رجيم دكتور أحمد منصور لعلاج النحافة

إنك تزيد في الوزن ده شئ مش صعب، لكن في البداية لازم تعرف هل في مشكلة صحية هي اللي واقفة حائط صد ضد زيادتك في الوزن، ولا مجرد إن وزنك قليل عشان مثلاً مش بتحب الأكل أو مش بتاكل كتير.

للأسف طول ما عندك مشكلة من دول مش هتزيد في الوزن إلا لو حليتها الأول علشان كده يفضل تعالجها الأول .. 

  • الأنيميـــــــــــــا
  • الديدان 
  • زيادة في إفراز هرمونات الغدة الدرقية

طيب تعرف منين .. 

الأمر بسيط، تحليل ( براز ) – ( صورة دم كاملة ) – ( غدة درقية )

وطبعاً لو طلع في أي مشكلة .. العلاج أسهل ما يمكن، لكن مهما تاكل لو عندك مشكلة من دول مش هتتخن

 

وكمان لو بتدخن .. حاول تبدأ تقلل قدر الإمكان علشان ده في حد ذاته هيفتح شهيتك للأكل.

 

لو حضرتك شخص طبيعي أو كنت مريض بأحد الأمراض اللي قولنا عليها فوق واتعالجت، أهلاً بيك مقدماً في عالم السِمان.

 

نصائح هامة جداً لعلاج النحافة

قلل من شرب الشاي والقهوة.

وفر في بيتك أكلات سعراتها الحرارية عالية ..

  • مكسرات
  • لب
  • فول سوداني
  • فاكهة مجففة

بلاش تقعد على الأكل وتشرب شوية شوربة ومعاهم معلقتين سلطة وتقول شبعت، ركز ع المفيد واللي هيحقق لك هدفك.

حاول تاكل دايماً قدام التلفزيون، علشان تاخد وقت أطول في الأكل.

 

ممارسة الرياضة مهمة بتفتح الشهية وهتساعدك تكون زيادتك في الوزن صحية، لكن أخر الخطوة دي شوية، أول ما تحس إن جسمك بدأ يزيد في الوزن.

 

لازم تاكل في اليوم 5 أو 6 وجبات .. 3 رئيسية والسناك يكون برضو مفيد وعالي في السعرات، زي ما قولنا لب أو مكسرات أو فاكهة مجففة وهكذا.

 

مهم تعرف كويس جداً إنك لو بتزيد أسبوعياً من نصف كيلو إلى كيلو ونصف فده المعدل الأفضل والمثالي.

 

الحليب في نظامك يكون كامل الدسم.

 

شرب الماء مهم يومياً.

 

 

دلوقتي هكتب لكم رجيم لمدة أسبوع .. 

وطمنوني بعد ما تخلصوه وصلتم لإيه، علشان أجددلكم بناء على اللي وصلتم ليه ..

 

 

نظام اليوم الأول

 

الفطار

كوب حليب + نصف كوب كورن فلكس + ثمرة موز.

أو

رغيفين عيش فينو + 4 شرائح جبنة رومي أو كيري + أي ثمرة فاكهة.

 

ده شكل العيش الفينو علشان المتابعين من بره مصر

 

سناك 1

 

قطعة شوكولاته من أي نوع

أو

كوب عصير

 

الغداء

ثبت في وجة الغداء 

 

9 معالق أرز

أو

12 معلقة مكرونة

أو

رغيف عيش

 

معاهم حاجة من دول

 

  • نصف فرخة وتتحمر  عادي ورك أو صدر
  • ربع كيلو سمك مشوي أو مقلي + طبق سلطة
  • ربع كيلو لحمة مسلوقة أو مقلية

ممكن تعمل من الفراخ شاورما أو من اللحمة ويا سلام لو مع طبق الشاورما والعيش طبق سلطة طحينة .. تبقى كده عملت الصح مع نفسك.

  • ربع كيلو كبدة إسكندراني

 

إختيارات إقتصادية مع الأرز والمكرونة أو الخبز

  • طبق لوبيا
  • طبق فاصوليا بيضاء
  • طبق عدس
  • طبق بسلة

 

سناك 2

كوب عصير محلى بالعسل الأبيض ومعاه 5 حبات مكسرات من أي نوع

 

 

العشاء

 

علبة تونة + نصف رغيف عيش

أو

طبق بابا غنوج + نصف رغيف عيش

أو

بطاطس مقلية + نصف رغيف عيش + كاتشب

أو

2 بيضة مسلوقة + نصف رغيف عيش + طبق سلطة صغير

 

 

سناك 3

ثمرة فاكهة

بطيخ .. عنب .. مانجو

 

 

 

نظام اليوم الثاني

 

الفطار

 

2 بيض مدحرج + رغيفين عيش فينو + ثمرة طماطم

 

 

أو

نصف كوب شوفان + كوب حليب + ثمرة فاكهة

أو

6 أقراص طعمية ” مقلية في البيت ” + نصف رغيف عيش + ثمرة طماطم

أو

3 باتية بالجبنة + كوب عصير

 

 

سناك 1

سلطة فاكهة بالزبادي

أو

فاكهة مجففة

 

 

الغداء

 

طبق كشري كبير

أو

قطعتين مكرونة بشاميل

أو

10 صوابع محشي من أي نوع + ربع فرخة أو ربع كيلو لحمة

 

أو

ربع كيلو سمك مشوي أو مقلي + 9 معالق أرز + طبق سلطة

أو

طبق( لوبيا – فاصوليا بيضاء – عدس – بسلة ) كبير + 9 معالق أرز + طبق سلطة

أو

شاورما لحمة أو فراخ + عيش فينو + سلطة طحينة

أو

ربع كيلو كبدة + نصف رغيف عيش + سلطة

 

سناك 2

 

طبق جيلي

أو

طبق مهلبية

أو

قطعة حلويات من أي نوع.

 

 

العشاء

 

علبة تونة + ربع رغيف عيش

أو

2 بيضة مسلوقة + ربع رغيف عيش

أو

كوب حليب + نصف كوب بليلة

 

 

سناك 3

ثمرتين فاكهة

أو

كوب عصير

أو

كوب لبن رائب

 

من اليوم الثالث إلى اليوم السابع

إختيارات وجبة الفطار

 

2 عيش فينو + طبق عسل أسود عليه طحينة

أو

2 بيض مدحرج ” مقلي بالزبدة ” + نصف رغيف عيش + طماطم

أو

طبق فول بالطحينة + ثمرة خيار + ثمرة فلفل أخضر + نصف رغيف عيش

أو

6 أقراص طعمية مقلية في البيت + نصف رغيف عيش + ثمرة طماطم

أو

طبق بابا غنوج + نصف رغيف عيش

 

أو

نصف كوب كورن فلكس + كوب حليب + ثمرة فاكهة

 

 

سناك 1

 

كوب حليب + فاكهة مجففة + 6 حبات مكسرات من أي نوع

 

الغداء

 

12 معلقة مكرونة + ربع فرخة + طبق خضار + طبق سلطة

الخضار مش دايت طبعاً والفراخ ورك أو صدر عادي .. مقلي أو مسلوق عادي والسلطة عليها زيت زيتون

أو

9 معالق أرز + ربع كيلو سمك مشوي أو مقلي + طبق سلطة

 

أو

ربع كيلو لحمة مشوية أو مقلية أو شاورما .. ومعاها 9 معالق أرز أو 12 معلقة مكرونة أو رغيف عيش بلدي أو اتنين فينو ومعاهم طبق طحينة أو بابا غنوج + طبق سلطة.

 

أو

قطعتين مكرونة بشاميل

 

أو

طبق كشري كبير بس يكون فيه كل المكونات المعروفة مش مجرد مكرونة ورز بس 

 

أو

طبق أرز + طبق ( لوبيا – بسلة – فاصوليا بيضاء – عدس ) كبير + طبق سلطة

 

 

سناك 2

 

آيس كريم وده من اليوم الثالث للسابع هناخده مرتين بس .. إختاروا أي يومين براحتكم.

أو

أي مكس عصير مع الحليب ( موز بلبن – جوافة بلبن ) وهكذا.

أو

كوب حليب بالشوكولاته.

 

العشاء من اليوم الثالث للسابع ..

 

نصف رغيف عيش + بطاطس مقلية + ثمرة طماطم + بيضة مسلوقة

أو

نصف رغيف عيش + طبق فول بالطحينة + بيضة مسلوقة + ثمرة فلفل + ثمرة طماطم

أو

علبة تونة عليها معلقة زيت زيتون + نصف رغيف عيش + طبق سلطة صغير + طبق بابا غنوج.

 

أو

2 رغيف فينو + طبق عسل أسود وطحينة والعشاء ده مسموح لينا ناخده يومين بس في العشاء خلال الفترة من اليوم الثالث للسابع.

 

 

سناك 3 ( بعد العشاء )

 

2 ثمرة فاكهة

أو

لب

 

فيديو علاج الإمساك 

 

عن د/ أحمد منصور

21 تعليق

  1. فاديا البيطار

    يادكتووووووووووور بليز شو هيدا شي بيفتح النفس
    بس اكيد مش عايزة انصح
    الله يبارك فيك ويبارك بكل خطوة بتخطيها بحياتك
    امين يارب 🙏🙏🙏🙏🙏🙏

  2. مستنيه نظام تخسيس الرفعييييين اللي اقل من 60

  3. د/ أحمد منصور

    آمين يارب

    شكراً يا أستاذة فاديا

  4. د/ أحمد منصور

    قريباً باذن الله

  5. نور كاظم

    مرحبا دكتور كيفك انا من العراق عمري 23سنة وزني 75كان قبل لا احمل وولدت وهسة صار شهر ملتزمة بس نزلت 73بس اني ارضع بنتي طبيعي وحركتي فالبيت كثيرة والعب رياضة وصح اخربط في بعض الاحيان لان اجوع بسبب الرضاعة بس ما اكل شي دسم اكل فاكهة شنو تنصحني دكتور اتمنى تجاوب واانضام النزل هسة شنو 😣 النة لو المن وجزاك الله خيراً

  6. مريم مريم

    الله يا دكتور مفيش من ده لينا احناالتخان ونهى😂😂😂

  7. دلوقتي وزني ما بين ٦٠و٦٣ومش بيزيد عن كده وعندي نحافه وطولي ١٧٩اعمل اي

  8. بوسي حلمى

    يادكتور عاوزة اتكلم مع حضرتك بخصوص نظام النحافة دا اتواصل ازاى مع حضرتك

  9. أم راشيل

    لو سمحت دكتور اذا في برنامج لزيادة الوزن عند الاطفال

  10. غير معروف

    امتي نظام الستين يا دكتور

  11. روكا جمال

    امال الفري فين يا دكتور😂😂😂 يا بخت الرفيعين دول في نعمة مش حاسين بيها 😭😭😭

  12. السلام عليكم يا دكتور احنا عاوزين نظام التخسيس للي وزنه ٦٠ وعاوز يقل لو سمحت يا دكتور في اقرب وقت وجازك الله كل خير

  13. نظام يفتح النفس اوي وجميل 😋😋😋
    بس للاسف مقدرش اعمل كل ده انا خسيت معاك يادكتور الحمد لله يمكن ١٣ ك من شهر ١٢ و دلوقتى والحمدلله حامل بس في فتره وحام اكلت كل حاجه تقريبا مالح وحلو مش هقولك زدت لا تعبت جدا وضغطي على والدكتوره قالتلي اكلك يكون اكل دايت متسبيش نفسك للشهيه و الأكل عشان صحتك وصحه البيبي و بقيت باخد دوا ضغط وانا زعلانه على نفسي بس يارب يكون مؤقت بس اللي مفرحني انها قالتلي اكلك يكون دايت ومترددتش اني ارجع للجروب تاني واتابع حضرتك وامشي على النظام بس اكيد هزود فواكهه وخضروات والبان عشان فتره الحمل بس همنع الزيوت و النشويات انا اكيد مش هنزل في الوزن الفتره دي بس يكفيني ان صحتي تبقى كويسه وفعلا كنت زعلانه لما لقيت نفسي باكل كل حاجة و مش متابعه الجروب وسبحان الله ربنا قالي ارجعي تاني للعمل الخير.
    شكرا دكتور وربنا يجازيك خير و دعواتك ليه بالصحه اد ايه مرض الضغط ده وحش جدا وممكن يجيب امراض تانيه كتير ربنا يعفوا عنا جميعا دمتم في صحه وعافيه 🌹❤️

  14. رحيق الياسمين

    نحتاج نظام غذاء لذوي خمول الغدة الدرقية وشكرا….

  15. منى موسى

    الغده الدرقيه لازم علاج يظبطها وبعد كدا دايت .انا كمان زيك عندى خمول غده ياربت يادكتور تكلمنا هل فى حالة اخد علاج الغده النظام يكون مناسب ولا .انا خسيت معاك ١٠ كيلو من ١٠٠ الى ٩٠ وطولى ١٧٠ بقالى شهرين ونص .بس بقيت بجوع وبدوخ جدا .

  16. Marwa El-Meseiry

    ممكن ناخد الأسبوع ده سلف من النحاف 😜😂
    حبيت النحافه والله 🤩😆

  17. يسعد صباحك دكتور منصور انا متابعه للانضمه الي بتكتبها والحمد لله نزلت 5كيلو وانا لهلا ملتزمه معك شكرا الك كتير وتحيه الك من فلسطين

  18. سبحان الله.. الدنيا أرزاق
    يا سلااااام عالنحافة.. وقد مبياكلوا ما ببين
    يارب يلبي لكل واحد مناه
    الله يعطيك العافيه يا دكتور

  19. اني كنت منتظرة نظام التسمين حتى اشوف الهم يوم فري لو لا 😂😂 وشنو ياكلون بالفري 🤔🤔🤔

  20. ياولاد المحظوظة

  21. سمسمه قبلت التحدي

    ايه الجمال والروعه دي الهي تتستر خههههه

اترك تعليقاً

لن يتم نشر عنوان بريدك الإلكتروني.