الرئيسية / استفسارات / تقرير تحدي دايت كلينيك الأسبوعي

تقرير تحدي دايت كلينيك الأسبوعي

الحمد لله رب العالمين، بكره اليوم السابع في التحدي وبكده نكون أنهينا، التحدي، وهنبدأ في تحدي جديد إن شاء الله يوم الأحد المقبل، وبكره طبعاً هو اليوم الفري والخطة بتاعته تقدروا تسمعوها بكل تفاصيلها لما تضغطوا على كلمة هنا الموجودة بين القوسين (هنا).



أنا واثق إن كل اللي بيلتزم باللي بكتبه بينزل في الوزن وكمان كل الوزن اللي بينزله بيكون دهون، ومن الصعب جداً يكتسب الوزن ده تاني بسهولة.

نفسي كل اللي كان مقصر يعرف إن الفرصة ما زالت متاحة، مفهاش حاجة لو أنتي لحد دلوقتي مبدأتيش معانا ومش ملتزمة بنسبة 100% أو لسه أصلاً مبدأتيش .. الفرصة لسه موجودة .. إكتبي (قبلت التحدي) في كومنت علشان تنضمي لتحدي #دايت_كلينيك القادم.

أنا بطلب دلوقتي من كل اللي متابعين معايا يسيبوا ليا كومنت ضروري جداً يكتبوا فيه، وصلوا لإيه لحد دلوقتي، قولولي حاسين بإختلاف ولا لأ، ووزنكم إتغير ولا لسه والمقاسات كمان أخبارها إيه .. إكتبوا كنتوا كام كيلو وبقيتم كام كيلو وفي وقت أد إيه، وعلقي بكلمة قبلت التحدي في كومنت، لو مستعدة لتحدي التخسيس الجديد.

عن د/ أحمد منصور

39 تعليق

  1. انا ملتزمه الحمد لله الاسبوع ده اكتر من اللى فات الا يوم واحد كنت بالليل جدا كان هيغمى عليا بسبب البيريود بتبقى غزيره جدا فاكلت تمره جافه وواحده توست بنى الكلام ده كان فى الفجر كده..انا حاسه فى تغيير فى شكل البطن هو بسيط بس لاحظت وجود حتت نزلت لتحت كده من الجناب يعنى انخفضت عن اللى حواليها انا لسه ماوزنتش نفسي هوزن بكره ان شاء الله. بس انا لقيت كده متحمسه جدا التحدى الجاى. اليوم اللى دخت فيه كنت بشرب مايه كتير وحاولت اقاوم بس ماقدرتش مع انى اخدت معلقه عسل اسود الصبح بعد الفطار

    • د/ أحمد منصور

      مستني أعرف ميزان حضرتك بكره إن شاء الله

      حضرتك عندك أنيميا؟؟؟

  2. وكمان فى ملاحظه بالنسبه لى انا دايما فى الفتره دى كل شهر حسنى بيتنفخ وبطنى فمش عارفه ده اثر على نتيجه الاسبوع ده ولا لا.الموضوع ده بيعملى احباط لانى كنت ملتزمه الحمد جدا الاسبوع ده اكتر من اللى فات. تحياتى لحضرتك وجزاك الله عنا كل خير

  3. قبلت التحدي

  4. انا محتاجه دايت للرضاعه

  5. السلام عليكم دكتور أحمد انا الحمد لله متبعة معاكم ومشية الخطة بس اليوم غيرت وجبت الغدا بالعدس الاحمروالسلطة والبيمية مع الطماطم لاني لم اقبل اكل اللحوم ابدا وبشكل عام انا تحسنت بكل شيء عندي حتى بقيت أقوى من الاول كتلة عضلاتي زادت وخفت جدا الدهون وليس عندي ترهلات شديدة كما أني مقاساتي كلها تغيرت من 50 مقاس البنطلون حتى 44 الآن وبطني راحت تقريبا وبانت عظام الرقبة ولم تكن موجودة سابقا 😁 صديقاتي تفاجأوا لما رأوني بعد فترة الشهر والاسبوعين دول وقالوا أني صغرت بالسن مع كتلة الجسم وهذا اسعدني طبعا وزادني أصرار على الاستمرار والتحدي وأنخطبت لكاتب وشاعر من المنطقة الحرة وعرسي قريبا 😅😅😅
    والمزاج عالي تماما …..أرجو أن يسعدك كلامي ولكن ليس للنشر ….جزاك الله عني خيرا كثيرا والله يسعد قلبك بما تحب ⚘⚘⚘⚘⚘⚘

    • د/ أحمد منصور

      ألف ألف مبروك

      ربنا يفرحك كمان وكمان زي ما بتفرحيني ويرزقك الأمان وراحة البال

      • غير معروف

        لو سمحت ماما عايزة تخي بس هيا بتأكل كتير ومش قادرة تبطل أكل ممكن تقولنا على حاجة تسد النفس

  6. ايوه ده وقتها وبالنسبه للانيميا معرفش ليا سنتين كده ماعملتش تحليل

  7. غير معروف

    قبلت التحدي

  8. قبلت التحدي

  9. ايه راى حضرتك فى القهوه الخضرا …وانا عندى شراءح خبز عاملاها في البيت بدفيق اسمر بالرده ودقيق الشوفان وملعقتين جنين القمح فيه زيت وملح وكمون ده ممكن اكل منه فى وقت من اليوم بكره مثلا. ؟وينفع سناكس ولا لا

  10. قبلت التحدى

  11. مسالخير دكتور الحمدلله لالتزام ميه بلميه والفرق كبير المقاس عم ينزل وجسمي خافه حركته ومتحمسه لباقي لأسابيع بس زعلانه انو ماعم احسن العب رياضه كنت عم احرق اكتر بس الحمدلله وكلو بفضل الله وفضلك الله يعطيك الصحه والعافية

    • د/ أحمد منصور

      الحمد لله رب العالمين سعيد جدا والله بالتزام حضرتك وبالنتيجة اللي وصلتي ليها

      حضرتك في اليوم رقم كام دلوقتي

      ؟

  12. انا حبدا معاكم

  13. غير معروف

    قبلت التحدي 🙇🏻

  14. ام زكريا

    دكتور انا مشيت معكون يعني ليوم فري متلكون وخلصو لأسبوعين يلي كتبتلي ياهن

    • د/ أحمد منصور

      بإذن الله النهاردة هكتب الباقي إن شاء الله صدقيني مش هنسى

      على الساعة 8 بالليل ان شاء الله هكون كتبت لحضرتك الأسبوعين الباقيين بأمر الله

      لو تحبي النهاردة فري
      مفيش مشكلة

  15. غير معروف

    سلام ممكن أبدا معاكم بداية من اليوم

  16. ام زكريا

    الله يكرمك يادكتور كتر الله خيرك

  17. السلام عليكم ورحمة الله وبركاته .انا وزنت نفسي بفضل الله لقيت وزنى 79 انا كنت 87 كيلو انا مش عارفه اشكر حضرتك ازاى ربنا يجازيك هنا كل خير ومكمله مع حضرتك التحدى القادم

    • د/ أحمد منصور

      الحمد لله رب العالمين
      ألف مبروك وعقبال الوصول للوزن المثالي

  18. انا عايزه اشترك فى خدمة الواتس مع حضرتك بس مش عارفه الدفع هيبقى ازاى

    • د/ أحمد منصور

      الدفع عن طريق فودافون كاش

      سيبي رقم حضرتك هنا وانا اضيفك

  19. بالنسبه للمده انا عرفت تطبيق حضرتك من3 اسابيع كنت قبلها بحاول اعمل دايت مع نفسي لكن مكنش منظم كده وفى الالتزام ده وفى التلات اسابيع دخلت التحدى السابق بس كان فاضله 10 ايام وينتهى وبعد كده حضرتك نزلت التحدى المجمع واشتركت فيه. انا تاخر مره وزنت نفسي كان من شهرين وكان وزنى 87 ونزلت في الفتره دى 3 اسابيع

  20. احمد حسن

    قبلت التحدي

  21. احمد حسن

    انا عايز اشترك في خدمة الواتساب

    • د/ أحمد منصور

      تحت أمر حضرتك يا ريت تسيب لنا رقم التليفون علشان نضيف حضرتك

  22. انا متابعة معاكم انشالله

  23. قبلت التحدي

  24. الجو الإفادة رجيم للحامل

  25. مرحبا ما هو الوزن المثالي لطول 160

  26. قبلت التحدي .. ممكن حضرتك تقولي ع حبوب تسد النفس (غير كروماكس ) لاني بحب الاكل جدا وبيبقي صعب اوي اني امنع نفسي عنه .. ونفسي اوي اخس الموضوع بدأ يأثر عليا نفسيا خصوصا اني بتخن اوي من البطن لاعلي انما الجزء اللي تحت ثابت او لو تخن بيبقي بسيط جدا ف شكلي بيأفور كتير + ان شكلي بيكبر وانا 75 كيلو دلوفت وطولي 160
    وربنا يجازيك خير يارب محدش بيعنل زي حضرتك كدا ربنا يوفقك



اترك تعليقاً

لن يتم نشر عنوان بريدك الإلكتروني.