الرئيسية / استفسارات / قصة قصيرة حزينة

قصة قصيرة حزينة

هعمل رجيم وأخس، النهاردة أنا إرادتي في أقوى حالتها وحاسة إني هكسر الدنيا، وكلها شهر ولا اتنين وأكون واحدة تانية، ألبس براحتي، وصحتي تتحسن، كفاية بقى الوقت اللي ضاع ده كله وأنا في هيئة مش راضية عنها.



إيه الفطار ده ان شاء الله؟؟

أنا هفطر بيض وخيار،
لا حول ولا قوة إلا بالله، جنبة قريش وخس ايه اللي أفطر بيهم، أنا لا يمكن هعيش ليوم التلات بالوضع ده، مش هقدر والله مستحيل، أنا كنت بفطر رغيفين عيش مع بطاطس وفول وطعمية وبتنجان وكل ما يتم تحضيره في مطاعم الأكلات الشعبية مع كوباية الشاي خمس معالق سكر.

تقوم تقولي خيار وجبنة ومن غير عيش كمان، طيب يا دكتور هستحمل والله كلها ساعتين تلاته وييجي الغداء بقى.

ثواني كده، هو ده الغذاء بجد؟؟
ربع فرخااااااه. !!!! مسلوقة كمان ويوم من غير رز ويوم برز لا والله هنهزر؟

ازاااي يا دكتور بقى ، أنا كنت باكل في الغداء الديك ومراته وولاده وحلة محشي جميع الأنواع، وبحلي بكنافة والله، حرام كده 😞😞

طب أنا هسمع كلامك وههتم بالسلاطة مع البروتين اللي في الغذاء واجي على حساب الرز والعيش ماشي.

إيه ده الحمد لله قومت شبعانه، معقول؟
معقول بجد؟؟

فطرت دايت وغداء دايت، خلاص بقى وجبة العشاء وأبقى كده نجحت في أول يوم رجيم، وهكذا باقي الأيام.

أومال ليه يخويا بيقولوا ع الرجيم صعب، السلطة يا جماعة السلطة هي الحل وشرب المياه.

بعد ساعات قليلة .. 🕰️

بطنااااااي، جعاااااانة، كفاية

طب كلي سلطة، طب المياه طيب، طب معلقة عسل حتى لو عايزة حاجة مسكرة، أو فاكهة،
طب بقولك كوباية لبن دافية عليها قرفة هتطير الجوع، الرجيم يا آنسه الرجيم يا مدام، الرشاقة يا هانم.

السلام عليكم، مطعم ” دلع كرشك ”

أيوا يا فندم مع حضرتك

عايزة أعمل أوردر ينسيني مرارة يوم الرجيم العصيب ده، عايزة أنسى اني فكرت اصلا اعمل رجيم، بيقولي خس وخيار، ولبن وزبادي ايه ده اللي مش هيخليني اجوع.

بتقولي حاجة يا فندم؟؟ ، لا يخويا بقولك هات لي بيتزا طولي كده وعرضي غرقهالي جميع أنواع اللحوم والجبن، يعني هما اللي خسوا خدوا إيه، ماله الكرش يعني، ده حتى والله مش هاين عليا افقده بعد عشرة السنين دي كلها.

الاوردر وصل، وكلت البيتزا، وهكذا الحال عند أكتر من 90 ٪ من اللي بيعملوا رجيم، بيضحكوا على نفسهم إن الراحة في الأكل، وإن مفيش مقابل حقيقي يستاهل أنهم يتعبوا ويعانوا مع الرجيم.

الخلاصة من القصة دي، إن أي حد يقدر يلتزم نص اليوم بدون أي إرادة عادي يفطر قليل ويتغدى قليل، لكن وقت الليل ما ييجي، هتتقلب عليه المواجع، وهنا مطلوب تستحضر كل قوتك وارادتك والدافع اللي بدأتي عشانه الرجيم، تتقبلي المعاناة وتحبيها عشان دي اللي هتخلق منك الشخص اللي بتحلمي توصلي ليه، الإرادة لوحدها مش كفاية، جسمك فعلا محتاج أكل ولازم في الوقت تصارعي بكل قوتك إن اليوم ينتهي على خير، مش لازم بقى عشان جعانه بالليل يبقى نخربها ونلغبط، نفرض على نفسنا يوم واتنين ان وقت الجوع نأكل خس أو خيار في العشاء مع الزبادي، وواحدة واحدة هتلاقي نفسك أصلا مش طايقة الأكل الكتير ولا الأكل الغير صحي.

بالتوفيق ليكم جميعاً يارب، إثبتوا يا أبطال 💪

عن د/ أحمد منصور

34 تعليق

  1. غير معروف

    كلامك صح جدا هى مساله أراده بس وان شاء الله كله بيهون اهم حاجه الثبات على المبدأ من أجل هدف

    • التزمت قليل لان صحتي ماتعيني واني اعاني من مرض الضغط المرتفع والسكر والمفاصل

  2. انت كنت قاعد معايا في البيت ولا ايه يا دكتور ،😂 بس الحمد لله عملت كاكاو سادة خام باللبن الخالي واخترنا نفسي والله العظيم

  3. سيدرا الروح

    الحمد لله ملتزمه

  4. رياحين الجنه

    انا التزمت الحمد لله ويارب للمثالي وشكرا الك دكتور

  5. انا التزمت😊😊 الحمد لله

  6. محمد بكري

    ثابتين ي دكتور و قبلنا التحدي .. ممكن استفسار بسيط ! ايه رايك في بسكويت دايجستيف بالقمح .. ممكن في وجبه الفطور !

  7. نَادِيَُه

    لُلُيَوَمٌ صّمٌتْ بّلُا سِحُوَرَ وَالُفَطِوَرَ يَْعنَيَ الُغًشِا لُبّنَ وَجْايَ وٌَوَقًطِْع حُلُوَ وَلُسِنَاكِ بّيَضُُه مٌقًلُيَُه وَجْايَ وٌَخبّرَ اْعرَفَ مٌمٌلُتْزُمٌُه بّاجْرَ اْعوَضُ

  8. ال ملتزمه ويارب الوزن المثالي واهم حاجه البطن تنزل
    ربنا يكرمك يادكتور 👏😍

  9. وزني120وطولي 170وعايزاخس يادكتورربنا يباركلك

  10. مهندسة إلهام

    ماشاء الله ربنا يبارك ف حضرتك.. فعلا انا مش تعبانة منه وفعلا فارق معايا.. بس المشكلة في يوم الصيام الحقيقى بقى اتنين وخميس.. اعمل ايه والمشكلة انى بنام بدرى

  11. السلام عليكم ورحمة الله وبركاته انا بصراحة ما ناسبني الرجيم هذا فاتبعت رجيم الصيام المتقطع الي نزلته لأنه بيناسب وقتي وما فيه حليب لاني ما أحبه
    يا ريت يا دكتور جزاك الله خير تتفضل الأسبوع الجاي تنزل لنا رجيم صيامي ٢٠ساعة أو ١٩ ساعة وشكرا ليك بجد شكرا

  12. فاديا البيطار

    والله العظيم يادكتور انا بستمتع لما بقرا كل النصايح دي يارب🙏🙏🙏🙏 يادكتور احمد بتحقق كل اللي بتتمناه

  13. دعاء سيف

    الحمد لله انا ملتزمه ومبسوطه بكده💪

  14. اول ٣ ايام في الرجيم كنت كده وجالي اكتئاب خصوصا اني عندي اولادي وجوزي وبعملهم اكل غيري كنت بزعل اني بكل قليل. بس الحمد الله قدرت اتغلب علي الشعور ده وصممت وبقي عندي اراده اخس. وبقالي ده ٣. اسبوع. والحمد الله المقاسات بتصغر وحاسه بفرق. ولم جوزي حس. قالي عايزة اعمل رجيم. في هدوم نفسي البسها. وانهارده بدء اول يوم. وان شاء الله ربنا يقويه ويكمل معايا للاخر. حلو اوي انك تلاقي حد بيدعمك في هدفك. والف شكرا ليك يا دكتوره. بجد ربنا يكرمك. انك بتعمل كده معنا. وبوستاتك اللي بترفع روحنا المعنويه. حتي لو للحظه جالنا يأس. الف شكرا لحضرتك

  15. غير معروف

    هو أحسن
    شئ أنا حضرتك منوع لنا فى الأكل وطبعا السناك أنا عندى خشونه وكنت بكسل اشرب اللبن او اكل زبادى والدكتور طلب أنزل فى الوزن فالدايت بالنسبالى علاج وتخسيس يعنى 2×1

  16. مكنتش مصدقه نفسي لما التزمت جدا النهارده
    ولما حسيت بجوع من ساعتين شربت قهوه بسكر دايت

  17. الحمدالله التزمت اليوم وراح اكمل ان شاء الله والله يبارك لك على جهودك وان شاء الله النتايج زي كل اسبوع تفرح

  18. نسمة محمد

    انارالتزمت لغايه الغدا بس سماح النهارده اكلت شريحتين بيتزا 🍕 وشرحة صغيرة جاتو عيد جوازي معلش بثي هعوض باقي الأسبوع ان شاء الله
    ملحوظة اول مرة الخبط بالليل من شهر.

  19. اميمة البدري

    ملتزمة اليوم ويارب استمر بس عملت نظام الصيام مع النظام الجديد

  20. فكانت وردة كالدهان

    ربي يقدرنا دكتور

  21. قصه معبره ورائعه…. بس فعلا انا بحياتي ما التزمت بدايت متل دايت كلينك ومرتاحه عليه كتيير وخلال اسبوعين الكل بحكيلي اني نحفت كتيير

  22. نونات محمد

    انا وزني ٨٠ وعملت رجيم الاكربوهايدرايت وخسيت ٥ كيلو بس الحقيقه ماقادره التزم ياريت تفيدوني مشكورين

  23. ام عبدالرحمن

    دكتور انا عندي مشكلة مشيت معك واموري منيحه بس عندي قولون وثبات بالوزن نزلت اول اسبوع ١ كيلو وتاني اسبوع كمان كيلو وبعدها رجع ثبت وبعدها عالاسبوع التالت بلش معي صداع قوي وبنزل عندي الB12 والحديد وببلش يتساقط شعري وانا بالأصل بعالج فيه ممكن تحل المشكله ارجوك ترد

  24. حنان المغرب

    machae lah 3alik ya foktor walah dahktini ilkalam da by3tik sebr ink matklich chokran bzaaf doktor

  25. غير معروف

    المشكله ان الاكل زى الادمان حتى لو الواحد مش جعان اهم حاجه النظام ووحتى لو يوم لبخبط متايس اول الياس ذياده ضعف وحاجه اقولك عليها اليمون والقرفه والعسل تحفه وبيقلل الشهيه والقرفه بتظبط مستوى السكر فى الدم ان شاء الله كنلنا نخس ربنا يجزيك خير يا دكتور عننا

  26. سارة محمود

    انا التزمت الحمدلله

  27. غير معروف

    كلام عظيم يادكتور بس بدي احكيلك شغله انا في اشياء اوكلمات مابفهها بلاردن مثل ربع رغيف عيش احنا الرغيف الي عنا صغير وفي اكلات نحنا مابنعملها

    وسؤال عن صحن الخضار كيف اعملو مسلوق مطبوخ

  28. السلام عليكم ورحمه الله وبركاته

    التزمت والحمدلله و عقبال الباقي
    الله ييسر

  29. بارك الله فيك يا دكتور أحمد على طرح هيك قصة لأنه.. بدنا مين يوعينا من غفلتنا كل لحظة والتانية
    ويارب يقوي إرادتنا

  30. الحمد لله ملتزمة

  31. الاوركيديا

    بصراحه يادكتور انا كنت وجبه الافطار عندي ملغيه من حياتي
    ولما بقرأ عن الافطار … بحس انه الاكل كتير
    ولما توصل وجبه الغدا بكون شبعانه .. في جوع بسيط
    ولان الغدا بكون عندي وقت المغرب .. ما بتعشا خاااالص ولا حتى باخد سناك
    وبالفعل لما باخد الفري ببقى مش قادرة آكل كتير
    واذا اكلت بحس بتعب وثقل في معدتي
    جزاك الله كل خير

  32. سيدرا الروح

    ملتزمين الحمد لله بأذن الله مارح نضييع تعبنا ع لفاضي

  33. دكتور انا مش بوصل إشعار انو النظام وصل أو أي إشعار مابجي اي شي منك مش عرفه السبب يرجى الرد



اترك تعليقاً

لن يتم نشر عنوان بريدك الإلكتروني.