الرئيسية / استفسارات / الوهـــــم والدايت

الوهـــــم والدايت

في وسط الهدوء اللي كان مسيطر على المكان، وقع الراجل مغمى عليه في الشارع، جروا الشباب وطلبوا الإسعاف، وراحوا ع المستشفى، استقبله الدكاترة، شافوه وفاق وبتشخيص مبدأي اكتشفوا أن معندوش أي شئ يستدعي أنه يقع في الشارع كده فجأة، الراجل لا مريض ضغط ولا سكر ولا عنده أنيميا حتى.



 

يا حاج محمود مالك، فاكر إيه اللي حصل لك قبل ما تقع، جالك مكالمة وحشة ولا حاجة طمنا؟؟

 

مكالمة إيه يا دكتور بس،

المسمار اللي في رجلي طلعتوه ولا لأ، هموت الحقوني.

 

مسمار إيه؟ بصوا الدكاترة على رجله لقوها سليمة، مفهاش حاجة، شافوا الشوز بتاعه لقوا فعلاً في مسمار، ساعتها عرفوا سبب اللي حصل ده، أنه من صدمته إن في مسمار خرم الكوتشي، اغمى عليه في الحال، مداش لنفسه فرصة أصلا يشوف هو أتاذى ولا لأ من المسمار.

 

كلامي النهاردة معاكم عن ” الوهم ”

 

الوهم اللي قادر يخليك تعيش في جحيم بسبب دور برد لا راح ولا جه، الوهم اللي بيخليك لما الصداع يطول شوية تبدأ تظن إن ممكن يكون عندك كانسر في دماغك.

 

من زمان واحنا بنردد ان المرض نصه وهم، تعرفوا ان العلم الحديث أثبت أنك وهمك بأنك مصاب بمرض معين، ممكن يكون السبب في انك بالفعل يجيلك المرض ده.

 

طب ايه علاقة ده الرجيم؟؟

 

علاقة وثيقة جداً وسبب فشل ناس كتير في الرجيم هو ” الوهم ”

 

في رمضان بتصحى مش بتاكل اي حاجة ولا تشرب وبتواصل يومك سواء كان شغل أو دراسة لحد المغرب، وبتعيش ورمضان بيعدي، لا بتاخد اجازة من الشغل عشان تعرف تصوم ولا انتي بتسقطي في الدراسة بسبب رمضان والصيام.

 

نفس الشخص اللي بيقدر يصوم 30 يوم في رمضان، اول ما يبدأ رجيم، يبص في المراية ويبدأ يقنع نفسه انه خلاص بيموت ولازم يكتب الوصية.

 

يا دكتور أنا مشكلتي مع الرجيم اني بيغمى عليا، وبهبط وبصدع، يا دكتور اعمل ايه في الرجيم وانا بشتغل، يا دكتور انا بروح الجامعة من 8 الصبح لحد المغرب بموت والله بموت ومش مكملة الرجيم ده.

 

متخيلين؟

من شهر كنت بقضي النهار كله بدون نقطة مياه ولا ذرة أكل، ومش بنعاني ويومنا بيعدي، ودلوقتي لمجرد اننا قللنا الفطار والغداء عن المعتاد، ومتاح لينا سناك، وشرب طول اليوم جميع المشروبات، سبحان الله دايخين وبنموت ومش قادرين نواصل.

 

مش بقول ان الرجيم مش في معاناه، لأ طبعا المعاناه موجودة بس اللي حابب أقوله من البوست إن اي مشكلة ممكن تقابليها في الرجيم، ممكن الدكتور يحلها ليكي، إلا #الوهم، إلا انك توهمي نفسك ان الرجيم تعب وهيقضي عليكي وعلى صحتك، وانك بكره ربنا يفرجها عليكي وتعملي عملية شفط دهون بدل وجع القلب ده.

 

متديش للأمر أكبر من حجمه وخلي عندك إصرار مرة واحدة تواجهي ضعفك وتنتصري على السمنة.

 

أثبتوا يا أبطال. 🏆

عن د/ أحمد منصور

56 تعليق

  1. ان شاء الله نواصل جزاك الله خيرا”

  2. انت احلي دكتور

  3. عاشقة امي وأبي

    اني اقول بكره اعمل واصحه بكره واستمر للضهر وكلشي يخرب واكول رز وعيش وكلشي

  4. ام عبدالله B

    ثابته وحياتك يادكتور
    ريجيم يعني ريجيم
    مافيش أكل
    كان وزني 85.600
    هلا وزني ولله الحمد 81.90
    صامده باذن الله لين انزل الباقي 16كيلو واصبر رشيقه وجسم متناسق باذن الله
    طولي 167

  5. يا دكتور لو سمحت لو انا مش متاح لي فرصه اعمل رياضه ولا امشي اعمل ايه
    مع العلم ان بتحرك كتييير في البيت

  6. جزاك الله خير دكتور ولله بتعطينا القوه والعزيمه والاسرار بكلامك ده شكرا شكرا شكرا

  7. غير معروف

    كلام من دهب 👍👌صح لساانك وجزاك كل خير لرفع معنوياتناا 😊😊

  8. ام ساره وسمر

    كلام يعطي طاقه ايجابيه لسى محمله البرنامج

  9. غير معروف

    فعلا والله ربنا يثبتنا ونقدر نكمل على خير لحد المثالى بإذن الله

  10. فاديا البيطار 🙏🙏🙏🙏🙏

    تسلم يادكتور موضوع معبر فعلا
    شكرا دكتور

  11. فاديا البيطار 🙏🙏🙏🙏🙏

    تسلم يادكتور موضوع معبر فعلا
    شكرا دكتور 🙋‍♀️🙋‍♀️🙋‍♀️

  12. غير معروف

    دكتور انا مابعملش رياضة عادي ولو هياثر
    ظ

  13. كلام فى الصميم

  14. رشا العبادي من الاردن

    ثابته رشا العبادي الاردن

  15. تسلم يا دكتور . جزاك الله خيرا

  16. مروه عادل

    ثابتين يا دكتور💪🏻 بدعمك ومساندتك 🌹

  17. انا كمان حاسة اني مش زي البداية مسيطرة على الاكل بس الرياضة قلت و خايفة وزني يرجع او تجيني ترهلات البطن و الذراعين ممكن تساعدني انا عمري ٣٥ و طولي ١٦٠ و وزني ٨٤ و عملت ثلاث عمليات قيصرية و مرارة و غدة ذرقية و اخد ثايروكسين ١٠٠

  18. احسن دكتور ف الدنيا 🌷🌷🌷🌷🌼🌼🌼🌼🌼🌻🌻🌻🌻❤❤❤

  19. دكتور احمد انا لما خسيت وشي خس ازاي يقدر الواحد يخس من غير وشه مايخس فيه حل عندك للحكايه دي؟

  20. غير معروف

    دكتور انا عملت الدايت من ١٠ ايام بعد ٤ ايام كنت نزلت ٣ ك جزاك الله خيرا بس بقالي اسبوع ثابتة مع اني ملتزمة طبعا ده جابلي اكتئاب وحماسي كله ضااااع أرجوك فيدني

  21. غير معروف

    👍👍

  22. السلام عليكم انا ماخدتش السناك النهارده واتغديت علي طول ينفع اخد كوب نسكافيه بلاك في العشاء

  23. مطيعه لله

    انا صايمه بكره اكل سحور ولا لاء

  24. تسلم يادكتور انت اقوى دافع لينا والله

  25. افضل دايت بتبعه وما بحس بصداع ولا تعب ومبسوطه كتيير ومرتاحه… ربنا يحفظك يا دكتور

  26. هند محمد

    بإذن الله مكملين .. لا تراجع ولا إستسلام .. أنا في نص الطريق .. وربنا دلني ع التتطبيق ده عشان أكمل بإذن الله .. لأن اللي جاي أهم من اللي فات .. أنا كنت 108 كيلو دلوقتي أنا 92 وبتمني أكسر ال 90 مع نظامك يا دكتور بإذن الله وأنا بالفعل بدأت التحدي وبشجع أي حد عايز يخس حتاقبلي مصاعب حتقابلي إحباطات بس مع نزولك في الوزن وفرحتك وإنتي قادرة تتحركي وتنزلي وتخدمي أولادك عمرك ما حتحبي ترجعي للي إنتي كنتي فيه مره تانيه وحتلاقي صوت بيقولك كملي لحد ما حتلاقي نفسك اصلا مش قادره تستغني عن الأكل الصحي .. وبتمني كل واحدة تحقق اللي بتتمناه .. وكملي ..

  27. تجربتي مع دايت كلينيك
    بدأت معكم منذ أشهر… تقريبا من نهاية شهر أغسطس والفرق كاان واضح مع اني كنت احيانا لاالتزم واتوقف ثم ارجع .
    الحمد لله الجميل في هذا الريجيم انه حتى نفسيتك تتغير كل الضعف كل الاكتئاب غير موجود كله يروح لأنك انجزت ولو قصرت قليلا … لكن لما تلاحظ نزول في الوزن وتغيير في المقاسات حتى انها بتكون واضحه جدااا اكثر من نزول الوزن في حد ذاته هذا يخليك تكمل.
    غير هذاا النظام صحي يعني هو ينصحك باغذية صحية متوازنه مش حرمان لدرجه نقص فيتامينات ومعادن من جسمك او يؤدي إلى حصول أمراض بسبب قله الاكل مثل الانيميا بالعكس هو علاج جسدي ونفسي ونظام حياة فعلااا يغير فيك اشياء كثيرة .
    الحمد لله ان سخرك دكتور لزرع الامل في الناس .
    جزاك ربي الفردوس الأعلى
    تصدق انك اكثر شخص ادعيله بصدق. كل ما ارى التحسن في حياتي.

  28. غير معروف

    انا ام محمد بارك الله فيك يا دكتور الله يرزقك الجنه والله شجعتني والحمدلله انا بدأ معاك يمكن من ثلاث اسابيع والحمدلله مكمله معاك ان شاء الله بس ماوزنتش لكن حسيت اني خسيت حتى ولادي لاحظو الفرق ان شاء الله قبلت التحدي

  29. Jazaka laho khayran ya doktuor

  30. غير معروف

    تمام يادكتور كلامك صح انا فعلا كنت بقول لنفسى كدا وانا بعمل رچيم انى مش هقدر اكمل وضعفت بس فى الأخر انا اللى تعبت جدا من كل حاجه تعب نفسى وحسمى ومشاكل صحية كتير قولت لنفسى ايه اللى بعمله فى نفسى ده ليه اوهم نفسى انى مش هقدر اكمل ليه مقولش لنفسى لا انا ربنا هيقوينى وهقدر بعونه انى اقاوم نفسى واكمل وكملت وانا مازلت بقاوم نفسى

  31. شكرًا دكتور كلام مقنع وصحيح بنشكرك عالنصائح لحد هلق انا متابعة وان شاء الله للنهاية حا ابقى مستمرة أن شاءالله ألاقي فرق كبير على صحتي

  32. بارك الله فيك يا دكتور
    وجزاك الله خيرا فعلا اتحمس لما أقرأ كلامك

  33. جزاك الله كل خير يادكتور

  34. مسلمه موحده

    تسلم يا دكتور ع المواضيع الجيده ياريت تدعولى يا جماعه كن عملت رجيم من فتره بس غير صحى وفى فتره قليله وصلت للى انا عاوزاه لكن للاسف رجعت تانى واتدمرت نفسيا من ناحيه الرجيم وقررت اخد خطوه ايجابيه وابدأ من جديد معاكم وربنا معانا ومعاكم

  35. جزاك الله خيرا

  36. جزاك الله خيرا

  37. معك يادكتور ربنا يقوينا ويقويك 🌸

  38. سيدرا الروح

    مكملين بأذن الله

  39. الله يعطيك العافيه دكتور

  40. عبير الشام

    صارت معي مرتين كلامك صح مية بالمية

  41. حسناء احمد

    سبحان الله الكلام دا جايلي ف وقته كنت بدات اياس وازهق 🌹🌹🌹

  42. ام فاطمه

    ان شاء الله مستمرين وقد تحدي✌️قدرت انزل من ل١١٣ إلى ل١٠٤ ان شاء الله اوصل للوزن المثالي مكمله معاكم 👍

    • غير معروف

      انا عمله ريجيم باقي ٣ اسابيع وحاسه اني مش بخس ليه يا دكتور

  43. غير معروف

    سلام عليكم مبارك عليك الشهر

    • غير معروف

      دكتور
      انا ابي أنزل وزني اعمل رياضه اعمل رجيم بس ما فيش فايد ما عم ينزل وزني شو اعمل

  44. غير معروف

    دكتور انا وزني ٥٥ وعمري ٢٠وطولي ١٥٠ هل استخدم هدا الرجيم وما هو الوزن المثالي ارجو الرد

  45. بنت سوريه

    مساء الخير
    كيفك يا دكتور اتمنى الرد
    انا حابه ادخل التحدي بس عندي مشكله امشي اسبوع بالرجيم وبعدها ارجع متل اول اكل واشرب اركليه حابه اخس واضعف
    انا من سوريه وشفت التحديات وبصدفه شفت البرنامج



اترك تعليقاً

لن يتم نشر عنوان بريدك الإلكتروني.