شرب الماء لنزول الوزن وإزاي المياه بتخسس؟

هل ده فراغ مني إني كل شوية أنبهكم تشربوا مياه؟ ولا حاجة كده لازم تعملوها بدون مبرر قوي، ولا بالفعل طالما بتعملي رجيم، لازم تكوني منتبهه جداً لشرب المياه، هو طبعاً شرب الماء بصفة عامة ولأي شخص أمر مفيد جداً، لكن لو بتعملي رجيم وهدفك ينجح وتحققي هدفك، هقولك أنا في السطور الجاية دلوقتي ليه شرب مهم وأنتي بتعملي دايت.

المياه فعالة جداً في سد الشهية

وزنك زاد علشان بيدخل جسمك كمية أكل أكبر بكتير من اللي محتاجها، بالتالي الحل الوحيد للتعامل مع الكمية الإضافية هي إن الجسم يخزنها كدهون.

بالتالي أ ب رجيم، محتاجين نسيطر على شهيتنا، وشرب المياه على مدار اليوم وخاصة قبل الأكل كوب أو إثنين، عادة لو حافظتي عليها، هتفرق معاكي وأتوماتيك هتلاقي معدتك بتستقبل غصب عنها كمية أكل أقل من المعتادة، وساعتها هتجبري جسمك يحرق من دهونك المتخزنة فتخسي بكل بساطة لمجرد إنك بشرب المياه ساعدتي نفسك تأكلي كمية أقل.

باقي التفاصيل في الصفحة التالية، يمكنك التنقل بين الصفحات من الأرقام بالأسفل 

في دراسة سنة 2014 أتعملت على 100 سيدة وزنها مرتفع، 50 منهم اتنبه عليهم يشربوا قبل التلات وجبات كوبايتين مياه ولمدة 8 أسابيع متتالية، والـ 50 الباقيين يعيشوا عادي بدون الانتباه لشرب المياه.

مع العلم إن المجموعتين المشاركتين في البحث، كانوا ماشيين على نفس النظام الغذائي، إلا إن الـ 50 اللي إهتموا بشرب المياه بعد 56 يوم نزلوا في الوزن بمعدل أكبر بكتير جداً مقارنة بالمجموعة الثانية.

المياه بترفع معدل الحرق

دراسة تانية إتعملت في نفس السنة على 12 شخص تم تنبيههم بشكل مستمر على شرب المياه، وبالقياسات وجدوا إن معدل حرق السعرات زاد بنسبة 3% .. النسبة بسيطة لكن بتؤكد إن شرب المياه عامل لا يجب تجاهله، والماء يعد من المشروبات الحارقة للدهون، هذا شيء قد لا يعلمه البعض، فكما أن مشروب مثل القرفة حارق للدهون بسبب فوائده المثبته علميا في هذا الشأن، فالماء هو الوسيلة الحيوية للخلايا للقيام بأنشطتها في الأساس بما فيها الأيض.

 المياه والسموم

شرب المياه بيساعدك تتخلصي من السموم اللي في جسمك، سواء عن طريق البول أو البراز.

المياه بتساعد الكلى تقوم بوظيفتها على أكمل وجه، وبالتالي تسهل على الجسم مهمة حرق الدهون.

الإمساك

الإمساك مش حالة مرضية وغير مفضلة لدى الكثير وخلاص، لأ بالفعل الإمساك ممكن يكون سبب في إنك متنزليش في الوزن، وطبعاً حرصك على شرب المياه على مدار اليوم، هيفاديكي من إنك يحدث ليكي إمساك اللي بيكون عقبة كبيرة في نزول وزنك لو زاد عن الحد.

نضارة الوجه

ممكن كل اللي فات ده يكون مش فارق معاكي، لكن أنا متأكد 100% إنك من أول يوم بتعملي فيه رجيم بتكون أكتر حاجة شايلة همها هي بشرتك، خايفة تفقدي نضارتها خايفة الرجيم يخلي شكلك مش حلو، والناس كلها تعلق لك وتقولك هو أنتي تعبانه ولا إيه ؟؟ الرجيم بهدلك خالص، والكلام الجميل بتاع الناس الجميلة دي.

طبعاً حل وتفادي حدوث المشكلة دي بيحصل بحاجات كتير، هنتكلم عنها في موضوع قريب، لكن شرب المياه سلاح قوي جداً تواجهي بيه مشاكل البشرة اللي بيسببها الرجيم.

هل شرب الماء بكثرة ينزل الوزن

العبرة ليست في كثرة شرب الماء بقدر تناول الكميات الكافية التي يحتاجها الجسم يوميا، من أجل القيام بالأنشطة الحيوية المختلفة، فالماء ضروري جدا لصحة الخلية البشرية، ومساعدتها على القيام بكل الوظائف الحيوية، كما أنه يعد الوقود الأول لتحفيز عملية الأيض الغذائي أو ما يعرف باسم معدل الحرق وهو بالتأكيد يعد نتيجة لتناول وشرب الماء بالقدر المطلوب ويساعد في نزول الوزن فكلما كان الحرق أعلى كلما كثر نزول الوزن عن المعدل الطبيعي، يعمل التمثيل الغذائي على تحقيق الاستفادة القصوى من الأغذية التي يتناولها الإنسان، وإمداده بالطاقة اللازمة.