ومتحمسه كتير

  150. اليوم الخامس عدا على خير الحمدالله
    الفطار كان بيضة مسلوقة مع ربع رغيف عيش وكوب شاي
    الغدا كان سمك مشوي بملعقة زيت و3 ملاعق رز
    العشا كان شوية زبادي

  151. صباح الخير يا دكتور انا اليوم حملت التطبيق ولكن مع الاسف حملت التطبيق بعد ما تناولت وجبة الافطار وكانت عبارة على حبة كورواسون وفنجانين حليب عادي كامل الدسم مع قهوة بدون سكر وبعدما حملت التطبيق بلشت اشرب مااء فهل استطيع اني اكمل على الدايت واتبع النصائح ام لالا يااريت اجابة يا دكتور والله المستعان وجزاك الله كل خير

  152. هل ينفع اخذ في يوم شوربة عدس بدل الخضار . انا لحد دلوقتي نزلت ٢ كيلو و٤٠٠ جرام

  153. رباب سعد

    هل ممكن استبدل جبنه قريش بي جبنه حلوم لايت والحليب خالي الدسم اقدر استبدله بي قليل الدسم

  154. اليوم الحمدالله عدا كمان على خير
    الفطار كان بيضة مسلوقة مع شوية جبنة خالية من الدسم وكوب شاي مع ملعقة سكر
    الغدا سلطة وبيضة مسلوقة مع خيارة
    العش كان لبن واكلت سوية عنب

  155. غاده تامر

    لو سمحت يادكتور انا لسه منزله التطبيق ينفع ابدا من تحدي الاسبوع ده ولا ابدا من الاول انا وزني ١٠٩ وطولي ١٧٠ ينفع

  156. لو سمحت يادكتور انا لسه منزله التطبيق ينفع ابدا من تحدي الاسبوع ده ولا ابدا من تحدي الاسبوع الأول انا وزني ١٠٨وطولي ١٧٠

  157. يسعدلي صباحك دكتور بدي اخبرك خبريه تسعدك متل ما اسعدت امي نزلت 12كيلو معك اعملنا التحدي انا وياها بلشنا معك من اول اسبوع ومبارح اتوزنت كانت نازله 12كيلو وكتير مبسوطه وانا مبسوطه كتير انه قدرت تنزل من وزنها مع العلم كانت ما تقدر تعمل دايت بس الحمدالله بفضل الله وبفضلك نزلت 12كيلو خلال اربع اسابيع

  158. صباح الخير يا دكتور انشاء اللة انا من اليوم امش على نظام يوم الخامس وما راح ادخل رز او معكرونة فيه واستبدلت العيش بل توست والثمره الي مع كباية زبادي حعملها اسناك بين العشاء والغداء وشكرا لحضرتك

  159. من فضلك يا دكتور. انا التزمت الاسبوع كله و لم انزل جرام واحد. ممكن اعرف الاسباب ؟

  160. دانا الغساسنه

    انت ليوم حملت لبرنامج ورح اطبقه من بكره

  161. ام جوجو و كوكى

    صباح الخير يا دكتور .. انا بدات معاكوا النهاردة هابتدى ريجيم الاسبوع دة عشان انا لازم اليوم الفرى اظبطه يكون يوم جمعة فلازم ابدا الريحيم السبت .. دلوقتى انا وزنت نفسى طلعت 88 انا عايزة اوصل ل 70. ادعيلى باة يا دكتور و انا معاكوا ان شاء الله 💪💪💪

  162. هو فيه تحدى جديد من بكره ان شاء الله انا لسه محمله التطبيق وشوفت التحدى ليوم 4 نوفمبر ومش لقية من بكره

  163. غير معروف

    مساء خير دكتور عجبني هاذه برنامج راح اسويه بس اريد اعراف بس لاسبوع واحد يو ستمر عليه

  164. غير معروف

    السلام عليكم دكتور
    أنا اتبعت هذا الريجيم ونزلت 2 كيلو وكنت أشرب شاي حليب عند الافطار وزني ٧٨ وطولي ١٥٦ كم الوزن المثالي ؟؟؟

  165. مشكور يا دكتور عله مجهودك والله لايضيع تعبك اني متابعه من العراق اريد اسءلك عله الخبز العيش هل هوه الشعير او الحنطه العاديه والحليب هل نشرب خالي الدسم أو فيه دسم اني كان وزني ٩٧كيلو والان ٩١كيلو فضل الله وفضلك لا ن عانيت اهواي من وزني واني لما نزلت التطبيق فرحت هواي لان دخلت سوق ابلي وتشرفت ابحضرتك وماعرف اشلون اشكرك تعجر الكلمات بارك الله بيك اريد منكم تشجيع 😘😘😘واني ممنوتك

  166. Hi would you mind sharing which blog platform you’re using?
    I’m looking to start my own blog in the
    near future but I’m having a difficult time making a decision between BlogEngine/Wordpress/B2evolution and Drupal.
    The reason I ask is because your design seems
    different then most blogs and I’m looking for something completely unique.
    P.S Sorry for getting off-topic but I had to ask!

اترك تعليقاً

لن يتم نشر عنوان بريدك الإلكتروني.