رجيم شهر رمضان

سر النجاح في رجيم شهر رمضان

خلاص الأسبوع الأول بينتهي، وأكيد الحمد لله، في ناس قدرت تلتزم بنسبة 100% بالمكتوب في رجيم دايت كلينيك أول 7 أيام، واللي واثق منه إنك لو كنتي ضمن اللي قدر يلتزم، فبكل تأكيد قدرتي تحققي تغير خلال الفترة الصغيرة دي، سواء التغير ده على الميزان أو في مقاسات الجسم.

لو كنتي من اللي مقدروش يلتزموا أول أسبوع فلسه الفرصة عندك، وباقي في الشهر أيام كتير، تقدري تحققي فيها نجاحات مبهرة، النهاردة هنتكلم عن سر بسيط لو بدأتي في تطبيقه من النهاردة هيفرق معاكي، سواء في الأيام المتبقية من شهر رمضان أو خلال مشوارك في الرجيم بشكل عام.

 

طبق الخضار المحضر بطريقة صحية

 

 

بالظبط زي ما قرأتي طبق الخضار في وجبة الفطار في رمضان، أو في وجبة الغداء في الأيام العادية، لو حرصتي عليه هيكون سر من أسرار نجاحك في الدايت مع دايت كلينيك.

كل يوم معانا طبق الخضار في الوجبة بشكل أساسي، بيكون في بعض الخيارات بتختلف من يوم ليوم، ولكن جميعها مناسب جداً جداً للرجيم بناء على السعرات الحرارية والقيمة الغذائية.

علشان كده الأصناف اللي هنكتبها دلوقتي لازم لازم لازم تكون عندك في مشوار الرجيم، تحبيها وتتعودي عليها وتتعلمي إزاي تعمليها بطريقة صحية، وهي:-

 

  • الملوخية
  • السبانخ
  • الكوسة
  • البامية
  • البروكلي
  • الفاصوليا الخضراء

 

 

أي نوع خضار بنكتبه يوم بيوم، لازم تكوني على يقين إنه هيفيدك بنسبة 100 %، لو حافظتي عليه مفيش حد هيقولك كان شكلك أحلى قبل الرجيم، ولا هتلاقي نفسك هبطانه ولا ناقصك أي عنصر من العناصر الغذائية، المشكلة اللي بتواجه أي حد بيطبق رجيمنا هو أنه ممكن يتجاهل طبق الخضار  فعلاً.

طب يا دكتور مش فارق معايا النقطة دي، طبق الخضار هيفدني بإيه وأنا بخس ؟؟

 

ما إحنا لسه قايلين طبق الخضار من الأصناف اللي لسه قايلين عليها دي، سعراته الحرارية منخفضة جداً، هيحسن هضمك ويقيكي من الإصابة بالإمساك، وغني بالألياف يعني هيشبعك بدون أي تأثير سلبي على السعرات الحرارية اللي محتاجة ليها في يومك علشان تخسي.

حافظوا على طبق الخضار كل يوم، صدقوني هيفرق معاكم، تجنبوا البقوليات قدر الإمكان زي البسلة والعدس واللوبيا وغيرهم وخليكم في الملوخية والسبانخ والكوسة والبامية.

 

مواضيع قد تهمك

 

إضغطي على الطريقة للوصول للتفاصيل

 

طريقة تحضير سبانخ ني في ني من 

أسهل طريقة لعمل خبز الشوفان 

طريقة عمل صدور أرانب دايت 

طريقة عمل فاصوليا خضراء دايت 

طريقة عمل ملوخية دايت 

 

شكراً على وجودكم في دايت كلينيك، ونتمنى أن نكون دائماً عند حسن ظنكم.