الرئيسية / استفسارات / تقييم خامس يوم دايت ..

تقييم خامس يوم دايت ..

خمس أيام عدوا بسرعة جداً .. زي ما الشهر هيعدي .. والكسبان هو اللي هيعرف يستغل الفرصة دي ويثبت نفسه .. 



عن تجربتي الشخصية مع ناس كتير قبل وبعد الدايت الناجح .. بقولكم لازم تنجحوا .. وتلتزموا علشان تعيشوا الفرحة اللي بشوفها في عيون الشخص اللي التزم وقدر إنه يغير حياته بقرار واحد .. 

لو بتقرأي الكلام ده وأنتي ملتزمة بنسبة 100% .. أحب أشكرك وأقولكم إستمري .. ولو لسه مبدأتيش أو ملتزمتيش بنسبة 100 % .. فالفرصة ما زالت متاحة ..

فات 5 أيام من 30 يوم للتحدي .. كملي معانا .. والتزمي الـ 25 يوم اللي باقيين .. وشوفي التزامك ده هيوصلك لإيه .. 

 

دلوقتي بقى عايزكم تشاركوني تفاصيل يومكم
كلتوا إيه وإمتى وإيه الكميات .. 

الكل يشارك 
سواء التزم أو لأ .. 

عن د/ أحمد منصور

16 تعليق

  1. انا اليوم تاني يوم
    مبارح فشلت
    اليوم التزمت بالتعليمات بس اكلت شاي وبزر بفترة الصيام وبس
    اديش باخد من ١٠٠

    • د/ أحمد منصور

      أستاذة روضة حضرتك متابعة معايا

      دايت تنشيط الحرق

      اديلك 80%

      لأن صيام المدة دي مطلوب وغير مسموح فيه سوا بالماء فقط
      وحاولي تحافظي عليه بعد كده

      إن شاء الله بعد ما تخلصي أسبوع الحرق

      هنبدأ مع بعض دايت جديد، يساعدك تتخصلي من وزنك الزائد لحد ما تحققي وزنك المثالي بأمر الله

  2. نيفين مدحت

    مساء الخير عليك يا دكتورنا
    التقرير اليومي
    الفطار الساعه ٨ كالعاده نص رغيف مصري. وفوووووووول وخيار وبعده كوبايه شاي بمعلقه سكر واحده
    الغدا الساعه ١ اكلت نص رغيف بفول وقرصين طعميه وخيار
    الساعه ٥ شاي العصاري كالعاده😀
    الساعه ٧ اكلت شريحه بطيخ (بطيخه قرعه😀😀)
    الساعه ٨ اكلت بيضه مسلوقه حاف
    شويه كده اكل الزبادي وممكن بيضه تانيه من غير عيش ونشكر ربنا علي كده
    بجد حكايه المناقشه دي خلتني منتبهه للي باكله بالساعه وبرضه حضرتك شهرتني ولازم اكون قد الشهره دي😀😀

    • د/ أحمد منصور

      فخور بيكي اوي والله
      ما شاء الله

      أنتي هتبقي قدوة لمتابعين دايت كلينيك الجداد
      وهتتشهري أكتر وأكتر… على حسب التزامك 😉

      وانا واثق إنك مش هتقصري أبداً أبداً

      ربنا يعينك بجد،

      بعد كده هضيف شاي العصاري في النظام الغذائي اللي بكتبه علشان شكله كده سبب نجاحك 😂

      • نيفين مدحت

        اشكرك يجد يا دكتور
        حضرتك مشجع جدا ليا بكلامك وتحفيزك
        بجد بدأت احس بالفرق في الحركه لاني كنت زي البطه المتزغطه دلوقتي بقيت باليرينا 😀وبطني في ضهري
        اشكر حضرتك كتير وربنا يساعدني واكمل معاكوا

        • د/ أحمد منصور

          هههههههههههههه بطة متزغطة وشاي عصاري

          بتجيبي الكلام ده منين 😂😂

          العفو يا نيفين
          إن شاء الله تكملي لحد ما توصلي للي انتي عايزاه
          اوعي تستسلمي أقسم بالله ازعل جدا

          ومتعديش يوم من غير ما تطمنيني على التزامك اللي انا واثق إنه هيكون بنسبة 100 %. ✌️💪💪💪

  3. النهارده بالنسبالى يوم نباتى الفطار الساعة 8 ملعقتين فول بدون زيت وكوب نسكافية بدون سكر الساعة 12 اخدت 2 بسكويت لايت مع كوب نسكافية بدون سكر الغدا طبق عدس اصفر بدون قدحة نى فى نى مع نص رغيف مصرى وسلطة العشا خيار

    • د/ أحمد منصور

      جميل جداً جداً

      يوم مثالي، ما شاء الله عليكي، بكره لازم تفرحيني بالتزام زي ده

      إلتزام عالي جدا، ونهايته نجاح كبير ان شاء الله

  4. ميرسى يا دكتور

  5. السلام عليكم …أنا ممتنة جدا لله ثم لحضرتك يا دكتور ان ربي رزقنا متابعة برنامج عذائي مع دكتور تغذية ونحن في محنتنا في سورية القاسية مع النظام المجرم والحمد لله وانا في هذا الوضع التزمت قدر المستطاع والجيد ان كل المواد متوفرة حاليا والحمد لله وبفضل الله نقص وزني 3كيلو وبان خصري تماما 😊 وبما أني بدأت أتحرك وأعمل تمرينات رياضية خفيفة ومشي ارجو من الله أن تترهل بطني لانها خفت كتير …جزاك الله خيرا .

  6. سماح النصرى

    دكتور احمد ربنا يبارك لك انا فعلا التزمت في الأسبوع و إنت امبارح نزلت كيلو بس لاحظت نزول نسبه دهون الجسم بكميه كبيره ودهون البطن كمان
    أن شاء الله مع حضرتك في التحدى الجديد

  7. غير معروف

    التزام كامل الحمد لله ومتشوقه اعرف نظام الاسبوع الجديد 💪💪

  8. زهرة اللوتس

    مرحبا دكتور احمد مشكور كتير
    بصراحه انا ملتزمه من 5 ايام
    واليوم كان من الصبح على الريق 5 تمرات
    والافطار 4 ملاعق فول وربع رغيف
    واالغداء كان عند 4ونص فخدة دجاج مشويه تحضيري
    وصحن متوسط سلطه وكأس رائب لبن بقري
    اد ايه علامتي من 100%
    بسشربت

  9. غير معروف

    بس شربت كوب شاي فيه 2 معالق من السكر الابيض

  10. زهرة اللوتس

    بس شربت كوب شاي فيه 2 معالق من السكر الابيض



اترك تعليقاً

لن يتم نشر عنوان بريدك الإلكتروني.