الرئيسية / قصص نجاح / وائل رجب! قصة نجاح مع #دايت_كلينيك

وائل رجب! قصة نجاح مع #دايت_كلينيك

مرحباً بكل متابعين صفحة وتطبيق دايت كلينيك على جوجل بلاي، في الحقيقة وصلتني النهاردة قصة نجاح وإنجاز مبهر، حبيت أشارككم بيه، وأتمنى بإذن الله يكون دافع ليكم تكملوا في طريقكم، ولو لسه مبدأتوش .. إنطلقوا بقى علشان حقيقي فرحة الوصول للوزن المثالي كبيرة جداً تستاهل نتعب عشانها.

نص الرسالة الأولى:-

 

نص الرسالة الثانية:-

 

السلام عليكم ورحمه الله وبركاته
على جميع اعضاء الجروب الاعزاء
بدايه أتقدم بخالص الشكر والامتنان للدكتور احمد على تعبه ومجهوداته العظيمه ووقته الذى يكرثه لخدمة اعضاء الجروب وأسال الله العظيم ان يزيده من علمة ويجعله فى ميزان حسناته باذن الله
قصتى باختصار
قررت أبدأ اعمل دايت وانا وزنى ١٠٥ كيلو وبتصميم واراده وعزيمة قدرت انزل حتى تاريخ لحظه كتابه البوست ٦٤ كيلو للامانه متابعتش من البدايه مع تطبيق دايت كلينيك
قررت اعمل دايت مع نفسى عشان مكنتش راضى عن شكل جسمى ولا نظام اكلى السئ وفعلا نزلت وفترات كتيير كنت بييأس وبأحبط بس زى اى حد لازم تقع ولازم هتقوم ولازم ترجع للخلف عشان تنطلق للأمام بقوه وده بيحصل بارادتك وعزيمتك انت مش بأى دكتور او نظام غذائى هتمشى عليه لازم تكون محدد هدفك اللى محتاج توصله
تابعت مع دكاتره تغذيه وكنت لما بقول عايز اخفض نسبه دهونى واحافظ على العضل كنت كأنى جاى من كوكب تانى بالنسبه ليهم كان ردهم المهم تنزل على الميزان وخلاص
حتى فيه واحد فيهم قالى حرفيا (انت نزولك كان غلط ولازم ترجع تتخن زى ما كنت وبعد كده اخسسك صح بالبلدى هنملى الارض مايه وبعدها نخرج المايه واحده واحده😂🤣🤣😁) بعدها قررت اكمل بدماغى وارجع الجيم واتبع انظمه صحيه وغير صحيه كيتو وباليو وقرطاى وصيام متقطع ….الخ
لغايه ما اتعرفت عالتطبيق وعالانظمه الموجوده فيه وبدأت اعيره اهتمامى وانتظم معاه اسبوع فى اسبوع ونظام ورا نظام محافظ على الرياضه والجيم والمشى يوميا لمده ساعه ذهابا وايابا اثناء توجهى للشغل واقلل المواصلات على قد ما قدر من النشويات والسكريات والجانك فوود
وكمان كنت مش بلتزم حرفيا بأنظمه التطبيق كنت بلغى السناكس والفرى وكنت بعمل تحليل inbody كل شهر عشان اعرف ماشى صح ولا غلط وبخسر عضل ولا دهون
والحمدلله كنت بنزل دهون ولما كنت ببعد عن التطبيق والنظام كان وزنى بيزيد دهون وعضلى بينقص لان كنت باكل اكل غير صحى مفيهوش بروتين او فيتامينات
باختصار
الاراده ثم الاراده ثم العزيمه
الانظمة الغذائية ودكتور التغذيه ماهى الا أسباب بتخد بيها ووسائل مساعده ولازم تكون منتقاه بعنايه عشان توصلك لهدفك وتقربك منه مش تبعدك عنه
واسيبكم مع الصور بقى قبل النزول وبعد النزول وصور تحليل inbody

قبل وبعد

 

 

صور تحليل in body

 

عن د/ أحمد منصور

30 تعليق

  1. فاديا البيطار

    ماشاء الله الف مبروك استاذ وائل
    وشكر كبير للدكتور احمد 💖💖💖

  2. مريم مريم

    الحمد لله يا دكتور اناخسيت كتير مع حضرتك كنت 81كيلو من شهر12بدات والحمد لله بقيت دلوقت69كيلو وأوقات كتير كنت بلخبط في الأكل بس الحمد لله وصلت إلى اناعوزاه بفضل لله ثم تعب حضرتك معانا

  3. حلو ماشاءالله .. انا خلال التزامي معاكم نزلت 5 كيلو ف اسبوعين الحمدلله .. بس مشكلتي الصداع المتواصل والدوخه .. الله يعين لما اوصل للي بدي ياه معا تطبيقكم الرائع

  4. دمعة ورد

    عنجد نتائج مبهره
    الله يعطيه العافيه الدكتور
    👍

  5. الف مبروك وعقبالنا ياااااااارب

  6. ما شاء الله جميل جدا ربنا يثبتك يا بطل💪💪💪

  7. ام اهداء

    انا بكره اخر يوم في الصيام المتقطع ما وزنته بدي اعتماد ع القياس ان شاء الله مكمله لانو قصص نجاح تحمس

  8. ام اهداء

    انا بكره اخر يوم في الصيام المتقطع ما وزنته بدي اعتماد ع القياس ان شاء الله مكمله لانو قصص نجاح تحمس طبعا الفرق في القياس ما ببان خلال خمسة أيام ع طول بس الدوخه وما معتمده ع السناك انا مرضعه بتي اربعه شهور وما بشرب حليب يعني باكل فطور وغدا ولو جعت خيار بشرب قهوه ومرة مرة شاي ي رب اخس ي رب

  9. ماشاء الله ربنا يقويك وميرسي جدا لحضرتك يا دكتور

  10. 😍😍 ما شاء الله .. ألف الف مبروك استاذ وائل .. ومبرووووك ليك يادكتور .. ربنا بيكلل مجهودك بالنجاح يوم بعد يوم .. يارب تفرح كمان وكمان ..

  11. شيماء الخطيب

    ماشاء الله الف مبروك وربنا يجازيك خير يادكتور احمد على مجهودك

  12. Omima seif Omar

    الف الف مبروك واعقبالي يارب بصراحة دكتور أحمد فوق الوصف ربنا يباركلك بصراحة مفيش حد بيساعد حد في الزمن ده الدكترة بيساعدنا كلنا بصراحة انا شايفة انه دكتور محترم اوي اوي مرسية جدا مكملة معاك لحد موصل للرقم اللي انا عوزاة

  13. الف مبروك فعلا النظام بتاع دكتور احمد حلو جدا ربنا يوفقنا كلنا ونوصل للمثالي انا الاسبوع الي فات نزلت 2كيلو في 3ايام وثبت عليهم علشان للامانه مكنتش محافظه اوي عالنظام بس باذن الله امشي عليه الاسبوع ده والله المستعان

  14. السلام عليكم أنا أختكم من الجزائر. وزني 81 كلغ وبعض الاحيان لما أهمل رجيم أنقص كيلو أو ثلاثة وبعد كدا أرجع ثاني مليت وزهأت. أرجوكم ساعدوني عايزة إبدأ الصيام المتقطع ومش عارفة زاي…. شكرا

  15. ماشاء الله
    وعقبال وجميع مشتركي دايت كلينك
    بارك الله فيك يادكتور
    واسعد الله قلبك
    زي ماخليتنا كلنا نفرح ونكون راضيين عن نفسنا
    جزاك الله كل خير

  16. Ana kaman 5sit 33kilo bas bisabr wal3zima min95li63

  17. مبارك أستاذ وائل نزولك للوزن وما شاءالله عليك عندك إرادة قوية
    والله يعطيك العافيه يا دكتور أحمد على جهودك الجبارة
    وليس على العزيمة بمستحيل

  18. موفق بإذن الله يا استاد مشكور على مجهوداتك

  19. انا عندي عيزة اخس

  20. انا وزني ٦٠وبدي تنزل ٨كيلو م عارف كيف

اترك تعليقاً

لن يتم نشر عنوان بريدك الإلكتروني.