الرئيسية / استفسارات / تقرير اليوم الثالث عشر من التحدي ..

تقرير اليوم الثالث عشر من التحدي ..

السلام عليكم ورحمة الله وبركاته .. يارب تكونوا بخير .. ويومكم كان جميل .. خلاص الوقت بيعدي وقربنا ننهي نص المشوار.

يارب تكونوا مبسوطين مني وأكون على قدر ثقتكم لحد دلوقتي .. وياريت لو عندكم نقد في أي شئ أكتبوه علشان أصلح من نفسي أو من أي عيب بتلاقوه في التطبيق أو على الصفحة، ولو في مدح بقى قولوه .. يبقى كتر خيركم.

ياللا قولولي عملتوا إيه النهاردة .. طمنوني عليكم؟
عرفتوا تعملوا رياضة؟
شربتوا مياه كتير؟
حد فيكم وزن؟
يقوللي كان كام وبقى كام؟

منتظر تعليقاتكم واستفساراتكم كلها، وهسعى جاهدًا إني أرد عليكم جميعًا إن شاء الله.

التعليقات مش بتظهر مباشرة، بيتم مراجعة التعليقات ويتم ظهورها، والمراجعة بتتم في وقت قصير بإذن الله.

عن د/ أحمد منصور

17 تعليق

  1. نيفين مدحت

    مساء الخير يا دكتور
    الفطار نص رغيف واتنين بيضه مسلوقة وبعدها الشاي المظبوط
    الساعه 2 الغدا نص رغيف بفول بالطماطم وخيار
    الساع 5 الشاي الجميل
    الساعه سبعه بيضه مسلوقة ورغيف خبز مشبع
    وشبعانه وهاخد كوبايه زبادي بلمون وتماااااام كده
    باوعدك يا دكتور انى هاصورلك الميزان بتاعي بس لما اكسر ال 90 كيلو

    • د/ أحمد منصور

      مساء النور

      الله ينور عليكي

      إن شاء الله تكسري الرقم ده قريباً جداً

    • نيفين مدحت

      نسيت اقول اني كمان مشيت على المشايه نص ساعه

      • د/ أحمد منصور

        حاجة زي دي متتنساش

        دي لازم تتقال اول حاجة

        برافو عليكي

  2. غير معروف

    بصراحة انا بوزت الدنيا النهار دا انا اسفة

  3. غير معروف

    انا اسفة بعد الغداء خربط الدنيا

  4. مساء الخير يغ دكتور الفطار الساعة 8 كان 2بيضة مسلوقة مع كوب نسكافية بدون سكر بعدها شاى الساعة 12 برتقالة الغدا الساعة 4 سلطة مع طبق ملوخية من غير قدحة مع نص رغيف غيش مع قطعة لخمة مسلوق العشا كوب زبادى مع برتقالة الوزن 78.1

  5. امل الشام

    دكتور ياترى في دايت للمرضعات من دون مايأثر على الحليب سؤال من صديقة

  6. حضرتك أنا بأكل عيش سن يا تري إيه صحة انه مش مفيد ف الريجيم شكرا لحضرتك

  7. ام التقيات

    جيت اشجع خخخخخ لاني لساتني في اول المشوار بالتوفيق للجميع يومي تمام التمام دايت +رياضة

اترك تعليقاً

لن يتم نشر عنوان بريدك الإلكتروني.