تخسيس بالماء
تخسيس سريع بالماء

طرق التخسيس بالماء فعالة خلال فصل الصيف

طرق تخسيس الجسم عديدة ومتنوعة، منها الصحية ومنها الغير صحية، الذكاء إننا منركزش في تحقيق الهدف فقط، لأ لازم نركز في الطريقة اللي هنفقد بيها الوزن، وفي الوضع اللي هيكون عليه جسمنا بعد الوصول للهدف “الشكل وأيضا الوزن المثالي“.

طرق التخسيس بالماء

في الوقت الحالي ومع ارتفاع درجة الحرارة، بتبدأ الشهية تقل نسبياً لو هنقارنها بشهيتنا خلال فصل الشتاء، أظن كلنا عارفين الواقع الأليم اللي بيعيشه كل واحد نفسه يخس في الشتاء والجوع الليلي وغيره وغيره.

على الرغم إن معدل الحرق بيكون أعلى في فصل الشتاء، إلا أننا مش بنستغل الفرصة دي، وأغلبنا بيخرج من فصل الشتاء بوزن مرتفع.

سواء قدرت تخس في فصل الشتاء ومكمل في المشوار، أو لأول مرة بتبدأ يبقى سلاحك في الفترة الجاية هو شرب المياه، وهنعرفك إزاي نستخدم الماء كطريقة فعالة للتخسيس.

لو قدرتي تحافظي على جسمك رطب في فصل الصيف، أضمن لك بإذن الله تنجحي في الرجيم بكل سهولة، متسيبيش نفسك للعطش، المياه مشروب خالي السعرات الحرارية، يعني لو شربتي ما يكفيكي يومياً مش هتتضري أبداً بالعكس هتبدأي تلاحظي تغيرات جميلة جداً على صحتك بشكل عام، وخصوصاً في معدلات النزول.

مطلوب تشربي على الأقل 8 أكواب في اليوم، والأوقات اللي جاية دي هي الأفضل على الإطلاق:- (كوب على الريق، كوب قبل كل وجبة بنصف ساعة، وكوب بعد الوجبة بساعة أو ساعة إلا ربع)، أرجوكي تحاولي تثبتي الأوقات دي.

الطريقة دي فعالة في إنها تخليكي على مدار اليوم تكون شهيتك أقل فتستهلكي كمية طعام أقل، فيبدأ جسمك يحرق من مخزون الدهون، بالإضافة لكده فشرب المياه هيساعدك جداً في رفع معدل الأيض “التمثيل الغذائي” وحرق الدهون.

ممكن تبقي شايفة إن شرب المياه فقط سواء من الحنفية أو من الثلاجة تقيل عليكي شوية، علشان كده ممكن تضيفي للمياه عصير ليمونة، أو أكثر على حسب كمية الماء، وتشربيه كده، أو ممكن تحلي مشروبك بسكر دايت، يعني عصير ليمون مثلج بسكر دايت تشربي منه كوب أو أكثر على مدار اليوم، للإستفادة من فوائد الليمون في التخسيس أيضاً وكذلك الماء في سد الشهية ورفع الحرق، بمشروب يعتبر خالي السعرات الحرارية.