“شاي رويال” – “شاي الرجيم” .. بيخسس ولا لأ؟

كتير بيوصلني سؤال بخصوص شاي رويال أو شاي الرجيم الموجود في الصيدليات فالنهاردة هنتكلم عنه بإذن الله.

 

للأسف في ناس كتير فاكرة إن إعتمادهم على الشاي ده هيفقدهم الوزن حتى بدون مايمشوا على رجيم، بحكم إنه بيتم تداوله والترويج ليه والحديث عنه بإنه أعشاب للتخسيس.

 

قبل أي كلام عنه لو عندك:-

  • إسهال
  • أو بترضعي
  • أو بتاخدي أي أدوية مدرة للبول
  • أو حامل

 

متاخديش منه تحت أي ظرف لكن لو أنتي مش تبع الأربع فئات اللي فوق دول فمهم تركزي في السطور القادمة:-

 

شاي الرجيم عبارة عن مجموعة من الأعشاب فايدتها إنها مطهرة للأمعاء وملينة، يعني مش بتدخل تحرق الدهون، الفكرة إن الرجيم أوقات كتير بيكون مرتبط بالإمساك والإمساك أحد أسباب ثبات الوزن، بالتالي الأعشاب بتحل المشكلة دي.

 

لكن أنا ليه مش بنصح بـ الأعشاب دي؟

ببساطة لإن إلتزامك بالرجيم بتاعنا وكل النصائح اللي بتنزل مع كل نظام مش هيخليكي في حاجة لأي ملين.

الأهم من كده إن إستخدامك ليه لفترة طويلة هيسبب جفاف الجسم وده نتيجة الإسهال الشديد اللي بيعمله، وممكن يصيبك بشلل الإمعاء ..

بس كده ؟

للأسف بمجرد ما توقفه، هتعاني من إمساك شديد، أكتر من اللي كان عندك قبل ما تاخد منه في البداية.

 

 

 

تقدر تشوف تمرين بسيط جداً للتخلص من بروز البطن ” الكرش ” بالضغط على كلمة ( هنا ) الموجودة بين القوسين.

 

دمتم بخير.

عن د/ أحمد منصور