حل مشكلة الكرش وبروز البطن .. تمرين بسيط وفعال جداً

خسيت يا دكتور وبطني لسه كبيرة شوية 

أو 

بعمل الرجيم يا دكتور وبطني حاسة إنها مش بتنزل زي ما بتمنى بالنظام الغذائي .. 

 

النهاردة هنقدم حل بسيط وطبعاً لو هتعمله بدون إلتزامك بالنظام الغذائي، مش هيكون ليه لازمة .. الأفضل بكل تأكيد إنك تعمله بشكل يومي بجانب إلتزامك بالرجيم علشان تلاقي نتيجة كويسة.

 

التمرين بكل بساطة ” هو تمرين شفط البطن ”

شوفت الموضوع سهل إزاي .. آه بالظبط زي ما شفطت بطنك دلوقتي .. هنقولك على التكنيك اللي تعمله بيه، علشان يكون فعال في حل مشكلة بروز البطن.

 

من غير ما تروح الجيم ومن غير ما تبذل مجهود كبير ولو أنت حتى في المواصلات أو بتخلص شغل على المكتب هتقدر تقوي عضلات بطنك وتشدها لجوا وتخليها تاخد حيز أقل من اللي هي عليه في الوقت الحالي.

 

  • الإستمرار في عمل التمرين أساسي للحصول على نتيجة مرضية يعني مش بعد يومين تزعل إن مفيش نتيجة ومترضاش تكمل، هتحتاج تقريباً شهر لحد ما تشوف نتيجة مبهرة إن شاء الله.
  • ممكن من وضع الجلوس أو الإستلقاء على الظهر أو وأنت واقف أو حتى أثناء المشي.
  • التمرين مش بيتعمل بعد الأكل.
  • يفضل يكون الصبح والبطن فاضية.

 

 

هتنامي على ظهرك زي الشكل اللي في الصورة وإيدك بجانب جسمك، هتاخدي شهيق عادي خالص وبعدين تطلعي زفير ولما يطلع يطلع شدي بطنك ” إشفطيها لجوا ” لمدة 10 ثواني أو 20 ثانية أو حسب ما تقدري.

 

وممكن كمان من الوضع ده.

 

 

وأنتي قاعدة هتاخدي نفس ” شهيق ” وبعدين تخرجيه

ولما تخرجي الزفير تشفطي بطنك بالكامل للداخل .

 

أنتوا مركزين ؟؟

شفط البطن بيكون بعد ما تخرجي النفس مش بعد الشهيق.

 

بعد  ما بتشفطي بطنك لمدة 10 أو 20 ثانية بتاخدي نفسك عادي وترتاحي وتعملي التمرين ده 4 أو خمس مرات يومياً.

 

 

حل مشكلة دهون الأجناب من ( هنا ).

 

بالتوفيق للجميع ولا تنسوني من صالح دعائكم.

عن د/ أحمد منصور