فتة شاورما دايت
فتة شاورما

طريقة عمل فتة شاورما فراخ بطريقة صحية تناسب الرجيم

الرجيم المعتمد على الحرمان غير عملي، ومش هتقدري تحققي بيه هدفك، لإنك ببساطة محتاجة فترة طويلة علشان توصلي للشكل والوزن اللي بتحلمي بيه، لو كانت الخيارات اللي قدامك محدودة، إزاي هتقدري تتأقلمي عليها شهر واتنين وتلاته، بدون ملل.

النهاردة هنشوف مع بعض طريقة تحضير أكلة لذيذة، بيحبها أغلبنا، بمكونات صحية، وبسعرات مناسبة للرجيم، يعني من الممكن أن تكون ضمن وجبة غداء في رجيمنا لإنقاص الوزن وهي فتة شاورما الفراخ.

فتة شاروما فراخ دايت

المقادير:-

  • رغيف عيش بلدي أسمر
  • 1 بصلة صغيرة الحجم مبشورة
  • نصف كيلو صدور فراخ “قطع صغيرة”
  • 400 جرام زبادي
  • عصير ليمونة واحدة
  • 2 فص ثوم
  • 50 جرام لوز مقشر
  • بقدونس مفروم ناعم
  • ملح
  • فلفل حار جاف

 

خطوات التحضير

  1. نشوح البصلة في معلقة زيت، وبعد كده نضع الفراخ مع الفلفل والملح والبهارات.
  2. نضعها في بولة، عندما تصل إلى مرحلة السواء، ونتركها جانباً.
  3. نقسم رغيف الخبز، إلى مربعات.
  4. بعد كده نقلبه مع ملح وزيت وفلفل، ونحمصه في الفرن حوالي 10 دقائق.
  5. يدق الثوم، ويضاف إلى الزبادي، وعصير الليمون، ويضاف الملح.
  6. نخلط الزبادي جيداً، مع باقي المكونات.
  7. نحمص اللوز في الفرن نصف تحميصه، لمدة خمس دقائق تقريباً.
  8. نفرد طبقة من الخبز في طبق التقديم.
  9. وعليها نضع قطع الفراخ.
  10. نضيف الزبادي على الطبقات.
  11. نزين الطبق باللوز والفلفل الحار الجاف والبقدونس.