نظام جديد رجيم عادي لتخسيس الوزن في أسبوع مع دايت كلينيك

مرحباً بكم من جديد متابعينا الكرام، مع نظام جديد عادي مناسب لوزن أعلى من 90 كيلو، سواء متابع معانا من زمان أو وصلت لينا جديد، وأول مرة تتابعنا، كل اللي بطلبه منك، تجدد حماسك وإرادتك، وترمي كل اللي فات ورا ضهرك وتفتح صفحة جديدة، وهتلاقي معانا فرحة كبيرة جداً أسبوع بأسبوع.

حاول تنام كويس 7 ساعات على الأقل، ويكون نوم عميق على أد ما تقدر، وتشرب مياه على مدار اليوم حد أدنى 8 أكواب (هام جداً)، وتوقف أكل تماماً قبل ما تنام بـ 3 ساعات، وكمية السكر مهم جداً تكون في حدود المعلقتين كل يوم، مش أكثر من كده.

بالنسبة لزيت الزيتون، وهو الزيت الأفضل خلال فترة الرجيم، لينا في اليوم معلقتين فقط، نستخدمه في تحضير الأكل (طهيه) أو في إضافته مباشرة على طبق السلطة أو الجبنة القريش.

نظام الأسبوع الحالي عبارة عن يوم نشويات في الثلاث وجبات، ويوم بدون نشويات لمدة 6 أيام، واليوم السابع هيكون يوم فري “يوم الجمعة”.

مفيش أي داعي للقلق أبداً من كمية الأكل، لو متابع معانا من زمان هتبقى متأكد وواثق من كلمتي لما بقولك إطمئن، مهما شوفت كمية الأكل عاملة إزاي، وكمية النشويات ووجودها في بعض الأيام في الثلاثة وجبات، أنت بس إلتزم وإعمل اللي عليك من غير لغبطة على أد ما تقدر، وإحنا بمشيئة الله بنضمن لك إنك هتخس بصحة ومن غير أي آثار جانبية تضايقك، سواء بالنسبة لصحتك (الهبوط وغيره) أو كشكل للجسم (الترهلات).

 

نظام يوم الجمعة الموافق 2 أكتوبر

 

خطتنا في اليوم الفري كالآتي:-

  • فطار دايت زي أي يوم رجيم في الأسبوع
  • العشاء أيضاً دايت
  • الغداء (وجـــــــــــبة مفتـــــــــــــوحة)
  • مسموح بقطعة حلويات بحجم كف اليد بعد وجبة الفطار أو الغداء

 

من الأعشاب المفيدة خلال فترة الرجيم

  1. الشاي الأخضر
  2. الشاي الأخضر مع الليمون (ممتــــــــــــاز)
  3. الزنجبيل
  4. الزنجبيل مع الليمون
  5. القرفة

 

نظام يوم السبت والاثنين والأربعاء

26، 28، و30 سبتمبر

 

الفطار 

يمكنك الإختيار من بين:-

  • 4 معالق شوفان + كوب حليب
  • 4 معالق بليلة + كوب حليب
  • حبة بطاطس مسلوقة + 2 بيضة مسلوقة
  • ربع رغيف عيش بلدي + 5 معالق فول كبيرة + ثمرة طماطم + خيار أو خس
  • ربع رغيف عيش بلدي + 3 معالق فول + بيضة مسلوقة + خيار أو خس
  • ربع رغيف عيش بلدي + 2 بيضة مسلوقة أو مقلية بزيت زيتون + خيار أو خس مع ثمرة طماطم
  • ربع رغيف عيش بلدي + 2 قطعة جبنة قريش + خيار أو خس
  • ربع رغيف عيش بلدي + قطعة جبنة قريش + بيضة مسلوقة + خيار أو خس
  • ربع رغيف عيش بلدي + 2 علبة زبادي + خيار أو خس
  • 2 علبة زبادي + 4 معالق شوفان + ثمرة فاكهة

 

سناك (1)

الوجبة الخفيفة الأولى

كوب حليب + ثمرة فاكهة

أو

2 ثمرة فاكهة

أو

6 حبات لوز + ثمرة فاكهة

أو

علبة زبادي + ثمرة فاكهة

 

الغداء 

يمكنك الإختيار من بين:-

  • صدر فرخة مشوية أو مسلوقة
  • نصف كيلو سمك مشوي
  • سلمون (250 جرام) ربع كيلو
  • كفتة مشوية بدون دهون (ربع كيلو)
  • ربع أرنب مشوي أو مسلوق (( الربع كيلو “250 جرام” من لحم الأرنب تحتوي على ما يقرب من 500 سعر حراري )).
  • لحمة مسلوقة أو مشوية بما يعادل كوب واحد
  • ربع كيلو جمبري مشوي أو مسلوق، السعرات الحرارية في الجمبري المطبوخ ربع كيلو لا تتعدى الـ 300 سعر حراري.
  • علبة سردين بدون زيت
  • علبة تونة بدون زيت
  • 2 بيضة مسلوقة
  • بيضة مسلوقة + قطعة جبنة قريش
  • طبق عدس دايت
  • طبق مشروم دايت
  • كوب فاصوليا بيضاء
  • أو نصف كوب فاصوليا بيضاء مع 150 جرام لحمة مسلوقة أو مشوية
  • كوب بسلة مطبوخة بالجزر مع 150 جرام لحمة مفرومة

 

+ حبة بطاطس مسلوقة أو 6 معالق أرز مسلوق أو 8 معالق مكرونة مسلوقة أو نصف رغيف عيش بلدي.

يعني الوجبة ممكن تكون بطاطس بالفراخ وفي الحالة دي مش هناخد أرز.

 

+ طبق سلطة

+ كوب خضار محضر بطريقة صحية من أحد الخيارات الآتية:-

  • قرنبيط
  • باذنجان مشوي
  • فاصوليا خضراء
  • كوسة
  • ملوخية
  • بامية
  • بروكلي

 

 

سناك (2)

الوجبة الخفيفة الثانية

 

كوب حليب خالي الدسم

أو

نصف كوب حليب كامل الدسم

 

 

العشاء

يمكنك الإختيار من بين:-

  • بيضة مسلوقة + ربع رغيف عيش بلدي + خيار أو خس
  • قطعة جبنة قريش + ربع رغيف عيش بلدي + خيار او خس
  • علبة زبادي + ربع رغيف عيش بلدي + خيار أو خس

نقدر نبدل

ربع رغيف عيش بلدي بواحد توست بني أو نصف رغيف عيش سن.

 

 

نظام اليوم الثاني والرابع والسادس

27، و29 سبتمبر و1أكتوبر

أيام الأحد، الثلاثاء، والخميس ((بدون نشويات))

 

الفطار

يمكنك الإختيار من بين:-

  • 2 بيضة مسلوقة + خيار أو خس
  • 2 علبة زبادي + خيار أو خس
  • 2 قطعة جبنة قريش + خيار أو خس
  • كوب حليب + بيضة مسلوقة

سناك (1)

ثمرة فاكهة

 

الغداء

يمكنك الإختيار من بين:-

  • ربع كيلو لحمة مسلوقة
  • ربع كيلو كفتة مشوية بدون دهون
  • ربع كيلو جمبري مشوي أو مسلوق
  • علبة تونة بدون زيت
  • طبق مشروم دايت
  • علبة سردين بدون زيت
  • 2 بيضة مسلوقة
  • صدر فرخة مشوية أو مسلوقة
  • نصف كيلو سمك مشوي

+ طبق سلطة

+ كـــــــــــــــــــــوب خضار محضر بطريقة صحية من أحد الخيارات الآتية:-

  • فاصوليا خضراء
  • كوسة
  • بامية
  • ملوخية
  • قرنبيط
  • بروكلي
  • باذنجان مشوي

 

سناك (2)

كوب حليب خالي الدسم

أو

نصف كوب حليب كامل الدسم

 

العشاء 

علبة زبادي

أو

كوب لبن رائب.

 

وبكده يكون إنتهى نظام الأسبوع الحالي، نتقابل قريب بإذن الله مع نظامنا الجديد، دمتم بخير ولا تنسونا من صالح دعائكم.