الرئيسية / استفسارات / وزني ثابت مع إني ملتزمة !!

وزني ثابت مع إني ملتزمة !!

أسباب ثبات الوزن كتيرة، منها الخارج عن إرادتنا، ومنها للأسف اللي بنكون متسببين فيه ومش واخدين بالنا، ويارب الموضوع ده يفيدكم.

بصراحة ..

أنا صعب عليا أرصد في مقال كل أسباب ثبات الوزن ..

لكن إن شاء الله من وقت للتاني .. هنتكلم مع بعض في بعض الأسباب اللي ممكن تلاقي واحد منهم مطابق لحالتك وتقدري تتعاملي معاه.

 

أولاً .. وزنك ثابت أو بينزل بمعدل قليل .. تتقال بعد ما تعملي رجيم لمدة 30 يوم وتلاقي نفسك ثابتة أو مثلاً بالكتير كيلو أو إثنين.

 

إنما عاملة رجيم يومين ولا أسبوع وفي الآخر ثابتة .. مش منطقي يكون في شكوى لإن أصلاً منقدرش نحدد من المدة دي المشكلة ولا نقيمها.

 

 

وزنك ثابت بسبب خمول في الغدة الدرقية .. في الحالة مطلوب تحليل ودكتور غدد يكتب لك دواء يخلي الغدة تعمل بكفائة وتقدري مع الرجيم تلاقي تغيرات ملحوظة ونزول في الوزن.

 

مقبول إنك في بداية الرجيم متعمليش رياضة ” مشي أو جري ” لكن بعد نزول وزنك لو فضلتي مهملة ومش بتتحركي هيكون ده سبب في بطئ معدل النزول، لذلك أول ما وزنك يبدأ ينزل وتحسي إنك خفيفة وقادرة تتحركي إبدأي إمشي بقى ولو ربع ساعة في اليوم ومرة في مرة تزودي المعدل.

 

 

وزنك ثابت علشان بتوزني نفسك وقت الدورة الشهرية أو قبلها أو بعدها على طول .. الدورة الشهرية بتزود الوزن من 1 كيلو إلى 5 كيلو، فلو متعرفيش المعلومة وبتروحي توزني في وقت وجودها، هتلاقي نفسك ثابتة أو زايدة كمان ودي طبعاً زيادة مؤقتة وبتروح بعد نهاية الدورة فالتقييم الصحيح يكون بالميزان في وقت بعيد عن الدورة.

 

 

وزنك ثابت بسبب إن الدهون بتقل كوزن والعضلات بتزيد كوزن وفي الحالة دي المحصلة ثبات في الميزان  مع تغير في مقاسات الهدوم وده شئ مش وحش أبداً ومطلوب منك في الحالة دي تصبري لحد ما وزنك كمان يبدأ يتحرك بجانب المقاسات.

 

 

وزن ثابت علشان قربتي من المثالي .. وطبيعي في الحالة دي وزنك يبدأ ينزل ببطئ شديد وتلاحظي ثبات لفترات طويلة.

 

 

 

وزنك ثابت علشان بتغيري المكان والتوقيت اللي بتتوزني فيه .. ثبتي المكان والتوقيت .. يعني لو روحتي صيدلية معينة ثبتيها بقى وكملي متابعة معاها عشان بيكون في تفاوت بين كل ميزان والتاني، والتفاوت ده ممكن يوهمك إن وزنك ثابت مش بينزل، وكمان لو متعودة تتوزني الصبح كملي كده وده أفضل وقت .. مش مرة الصبح ومرة بالليل.

 

الملح الكتير في الأكل سبب في ثباتك على الميزان.

 

 

 

يا دكتور والله العظيم ملتزمة ومش عارفه مش بنزل في الوزن ليه !! والسبب يطلع في الآخر إنك بتاكلي فاكهة كتير .. وهي الفاكهة يا دكتور بتتخن ؟؟

 

مش بتقول ناكل فاكهة .. آه طبعاً الفاكهة عظيمة وقت الرجيم وغيره لكن لو هدفك تخسي مينفعش يومك يعدي بأكثر من ثمرتين في حجم البرتقالتين كده أكثر من كده هتكوني دخلتي جسمك سعرات عالية جداً ممكن تكون عائق كبير قصاد نزولك في الوزن.

يعني تخيلي مثلاً فاكهة زي الموز سعراتها عالية ولو قعدنا قدامه ممكن نخلص 3 أو 4 وإحنا مش حاسين، أو أي فاكهة تانية لو كلنا فيها بدون حسابات هنلاقي في الآخر الوزن ثابت ويمكن يزيد كمان بسبب حاجة زي دي.

 

 

 قلة الأكل بشكل مبالغ فيه سبب في ضعف معدل الحرق والنزول بمعدل قليل على عكس المعتقد السائد أنه كل ما تقللي في الأكل كل ما هتخسي أسرع.

 

 

التوتر والإكتئاب والحالة النفسية السية وقلة النوم سبب رئيسي من أسباب ثبات الوزن وده اتكلمنا عنه كتير قبل كده.

 

نقص فيتامين ” دال ” يسبب ثبات الوزن.

 

في ناس مدمنة لب .. اللب ده سعراته عااااااالية جداً يعني ممكن حضرتك طول اليوم قاعد معذب نفسك في الرجيم، وفي آخر كل يوم تاكل شوية لب حتى لو قليلين في السهرة طبعاً على مدار الأسبوع لو مداوم على عادة زي دي، تحمد ربنا إن وزنك ثابت مش زايد.

 

 

الإمساك  .. سبب في ثبات الوزن والعلاج تهتمي بالمياه الكتير بجانب أكل الخضار ومعلقة زيت الزيتون هتفرق معاكي، والعسل الأبيض على المياه الدافئة الصبح.

 

 

إن شاء الله قريب .. نتكلم في أسباب تانية ..

 

دمتم بخير .. إدعولي 💐

 

عن د/ أحمد منصور

45 تعليق

  1. انا وزنى حاليا ٧٦ وطولى ١٦٥ هل كدا كويس ولا لا مع انى مستمرةفى الريجيم وفرق معايا كتير فى المقاسات بس مشكلتى عندى جناب وظاهرة فى اللبس اى الحل

    • اعملي تماربن الها اكتبي ع قوقل بتلقي

    • رحمه جمال

      انا وزني 60 وطولي 160 وعمري 13وعاوزه اعمل دايت بس الدكتوره قالتلي انو مش هينفع دلوقتي عشان بتعالج في رجلي وعندي نقص كلسم ومش باكل اي بروتينات ولحوم باكل نباتات فقط وده ماثر ع رجلي وانا عاوزه اعمل دايت بس مياثرش ع رجلي

  2. وزني ثابت من أربع شهور مع اني ملتزمه جدا

    وزني ثابت من أربع شهور مع اني ملتزمه جدا

  3. غير معروف

    شكرا الك والله يجزاك خير

  4. غاده احمد

    لو سمحت يادكتور انا الحمد لله كل اسبوع كيلو بس اكلي كله بطيخ ده غلط ولا لاء

  5. الله يجزيك الخير يادكتور
    وزني ٧٠ وخلال شهر مانزلت غير كيلو شو العمل

  6. كان عندي التهاب في الغده واتعالجت وانا مريضه وزني نزل جدااا وبعد ما شفيت منها الدكتور قال اني خفيت تمام ومش اداني علاج ومن يومها وانا وزني وصل ٨٥ ورافض ينزل تمام بعمل ريجيمات وبلعب رياضه ونفسيتي بقت بالارض عندي اربعين سنه ومحتاجه انزل ٣٠ كيلو الي كسبتهم السنه دي ومش عارفه انزل ولا كيلو واحد الوضع سيء جدا ايه الحل

  7. غير معروف

    ربنا يجزيك خير يا رب

  8. غير معروف

    دكتور سالت حضرتك علي موضوع التثبيت الوزن عايزين مقال عنه يعنى اية اللي بيحصل للجسم والميزان بيقى كل قد ايه

  9. وزني ٦٧ و طولي ١٦٣ كده كويس و لا ايه و ايه الوزن المثالي

  10. دكتور لو سمحت انا بشرب ميه دافيه ولمونه على الريق ايه رأيك في ده

  11. غير معروف

    جزاك الله كل خير

  12. موضوع مهم جدا يا دكتور وظي أسباب فعلاً مبنخدش بالنا منها. مشكور 👏👏

  13. عندي امساك ومستمره ع ماء هو يحسس بلشبع. بس اكو فرق عندي من اخذ ماء ماكو مساك مر ومره منته وان شالله انزل

  14. منال مصري

    السَلٱمٌ عـَلـْيگمّ-
    حضرتك انا استئصلت المرارة م̷ـــِْن سنة ونصف ووزني انخفض وقتها 10كيلو ورجعت تاني زاد وزني ل78 ووزني ثابت مبينزلش حتي مع الرجيم ومنع الخبز نهائي م̷ـــِْن طعامي واكثرت م̷ـــِْن تناول الخضروات ومنتجات الالبان الصحية كالجبنة القريش والزبادي ارجوا حضرتك تخبرني ماذا افعل لكي اكثر ثبات وزني وشكرا لمجهودات حضرتك كثيرا

  15. غير معروف

    مشكور يادكتور انت مهتم بينا من كل الجوانب والله مفيش حد يعمل كده بفلوس فمابالك ببلاش ربنا يحفظك ويحفظلك حبايبك وعيلتك وربنا يرزقك

  16. غير معروف

    ربنا يبارك فيك يا دكتور

  17. غير معروف

    ربنا يجازيك كل خير

  18. الله يبارك فيك يادكتور ويعطيك الصحة والعافية دايما..معلومات كتير حلوة وبتفيدنا..انا عم تابعك من لبنان.

  19. هيفاء شريف

    معلومات قيمه بارك الله جهودكم يادكتور 🌹🌹

  20. زينب من ليبيا

    الف الف شكر على كلامك الجميل وربنا يخليك ويزيدك كمان وكمان من علمه حقيقي معلومات كانت غائبة عني واستفدت منها وان شاء الله نلتزم بكل معلومة حقيقي شكرا

  21. غير معروف

    أفادك الله يادكتور ربنا يزيدك من فضله ويجازيك خير

  22. غير معروف

    بارك فيك يا دكتور ومشكور على جهودك الطيبة

  23. مرحبا دكتور.. انا بعد طفلي الاخير زاد وزني واصبح ٦٤ علما ان طولي ١٥٨ انا حاليا عاملة رجيم ترتبتو بنفسي كم كيلو لازم انزل..

  24. ربنا يباركلك ويكرمك بكل خير يارب يا دكتور احمد ع تعب حضرتك معانا

  25. وزني 68 وطولي 163

  26. زهرة من الجزائر

    دكتور لوسمحت عندي تقريبا كل المشاكل المذكورة نقص الفيتامين دل وخمول وإمساك ونفسية ومزاج وحش اعمل إه وعندي كمان نقص المغنزيوم

  27. الله يجزيك الخير يارب اسباب منطقية جدا وبتقدم علاجها حضرتك ربي يوفقك وييسر امرك

  28. جزاكم الله خيرا على هذه المعلومات القيمه

  29. هدي الخولى

    جزاك الله خير الجزاء على تعبك معانا

  30. شكرا جزيلا على المعلومات القيمه دى ربنا يعزك ويزيدك من فضله

  31. انا وزني 56وطولي،170وانا بنت وكمان بدي وزني يصير بالاربعين علما انو وزني عم يزيد بدل ينقص وببضل ثابت ويا دكتور انا عضامي خشنه مالها ناعمه 😔😔

  32. ياسمين على

    طب هو ممكن اكل كحك أو بسكوت فى فترة الرجيم ولا مينفعش خالص

  33. انا لسا راح اوزن السبت الصبح
    الي ٣ اسابيع معكم
    الاسبوعين الي فات نزلت من ٣ ل ٤ كيلو
    والاسبوع هاد لسا ما وزنت
    ان شااء الله بكون وصلت ٧٥ واقل 🤲🏻
    ادعولى
    مشروع نحافة 😂💔

  34. غير معروف

    ربنا يذيدك من فضله

  35. ربنا يبارك في حياتك يادكتور معلوماتك قيمه انا بعمل دايت بقالي سنتين ونص ومبقاش دايت بقي اسلوب حياه وحكمل ان شاء •اللّـہ̣̥ مع حضرتك

  36. عملت ريجيم من قبل ونزلت ١٣ك ف مده طويله جدا وذدت تاني ف مده قصيره….دلوقتي متابعه مع حضرتك وطولي١٦٠ووزني.٦٦نفسي انزل الارداف هل ف ريجيم للارداف فعلا…خصتا ان اي رياضة بتتعب رجلي جدا وممكن مبقدرش امشي عليها بالأسبوع….والجلسات سعرها عالي جدا…تنصحني بايه

  37. دكتور انا مشكلتي مالا حل ..من شهر رمضان لهلئ عبعمل دايت بس وزني في زيادة مابينقص ومو ثابت عبيزيد بشكل مخيف وخايفة كثير

  38. غير معروف

    يادكتور انا وزني 85وغده ماذيتني وعندي خمول ورجلي يوم عن يوم تاذيني ومااكدر امشي هواي ورحت دكتور لغده نطاني علاج بس يكول الغده هي لي ماذيتج وتسمنج واني حاليا مستمره وصار وزني84 الفضل من الله وبعده انته دكتور بس مشكلتي انو مااكدر العب رياضه لان رجلي تاذيني واصير مثل وحده مشلوله

  39. الضوء الساطع الساطع

    مشكور يا دكتور
    اول مرة اعرف معلونة ان اللب كتيى ممكن يثبت الوزن
    رب يجزيك كل خير يارب

  40. الضوء الساطع الساطع

    اول مرة بعرف معلومة اللب كتير ممكن يثبت الوزن
    جزاك الله خير
    مشكور يا دكتور

  41. ارجو المساعده وزني ما ينزل ف الميزان ينزل ب المقاس فقط … من اصعد على الميزان انصدم بزياده 1كيلو … بس مقاس ملابسي يقل بوضوح وفرق كبير… الموضوع ده مسبب لي توتر ارجو الرد على

اترك تعليقاً

لن يتم نشر عنوان بريدك الإلكتروني.