حرق دهون الأجناب

السمنة مشكلتها مش بس تأثيرها السلبي على الصحة، لكن الشكل اللي بنكون مش راضيين عنه، بيعتبر دافع أقوى، عند كتير من الناس.

الأجناب مشكلة كبيرة، وأتسألت بخصوها الفترة اللي فاتت فحبيت أكتب لكم الموضوع ده وأتمنى يفيدكم بإذن الله، بس لازم نفهم كويس جداً إن مفيش رجيم أو نظام غذائي مخصص للمنطقة دي، يعني ياريت تريحي نفسك لو عندك مشكلة الأجناب من البحث عن دايت لتخسيس المنطقة دي، لأن في الواقع مفيش رجيم بيستهدف المنطقة دي بعينها عن باقي المناطق المختلفة في الجسم اللي متراكم فيها الدهون.

طب تعملي إيه لو عندك المشكلة دي، أولاً لو نسبة الدهون عالية فيها، أو بمعنى آخر وزنك بعيد عن المثالي، لازم ولابد نظام غذائي يسمح لك بخفض نسبة الدهون في جسمك بشكل عام ومن ضمنها دهون الأجناب، والنظام الغذائي متوفر في دايت كلينيك، وبنوفره بشكل أسبوعي.

طبيعي وزنك وهو بينزل واحدة واحدة هتلاقي المنطقة دي بتخس معاكي، طب لو حسيتي إن وزنك نزل كتير ولسه برضو المشكلة واضحة أو موجودة ولو بنسبة بسيطة وحابة تتخلصي منها، في الحالة دي لازم تهتمي بالتمارين هتفرق معاكي لو واظبتي عليها وهتلاقي الجناب خدت الشكل اللي نفسك توصلي ليه.

بس قبل ما نتكلم عن التمارين لازم نفهم إن التمارين مش بتحرق الدهون اللي في منطقة الأجناب هي بتقوي العضلة وتخليها مشدودة فتبان في حجم أرفع من اللي هي عليه، والتمارين جنباً إلى جنب مع النظام الغذائي اللي وظيفته الأساسية حرق الدهون، هيحقق الهدف.

التمرين الأول موجود في الصفحة التالية وتقدري تتنقلي بين الصفحات من الأرقام الموجودة بالأسفل

 

عن د/ أحمد منصور