الرئيسية / استفسارات / نوم أفضل، أكثر .. نزول في الوزن أسرع

نوم أفضل، أكثر .. نزول في الوزن أسرع

تعرفي إيه هي أفضل وصفة تزودي بيها وزنك أو ع الأقل، تثبتيه، هي قلة النوم .. تقصد إيه يا دكتور، يعني أنام كتير، .. طب ومين اللي يعمل أكل في للعيال وأبوهم، ويرتب البيت.

مش المقصود بالنوم الكتير إنك تنامي 12 ساعة، أنا كلامي في الموضوع ده للناس اللي بتنام أقل من المعدل الطبيعي وكمان مش كويس، يعني لأي سبب من الأسباب بيكون نومك مش مستقر.

علشان تخسري وزنك الزائد مش محتاجة بس رجيم، فقد الدهون ليه عوامل كتير لازم تتحقق علشان يكون نزولك صحي وكما يجب أن يكــــــــــــــــــــــون.

بغض النظر عن إن قلة النوم بتخليكي في حالة كده كإنك سكرانه، ويوم ورا التاني بتقل طاقتك ومش بيكون عندك القدرة على إنك تمارسي أي رياضة حتى لو المشي، وإن كمان السهر وقلة النوم بيخلوا الشيطان الشاطر يوسوس لك تقضي السهرة جمب الثلاجة، والشهية ما شاء الله بتكون في العلالي ونفسك مفتوحة تأكلي الأدراج اللي في التلاجة أصلاً.

 

الغريبة إن دراسة إتعملت في جامعة أمريكية وجدت إن الرغبة حتى وقت السهر مش بتكون في أي أكل لأ .. النفس بتروح للأكل الدسم والحلويات مش مجرد ثمرة فاكهة ولا خيارتين .. لأ .. لازم ولا بد من طبق فول بالسجق أو بيتزا مشكل جبن.

 

العلاقة العلمية بين قلة النوم، وثبات الوزن، مدهشة فعلاً، ووارد متكونش جت في بالك قبل كده.

 

النوم هو تغذية الدماغ ولو المفروض تنام 7 ساعات ونمت أقل من كده، جسمك بشكل عام هيتفاعل بكفائة أقل من الطبيعية مع النظام الغذائي اللي بتتبعه.

 

 

النوم القليل ..

بيحفز إفراز هرمون التوتر .. ” هرمون الكورتيزول ” واللي بــدوره، بيقلل من معدل حرق الدهون.

 

يعني من الآخر جسمك بتعلى فيه مستويات الهرمون لإنه مش بيبقى عارف حضرتك هتنامي أمتى، فبيكون حريص جداً إنه يحافظ على الطاقة لآخر وقت ممكن، فبالتالي يوم ورا التاني مع توتر متجدد، هيكون رد فعل جسمك في الحالة دي هو تمسكه بالطاقة اللي فيه، وبالكاد هيحرق جسمك من الدهون المتراكمة.

 

إتعمل بحث على 100 شخص لمدة 14 يوم، الـ 100 شخص خدوا نفس السعرات اليومية، يعني المفروض إن نزولهم في الوزن بعد الـ الأسبوعين يكون متقارب، لكن بعد المدة لقوا إن اللي كان نومه جودته كويسة، نزل في الوزن بمعدل أعلى من المشاركين اللي مكانوش بيناموا كويس بنسبة 45 %.

باحثون من جامعة ” شيكاغو ” قالوا إن الحرمان من النوم بيقلل معدل الأيض، وإنك لو فضل نومك مش كويس 4 أيام ورا بعض، قدرة جسمك على معالجة الأنسولين ” هرمون ضروري لتحويل السكر والنشويات ومواد غذائية أخرى لطاقة ” .. بتتغير للأسوء .. وكمان حساسية الأنسولين بتقل بنسبة أكثر من 30%.

 

 

في النهاية أتمنى لكم نوم هنيئاً وصحواً على الأمل الجميل

لا تنسوني من صالح دعائكم

 

 

 

 

عن د/ أحمد منصور

28 تعليق

  1. غير معروف

    بارك الله فيكم وجزاكم الله كل خير
    لو سمحت يا د أحمد ايه هي حمية الكيتو دايت ومفيده ولا لا

  2. سيدرا الروح

    جزاك الله كل خير يادكتور عهالمعلومات المفيدة

  3. الله يعطيك العافيه ❤❤

  4. بارك الله فيك علي المعلومات القيمه دي
    الحمد الله نومي مستقر 😍

  5. لو سمحت يادكتور ممكن اشرب قهوه خضراء وانا عندي بنت شهرين ونص بترضع طبيعي

  6. فاديا البيطار

    بارك الله فيك ويعطيك الف عافية

  7. فاديا البيطار😴😴😴😴😴😴

    بارك الله فيك ويعطيك الف عافية وشكرا على النصائح الجميلة

  8. اهلا بيكم انت جديدة معاكم هنا
    ماشالله معلومات قيمة جدا . ربنا يجعلكم من اهل الجزاء
    واتمني اني انزل في الوزن و جسمي يستجيب. لأنوا عندي مشكله بالغدة الدرقية ودا بيخلي الحرق ونزول الوزن صعب جدا

  9. انا عندي توأم عمرهم ٧ اشهر مالحق انام اصلا لكن لما اكون صاحية اكون مشغولة بحضراتهم فمالحق اكل ولا اوصل للثلاجة ههههههه

    • سلفتي تتعامل مع التوم زي الواحد هيك اريح موعد اكل واحد وموعد نوم واحد هيك يترتاحي …الله يخليهم الم

  10. ايه رأى حضرتك يادكتور ان الواحد يروح جيم فيه اجهزةرياضية ويمارس الرياضة عليها وهل ضرورى المداومة عليها. وايهما افضل الاجهزة الرياضية ام جيم به ايروبكس وغيرها من الرياضة

  11. انا بنزل في اليوم 10جرام بس اعمل ايه

  12. انا بشكرك جدا يا دكتور كلامك صح انا كنت يعاني كدا من قلة النوم

  13. غير معروف

    جزاك الله خيرا

  14. فعلا والله يادكتور كلامك مفيد جدا ربنا يبارك فى حضرتك

  15. غير معروف

    ينفع اعمل ريجيم وانا عاملة جراحة قلب بقالي شهر ونص
    وزني ٩٩ وطولي ١٦٠ مع العلم انا من بعد العملية زدت ٥ كيلو يعني كنت ٩٤

  16. عبير الشام

    ياريت تفيدنا بكم وصفه للنوم
    والله ماضل شي ماجربتو وحاليا ع المنوم

  17. غير معروف

    الف مليون شكر دكتورنا علي كل جهودك وجزاك الله عنا خيرا كثيرا
    لو سمحت كنت سالت حضرتك علي شرب العرقسوس ممكن حضرتك تفدني فيه لاني مش بعرف اعيش من غيرة بجد

  18. غير معروف

    انا ما اعرف استخدم التطبيق سهلوه بأسرع وقت
    😭😭😭

  19. بارك الله لك يادكتور

  20. زينب من ليبيا

    بارك الله فيك يادكتور وجزاك الله عنا بكل خير انا والله عندي أرق ومش باعرف انا قبل الواحدة بالليل يمكن نصيحة تفيدوني عشان اعرف انام بدري

  21. طي يا دكتور انا حرقي ضعيف جدا بنام كويس وماشيه عالدايت كويس انا مبخسش الا جرامات وكنت منعت الدايت واديني ابتديت تاني في 14 يوم للمبتدئين ونفسي بجد الاقي نتيجه للي بعمله اختي بتعمل معايا مشاء الله بتنزل بالتلاته كيلو وانا ممكن 200 ج ومن تلات سنين كنت بتابع مع دكتور دايت لما لقاني كدا بعد كام اسبوع اداني برشام رفع معايا الحرق وكنت بنزل بال2كيلو ونص بعد م كنت بنزل بالجرامات انا باخد فيتامين اوميجا 3 الصبح الفتره دي من فضلك نصايحك ايه اللي تزود معايا الحرق ولو في برشام آمن اخده انا متزوجه و22 سنه ولا يوجد رضاعه ولا حمل

  22. غير معروف

    انا نومي قليل اوووي ومش بعرف انااام كتير وعاوزه اكُل علي طوول

  23. بصراحه يا دكتور أنا مبنام إلا بحسب الوقت

اترك رداً على SamaraS إلغاء الرد

لن يتم نشر عنوان بريدك الإلكتروني.