الرئيسية / استفسارات / تنبيه شرب الماء .. إزاي المياه بتخسس ؟

تنبيه شرب الماء .. إزاي المياه بتخسس ؟

هل ده فراغ مني إني كل شوية أنبهكم تشربوا مياه؟ ولا حاجة كده لازم تعملوها بدون مبرر قوي، ولا بالفعل طالما بتعملي رجيم، لازم تكوني منتبهه جداً لشرب المياه، هو طبعاً شرب الماء بصفة عامة ولأي شخص أمر مفيد جداً، لكن لو بتعملي رجيم وهدفك ينجح وتحققي هدفك، هقولك أنا في السطور الجاية دلوقتي ليه شرب مهم وأنتي بتعملي دايت.

المياه فعالة جداً في سد الشهية

وزنك زاد علشان بيدخل جسمك كمية أكل أكبر بكتير من اللي محتاجها، بالتالي الحل الوحيد للتعامل مع الكمية الإضافية هي إن الجسم يخزنها كدهون.

بالتالي أ ب رجيم .. محتاجين نسيطر على شهيتنا، وشرب المياه على مدار اليوم وخاصة قبل الأكل كوب أو إثنين، عادة لو حافظتي عليها، هتفرق معاكي وأتوماتيك هتلاقي معدتك بتستقبل غصب عنها كمية أكل أقل من المعتادة، وساعتها هتجبري جسمك يحرق من دهونك المتخزنة فتخسي بكل بساطة لمجرد إنك بشرب المياه ساعدتي نفسك تأكلي كمية أقل.

 

في دراسة سنة 2014 أتعملت على 100 سيدة وزنها مرتفع ..

50 منهم اتنبه عليهم يشربوا قبل التلات وجبات كوبايتين مياه .. ولمدة 8 أسابيع متتالية، والـ 50 الباقيين يعيشوا عادي بدون الإنتباه لشرب المياه.

مع العلم إن المجموعتين المشاركتين في البحث، كانوا ماشيين على نفس النظام الغذائي، إلا إن الـ 50 اللي إهتموا بشرب المياه بعد 56 يوم نزلوا في الوزن بمعدل أكبر بكتير جداً مقارنة بالمجموعة الثانية.

 

المياه بترفع معدل الحرق

دراسة تانية إتعملت في نفس السنة على 12 شخص تم تنبيههم بشكل مستمر على شرب المياه، وبالقياسات وجدوا إن معدل حرق السعرات زاد بنسبة 3% .. النسبة بسيطة لكن بتؤكد إن شرب المياه عامل لا يجب تجاهله.

 

 المياه والسموم

شرب المياه بيساعدك تتخلصي من السموم اللي في جسمك، سواء عن طريق البول أو البراز.

المياه بتساعد الكلى تقوم بوظيفتها على أكمل وجه، وبالتالي تسهل على الجسم مهمة حرق الدهون.

 

الإمساك

الإمساك مش حالة مرضية وغير مفضلة لدى الكثير وخلاص .. لأ بالفعل الإمساك ممكن يكون سبب في إنك متنزليش في الوزن، وطبعاً حرصك على شرب المياه على مدار اليوم، هيفاديكي من إنك تصابي بالإمساك اللي بيكون عقبة كبيرة في نزول وزنك لو زاد عن الحد.

 

نضارة الوجه

ممكن كل اللي فات ده يكون مش فارق معاكي ..

لكن أنا متأكد 100% إنك من أول يوم بتعملي فيه رجيم بتكــــون أكتر حاجة شايلة همها هي بشرتك، خايفة تفقدي نضارتها خايفة الرجيم يخلي شكلك مش حلو، والناس كلها تعلق لك وتقولك هو أنتي تعبانه ولا إيه ؟؟ الرجيم بهدلك خالص، والكلام الجميل بتاع الناس الجميلة دي.

طبعاً حل وتفادي حدوث المشكلة دي بيحصل بحاجات كتير، هنتكلم عنها في موضوع قريب، لكن شرب المياه سلاح قوي جداً تواجهي بيه مشاكل البشرة اللي بيسببها الرجيم.

 

 

شاركوني في التعليقات .. الموضوع أفادك ولا لأ .. ويا ترى أنتي حريصة على شرب أكتر من 8 أكواب يومياً ؟؟ 

 

كان معكم .. دكتور أحمد منصور .. دمتم بخير

عن د/ أحمد منصور

66 تعليق

  1. عبير الشام

    فعلا المياه ضروري جدا
    ممكن يتنكه بالليمون او النعنع وافضل طريقه وضع ابريق ليترين امام عيونك حتى تتذكر دائما
    مشكور دكتور

    • د/ أحمد منصور

      جميـــــل جداً

      • غير معروف

        انا بشرب ميه كتير أووى بس فى أى وقت مش شرط قبل الأكل هل لازم قبل الأكل وكمان هل ممكن احذف حاجات من الأكل بتاع الرجيم يعنى ممكن أحذف الفطاربعصير أو احذف العصير والحلويات هل ده صح ولا غلط

        • غير معروف

          من فضلك يا دكتور ايه الافيد sparkle water ولا المياه العاديه

      • غير معروف

        Merciiii

      • غير معروف

        انا بشرب ميه كتير ومش بخس وعاوزه رجيم للمرضعات علشان انا برضع ومش عارفه اعمل رجيم وزني بقي 85 كيلو

    • غير معروف

      مشكووور جدا يا دكتور وجزاك الله خيرا

      • بصراحه …. انت دكتور رائع وبتأدي دورك بطل إخلاص وأمانه وخفة دم

      • غير معروف

        انا بشرب ميه كتير ومش بخس وعاوزه رجيم للمرضعات علشان انا برضع ومش عارفه اعمل رجيم وزني بقي 85 كيلو

  2. علي فكره شرب المياه فعلا أثر جامد معايا انا ابتديت ريجيم في فتره الي حد ما شتويه فكان لازم يجيني حساسيه لكن لما ابتديت التزم بالجريم واشرب ميه كتير كل الحساسيه اللي كانت عندي راحت ودلوقت منتظمه جدا وبحاول ديما استبدلها لما اكون معزومه برا عن العصاير والمياه الغازيه

  3. غير معروف

    انا وزني ثابت الاسبوع دا اعمل ايه ي دكتور انا كنت ٩٢ ودلوقتي ٧٥

  4. رائع

  5. شكرا كتير لمعلوماتك المفيدة دكتور وجزاك الله كل خير
    انا مع شرب المياه فرق معي كتير اشيا من لما بديت بالدايت تغير لون بشرتي كتير مو شوي طبعا للافضل وصرت حس انو فعلا الاكل الصحي بيعطينا كل الاشيا الحلوة والمفيدة من جسم حلو ولون بشرة جميل ومشاكل الامساك الحمد لله احتفت ونشاط عام بالجسم

  6. غير معروف

    جميل جدا يادكتور

  7. اسماء طاهر

    انابحاول اشرب ميه كتيير بس يادكتور كنت وصلت 90 ك وبعد البريود وزني زاد بقي 92انا موزنتش اللي بعد مخلصت بيومين انازعلانه اوي وماشيه مظبوط والله مش بلخبط

  8. غير معروف

    يادكتور انا وزني بيتراوح دايما ما بين 83 الى 80 عندي ثبات وزن والدايت مش جايب نتيجه مع اني قعدت اول 3 اسابيع مش باكل سكريات ولا شيبسي والبطن زادت بطريقة وحشه ومش عارفه اعمل اي. ممكن حل

    • يارا سليمان

      از انتي بتوزني نفسك ع الميزان فل ميزان مابيجبلك الفرق اهم شي كتري بل مياه ورياضه قدر الامكان

  9. ضياء الدين

    موضوع رائع كنا عاوزين حضرتك تعمل موضوع عن ليه احنا بتفكر على كوب لبن بتمر بعدين نستنى ١٠ دقايق ايه فايده ال ١٠ دقايق دول وشكرا مقدما لك يادكتور

  10. دكتور اني ما اكدر اشرب ماء كثير بس اشرب كثير اتقيه الله يخليك كلي شسوي دكتور

  11. غير معروف

    كلام صحيح

  12. غير معروف

    انا من اول م ابتديت رجيم وانا عندي امساك ووزني مبينزلش فعلا مع العلم بشرب ميه كتير جدا

  13. وفاء محمد

    دكتور انا مشيت معاك برمضان بالريجيم بس وزني ثبت من 10 ايام اعمل ايه وسؤال تاني ينفع بعد العيد اشرب المية طوال اليوم 3 ليتر مع إضافة الليمون انا بسمع عنه بساعد على نزول الوزن بشكل كبير

  14. غير معروف

    شكرآ جزيلآ لك يا دكتور والله الناس اللي حواليني يقولون لي أن الماء جدآ مفيد وشفت موضوعك اليوم عن الماء وصدقتهم الله يجزاك الخير على اللي تسويه وبأذن الله رح أستفيد من برنامجك الرائع 😊😊😊

  15. كلامك مظبوط يادكتورشرب المياه مهم جداللجسم

  16. صح انا من يوم ما بقيت اشرب مئة كتير حسيت بفرق كبير

  17. دكتور كل عام وانت بخير كنت عايزه اسأل سؤال أنهى ميزان افضل في القياس اللي في عياده الدكتور اللي بيقيس الوزن والطول ده القديم اللي بيتمرجح ولا الديجيتال ولا اللي في البيت العادي لاني بوزن في البيت ولما وزنت عند الدكتور لقيته فرق ٨ ك؟

  18. یعطیک الف الف عاااافیه یااحلا دکتور

  19. فاديا البيطار

    والله يادكتور انا يوميا بشرب بحدود ٢.٥ الى ٣ لتر الحمدلله
    ميرسي عالمعلومات وجزاك الله خيرا

  20. غير معروف

    لو سمحت يادكتور أنا وجهى خاسس جدا مع الرجيم ايه الحل لأن شكلى بقه وحش جدا

  21. غير معروف

    انا بحب اشرب مياة بكميات كبيرة وبستغرب ناس تقولى مابحبش المياة وأوقات انكه المياة بالليمون والكيوى بتبقى لذيذة جدا او النعناع وأوقات ماء الورد

  22. غير معروف

    موضوع مفيد 👍👍

  23. غير معروف

    جدا جدا فادنى شرب الماء انزل في الاسبوع اثنين كيلو ونص

  24. ربنا يباركلك ويجزيك كل خير يارب يا دكتور احمد

  25. غير معروف

    موضوع مفيد جدا جزاك الله خيرا يا دكتور

  26. غير معروف

    دكتور بصراحه أنا إذا شربت ماء كثير ينتفخ بطني ويكبر معليش تفيدني يا دكتور وتخبرني وش الحل

  27. دكتر انا لسه جديده هنا ومش عارفه ابدا منين انا عندي 19 سنه ووزني 84 وطولي166 حاولت كتير اعمل دايت ورياضه بس مش بقدر انتظم وبيأس بسرعه اعمل اي؟؟؟

  28. غير معروف

    دكتور انا وزني ثابت مع العبم صحتي عاديو وزني ٦٧ ولكن بدي انزل خمسة كيلو شو بتنصحني وشكرا سلفا

  29. غير معروف

    يا دكتور…انا اثمن مجهوداتك….لكن انا قبل رمضان التزمت برجيم الماء لكن لاحظت زيادة في الوزن بعد مرور الاسبوع الاول من ،90 الى 92 كيلو عندهما لم افهم و اصابني الاحباط فورا

  30. دكتور انا طالبه رايحه اولي طب ووزني زاد كتير في مرحله الثانويه العامه من 73 ل95 اعمل اي انا مستائه جدا تعبانه ممكن تساعدني انا طولي 172 cm الجو الرد انا لسه منزله التطبيق

  31. غير معروف

    فعلا انا بدات رجيم المبتداين بعد العيد وضغطت علي نفسى وبدات اشرب ٢لتر ميه او ازبد فى اليوم على الرغم ان الميه ممكن اخرى اشرب كوبيتين فى اليوم فعلا اثرت معايا ونصيحه عشان تشربى ميه كتير جاولى يبقى فى ايدك دايما ازازه ميه صغيرة مسكاها فى ايدك هتلاقيكى خلاصتيها بسرعه جزاك الله كل خير يادكتور مستمره على نصايح حضرتك

  32. غير معروف

    هو في علاقة بين شرب الماء الكتير اثناء الدايت ودخول التواليت
    لاني لما اهتميت بشرب الميه بقيت بدخل التواليت كتير جدا

  33. سيدرا الروح

    كلامك كلو صح يادكتور انا وقت ناس شافوني نحفانه كتير اغلبن قلي كيف نازل وزنك كل هالقد ووجهك مو تعبان انا بمشي ع كل تعليماتك يادكتور وفاتدتني كتير بحياتي

  34. محمد عبد النبى

    انا يا دكتور عندى 29 سنه وكنت بلعب رياضه وبعد ما بعت عن الرياضة وزنى زاد جدااااا انا طولى 172 ووزنى دلواتى 135
    وباخد علاج دبكين فى نظام معين ممكن اتابع معاه لانى بدات مفاصل جسمى تتعبنى ارجو الرد درورى. جدااااا
    ولكم جزيل الشكر

  35. غير معروف

    ربنا يبارك فيك يادكتور ويجازيك خير

  36. ربنا يبارك فيك يادكتور ويجازيك خير

  37. الحمد ملتزمه بشرب الماء وهذا مخليني انزل في الوزن حتى ولو لخبطت في الاكل
    ابشررك دكتور نزلت ٤ كيلو في رمضان بدون مجهود ومع اللخبطه ههههه لكن فعلا الماء عمل فاااارق

  38. مشكور ياد
    كتور

  39. دكتور كيف بدي خلي وجهي ينحف جسمي نحفان بس وجهي ابدا
    ياريت تجاوبني

  40. انا نزل وزني ١٥ كغ على مدار سنه كامله
    بسبب تغيير نوعية الاكل و ممارسة رياضة المشي و عدم الاكل بعد أذان العشا و النوم المبكر و الاستيقاظ المبكر
    مشكلتي الترهلات التي حصلت بعد ذلك في منطقة البطن و الذراعين
    كيف اتخلص منها
    ام الرياضة المستمرة تكفى و سينجح الأمر بعد مرور علم آخر

  41. انا بحب المايا جدا بس مشكلتي اني بنسبة اشرب
    وانا وزني زاد ومش عارفه انزل الحرق عندي قليل ممكن تساعدني يادكتور لو سمحت

  42. ملك طارق

    جزاك الله خير الجزاء يا دكتور أحمد

  43. شكرا للمعلومات طعا اني اعاني من لمساك ونزلت برنامج تنبه لشرب الماء بديت رجيم رغم انو وزني ثابت ع رقم 67 ان شالله انزل لل55يارب بس دكتور اني مستعده اترك كل شي من لاكل بس الجبز احس شي اساسي اكدر اعتمد ع الخبز ارجو الرد

  44. غير معروف

    انا وزني ٦٦ وطولي ١٦٨ بس عندي جنوب وبطن اعمل اي

  45. سهاد علي

    السلام عليكم أسفه دكتور على الازعاج بس أني عدي زايده بلهرموانات يعني نشاط بالغده اشكدمااكول مااشبع اشسوي ومناالدكتورمقبل ايسويلي عمليه كال موزين واشكدمااريداسوي رجيم مااكدراتحمل لواعمل رياضه فااتمنه انو اسويلي رجيم لمعناتي هاذه ولك جزيل الشكر

  46. جيهان فايز

    طبعا شرب المياه بكميات محدودة أقصاها ع حد علمي من لترين الى تلاتة شي غاية في الأهمية..وانا للاسف كنت بانسى اشرب .يعني ممكن اقعد يوم كامل مشربش..بس اما عرفت أهميتها لحاجات كتير مش بس الرحيم انتظمت في شربها لدرجة اني نزلت برنامج يغمرني بشربها ..واكيد فرقت كتير معايا

  47. تقرير مفيد جدااا

  48. وزني ٦٧ و طولي ١٦٣ كده كويس و لا ايه و ايه الوزن المثالي

  49. غير معروف

    سلام يا دكتور انا بشرب ماء كتير يعني حوالي 3ليتر بالنهار بس من اسبوع كده التدين احس بورم في جسمي لما بتعب أو اقف كتير ايه السبب لو سمحت مع اني ما عندي ملوحات ولا سكر

  50. غير معروف

    nice

  51. غير معروف

    جزاكم الله خيرا ونفع بكم وزادكم من علمه

  52. زينب من ليبيا

    أولا السلام عليكم حضرتك كلامك كله صح انا كنت تعبانة كتير وعندي تسربات وتراكم سموم لجسمي وتصحي الطبيب بشرب المئة وحال 3.5 باليوم وفعلا عملت كدا حتى اني أشرب 5 لتر باليوم وخلال شهر كنت خفيا وحسيت بنشاط وحيوية ونزل وزتي من 85 إلى 75 كيلو ودلوقتي بديت معاكم ونفسي اخي 10 كيلو كمان حقيقي شكرا على كل حاجة بتقديمها لينا ربنا يجعلها في ميزان حسناتك يارب

  53. غير معروف

    اشكرك ومتابعة معك
    بس ليش ماعم ينزل برنامج الاسبوع الجديد عندي

  54. غير معروف

    السلام عليكم يادكتور انا برضع وعاوزه اعمل رجيم وبشرب ميه كتير وزني 85 كيلو وطولي 158

  55. ويبقي الامل

    السلام عليكم ورحمةالله وبركاته صباح النور والسرور علي الجميع اشكرك جدا دكتور احمد انا متابعة معاك والحمد لله استفدت كتييير ونزلت الحمدلله بس عندي مشكلة نزولي بطيئ جدا جدا وشكرا علي مجهودك وربنا يوفقك يارب

  56. الضوء الساطع الساطع

    نعم الموضوع افادني وانا بشرب اكثر من 8 اكواب مي فاليوم
    بارك الله فيك وفي مجهوداتك

اترك رداً على Heba إلغاء الرد

لن يتم نشر عنوان بريدك الإلكتروني.