رجيم اليوم السبت 8 يونيو

طبعاً الرجيم بينزل بشكل أسبوعي، لكن أنا هنزلكم يوم بيوم علشان الناس اللي بتتلغبط، ولو عايزين توصلوا للنظام بالكامل اللي هينتهي الجمعة القادمة تقدروا توصلوا ليه بالضغط  ( هنا ).

 

رجيم يوم السبت

الفطار

 

3 ثمرات فاكهة

 

سناك 1

 

كوب حليب خالي الدسم

 

الغداء يمكنك الإختيار من بين:-

  • ربع كيلو كفتة مشوية
  • ربع كيلو كبدة مشوية أو دايت
  • ربع أرنب مشوي أو مسلوق
  • علبة تونة بدون زيت
  • علبة سردين بدون زيت
  • نصف كيلو سمك مشوي
  • ربع كيلو جمبري مشوي
  • ربع فرخة مشوية أو مسلوقة ( يفضل من الصدر )
  • ربع كيلو لحمة مشوية أو مسلوقة
  • ربع كيلو جبنة قريش
  • 2 بيضة مسلوقة

+ طبق سلطة ( طماطم – خيار  – فلفل – خس – بصــــل – … )

+ طبق خضار مطبوخ بطريقة صحية ( بمعلقة زيت زيتون واحدة ) .. ( سبانخ – فاصوليا خضراء – بامية – كوسة – بسلة ).

 

سناك 2

كوب حليب خالي الدسم

 

العشاء

2 ثمرة فاكهة مختلفين أو متشابهين

 

 

الأكل كتير أوي يا دكتور 

دي أكتر جملة بسمعها لما أي نظام بينزل ..

طيب أنا هرد على الموضوع ده ببساطة شديدة علشان يوصل للجميع ..

 

إحنا بنخس لما بيدخل جسمنا سعرات أقل من اللي محتاجين ليها، طب تعرفي أنتي محتاجة كام سعر في اليوم، طبعاً السعرات بتختلف من شخص لآخر، لكــن نحسبها مثلاً في المتوسط كده ونشوف مع بعض ..

 

لو وزنك 90 كيلو ..

طولك 168 سم ..

وسنك 30 سنة مثلاً ..

 

ونشاطك اليومي متوسط ..

 

بالتالي أنتي محتاجة يومياً  .. ((( 2404 ))) سعر حراري

لو دخل جسمك أكل فيه الكم ده من السعرات هتثبتي ولو قللتي عنه هتقدري طبعاً يوم ورا التاني وأسبوع ورا التاني تخسي.

 

تعالوا نشوف نظام دايت كلينيك اللي مليان أكل ده فيه كام سعر حراري .. 

 

 

نظام أول يوم ..

 

3 تمرات أو معلقة عسل فيهم .. 60 سعر حراري.

 

الفطار 3 ثمرات فاكهة .. 180 سعر حراري.

 

سناك 1 .. كوب حليب خالي الدسم .. 80 سعر حراري.

 

سناك 2 .. كوب حليب خالي الدسم .. 80 سعر حراري.

 

العشاء .. 2 ثمرة فاكهة .. 120 سعر حراري.

 

 

الفطار والعشاء والـ 2 سناك = 60 + 180 + 80 + 80 + 120 = 520 سعر حراري

 

هزود من عندي 80 سعر حراري علشان ممكن مثلاً يكون حجم الفاكهة كبير شوية أو معلقة العسل وهكذا .. فبكده وصلنا لـ 600 سعر حراري ..

 

 

ندخل على وجبة الغداء ..

 

طبعاً إختيارات الغداء كتيرة وتختلف من وجبة لوجبة ..

 

معلقة كبيرة زيت على طبق السلطة أو في تحضير طبق الخضار = 119 سعر حراري

معلقة صغيرة = 60 سعر حراري

 

وبالنسبة للبروتين:-

 

 

مثلاً .. 2 بيضة مسلوقة = 160 سعر حراري

ربع كيلو جبنة قريش = 250 سعر حراري

ربع أرنب = 300 سعر حراري

ربع فرخة مشوية = 250 سعر حراري

علبة تونة معلبة في زيت = 170 سعر حراي

علبة تونة معلبة في الماء = 120 سعر حراري

ربع كيلو جمبري مشوي = 225 سعر حراري

السمك المشوي نصف كيلو = 700 سعر حراري

ربع كيلو كفتة = 450 سعر حراري

ربع بطة = 550 سعر حراري

 

 

طبعاً .. مش بنكرر نفس الغداء يومين ورا بعض .. يعني في يوم بناكل سمك سعرات عالية يوم تاني بيض سعرات قليلة واللي بعده تونة سعراتها قليلة برضو واللي بعده كفته سعراتها عالية، وبعد كده غدانا يكون جبنة قريش سعراتها متوسطة .. أو جمبري نفس السعرات تقريباً .. 

 

فنقدر نقول في المتوسط إننا بناخد بروتين يومياً تقريباً .. 300 سعر حراري.

 

كده باقي طبق السلطة وطبق الخضار

 

ياللا نحسب طبق السلطة

 

ثمرة طماطم .. 33 سعر حراري

ثمرة خيار .. 10 سعر حراري

ثمرة جزر .. 41 سعر حراري

ثمرة بصل .. 40 سعر حراري

خس .. 14 سعر حراري

ليمونة .. 29 سعر حراري

 

طبق السلطة = 29 + 14 + 40 + 41 + 10 + 33 = 167 سعر حراري

 

 

كده معلقة زيت + البروتين + طبق السلطة = 60 + 167 + 300 = 527 سعر حراري

 

وباقي طبق الخضار

ياللا نحسبه

 

السعرات الحرارية في 10 معالق بامية = 225 سعر حراري

السعرات الحرارية في 4 أكواب كوسة = 144 سعر حراري

السعرات الحرارية في 10 معالق سبانخ = 175 سعر حراري

السعرات الحرارية في الفاصوليا الخصراء 4 أكواب = 160 سعر حراري

 

بالتالي الخضار في المتوسط هيكون 200 سعر حراري في أقصى تقدير

 

كده وجبة الغداء كلها على بعضها مكلفانا

200 + 527 = 727 سعر حراري

 

والفطار والعشاء والـ 2 سناك كانوا = 600 سعر حراري

 

إذاً إجمالي السعرات اللي دخلت جسمك بعد الأكل اللي أنتي شيفاه كتيــــــــــــــــــــــــــــــــتر أوي

 

600 + 727 = 1327 سعر حراري

 

وإحنا قولنا إن لو وزنك 90 كيلو فأنتي محتاجة 2404 سعر حراري تقريبـــــاً

 

يعني في فرق يومي في السعرات اللي جسمك طالبها وبين اللي دخلت جسمك يوم السبت

 

2404 – 1327 = 1077 سعر حراري تقريباً

 

يعني بعد 6 أيام إلتزام هيكون في فرق قرابة .. الـ 6500 سعر حراري يعني هتخسي مليار في الميه بإذن الله هتخسي، أكل كتير على مدار اليوم ورغم كده الحرق شغال والجسم عنده فرصة يحرق من الدهون المتراكمة.

 

 

يارب تكونوا إطمنتم بالحسبة دي، قولولي في التعليقات لو حابين نحسب كل يوم السعرات الحرارية اللي بتدخل جسمنا في نظام دايت كلينيك اليومي.

 

.

 

عن د/ أحمد منصور

66 تعليق

  1. شكرا كتير لتوضيح
    دكتور انا ما باكل طبق الخضار ابدا ومعدل نزول عندي ممتاز هل شي مضر
    فواكه باكلها تمام وكلشي ملتزمه في الا الخضار ما بحبها ابدا

  2. ياريت يادكتور تحسب السعرات عشان لو هختار في الوجبات ابقى عارفه كم سعر حراري في الوجبات اللي هاكلها

  3. د/ أحمد منصور

    حاولي لو تلات أربع معالق مش شرط كمية كبيرة

    لصحتك مش عشان الرجيم

  4. د/ أحمد منصور

    تمام

    نشوف باقي الآراء

  5. ندى العربى

    اخي انا بتبع نظامك .. بس ارنب مشوى مش مفهومه عندي .. وكمان نظام الغدا بتعطينا متنوع .. المفروض انو تجبر علينا تلاته وجبات نختارو منهم ونكونو ضامنين انه ف الاختيار نستبدل .. بس الكم الهايل من اوجبات ف الغدا مرات بنضيع وبنخار صنف واحد كل يوم .. وبكدا منوصلش معاك لي نتايج جميله زي ما انت بتقول .. وكمان تعليقي ع السعرات الحراريه ياريت توضحلنا اكتر لو نسبه الدهون كانت عاليه كيف نتعامل معاها .. وشكرا جدا ع توضيح وكمان انا معاك لو بتعملنا كل يوم السعرات كدا بنفس الطريقه ❤

  6. ربنا يكرمك يا دكتورنا العظيم ويطول بالك علينا كمان وكمان بس ياريت حضرتك تدعمنا بالجانب النفسى للاستمرار بالدايت لأن حضرتك تعلم ما له من أهميه كبيره وتعلمنا ازاى نحارب الملل والأحباط وشكرا لحضرتك

  7. د/ أحمد منصور

    مفيش أي مشكلة من إنك تأكلي صنف كل يوم

    في ناس زعلانه إن اختيارات الغداء قليلة

    وحضرتك بتقولي اخلي الاختيار بين تلاته بس !! أعتقد ده مش هيكون مرضي للمتابعين

  8. شكرا كثير على توضيح يا دكتور ويريت تقولي كيف فيني اطبخ كبد بطريقة صحية وكمان الخضار ؟؟؟؟؟؟؟؟
    انا حبيت توضيح سعيرات الحرارية يريت تفضل تعمل معنا يا دكتور

  9. انت جبت عمري ووزني وطولي وحطيتهن مثال شكراااا بس بدي أضيف اني مرضعه شو اعمل

  10. غير معروف

    حلوة جدا اننا نعرف السعرات الحرارية ربنا يبارك فيك يادكتور ويجازيك خير بإذن الله

  11. غير معروف

    حلوة جدا اننا نعرف السعرات الحرارية ربنا يبارك فيك يادكتور ويجازيك خير بإذن الله لو سمحت يادكتور لو أخدنا 3 مكسرات كسناك غلط مكان اللبن

  12. السلام عليكم دكتور ضروري السناك بين الوجبات ؟

  13. غير معروف

    فعلا الاختيارات الكتيرة أفضل كتير علشان يكون فيه بدائل متاحة عندنا

  14. غير معروف

    بارك الله فيك يادكتور نضام ممتاز بس ياريت تقول ع سعرات في ميزان حسناتك يادكتور

  15. عبير الشام

    كدة تمام
    من زمان بدي اطلب منك تنزل السعرات
    ربنا يوفقا

  16. دكتور انا من العراق لوسمحت انا ارضع ممكن امشي على هذا الرجيم ارجوالرد

  17. دكتور انا تلخبطت ما بعرف اي نظام اتابع اسبوع او 14 يوم
    وزني 73
    طولي 164
    عمري32
    يريت تقولي اي نظام اتابع

  18. جزاك الله خير يادكتور على مجهودك
    فعلا انا ماشيه بنظام حساب السعرات اليومي بقالي كام شهر وخسيت بس لسه باقي كتير على ماوصل للوزن الطبيعي
    ياريت تنزل كل يوم السعرات الحرارية في النظام
    لو ماخدتش السناك فيها مشكله؟

  19. لو انسان نباتي يعمل ايه؟

  20. طيب انا وزني 62طولي 150سني 36النشاط متوسط ايه السعرات اللي عايزاها و ايه اللي اقدر اقلله منها

  21. عبير الشام

    شكرا ع تنزيل يوم بيوم
    رغم اني اكتب النظام كلو في ورقة والزقها ع البراد في المطبخ

  22. انا اول يوم راح اشترك بتمنى تابع لاني دائما ببدا بالرجبم على مدة أسبوعين وبعدين بلاقي حالي ضعفت برجع متل الاول

  23. نوال المغرب

    العمر34سنة الطول 1,54الوزن 69المجهود البدني متوسط محتاجةكم سعرة حرارية في اليوم الواحد وشكرا على مجهودك الطيب

  24. جزاك الله خير يادكتور اول مرة هبدأ معاك وان شاء الله مش هعك. ممكن استبدل الفواكه بالخضار بعض الوقت ولو بطيخ اخد منه اد ايه. وموافقة جدا ع حساب سعرات كل يوم

  25. غير معروف

    بجد بشكرك كتير جدا علي مجهودك يا دكتور والله حضرتك انسان محترم فعلا ربنا يبارك فيك يارب وياريت كل يوم فعلا تحسب لينا السعرات لو سمحت

  26. طب لو سمحت لو طولي ١٦٥ سم و سني ٢٣ سنه و وزني ٧٠ كيلو بس لازم اخس كتير عشان لظروف مرضيه مش بتحرك خالص غير علي كرسي متحرك و باخد حوالي ٢٥٠٠ سعر يوميا بس لازم اخس عشان المشكله الماضيه اللي عندي

  27. يعطيك الف عافيه نظامك حبيته من البدايه الله يوفقك شكرا كثيرأ

  28. دكتور انا وزني ٥٤ وطولي ١٥٦ بس عندى ارداف امشي ع هذا النظام وايه الوزن المثالي ليا؟؟

  29. الكورن فليكس كم سعراته؟
    و ممكن يضاف مع سناك اللين؟

  30. يا دكتور انا من الجزائر وفطار صبح لازم اشرب كوب قهوة اشرب وحدو ومع الفاكهة؟؟؟

  31. غير معروف

    دكتور لو بدلنا اللبن بالزبادي ينفع وله لا وبسال عن البقوليات هل بتعبرها بروتين وله كربوهيدرات

  32. شكرا يادكتور معلومات مفيده جدا

  33. هل ممكن نشرب شاى بلبن او شاى بالنعناع

  34. غير معروف

  35. انا حابة اعرف ربع الفرخة يعني كم غرام ؟

  36. وهل الزبادي هوي نفسو اللبن الرائب؟

  37. لو لو محمد

    الي وزنه 73 يتبع اي نظام يا دكتور اتلغبطنا

  38. أحمد الملاح

    ياريت يادكتور لو حضرتك تحسب يوم بيوم لأننا محتاحين نعرف السعرات الحرارية في الأكل علشان بعد التثبيت نكون عارفين إحنا بناكل ايه وايه اللى يزود الجسم وايه اللى ميضرش

  39. غير معروف

    ياريت نعرف السعرات كل مره

  40. ياريت تحسب يوم بيوم

  41. داخلين بحماس ان شاء الله

  42. متابعة معكم واليوم اول يوم في رجيم

  43. غير معروف

    جزاك الله خير يا دكتور وحتى لو ما كتبت لنا السعرات اكيد حضرتك حاسبها كويس واحنا مطمنين

  44. يادكتور لو سمحت عملت رجيم فى شهر رمضان كنت 93 واخر يوم فى رمضان كنت 87.700 اخر اسبوعين ثبت وماكنتش بنزل اطريت ان الخبطت ال4 ايام دول وتخنت نص ك حضرتك ابدء الرجيم دا ولا حاجه تانيه وشكرا

  45. نور الجنه

    ربنا يبارك فيك يادكتور وجزاك الله الجنه مابتتأخر عنا ولا عن اسئلتنا اللي مابتخلصش😊

  46. لو سمحت يا دكتور انا برضع وزني 78 وعمري 26 في رجيم للمرضعات ولا عادي امشي على اي ريجيم

  47. رجيم لتنزيل الوزن الزائد وليس السمنه يعني اريد النزول مم 65 ل 55 اش تنصحني ويكون ثابت ومو قاسي لان اريده نظام حياه

  48. غير معروف

    ايوه نحسب السعرات يا ريت شكرا دكتور

  49. دكتور أنا لسا منزله التطبيق انا عمري ١٧ سنه وزني حوالي٥٠ وطولي ١٥٠ انا مش سمينه اوي بس حابه اوصل الى الوزن المثالي وشكرا

  50. يادكتور جزاك الله خير هل النظام يمشي علي الوزن إللي آكتر من ١٠٠ وهل في فاكهة ممنوعة أم لا وهل يمكن استبدال اللبن بعصير برتقال أو أي شي آخر

  51. دكتور ياريت تقولي اتبع اي نوع رجيم ومن امتى ابدا

  52. هبه عيسى

    شكرا يا دكتور على تشجيعك وتوضيح السعرات
    يا ريت كل يوم حضرتك تعرفنا السعرات

  53. انا بدات مع حضرتك بعد العيد ومتحمسة جدا بس حبيت اسال
    دكتور لو حبيت في بعض المرات استبدل طبق الخضار بشربة شوفان ينفع لاني حزهق من شربة الخضار

  54. جزاك الله خيرا يا دكتور نظام جميل
    ويوم بيومه مع السعرات رائع جداا

  55. بارك الله فيك يا دكتور وجعله في ميزان حسناتك أن شاء الله. يارب نلتزم

  56. غير معروف

    لو سمحت يا دكتور انا مريضة ms ووزني 135 كنت بااخد كرتزون لمدة خمس سنين ومن المفروض ان وزني ينزل علشان نشاط المرض يقل هل النظام الغذائي ده يناسبني ولا لا

  57. لولو محمد

    بارك الله فيك يادكتور حسب السعرات اللى نحتاجها الجسم ممتازه

  58. غير معروف

    Parfait dr btjanen

  59. غير معروف

    اه ياريت جميل جدا بس ممكن المرضعه والرياضه كمان لو هتزود او سعراتها هي هي دي من فضلك

  60. غير معروف

    لو مش باخد العسل او التمر ممكن اخد حاجه نشويات دايت يعني قراقيش دايت مثلا او اي حاجه دايت وبعد اذنك التفاح سعراته ايه

  61. شكرا لحضرتك فعلا المعلومات مفيدة جدا ممكن نحسب السعرات كم يوم وبعدها راح نحفظ عدد السعرات بكل اكلة لكونها مكررة في النظام ونصير نحسب لنفسنا 👍

  62. معلش يا دكتور كنت عايزة اسال سوال غريب شوية هل المصاصة و اللبان مسمحين و لو اه الكمية اد اية +اي نوع شكرا مقدما😊😊

  63. من فضلك يا دكتور رد على سؤالي انا عندي حساسية من اللبن ومتتجاته ومتعودة باكل وجبتين فقط امشي على الدايت ده واشيل العشاء والسناك

  64. وزني ٦٥ ومحتاجة رجيم مناسب طولي ١٦٠

  65. غير معروف

    دكتور لو انا اكلت جبنة فيتا عادي سواء بالغداء او الفطار

  66. غير معروف

    ممكن الفطار يبقا كانتلوب
    والكميه ارجو الرد للاهميه هبدء اول يوم بكره

اترك رداً على ايمان إلغاء الرد

لن يتم نشر عنوان بريدك الإلكتروني.