نظام تخسيس متكامل لحرق الدهون
نظام تخسيس صحي متكامل

نظام تخسيس صحي متكامل لإنقاص الوزن في أسبوع بطريقة آمنة

فرصة جديدة وتحدي جديد لإنقاص الوزن في أسبوع مع رجيمات دايت كلينيك للدكتور أحمد منصور، فرصة متضيعهاش لو وزنك أعلى من 90 كيلو، هنقدم ليك رجيم لمدة 7 أيام، ويعتبر لمدة 6 أيام فقط، لأن اليوم السابع هيكون يوم فري، نآكل فيه براحتنا والنظام بالظبط بتاع اليوم الفري، هتلاقوه في آخر المقال.

أرمي كل اللي فات مهما كان ورا ضهرك، وركز في اللي جاي، علشان تحقق الهدف من وجودك معانا، دايماً الفرصة موجودة، مستحيل تلاقي حد نجح من أول مرة.

مطلوب منك أنت علشان نجاحك في الرجيم وقت وصبر وقوة إرادة، ونظام تخسيس صحي، وده إحنا بنوفره ليك، وإن شاء الله هتخس معانا بكل سهولة.

متركزش أوي مع الميزان بشكل أكبر من المطلوب لإن الأمر ده هيضرك أكثر بكتير مما هيفيدك، تابع المقاسات كل أسبوع، وتابع الميزان كمان لكن بلاش بشكل يومي، لأنه هيكون سبب في إحباطك في الغالب، مش هيشجعك زي ما ممكن تكون فاهم.

لو أول مرة تعمل رجيم، مسموح ليك كل يوم بـ 3 معالق سكر فقط، متحاول بأي حال من الأحوال تزود الكمية عن كده، لكن لو معانا من زمان، وإتعودت على نمط الحياة الصحي، فيكفي فقط معلقة واحدة يومياً.

شرب الماء على مدار اليوم مطلوب، ليك في اليوم من 8 إلى 12 كوب، النوم بإنتظام والنوم العميق أيضاً أمر مطلوب لنجاح عملية إنقاص الوزن بالطريقة المثالية، يجب الإنتباه جيداً إلى كمية الملح المستهلكة في اليوم، وكذلك كمية زيت الزيتون المستخدمة خلال الرجيم.

لينا معلقة كبيرة أو اثنين فقط على الأكثر من زيت الزيتون في تحضير الأكل، أو يتم وضعها على طبق السلطة، زيت الزيتون هو الأفضل ضمن الأنواع الأخرى، خلال رحل التخسيس.

نظام تخسيس صحي متكامل

رجيم الأسبوع الحالي، هيكون كالآتي، أول 3 أيام سهلين جداً نقدر نطبقهم ونلتزم بجدول الأكل اللي مكتوب فيهم بكل سهولة، وبعدهم 3 أيام أصعب نسبياً، لكن أنا واثق إن الجميع هيقدر يلتزم بدون لغبطة، واليوم السابع هيكون فري.

من أفضل المشروبات الصحية

  1. شاي أخضر
  2. شاي أخضر مع ليمون
  3. شمر
  4. شمر مع ليمون
  5. زنجبيل
  6. زنجبيل مع ليمون
  7. قرفة
  8. قهوة سادة

نظام اليوم الأول والثاني والثالث

السبت والأحد والاثنين 31 أكتوبر، 1، 2 نوفمبر

الفطار

يمكنك الإختيار من بين:-

  • 4 معالق كبيرة شوفان + كوب حليب + 3 تمرات أو ثمرة موز
  • 4 معالق قمح بليلة + كوب حليب + معلقة عسل أبيض
  • ربع رغيف عيش بلدي أو نصف رغيف عيش سن + 4 معالق فول + ثمرة طماطم + خيار أو خس
  • ربع رغيف عيش بلدي أو نصف رغيف عيش سن + بيضة مسلوقة + 2 معلقة فول + ثمرة طماطم + خيار أو خس
  • حبة بطاطس مسلوقة + بيضة مسلوقة + شرائح خضار
  • ربع رغيف عيش بلدي أو نصف رغيف عيش سن + 2 معلقة جبنة بيضاء لايت + بيضة مسلوقة + خيار أو خس
  • ربع رغيف عيش بلدي أو نصف رغيف عيش سن + 2 بيضة مسلوقة + خيار أو خس
  • ربع رغيف عيش بلدي أو نصف رغيف عيش سن + 2 قطعة جبنة قريش + خيار أو خس

سناك (1)

كوب حليب + ثمرة فاكهة

أو

نصف كوب حليب + ثمرة فاكهة + 6 حبات لوز

أو

علبة زبادي + ثمرة فاكهة

أو

2 ثمرة فاكهة

الغداء

6 معالق أرز أبيض مسلوق أو أرز بسمتي أو 6 معالق مكرونة أو نصف رغيف عيش بلدي

+

طبق سلطة أو طبق خضار دايت من أحد الخيارات الآتية:- (كوسة، بامية، بروكلي، قرنبيط، وفاصوليا خضراء) أو ثمرة باذنجان مشوية.

+

أحد الخيارات الآتية:-

  • نصف كيلو سمك مشوي
  • 2 بيضة مسلوقة
  • صدر فرخة مشوي أو مسلوق
  • 150 جرام لحمة مفرومة + كوب بسلة
  • 250 جرام لحمة مسلوقة
  • علبة تونة بدون زيت

سناك (2)

كوب فشار

أو

نصف كوز ذرة مشوي

أو

نصف كوب ترمس

أو

ثمرة فاكهة

العشاء

بيضة مسلوقة + نصف رغيف عيش سن

أو

قطعة جبنة قريش + نصف رغيف عيش سن

أو

علبة زبادي + ثمرة فاكهة

أو

علبة زبادي + 1 توست بني

 

نظام اليوم الرابع والخامس والسادس

الثلاثاء، الأربعاء، والخميس 3، 4، 5 نوفمبر

الفطار

يمكنك الإختيار من بين:-

  • كوب حليب + بيضة مسلوقة
  • 2 علبة زبادي + خيار او خس
  • 2 بيضة مسلوقة + خيار أو خس
  • 2 قطعة جبنة قريش + خيار أو خس
  • بيضة مسلوقة + قطعة جبنة قريش + خيار أو خس

سناك (1)

ثمرة فاكهة (موز، تفاح، برتقال، جوافة، كمثرى)

الغداء

يمكنك الإختيار من بين:-

  • نصف كيلو سمك مشوي + طبق سلطة
  • علبة تونة بدون زيت + طبق سلطة
  • صدر فرخة مشوي + شرائح خضار فلفل أخضر وطماطم وخيار
  • صدر فرخة مشوية + طبق سلطة صغير + ثمرة باذنجان مشوية
  • ربع كيلو كفتة مشوية + طبق شرائح خضار + ثمرة باذنجان مشوية
  • صدر فرخة مسلوقة + طبق شوربة خضار
  • 200 جرام لحمة مسلوقة + طبق سبانخ أو فاصوليا خضراء
  • 2 بيضة مسلوقة + قرنبيط دايت في الفرن

سناك (2)

كوب حليب خالي الدسم

أو

نصف كوب حليب كامل الدسم

العشاء

كوب لبن رائب

أو

علبة زبادي بوزن لا يتعدى 100 جرام

نظام يوم الجمعة

اليوم السابع 6 نوفمبر

يوم الجمعة فري، فقط في حالة إنك ملتزم بالرجيم أول 6 أيام، ولو تقدر متاخدش فري وتخليه مرة كل أسبوعين أو مرة واحدة في الشهر، مفيش مشكلة.

اليوم الفري، ليك فيه وجبة مفتوحة وهي وجبة الغداء، أما بالنسبة لوجبة الفطار والعشاء، فهيكونوا دايت، ومسموح بقطعة حلويات بحجم كف اليد، بعد وجبة الفطار أو الغداء.

وبكده يكون إنتهى نظام الأسبوع الحالي، منتظر بشدة لدعمكم لتطبيق دايت كلينيك على متجر جوجل بلاي، بعمل تقييم خمس نجوم، دمتم بخير ولا تنسوني من صالح دعائكم.

برنامج للتخسيس الصحي