الرئيسية / أنظمة غذائية / تقرير تحدي دايت كلينيك الحالي – ينتهي يوم 10 نوفمبر

تقرير تحدي دايت كلينيك الحالي – ينتهي يوم 10 نوفمبر

السلام عليكم ورحمة الله وبركاته ..
يارب تكونوا في أفضل حال معاكم دكتور أحمد منصـــــــــــــور أخصائي التغذية العلاجية.

الموضوع ده عبارة عن تقرير للتحدي الحالي ..
تقرير فائدته إن حضرتك لو متابعة معانا في التحدي الحالي، لازم كل يوم تدخلي تطمنينا عليكي وتكتبي في كومنت إنك إلتزمتي وإن اليوم عدى على خير، وكمان لو عندك أي سؤال تكتبيه وأنا تحت أمرك، ويشرفني خدمتكم في أي وقت.

يعني عشان تضمني إن الأسبوع يعدي على خير، بدون تقصير، علشان في نهايته تكوني خسيتي 2 أو تلاته كيلو، حاولي كل شوية تدخلي على التطبيق على الموضوع بتاع التقرير وتكتبي في التعليقات إنك ملتزمة وأنا هشجعك وكل المتابعين هيشجعوكي بحيث نواصل كده لآخر المشوار لحين الوصول للوزن المثالي يارب في أسرع وقت.

  • قبل أي شئ يا ريت لو بتواجهكم أي مشكلة مع التطبيق، إكتبوها في كومنت، إن شاء الله هحلها، لأن رضاكم في المقام الأول عندي، فياريت أي حد بتواجهه أي مشكلة في التعامل مع التطبيق، يكتبها فوراً في التعليقات.
  • ياريت كمان لو حاسين بأي إستفادة من التطبيق، تدخلوا على جوجل بلاي، تكتبوا كلمة ( دايت كلينيك ) وتدخلوا تعملوا تقييم حلو للتطبيق، إحنا 10 آلاف عضو وللأسف 61 بس هما اللي شرفوني وفرحوني وعملوا تقييـــــم.

 

مواضيع هامة جداً

رجيم المرضعات (هنا)

رجيم مرضى الأنيميا (هنا)

رجيم لمرضى الكوليسترول (هنا)

طريقة عمل شاورما فراخ “دايت” بسهولة (هنا)

طريقة عمل طاجن فاصوليا (هنا)

طريقة عمل شوربة عدس “دايت” (هنا)

زي ما إتفقنا إدخلوا كل شوية على الموضوع ده طمنوني عليكم وعلى إلتزامكم لو مليون مرة في اليوم مش هزهق أبداً بالعكس هبقى في قمة السعادة لما أعرف إنكم ملتزمين، وكمان ياريت ياريت ياريت تقولولي أي مشكلة بتواجهكم أثناء التعامل مع التطبيق.

عن د/ أحمد منصور

118 تعليق

  1. تمام💪💪

  2. مكملين إن شاء الله 😍مع اني امس خبصت بس اليوم منضبطة 💚

  3. غير معروف

    مكملة

    • د/ أحمد منصور

      يارب يعينك ويوفقك

      • السلام عليكم أنا عمري 14 سنة و يجب أن أفقد 21 كيلو أواجه مشكلة لم تناسبني أي وصفة بحث كثيرا و لم أجد أتمنى وصفة بسيطة و ليست متعبة أنا أحاول التقليل من السكريات لكن بسبب الدراسة أنا أتعب و أجوع في نفس الوقت أرجو الرد و شكرا

  4. غير معروف

    القهوة والشاي مسموحة ولا لا

    • د/ أحمد منصور

      مسموح بيهم عادي

      لكن مسموح بملعقة سكر واحدة على مدار اليوم

  5. ربنا يخليك يادكتور انا كاير متشجعه اعمل الريجيم الي حضرتك بتقول عليه بس انا بصوم في ريجيم خاص للصيام ولا استنا لاخلص صيام بعدها ابلش ريجيم وياريت لو في نصايح ممكن اتبعها خلال فترة الصيام ربنا يجزيك عنا مل خير …
    وفي شغله كمان كيف بعرف انك رديت ع تعليقي لاني كل مابرسلك رساله مابشوف الرد

    • أنا وزني الحالي75كغ وطولي 1.65 سم لو سمحت ممكن أعرف احتياجي من السعرات الحرارية وكم لازم أقلل لأخسر وزن جزاك الله خيرا

  6. أنا وزني الحالي75كغ وطولي 1.65 سم لو سمحت ممكن أعرف احتياجي من السعرات الحرارية وكم لازم أقلل لأخسر وزن جزاك الله خيرا

  7. يسعدلي مساك دكتور الحمدالله تمام ماشين معك بالتحدي الحمدالله…. .بس انا ملاحظه في اكل اكتر من التحدي القبل ليه؟؟

  8. الحمد لله تمامبس كنت عاوزة اسال حضرتك لو عاوزة العب رياضه احسن وقت امتى ولو تكرمت انا كملت التحدى اللي فات بنسبه 90%بس مانزلتش وزن بس مقاس الحمد لله ممكن عشان مالعبتش رياضه

  9. مكمله والاسبوع الماضي خسرت وزن 2كيلو

  10. مكمله تاني يوم

  11. امي يا ريحة الجنه امي جنه

    انشاء اللة وياكم وملتزمه والحمد لله

  12. ايه عبد الستار

    الحمد لله تمام ويارب يقوينا

  13. انا طولي 156 و وزني 65 و عمري
    سعراتب الحرارية باليوم اديه؟؟
    مشكور مسبقا

  14. مسالخير دكتور انا ولله ماعم ينكتب معي التقيم على التطبيق كل مره يفوت وبصير خربطه اسفه وانا ولله صار تقصير معي يومين بس اليوم رجعت لتزمت وماعم تكتبلي شي جديد ماشيه عل قديم شكرا لجهودك 🌺🌺🌺

  15. غير معروف

    انا لم ارى تعليقاتي كل يوم بعلق ومايطلع شي دكتور انا نزلت 10كيلو دلوقتي ومتبعا معاك لحد موصل للوزن المثالي

  16. انا الحمدالله يادكتور اليوم الاول مشيت تمام
    بس اليوم تعبانة جدا مقدرتش اكل الفطار بس شربت ميه دافية مع ملعقة عسل وساعة 3 ونص اكلت بيضة مسلوقة مع شوية رغيف
    اي تنصحني اتعشى عشان انا جدا مريضة و مش عاوزة اخربط البرنامج

    • د/ أحمد منصور

      ألف سلامة على حضرتك

      تعبانه مالك؟

      • اخذت برد يادكتور انا اسفة جدا بس اليوم كان ملخبط شوية ما مشيت على البرنامج
        الصبح شربت ملعقة عسل مع كوب مية دافية
        ما فطرت الساعة 3 ونص اكلت بيضة واحدة مسلوقة مع ربع رغيف
        العشا اكلت قطعة صغيرة رغيف مع جبنة
        ما شربت مية كافية وما اكلت فواكه انا اسفة عشان عرفت اني لخبط الدنيا

  17. خسيت كيلو في 5ايام ،، هل قليل؟

  18. شيماء الشربيني

    تمام يا دكتور ملتزمة معاك

  19. غير معروف

    ان شاءالله رح اوصل الوزن المثالي

  20. غير معروف

    بدي بلش دايت بس ما عم اقدر يمكن انا من الاشخاص يلي بدو حدا يتابعو 😢😢

  21. السلام عليكم بدي تساعدوني وتابعوني بدي كل وقت حدا يقلي شو آكل أو اشرب وما خبص 😢😢😢😢😢

  22. الحمد لله ملتزمين ربنا يعينا

  23. لو عايزه اخس 5 كيلو ،،اخد وقت قد ايه؟

    • د/ أحمد منصور

      15 يوم

      • ام عبدالله

        السلام عليكم يادكتور كيفك انا جالسه اعمل رجيم وخسيت والحين وزني 120 وابي اعرف ايش اعمل بنسبه للاكل ايش يناسب عشان اخسر اكثر من الوزن

  24. تمام يا دكتور ..

  25. غير معروف

    انا متابعة معاكم وملتزمة انشالله وشكرا كتير دكتور احمد على تشجيعك و متابعتك للجميع

  26. معليش دكتر انا بعد الفجر اخدت معلقة العسل على مية دافيه وعصرت عليها ليمونه
    نمت ما صحيت الا على الظهر وشربت قهوه بحليب خالي الدسم وواحد توست اسمر
    على المغرب اكلت ٢صدور فراخ مشوية و٤حبات كوسه محشية لحمة مفرومة
    اية رايك كدة لخبطة ولا ايه

  27. تمام ملتزمة بالتحدي

  28. غير معروف

    تمام ومكمله التحدى
    عندى سؤال لو سمحت يا دكتور السكر الدايت استخدمه قد ايه انا بشرب بيه كل مشروباتى

  29. ام سفيان

    مكملين وياترى النظام دة بنفع مع للحمل

  30. ام جوجو و كوكى

    انا ماشية تمام الحمد لله و تالت يوم اهو بيخلص على خير و ان شاء الله مكملة 💪 و بالنسبة للتقييم عملته و عملت كومنت كمان .. ربنا يجازيك خير على التعب دة يا دكتور و شكرا بجد

  31. غير معروف

    الحمد لله ماشيه علي النظام كويس بس خايفه من الميزان الاسبوع ده علشان الدوره سواعي تثبتني او تزودني في الوزن مع اني ملتزمه جدا والله

  32. الحمد لله اليوم مر بسلام

  33. اني مشتركه جديده وزني 85وطولي 163

  34. مكمله معاكم

  35. اول يوم امس الحمد لله التزام 100%

    • د/ أحمد منصور

      الحمد لله رب العالمين

      • السلام عليكم
        دكتور انا من يوم ما جبت ابني وهو الطفل الثاني وزني مو راضي ينقص ويزداد بسرعه بعكس طفلي الأول نزلت ووصلت للوزن المثالي
        علمنا اتي عملت كذا دايت واشتركت بنادي ولم ينقص اي شي
        هل من حل؟؟
        وشكرا

  36. ام جوجو و كوكى

    يا دكتوووور انا قولت لنفسى اتوزن النهاردة ابص بصة كدة .. دة رابع يوم ليا معاكوا .. انا كنت 87 دلوقتى اتوزنت لاقيت نفسى 85 !! يعنى 2 كيلو ف 3 ايام!!! انا كنت زهقت شوية امبارح بليل بس بعد اللى شوفته قولت انا مكملة ان شاء الله .. شكرا جدا يا دكتور

  37. السلام عليكم دكتور اذا ريد انزل ٢٩ كيلو كم يوم يحتاجلي

  38. اليوم انا مشيت على البرنامج بس الساعة 5 اكلت شوكلاته شوية انا اسفة

  39. ام عبدالله

    السلام عليكم يادكتور كيفك انا جالسه اعمل رجيم وخسيت والحين وزني 120 وابي اعرف ايش اعمل بنسبه للاكل ايش يناسب عشان اخسر اكثر من الوزن

  40. يسعدلي صباحك دكتور بس سؤال صغير ليه في تعليقات عم تنحذف ؟؟مو اول مره بتصير انه بعلق وبعد شوي بشوف التعليق ظهر ع الكومنتات وبعدها بختفي ليه ؟؟؟

  41. غير معروف

    دكتور كنت ملتزمه بس خربطت امبارح غصب عني ومدايقه كتير وعندي مناسبه مهمه جدا ومش عارفه اعمل ايه وكان التزامي 80 في الميه

  42. الحمدالله انا متابعة البرنامج بانتظام وفرحانة كثير لان الي يشوفني يقول انت ضعفانة كتير

  43. غير معروف

    السلام عليكم أنا عمري 14 سنة و أجد صعوبة مع الريجيم يجب أن أخسر 21 كيلو و لا اعرف الوصفة المناسبة من فضلكم ساعدوني

  44. يا دكتور احمد انا بيجيلي رجفة بعد الظهر كدا فبضطر اشرب شاي سادة بسكر دايت لاني لو ما شربتش ما بقدر اواصل شغل البيت بتعب والله،، دا ح يبوظ الرجيم؟؟؟

  45. الحمد لله اليوم ماشى تمام و ملتزمه .. و عملت تقييم للتطبيق و كومنت كمااان 💪💪

  46. تمام يا دكتر الحمد لله

  47. انا ماشية على البرنامج الحمدالله

  48. ملتزمة

  49. زهرة البنفسج

    د/احمد انا محبطة جدا ومش عايزة ابص فى المرايا وزنة 108بعد ماكنت 81وطولى163 شهيتى مفتوحة من كتر اليأس لو تقدر تساعدنى انا تعبانة جدا ومش عارفة اعمل ايه كل ناجى ابدا أرجع تانى

  50. فريده يحيي

    وزنى ثابت عالميزان وبنزل شكل بس وبلعب رياضه ووزنى فوق ١٠٠ك وعندى امساك دايم

  51. الحمد لله

    ابغى نظام يناسب خمول الغده

  52. السلام عليكم با دكتور، اولا جزاك الله خير الجزاء على جهودك معانا وعلي وقتك😍، التلاته ايام اللي فاتو كانو كويسين معاي بس اليوم الظهر شعرت برجفه😧 وشربت شاي سادة بسكر دايت والشي الثاني فطرت بقريب فروت واحدةو اخرت وجبة الغداء للمغرب لان في حاجات من السلطة كانت ناقصه يلا جعت جداااااا واكلت ملعقتين مخبازة 😢😢😢وكميه كبيرة من السلطة وربع مشوي كفته، انا حاسه ان اليوم دا سيئ جداً 💔لاني مش حاسه بالخفه بتاعت التلاته ايام اللي فاتو كنت خفيفه وريشه اليوم انا حاسه بثقل وزهقانه من نفسي 😢💔
    ايه افضل نوع فواكه للفطار؟؟

  53. تمام مكمله
    بس عاوزه اعرف النظام اللي بعده 💪

  54. التزام كامل الحمد لله
    النظام التالي 😂

  55. غير معروف

    دكتور انا بخد كورتيزون كتير ينفع نظام غذائي معه ولو ينفع هل هاينزل من وزنى ولا هايحفظ على الوزن الا انا فيه

  56. السلام عليكم يا دكتور
    انا وزني 79 وطولي تقريبا 169 عايزه اعرف ايه الوزن المناسب مع طولي وايه الطريقه الامنه للنزول مهما كانت المده تطول مش هتفرق اهم حاجه النتيجه انا بدات بالفعل اقلل علي قد ما اقدر وكنت بلخبط وارجع تاني ولعبت رياضه حبه ووقفت ولسه عامله عمليه مراره منظار وبعد ما شيلت المراره اكلي اقل طبيعي نزلت من شهر 5 لشهر 10 حوالي 12 كيلو كنت 91 بقيت دلوقتي 79 ياريت حضرتك تقولي كدا معدل طبيعي وامشي باي نظام بحيث يبقي لايف استايل
    وشكرا لحضرتك

  57. أم تسنيم

    السلام عليكم ورحمة الله وبركاته دكتور شكرا جزيلا على التطبيق انا ام تسنيم من المغرب و اعيش في أوروبا انا ولدت مند 3 أشهر طفلي و ارضعه طبيعي لدي مشكلة وهي شهيتي للاكل مفتوحة بشكل كبير و لا أقدر على التحكم فيها ساعدني من فضلك يا دكتور فجسمي و صحتي في خطر لأنه كان لدي سكر حمل فترة الحمل و والدي معا لديهم سكر انا عمري 33 سنة وإني 85 كلغ وطولي 168سم

  58. شهيه مفتوحه جدا ومفيش أراده ومش عارفه اعمل ايه

  59. غير معروف

    دكتور انا ببدا يومي متاخر بفطر 11 او 12 وبتغدا علي الساعة 5 بس من 6 او 7 بجوع اووووي ببقي كل ساعة عاوزة اكل حاجه وبنام متاخر وفترة الطهر دي.مش بجوع فيها خالص اعمل اية

  60. غير معروف

    دكتور انا ببدا يومي متاخر بفطر 11 او 12 وبتغدا علي الساعة 5 بس من 6 او 7 بجوع اووووي ببقي كل ساعة عاوزة اكل حاجه وبنام متاخر ع 1 وفترة الطهر دي.مش بجوع فيها خالص اعمل اية

  61. انا مستمره لي اربع ايام في رجيم رفع معدل حرق الدهون وكسر ثبات الوزن وان شاءالله الاسبوع الجاي تعطيني الرجيم الي بعده ون شاءالله ينقص وزني عليه

  62. ايه راي حضرتك في رجيم الصيام المتقطع

  63. دكتور انا ببدا يومي متاخر بفطر 11 او 12 وبتغدا علي الساعة 5 بس من 6 او 7 بجوع اووووي ببقي كل ساعة عاوزة اكل حاجه وبنام متاخر ع 1 وفترة الطهر دي.مش بجوع فيها خالص اعمل اية

  64. غير معروف

    سلام دكتور أرجوا منك خدمة عندما أكتب ليك تعليق أو أي استفسار لا أجد أرد أرجوا منك أن تجاوبني يادكتور

  65. بالمناسبة أنا نادية منال

    السلام عليكم حبيت انبشركم بأنني مكملة التحدي إلى غاية الوزن المثالي شكرا كثيرا على هذا الموقع الذي شجع الكثير على الاهتمام بجسمهم لان هذا مهم جدا لصحتهم فأنا مثلا وزني في انخفاض وهذا يعود لتشجيعاتك يا دكتور فلا تبخل عليك يا دكتور بنصائحك شكرا مرة أخرى☺😃😃

  66. غير معروف

    دكتر الحمص الناشف بيتخن ولا بيخسس أكلت منه شويه روي علي

  67. سلام عليكم ورحمة الله وبركاته
    كيفك دكتور يارب طيب
    انا جديدة معكم للأسف دخلت متأخرة فالتحدي بإذن الله تحدي جديد اشترك معكم
    انا مريضه خمول غدة وضغط
    وزني 115 ك طولي170
    عمري 53
    هل من نصيحه
    تحياتي

  68. بفضل الله ماشيه تمام بس الماء بنسي وعندي اضطراب في المعدة أحيانا إمساك ولما بأخذ شاي الرجيم بيحصلي اسهال

  69. من فضلك دكتور انا عندي انتفاخ في البطن يعني عندي الكرش ودي اقضي عليها أي دايت يناسبني… ارجو الرد

  70. السلام عليكم كيفك دكتور انا كنت بدي اسالك بالنسبه لفاكهة المانغا هل يجوز اكلها اثناءالريجيم وكمان المخلل ممكن الاكل منه هو والمكدوس السوري ولا مابصير وكم الكميه اذا بصير وشكرا لحضرتك

  71. غير معروف

    دكتور مع القهوة قطعة شوكولا داكنة او بين الوجبات فاكهة او تمرة كحلى بيمشي ولا لا

  72. من فضلك يا دكتور انا الحرق عندي ضعيف جدا عايزه حل وهبدء مع حضرتك التحدي الجديد بعد يوم عاشرة اكتوبر لاني لسه متعرفه علي ابموقع امس فقط

  73. مساء الخير يا دكتور. هل ممكن استعمل السكر الدايت ؟ وهل ممكن اشرب سيفن دايت ولا لا؟

  74. غير معروف

    ايه اسباب ثبات الوزن بالرغم من اتباع الرجيم بقالي 3 اسابيع الميزان ثابت salma ahmed

  75. غير معروف

    حضرتك انا عمله رجيم بقالي سبع اسبيع نزلت اول اسبوع اربعه وتاني اسبوع كيلو وثلاث ورابع منزلتش بالعكس زد نصف كيلو والخامس والسادس كل اسبوع كيلو يعني لحد دلوقتي نزلت 8كيلو من 114كيلو ومشيه مع دكتوره بعمل تفتيت وابر ورديم كده كويس ولا ايه نزولي كده كويس لان بحبط ساعات ونفسي اتخلص من كم الدهون اللي عندي افديني وجزاك الله خيرا

  76. السلام عليكم ورحمة الله وبركاته لو سمحت دكتور أحمد هوانا ممكن ابدل يوم مكان يوم وبعدين انا فى نهايه آخر يوم فى أسبوع الأول من التحدى وهبتدى من يوم السبت إن شاء الله فى أسبوع التحدى وحوزن نفسى وهطمن حضرتك وانا ماشى على النظام ومرتاحه وربنا يبارك في حضرتك

  77. غير معروف

    السلام عليكم …انا لسه محمله التطبيق .
    وانا بصوم يوم اتنين وخميس ..
    مش عارفه هبدا معاكم ازاي

  78. كيف انزل وزني
    في فتره بسيطه

  79. مدام ولاء

    السلام عليكم ورحمة الله
    شكرا لمساعدتك ومجهودك مع الاعضاء وجزاك الله خيرا
    انا بعت سؤالى مرتين ومتمش الرد عليا وحتى السؤال لقيته اتحذف
    فشكرا لحضرتك واعتذر على تطفلى وسؤالى المساعدة
    شكرا

  80. ساره سعيد

    اول يوم معاكم انهرده فطرت ٢ بيضه مسروقه فقط

  81. اللي بيعاني من مرض الغدة الدرقية وعنده سمنه خصوصا منطقة الافخاذ اي رجيم.يمكن يتبعه.

  82. غير معروف

    مرحبا يادكتور انا مشية على البرنامج وكل يوم بكتب اكلت اي بس التعليق مالتي ما يظهر ممكن اعرف شنو السبب
    وطلب منك شي الخ ممكن موضوع شلون نحافظ على وزننا بعد ان نصل الوزن المثالي

  83. دكتور انا ٨٧كيلو وطولى ١٦٢سم وعايزة نظام يناسبنى مع العلم انى مببذلش غيرمجهود البيت العادى

  84. دكتور اليوم وزنت نفسي كان قبل ما ابدا108.9الاسبوع الي طاف نزلت 107.9اليوم وزنت نزلت 106.4يعني بمعدل 2.5 طمني طبيعي النزول لا اسبوعين كنت منتضمه بنسبة 90/%

    • د/ أحمد منصور

      بمعدل كيلو في الأسبوع شئ جميل وآمن لا تقلقي

      ده معناه انك هتبقي إن شاء الله 80 كيلو في حوالي نصف سنة
      وساعتها هتكون قربتي جدا من الوزن المثالي

  85. غير معروف

    تمام 💪

  86. تمام التمام 💪

  87. نسرين ابراهيم

    انا في انتظار التحدي الجديد انا لسه منزلة التطبيق و عاوزة اتابع مع حضرتك ..متحمسة جدا ان ابدا و اتشجع معاكوا

  88. انا لسه داخله ومحمل البرنامج الان وقرات المقاله نظام غذائى بتزل امتى التحدى الجديد

  89. وزنى 80 وطولى 160سن 29

  90. امل اوبس زين

    دكتور بعد اذنك انا ليا فتره مش قادره التزم على الرغم انى كان عندى اراده قويه جدا دلوقتى مش عارفه ايه الى حصل مش قادره اعمل دايت ووزنى فى الزياده وده مخلى نفسيتى تحت الصفر ارجوك ترد عليا اعمل ايه وشكرا

  91. Attractive section of content. I just stumbled upon your web site and in accession capital to assert
    that I acquire actually enjoyed account your blog posts.
    Any way I’ll be subscribing to your feeds and even I achievement you access consistently fast.
    natalielise plenty of fish

اترك تعليقاً

لن يتم نشر عنوان بريدك الإلكتروني.