رجيم مضمون في أسبوع
رجيم مضمون لإنقاص الوزن في أسبوع

رجيم مضمون لإنقاص الوزن في أسبوع مع الدكتور أحمد منصور

أكيد 100 % مش عندك أي شك وأنت بتقرأ النظام المرة دي، إن ده أكثر وقت محتاج فيه مناعة قوية، فهل معقول أو منطقي تقوي جهاز المناعة عندك بنظام أكل خاطئ مستحيل.

فاللي عايز أقوله إن الرجيم الفترة دي بعد العيد مش ترفيه أبداً ومش مجرد نظام بتمشي عليه علشان تغير شكل جسمك، الموضوع أكبر من كده بكتير، مؤكد سمعت تحذيرات عن خطورة الأكل من بره البيت، ووزارات الصحة بكل الدول أكدت على ضرورة إتباع نمط أكل صحي.

فتعالوا الفترة دي تكون دافع كبير لينا، إننا نطبق الرجيم بكل قوة، ونطلع من الأيام دي على خير، وإحنا خاسين كمان وزي الفل، أسبوع بأسبوع مع إلتزامك بالرجيم، هضمن لك بمشيئة الله تغيرات مذهلة، والهدف هو تطبيق النظام لمدة 100 يوم، هيفرق معاك جداً جداً، لو واصلت الرحلة للنهاية، صدقني وثق بكلامي مش هتخسر أي حاجة.

النظام العادي تقدر تطبقه معانا في حالة إن وزنك أعلى من 90 كيلو، هتلتزم بالمكتوب معانا يوم بيوم، وتقسيم الوجبات على مدار اليوم هقولك على أفضل طريقة في نهاية المقال بمشيئة الله، وإن شاء الله لما تبدأ تفقد وزنك الزائد وتوصل للتسعين تمشي معانا صيام متقطع.

ومش معنى أن إسمه النظام العادي أنه فعلاً عادي، ده مجرد اسم علشان نفرق بينه وبين الصيام المتقطع، لكن تأثيره أنا حابب تشوفه بنفسك، حقيقي إن شاء الله هيبهرك وهتشوف بنفسك تغيرات المقاسات المذهلة، فالحاجة الوحيدة اللي بطلبها منك علشان تفرح وتفرحنا معاك، هي إن ميكونش في أي لغبطة أبداً، للوصول لأفضل نتيجة ممكنة.

ومتنساش لو حققت معانا قصة نجاح، تشاركنا بيها في تقييم لتطبيق دايت كلينيك على متجر جوجل بلاي، حقيقي مش هتتخيلوا الدعم ده بيفرق معايا إزاي، خصوصاً في وقت صعب زي اللي إحنا فيه دلوقتي، بيكون الدعم والتقييمات الإيجابية أكبر حافز ليا إني أواصل في اللي بقدمه ليكم.

تعليمات رجيمنا الأسبوعي لإنقاص الوزن

الحرص على ترطيب الجسم على مدار اليوم بالمشروبات وعلى رأسها الماء، والأعشاب الدافئة، ومسموح الشاي والقهوة، وغير مسموح بمشروبات 3*1.

عدم إهمال طبق السلطة والخضار المحضر بطريقة صحية كل يوم، لو أهملتهم كده حولت الرجيم من آمن لقاسي، وهتلاقي تأثيرات سلبية مش هترضيك أبداً أهمها الهبوط.

بدء اليوم بكوب من الماء الدافئ أو من الحنفية، مع ملعقة من العسل الأبيض أو 3 تمرات، لتنشيط الحرق، وتحسين صحة الجهاز الهضمي، وتعزيز مناعة الجسم.

السكر الأبيض مسموح بمعلقة واحدة فقط في اليوم (هام جداً) ولو سكر دايت مسموح بما يعادل في التحلية أربع معالق سكر، والملح منزودش الكمية عن ملعقة صغيرة ممسوحة، ناخد بالنا الملح بيحبس السوائل بالجسم، فإستهلاكه أكثر من اللازم هيسبب ثبات في الوزن، ومسموح يومياً بمعلقة كبيرة من الزيت (زيت الزيتون.

جدول الأكل الأسبوع الجديد يبدأ من السبت 30 مايو

راحة هتشوفها بنفسك لجهازك الهضمي مع إتباعك للرجيم، معدل نزول حلو جداً، تعزيز لجهاز المناعة، تخلص من الوزن الزائد والدهون المتراكمة بدون آثار سلبية مثل (الهبوط أو الترهلات).

وجبة بوجبة ويوم بيوم وأسبوع بأسبوع هتفرح فرحة كبيرة لو إلتزمت، يمكنك تصفح قسم الأنظمة الغذائية في الموقع، للوصول لنظام الأسبوع الجديد، ومن الممكن متابعته عبر تطبيق دايت كلينيك.

لو عندك سؤال

إكتبه ليا في تعليق لأي فيديو على قناتي على اليوتيوب وهيوصلني على طول وأرد عليك بمشيئة الله تعالى، إضغط على كلمة (قناة دكتور أحمد منصور) للوصول للقناة، هتشوفي بنفسك إني برد على المتابعين هناك أول بأول، دمتم بخير.