السلطة قد تسبب ثبات الوزن !!

معقول يا دكتور السلطة اللي طول الوقت بتكلمنا عنها وعن الفوائد العظيمة بتاعتها وإن رجيم دايت كلينيك مستحيل ينجح من غيرها ممكن تكون سبب في ثبات الوزن، وتعيق نزولك وتحقيقك لهدف الوصول للوزن المثالي.

كلامي بكل تأكيد مش على طبق السلطة اللي بيتم تحضيره في المنزل، واللي مضمون كل مكوناته مكون مكون، زي الطماطم والبصل والخيار والجزر وغيره، ومضمون كمان الجودة بتاعة الخضار وبالتالي قيمته الغذائية العالية، وعارف كمان كمية الملح اللي فيها.

أنا بتكلم على السلطات الجاهزة الموجودة في بعض المطاعم وبيكون فيها صلصات ودهون غير صحية وكمية ملح عالية بتسبب إحتباس الماء في الجسم، الأمر اللي بيؤدي لثبات الوزن بكل تأكيد.

كمان نظراً لأن السلطة بتكون متحضرة في المطاعم بكميات كبيرة، بيلجأ أصحاب المطعم لتخزينها وبالتالي التخزين ده بيفقدها القيمة الغذائية وعلشان تكون نكهتها جيدة من جديد بيلجأو لإضافة جبنة مبشورة أو خبز محمص.

فياريت ناخد بالنا لو هدفنا إنقاص الوزن بشكل صحي وآمن، ونعرف إن مفيش أحلى من طبق السلطة اللي بيتم تحضيره في المنزل.

 

لو حابب تعرف أسهل طريقة تساعدك تتخلص من مشكلة بروز الكرش، إضغط على كلمة (( هنا )) الموجودة بين القوسين.

عن د/ أحمد منصور